2 TIMOTE 1:7 - Bafia Nouveau Testament

⁷ Lɛ àa ǹghay à kìɗyɔn innɛ Bɛ̀ll à faghà ɓìsi, lɔŋ ǹghay à ìtèɗ, rì ǹkɔ̀nɛ̀n rì ɗyomzɛ̀n innɛ à faghà.

2 TIMOTE 1:7 ပူးပေါင်းရင်းမြစ်များ

LUKAS 10:19

Ghɛɛna lɛ, mɛ̀ɛ nfaa mìni ìtèɗ wulɛ ɓi kɛɛ̀kɛɛ ɓi nyoo, rì ɓi tìrèè, ɓi ki dùŋzag ìteɗ wu bènàbena ànɛ lɛ Satàn wùcèm; fɔɔnnɛ com kaa kì ɓi wààdɛŋ.

LUKAS 15:17

Nni yɛ̀ɛ à sugtìghà ɓi nyimiɗ, fɔɔnnɛ à kpaaghà lɛ: Ɓum ɓɛ̀cèm ɓɛ ɓɛɛ̀ sasay seŋi wɛ̀m ɓɛ ri rì ɓìɗilàg lɛɛ̀gwey, mɛ̀ ǹ-yù kì wuwii zày fɛ.

LUKAS 24:49

Fɔɔnnɛ ǹɗì ɓiì romìì com ki Tààta wɛ̀m à kàkà, kìɓan kifog ɓì ka ghɛ̀ɛ̀sɛɛ kì rɔ̀ɓi ɓi bàn ìnɛ à kpaŋ yɛ̀ɛ ɓì rì ɓìi terì ìtèɗ wu wu riì aɗyòò.

LUKAS 8:35

Fɔɔnnɛ ɓum ɓɛ pɛsàkày lɛ ɓɛ yuù kìghɛɛ̀ kìɓan ki ki kilɛ̀ngà kiǹ; ɓɛ tanɛ̀ngà ŋwaànɛ ɓìɓeɓtàg ɓi mɛghay ɓi pɛsɛ̀ngà ɓi nyoo ànɛ̀n di à kɔ̀kɔrii Yeesus a mɛ̀kòò, nyi rì ɓìlàà ɓi nyoo, à ki ɓa ɓi nyimiɗ, nni ɓɛ risìghà.

ZYAŊ 14:27

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 20:24

Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 21:13

Nni Pol à ɓàkà ɓɔ lɛ: Cɛ kɛɛ̀ki ɓi ɗiighɗigsì mɛ̀ ǹɗem miì ɗì mɛ̀kɛɛ̀gh? Àa bɛn yɔ̀riyɔ̀ yɛɛ yi m̀ɓoŋɓòŋ, ǹɗì gì m̀pègsɛn lɛ nwu a Yorisalɛm ɓi ɗii ɗi Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 26:11

Mɛ̀ɛ nti m̀pɔnɔsàg ɓɔ ɓi naa yi bɔ̀ŋzɛ̀n yìcèm, ǹkàŋkaŋ ɓɔ lɛ, ɓɛɛ càɗ rìgherɛ̀n ɗyaa; bim yɛm̀ ìnɛ rì ɓɔ ì tèghɛ̀ngà lèg ànɛ lɛ, mɛ̀ɛ nti ǹkɛ̀ngàg ɓɔ ki ɓangii nsoò ɓi bàn yi tiràɓ.

MƐ̀KÌKÌÌ MƐ ƁƐKƐ̀NÌ-FÌTOM 26:25

Pol à pɛ̀ɛ̀zì nyi lɛ: Coo gìn i mum Fɛstus, ǹ-yin kiyèg, ɓìɓan ɓi nkpaakpàà ɓi ri ɓìɓan ɓi saaɗ, ɓi ki wooghrɛn,

MƐ̀KÌKÌÌ MƐ ƁƐKƐ̀NÌ-FÌTOM 6:8

Ityɛn à ɓaghà ǹɗonɛn lɛ, rì geesɛ̀n, rì ìtèɗ wu Bɛ̀ll, à kìkìghà lɛ, rì ɓɛ̀koŋnyoo ɓɛ ɓiɓan, rì dàm yi ɓiɓan ɓi nyìinyìm à kìlɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 9:22

Kìɓan kifog Sol à kɛ̀nkɛ̀ngà lɔŋ asu, à ki sìisiìrɛ̀n ɓi rìrèrèsì ɗi ɓum lɛ ɓɛɛ yi saaɗ lɛ Yeesus à rì lɔŋ Kiris; Ɓɛ̀yudɛ̀n ɓɛ a Damas ɓɛ rɔɓkà kɛ̀ɛ̀ kìɓan ki ɓɛ ri lɛ ɓɛ pɛ̀ɛ̀zì Sol.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

RÒMƐŊ 8:15

Lɛ Ǹghay ànɛ ɓì tekà à yin Nghay ànɛ a ghaasi mìni ɓɛ̀kpàn ɓi lèg ànɛ lɛ ɓi kɛnkɛn asu ɓì rirìsì tì, kìɓan kifog ɓì tekà Ǹghay ànɛ à mɛ kì lɛ ɓi ɓa ɓɔn ɓɛ Bɛ̀ll. Ǹghay ànɛ̀n yɛɛ ti à falàg ɓìsi ìtèɗ wulɛ ti reŋì Bɛ̀ll jɛ̀ɛ̀ aɗyoo lɛ: Aba, Tààta.

1 KƆ̀RƐ̀ŊTYƐŊ 2:4

Rìrèsàg ɗyɛm̀, rì ɓìɓan ɓi Bɛ̀ll ɓi ǹkpaakpààghà, ɓi ɓaghà ɓi ri ɓɛ̀syeesyee ɓɛ jɛ̀ɛ̀ ɓɛ ɓɛ ti ɓɛ ɓalàg yì ɓi ɗyomzɛ̀n ɗi ɓum, ɗi ki syògi ɓɔ mɛ̀rem, ɓi ɓaghà lɔŋ ɓiɓan ɓi Ǹghay à Bɛ̀ll yɛɛ rerèsìghà saaɗ ànɛ miì, rì ìtèɗ wii.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

KÒLÒSYƐŊ 1:8

À kpaaghà ɓìsi rìkuu ɗi nkɔ̀nɛ̀n ɗi Ǹghay à faghà mìni.

EBIREEGH 2:15

à ki ghɛɓsi ɓum ɓɛ̀cèm ɓɛ ìris wu riwù wu fogà ɓi rìkpàn cɛɓ kaa kicèm.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 ZYAŊ 4:18

Ìris wu yin ɓi nkɔ̀nɛ̀n, syeesyee à ǹkɔ̀nɛ̀n à ti à lègsàg ìris, lɛ ìris wu resii yɛɛ lɔɔ lɛ, ǹkulɛ̀n à rì lɛ à ɓa, nni ŋwaànɛ à rì rì ìris, à yin ɗi ǹkɔ̀nɛ̀n syeesyee à rìɓa.