2 TIMOTE 1:8 - Bafia Nouveau Testament

⁸ Fɔɔnnɛ kɔ̀ɔ wog ntoòrìɗ lɛ u tɛɛ̀zi kìɓan ki Kan wìs, nsoò lɛ ki màànɛ ǹɗì kìmbùŋ ɓisu wii. Kìɓan kifog ɓi-tèɗ wu Bɛ̀ll, wogha rìkɛŋ ɓisuu Syeesyee à Ɓɔlɛ ǹɗaŋ ri mɛ̀,

2 TIMOTE 1:8 ပူးပေါင်းရင်းမြစ်များ

MARIKUS 8:38

Ɓisuulɛ, ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ ɓi gbàà ì ɓum ì gɛɛ̀nɛ, ìnɛ ì rì ɓɛ̀kìì-kìɓe rì ɓɛ̀kìì-tìsɔ̀mɔ̀g, Man à mum à woogh gɛ girig nyi ǹtoòrìɗ, ŋwos anɛ à yùu gɛ ɓi rìkem ɗi Seŋi wìì, ǹɗaŋ ri ɓum ɓii ɓɛ titom ɓɛ ɓɛ ri ɓɛ̀tɛnɛn.

LUKAS 9:26

Ɓisuulɛ ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ, Man à mum à woogh gɛ nyi girig ǹtoòrìɗ yɛ̀ɛ à yùugɛy ɓi rìkem ɗii, rì ɗì Seŋì, rì ɗi ɓumɓɛ titom ɓɛ ɓɛ ri ɓɛ̀tɛnɛn.

ZYAŊ 15:27

Mìni girig, ɓì ri tɛɛzi ɓum kìɓan kɛm̀ ɓisuulɛ, rì mɛ̀ rì mìni, tì rì ǹɗaŋ, à tumɛ̀n a rìtumɛ̀n.

ZYAŊ 19:35

Ŋwaànɛ a kpaakpaa ɓiɓan ɓi, à ghɛngà ɓyɔ (rì mis). Nni com ki a kpaakpàà ki ri saaɗ, nyimiɗ a yii lɛ, a kpaakpaa saaɗ lɛ, di mìni girig ɓi gherɛn.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

RÒMƐŊ 1:16

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

RÒMƐŊ 8:36

Fɛlɛ yɛ̀ɛ ki ri kìkànɛn lɛ ɓisu wɔɔ nnɛ ɓɛɛ̀ cuucuùsì ɓìsi ŋwos anɛ aɗyoo bimiɗ, ɓɛ tetèɗ ɓìsi yɛ̀ɛ jɔ̀ɔ̀ yi ɓɛ kɛɛ̀ kì ghèegh ɓɛ̀ɓoŋ.

RÒMƐŊ 9:33

ìnɛ kaàtà à Bɛ̀ll à ɓùŋi ɓi jàŋ inɛ à kpaa lɛ: Ɓì ghɛɛ, ǹfoŋi gɔ̀g ìnɛ ì rì rì fìɓàg a Siyon, rìɓan ɗi ɗi ti ɗi ɓigtàg ɓum, kìɓan kifog ŋwaànɛ à gherɛɛ nyi àa teɗ ɓi ntoòrìɗ.

1 KƆ̀RƐ̀ŊTYƐŊ 1:6

Lɛ rìrèsì ɗi ɓiɓan ɓi ɓi seesee cɛɓ ki Kiris ɗi mɛ ɓag gàŋ ri ìtèɗ a lɔ̀ŋkin.

2 KƆ̀RƐ̀ŊTYƐŊ 6:7

ɓi jɛ̀ɛ̀ ì saaɗ ìnɛ ti ghaaghagsì, rì ɓi-tèɗ wu Bɛ̀ll, rì ɓi ɓyom ɓi ribaŋì ɓi saaɗ ɓi tì rì rì ɓyɔ, lɛ rì ɓi rooroŋɗɛ̀n wɛ̀y ri ɓyɔ, rì ɓi lɛ ɓɛ gheeghrɛ̀n wɛ̀y miì;

EFÈZYƐŊ 3:1

Kìɓan kiǹ kɛɛ̀ki mɛ̀ Pol ànɛ ǹɗì kìmbùŋ ki Yeesus Kiris ɓisuu win mìni ɓɛ ɓì yin Ɓɛ̀yudɛ̀n mɓɔ̀ɔɓɔŋzì Bɛ̀ll.

EFÈZYƐŊ 3:13

Fɔɔnnɛ ǹkpaa mìni lɛ: mɛ̀tɔɓ mɛ nwowog ɓisu win mɛ̀ kɛɛ̀ fa mini ìɓwɛɗ; mɛ̀tɔɓ mɛ̀n mɛ ri ɓisuu rikem ɗin.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

EFÈZYƐŊ 4:17

Kìɓan ki mɛ̀ ǹkalii, ǹki sììrɛn ɓi ɗii ɗi Kan kɛɛ̀ki lɛ: Kɛ̀ ɓi ghɛɓti yɛ̀ɛ ɓum ɓɛ zɛy ɓɛ ɓɛ yin ɓɛgherɛ̀n, ɓɔ yɛɛ ti ɓɛ nɔɔ̀tàg ɓɔɔ momzɛ̀n ɓaa ɓɛ kɛ̀ɛ̀ ìsu.

FÌLÌPYƐŊ 1:7

Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

FÌLÌPYƐŊ 3:10

Com ki nkɔ̀nkɔ̀n ki ri lɛ: n-yi Kiris, ǹ-yi ìtèɗ wu rìghèmɓɛ̀n ɗii, ɗi a ɓìloŋ, ǹteɗ gàɓ ɓi mɛ̀tɔɓ mii, ǹki pisɛn nyi ɓi rìwu ɗi à wughà

FÌLÌPYƐŊ 4:13

Ǹɗì lɛ ǹcenɛ̀n ɓìɓan ɓiǹ ɓìcèm rì ìtèɗ wu roànɛ à ti à falàg mɛ̀ ìtèɗ.

KÒLÒSYƐŊ 1:11

Ɓaana rì ìtèɗ, ɓɛ̀ɓɛg ɓɛ̀cèm, ìtèɗ win wu ɓa wu ɓi rìkem ɗii, fɔɔnnɛ ɓì ɓiì ɓaà rì kìsììrì, ɓì ki yi rinìɗ ɗi nɗem lɛ kɔɔ̀kɔɔ̀.

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

TÈSÀLÒNÌSYƐŊ 3:4

Yɛ̀ɛ tì ɓaghà a lɔ̀ŋkin, tì lokà mìni ki rèsii lɛ tì rì ɓiì tanɛɛ rì mɛ̀fèèghrɛn, fɔɔnnɛ ki ki kìlɛ̀ngà fɔlɔɔ yɛ̀ɛ ɓì yii.

TIMOTE 2:6

nnyɛɛ falɛ̀ngà nyimiɗ lɛ a leɓ pon anɛ ɓi gòri ì ɓum ɓɛ̀cèm; fɔlɔɔ a rì kìɓan ki ki kilɛ̀ngà, ɓi cààmɛ̀n ki ki ɓaghà kìsiŋdɛn,

2 TIMOTE 1:10

Geesɛ̀n ìnɛn yɛ̀ɛ mɛ rèsɛn ɓigomìnɛ ɓi rìyù ɗi nkòrì wìs Yeesus Kiris ànɛ à ɓigtɛ̀ngà rì rìwu, à kpaŋzì lɛ rì cɛɓ rì rìɓa ɗi lɛ mum kɛ̀ɛ bwɛ̀y, ɓi kìtɛɛtɛn, ɓi bee ì Syeesyee à Ɓɔlɛ.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

2 TIMOTE 1:16

Kan à ghɛ̀ɛ̀sɛɛ kì rèsii ǹɗem wii wu nyìinyìg ɓi naa ì ɓum ì Onezifɔɔr ɓisuulɛ ɓyaàmɛ̀n lɛɛ̀gwey, a fɔɔsag mɛ nɗem, kɛ̀ɛ wog ntoòrìɗ ri naà-zày ìnɛ ǹɗì miì.

2 TIMOTE 2:3

Wogha mɛ̀tɔɓ nɗaŋ ri mɛ̀ lɔŋ yɛ̀ɛ syeesyee à sujàà à Yeesus Kiris.

2 TIMOTE 2:8

Yiti Yeesus Kiris ànɛ à ghèmɓɛ̀ngày a ɓìloŋ, di à yalɛɛ yì ɓi boo ì mum ì Davit lɔŋ yɛ̀ɛ Syeesyee à Ɓɔlɛ ànɛ mɛ̀ɛ ǹghaaghagsì a kpaakpàà;

2 TIMOTE 2:9

Syeesyee à Ɓɔlɛ ànɛ̀n nnɛ nwowog mɛtɔɓ miì à kpaŋ ɓi lèg ànɛ lɛ ɓɛɛ kaŋ̀ mɛ̀ bɛn lɔŋ yɛ̀ɛ ǹwolì-ɓum, kìɓan kifog jɛ̀ɛ̀ ì Bɛ̀ll yɔ̀ɔ̀ yin nkàŋɛn bɛn.

2 TIMOTE 4:17

Lɔŋ Kan yɛɛ ǹɗì mɛ̀ jàŋbog, à ki fa mɛ ìtèɗ, lɛ nghagsi jɛ̀ɛ̀ ì Bɛ̀ll lɛ kɔɔ̀kɔɔ̀, yɛ̀ɛ woòghrɛn ɓi mɛ̀ree mɛ ɓum ɓɛ̀cèm ɓɛ ɓɛ yin Ɓɛ̀yudɛ̀n fɔɔnnɛ ɓɛ nɗùnɛɛ mɛ̀ ɓi ŋwɔm wu kimonɗo.

2 TIMOTE 4:5

Wɔ̀lɛ ɓi ɓɛg ànɛ a lɔ̀ŋkɔɔ, ɓèŋa rìmum ɗyɔɔ lɛ kɔ̀ɔ ghaasi wɛ̀ɛmiɗ ǹkpàn a com kidɛŋ, sììri nɗem ɓi mɛ̀tɔɓ, kìya kìsay ki ǹkalì-ɓɔlɛ, roozi kìsay kɔɔ lɛ syeesyee.

1 PYƐƐRI 1:5

mìni ɓɛ ìtèɗ wu Bɛ̀ll wɛɛ̀ ɓèŋɓèŋ lɛ rìgherɛ̀n, à kpaŋ yɛ̀ɛ gòri ìnɛ ì ti jàŋbog lɛ yɛ̀ɛ resɛn ɓi mɛ̀ru mɛ siitòn ì ɓiì rèsɛɛ.

1 ZYAŊ 4:14

nni ɓìsii ghɛngà, tì ki làalamɓɛ̀n lɛ, Tààta à romgày Man, lɛ a ghɛɓsi ziinɛ.

ZYUUDƐ 1:24

Roànɛ à rì rì ìtèɗ wulɛ à ɓèŋ mìni lɛ kɛ̀ ɓi kɛ̀ɓtɛn fiɓàg, à ki kì lɛ ɓi kpaŋ ɓi rìkem ɗii lɛ sɛɛghisɛɛghi kɛ̀ɛ̀ bɛ̀lɛn, ɓi kìnyàà ɓi ɗùm,

ÀPÒKÀLIƁSƐ̀ 1:2

Zyaŋ ànɛ̀n yɛɛ kalìghà ɓìɓan ɓìcèm ɓi à ghɛngà, fɔɔnnɛ à ghagsìghà jɛ̀ɛ̀ ì Bɛ̀ll rì ɓìɓan ɓi saaɗ ɓi Yeesus Kiris à rèsìghà nyi.

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.