2 TIMOTE 2:10 - Bafia Nouveau Testament

¹⁰ Kìɓan kiǹ kɛɛ̀ki nceecenɛ̀n mɛ̀tɔɓ mɛ̀cèm ɓisuu ɓumɓɛ ɓɛ ri ɓɛ̀ɓɔ̀nɛn lɛ di ɓɔ girig ɓɛɛ ɓa rì cɛɓ ki ki ri ɓi Yeesus Kiris bas rì rìkem ɗi fiɗyàɓ fikɔ̀ɔ̀.

2 TIMOTE 2:10 ပူးပေါင်းရင်းမြစ်များ

MATYOO 24:22

I mɛ̀ru mɛ̀n mɛ̀ kɛɛ̀ ɓa kìden, di nsoò mum bog à yin lɛ à ghɛɓ; wɔ̀lɛ ɓisuu ɓumɓɛ ɓɛ ri ɓɛ̀rɔ̀tɛn nnɛ mɛ̀ru mɛ̀n maa finɛn ɓi.

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 24:31

À romi gɛ ɓum ɓii ɓɛ titom rì ɗyam ɗigwey, ɓi mɛ̀fon mɛ zi mɛnin, lɛ ɓɛɛ taŋzɛn ɓum ɓii ɓɛ ɓɛ ri ɓɛ̀ ɓɔ̀nɛn ɓi zi bimiɗ rì ɓi ɓɛ̀tum ɓɛ zi ɓɛ̀cèm.

LUKAS 18:7

Bɛ̀ll à rì nya lɛ à rɔ̀ɓ lɛ à ɓàagh ɓi kiɓan ki ɓum ɓii ɓɛ à ɓɔ̀ngà di ɓɛɛ̀ ɓeeɓeràg nyi yɛ̀ɛ ìru, yɛ̀ɛ ŋwos? À rì nya lɛ à lɛ̀mzì ɓi ɓɛg wàa?

LUKAS 22:57

Wɔ̀lɛ Pyɛɛri à rongà kìɓan kiǹ, à kpaa lɛ: Giɓ anɛ! Ǹ-yii ɓi ŋwaànɛ u kpaakpaa anɛ̀n.

ZYAŊ 11:52

Àa lɔŋ kìlɔ̀ŋ kiǹ kɔ rì kɔ, à ghɛ̀ɛ̀sɛɛ girig kì wiì lɛ a taŋzɛn ɓɔn ɓɛ Bɛ̀ll ɓɛ̀cèm, ɓɛ ɓɛ ri ɓɛ̀sààtɛn, ɓɛɛ ɓa kìbyɔg kìfog.

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

ZYAŊ 17:9

Ɓisu waa nnɛ m̀ɓɔ̀ŋzàg. Ǹ-yin ɓiì ɓɔ̀ɔɓɔ̀ŋzì ɓisuu ziinɛ, m̀ɓɔ̀ŋzii ɓisuu ɓɛroɓɛ ù faghà mɛ̀, ɓisuulɛ ɓɛ ri ɓɛnkɔ̀ɔ̀.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 9:23

A kɔ̀ngà girig lɛ a resi lèg ànɛ yɛ̀ɛ rìkem ɗii ɗi teghɛɛ ɓi san ànɛ a ɓɛ̀roɓɛ à ti à wokì nyìighnyìg, ɓɛɛ̀ɓɛ à lokà kì pègsɛɛ abɛ̀y lɛ ɓɛ ɓiì terì rìkem ɗìì.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

1 KƆ̀RƐ̀ŊTYƐŊ 9:22

Mɛ̀ kɔ̀kɔg ɓi nyìinyìm à ɓumɓɛ ɓɛ ri kɛ̀ɛ̀ ìtèɗ lɛ di nsyoŋ ɓɔ, fɔɔnnɛ ǹghaasìghà mɛ̀ɛmiɗ rikuu ɗi com ɗìcèm ɓi ɓɛg ànɛ a ɓum ɓɛ̀cèm, lɛ nsoò kaa ɓaa la, nsyoŋ gàɓ ìdɛŋ ìnɛ ɓi ɓɔ.

2 KƆ̀RƐ̀ŊTYƐŊ 1:6

I ti wowog mɛtɔɓ, ki ri ɓisuulɛ mìnii ɓa rì ǹghɛɓsɛn ɓi mɛ̀rem, rì ɓisuu gòri yìn; i mɛ̀rem mis mɛ ri mɛ̀fɔɔsiyɛn, fɔlɔɔ a rì ɓisuu rifɔɔsì ɗi mɛrem min ɗi ɗyɛɛ̀ fafa mini ìtèɗ wulɛ ɓi cenɛn rìkuu ɗi mɛtɔɓ ɗi ɓìsiì wowòg, tì ki nìniɗ nɗem.

2 KƆ̀RƐ̀ŊTYƐŊ 12:15

Ɓi san wɛ̀m, ǹɗì lɛ ǹwog kìrɔɔ lɛ nkpaŋzi mɔ̀ɔ̀ni mɛ̀cèm mɛ ǹɗì rì mɔ, ǹki kàɓɓɛn mɛ̀ɛmiɗ ɓisuu ɓyɛɓ ɓin; nni i mɛ̀ ǹkeesii mìni fɔlɔɔ ǹcìɓtàg, ɓisuucɛ nnɛ mìnii keesì mɛ̀ lɛsàg?

2 KƆ̀RƐ̀ŊTYƐŊ 4:15

Lɛ ɓìɓan ɓi ɓìcèm ɓyɛɛ̀ ghɛɛghɛnɛ̀n ɓisu win lɛ yɛ̀ɛ geesɛ̀n ì Bɛ̀ll yɛɛ̀ kɛ̀nkɛn asu ì tèèghtèghɛ̀n, yɛ̀ɛ ki lɛ, ɓum kìtuu ɓɛɛ ɓɔɔ̀ɓɔ̀ŋzì di ɓɛɛ̀ fafa ɓìtògsɛ̀n lɛɛ̀gwey, ɓi rìkem ɗi Bɛ̀ll.

2 KƆ̀RƐ̀ŊTYƐŊ 4:17

Ɓisuulɛ mɛ̀tɔɓ mɛ tì ti tì wokì ɓi maa cààmɛ̀n mɛ ri lɛ fɛnfɛn di ù fèegh mɔ rì mɛ̀nɔ̀ɓɔ̀ mɛ rikem ɗi fiɗyàɓ fikɔ̀ɔ̀ ɗi mɛ̀tɔɓ mɛ̀n mɛɛ̀ ɓùuɓuŋɛ̀n ɓisuu wis.

EFÈZYƐŊ 3:13

Fɔɔnnɛ ǹkpaa mìni lɛ: mɛ̀tɔɓ mɛ nwowog ɓisu win mɛ̀ kɛɛ̀ fa mini ìɓwɛɗ; mɛ̀tɔɓ mɛ̀n mɛ ri ɓisuu rikem ɗin.

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

TÈSÀLÒNÌSYƐŊ 5:9

Ɓisuulɛ Bɛ̀ll à fèkà ɓi lɛ ti ɓa ɓumɓɛ bim yiì ì ɓiì rèsɛɛ a lɔ̀ŋkaa, wɔ̀lɛ à fèkà lɛ tì ɓiì ghɛɛ̀ gòri ì cɛɓ lɛ Kan wìs Yeesus Kiris,

2 TÈSÀLÒNÌSYƐŊ 2:14

Kìɓan ki Bɛ̀ll à reŋìghà tì mìni miì, rì Syeesyee à Ɓɔlɛ ànɛ tì ghagsìghà mìni ki ri lɛ, ɓi ɓa rì gàɓ ɓi rìkem ɗi Kan wìs Yeesus Kiris.

2 TIMOTE 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, ɓi nkàg wu cɛɓ wu wu ri ɓi Yeesus Kiris,

2 TIMOTE 2:1

Nni wɔ̀ man wɛm̀, foŋa ìtèɗ ɓì geesɛ̀n ìnɛ ì rì ɓi Yeesus Kiris ɓi ɗùm.

2 TIMOTE 2:3

Wogha mɛ̀tɔɓ nɗaŋ ri mɛ̀ lɔŋ yɛ̀ɛ syeesyee à sujàà à Yeesus Kiris.

Kaàtà ànɛ Pol à kàngà TIT 1:1

Mɛ̀ Pol ànɛ ǹɗì ǹkìì-kìsay a Bɛ̀ll, ǹki ɓa ti ǹkɛ̀nì-fìtom a Yeesus Kiris lɛ nsyoŋ̀ yì ɓumɓɛ ɓɛ ri ɓɛ̀ɓɔ̀nɛn lɛ ɓɛɛ gherɛn Bɛ̀ll, ɓɛ ki yi saaɗ ànɛ à rì yɛ̀ɛ rìgherɛ̀n ɗis ɗyɛɛ̀ kpaakpàà,

1 PYƐƐRI 2:10

mìni ɓɛ ɓì ɓaghà ɓi kìlɔ̀ŋ kii abɛ̀y, mìni yɛɛ ti kìlɔ̀ŋ ki Bɛ̀ll ɓigomìnɛ, mìni ɓɛ Bɛ̀ll àa nti kɛ̀ɛ rèsi ǹɗem wu nyìighnyìg a lɔ̀ŋkin abɛ̀y, ɓigomìnɛ, à mɛ wog mini nyìinyìg.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.