2 TIMOTE 1:10 - Bafia Nouveau Testament

¹⁰ Geesɛ̀n ìnɛn yɛ̀ɛ mɛ rèsɛn ɓigomìnɛ ɓi rìyù ɗi nkòrì wìs Yeesus Kiris ànɛ à ɓigtɛ̀ngà rì rìwu, à kpaŋzì lɛ rì cɛɓ rì rìɓa ɗi lɛ mum kɛ̀ɛ bwɛ̀y, ɓi kìtɛɛtɛn, ɓi bee ì Syeesyee à Ɓɔlɛ.

2 TIMOTE 1:10 ပူးပေါင်းရင်းမြစ်များ

LUKAS 11:36

I nyoo bimiɗ ì rì ǹkpeŋziyɛn nsoò maa kìkàɓ àdɛŋ kɛ̀ɛ ɓa ɓi birìm, nyoo yɔ̀ɔ̀ bimiɗ ì ɓiì ɓaà lɛ kpeŋkpèèŋ lɔŋ yɛ̀ɛ lamɓà à ti à kpeŋzàg wɔ̀ rì kìtɛɛtɛn kii.

LUKAS 13:7

Nni à kpaaghà min mum ànɛ àa m̀pègsàg nyi dɛm lɛ: Ghɛna bèg yiraa yɛɛ rari lɛ, yɛ̀ɛ ǹtumɛ̀ngà rìyù lɛ nkɛs ɓìɗùn ɓi fìgyee ànɛ, wɔ̀lɛ, kɛ̀ɛ ǹtanɛn com miì, nni kpɛ̀ɛ̀ya nyi, à rɛrɛlii foo à ɗiɗì ìkɔ̀ɔ̀ zɛy ɓisuucɛ?

LUKAS 2:11

Ɓɔlɛ ànɛ̀n à rì lɛ: ǹghɛɓsì ɓum à yalɛɛ gɛɛ̀nɛ ɓìsu wìn, ɓi bàn ì Davit, nnyɛɛ ri Kiris Kan.

ZYAŊ 1:9

Jɛ̀ɛ̀ ìnɛn ì ɓaghà kɔɔ̀kɔɔ̀ à kìtɛɛtɛn, ki ki yughà ɓi ziinɛ lɛ kɛɛ kpeŋzi ɓum ɓɛ̀cèm.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

ZYAŊ 4:42

Fɔɔnnɛ ɓɛ kpaaghà giɓ anɛ̀n lɛ, àa rìkpaa ɗyɔɔ ɗyɔ rì ɗyɔ ɗyɛɛ kiì lɛ ti gherɛn. Tì gherɛɛ ɓigomìnɛ lɛ ɓìsiìɓɔmiɗ tì woogh ɓìtòkì ɓii, tì ki yi lɛ, à rì Ǹghɛɓsì-ziinɛ a tààkaà.

ZYAŊ 5:40

Nsoò fɔlɔɔ, ɓì kɔ̀ni ɓi lɛ di ɓyàa yùu yì a lɔ̀ŋkɛm̀ lɛ ɓi ghɛǹ cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 13:23

Ɓi dòò yi Davit ànɛ̀n nnɛ Bɛ̀ll à kìghà lɛ Yeesus a yalɛn fɛlɛ yɛ̀ɛ ǹghɛɓsì lsrayɛl, lɔŋ yɛ̀ɛ nyimiɗ a kàkà.

MƐ̀KÌKÌÌ MƐ ƁƐKƐ̀NÌ-FÌTOM 5:31

Nyi nnɛ Bɛ̀ll àa m̀pɛ̀sii aɗyoo, rì weèlem wìì, lɛ a ɓa lɛ, nyi rìfòm, nyi ǹghɛɓsì-ɓum ànɛ à rì ɓiì nɛmì Isirayɛl bee ìnɛ lɛ ɓɛɛ lɔɔ̀ghrɛn mɛ̀rem di Bɛ̀ll a cenɛn ɓɔ ɓìɓe ɓyaa.

RÒMƐŊ 16:26

kìɓan kifog nnyɛɛ mɛ rèsɛn ɓigomìnɛ ɓi ɓìɓan ɓi ɓɛ̀kpaŋzì-ɓìɓan ɓɛ kangà, lɔŋ yɛ̀ɛ Bɛ̀ll à fìɗyàɓ fikɔ̀ɔ̀ a tɔkà lɛ kɛɛ kilɛ̀n, fèg ànɛ̀n innɛ ɓɛ mɛ rèsi ɓilɔ̀ŋ ɓìcèm lɛ ɓyɛɛ gherɛn Bɛ̀ll ɓi ki kì nyi mɛ̀wog.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 3:31

Kìɓan kiǹ ki resii nya yɛɛ lɔɔ lɛ tì pisii ìtèɗ wu ɓidɔ̀gsɛna lɛ rìgherɛ̀n? Èe èe, fɔlɔɔ a rì kɔm̀ lɛ tì sììraagh ɓìdɔ̀gsɛna.

RÒMƐŊ 6:6

Tì ghɛ̀ɛ̀sɛɛ kì konaagh ki yiì lɛ fìɗyàɓ fis fi riɓa fi abɛ̀y fɛlɛ yɛ ɓum, fi ɓaghà fi kpanɛn ɓi kɔrɔs ǹɗaŋ ɗi nyi, lɛ di Bɛ̀ll a waà nyoo ì kìɓe inɛ tì rì rì yɔ̀, yɛ̀ɛ tyɛ̀ ki ɓa ti ɓɛkpàn ɓɛ kiɓè.

1 KƆ̀RƐ̀ŊTYƐŊ 15:26

Nni bènàbena anɛ à ɓiì siitɛɛ kiyogsii yɛɛ ri rìwu.

1 KƆ̀RƐ̀ŊTYƐŊ 4:5

Ɓisu wìn miì nnɛ kɛ̀ ɓi yɔ̀m kiɓan kidɛŋ di cààmɛ̀n ki ka kpaŋ ɓi, di Kan à ka yu ɓi, nnyɛɛ ri ɓiì tɛɛ̀zii ɓiɓan ɓi ɓi ri ɓì nyamɛn a birìm, à ki kì lɛ ɓɛɛ yi mɛ̀yitì mɛ ɓum ɓɛ ri rì mɔ ɓi mɛ̀rem, fɔɔnnɛ Bɛ̀ll à rì ɓiì faa mum ǹcèm mɛ̀sɛɛ̀ghsɛɛgh mɛ à ghɛ̀ɛ̀sɛɛ rì mɔ.

2 KƆ̀RƐ̀ŊTYƐŊ 5:4

Lɛ cààmɛ̀n kìcèm ki tì rì ɓi kìlaa ki, tì rì rì bemeg, mɛ̀tɔɓ mɛ laatàg ɓìsi, ki yin ɓaà loo lɛ ti kaakaa lɛ di tyàa ghasɛɛ rì nyoo yìs ìnɛ fɛ, wɔ̀lɛ ti kɔ̀ngi lɛ di tyàa ɓɔ̀ɓtɛɛ kìlaa ɓi kimbog, lɛ di cɛɓ kɛɛ miǹ com ki ki ri lɛ ki wu.

GÀLAT 5:4

Mìni ɓumɓɛ ɓi kaakaa lɛ ɓi ɓa lɛ saaɗ ɓi mis mɛ Bɛ̀ll lɛ rìɓèŋ ɗi ɓidɔ̀gsɛna, ɓì mɛ ghasɛn ɗi Kiris, ɓì ki ti ɓɛ mɛ̀mɛn geesɛ̀n ì Bɛ̀ll.

EFÈZYƐŊ 1:18

À lòm mìni kìtɛɛtɛn ɓi mɛ̀rem, lɛ ɓi yi rìkuu ɗi dyàɓɛn ɗi à reŋìghà mìni lɛ ɓi ɓa rì ɗyɔ, ɓì ki yi lèg ànɛ yɛ̀ɛ ɓyom ɓi syeesyee ɓi à nyamgà ɓisuu ɓɛgherɛ̀n ɓi ri ɓì tèghɛn.

EFÈZYƐŊ 1:9

À kpàkàkà ɓìsi dwìɗ i rìkɔ̀n ɗii ɗi a rìnyam, ɓi kìɓan ki nɗem wii wu lokà kì renì lɛ à kìi gɛ ɓi Kiris.

2 TÈSÀLÒNÌSYƐŊ 2:8

Ajɛ̀m ìnɛn innɛ Kìɓeɓtàg ki mum ki ɓiì rèsɛɛ yi, Kan à wey kɔ rì cɔ̀ŋzɛn ki ki kpaŋiì nyi ɓi ŋwɔm, à tììsì kɔ rì kìtɛɛtɛn ki ɓi rìsugtìì ɗii.

2 TIMOTE 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, ɓi nkàg wu cɛɓ wu wu ri ɓi Yeesus Kiris,

2 TIMOTE 1:8

Fɔɔnnɛ kɔ̀ɔ wog ntoòrìɗ lɛ u tɛɛ̀zi kìɓan ki Kan wìs, nsoò lɛ ki màànɛ ǹɗì kìmbùŋ ɓisu wii. Kìɓan kifog ɓi-tèɗ wu Bɛ̀ll, wogha rìkɛŋ ɓisuu Syeesyee à Ɓɔlɛ ǹɗaŋ ri mɛ̀,

2 TIMOTE 4:1

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris ànɛ à ghɛ̀ɛ̀sɛɛ kì yɔ̀mi lɛ rì ɓum ɓɛ cem rì ɓìloŋ, rì ɓi ɗii ɗi risugtìì ɗii, rì kìlɔ̀ŋ kii,

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

Kaàtà ànɛ Pol à kàngà TIT 2:11

Ɓisuulɛ geesɛ̀n ì Bɛ̀ll ìnɛ ì rì ǹsim à cɛɓ ɓisuu ɓum ɓɛ̀cèm, ì mɛ rèsɛ̀n,

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

Kaàtà ànɛ Pol à kàngà TIT 3:4

Kìɓan kifog yɛ̀ɛ kìrɔɔ-nɗem à Bɛ̀ll ànɛ à rì ǹghɛɓsì wìs, rì ǹkɔ̀nɛ̀n ànɛ à rì rì nyi ɓisuu ɓum, ɓi resɛ̀ngà,

EBIREEGH 10:32

Yitiina lɔŋ cɛɓ ki ɓì ghɛɓkà ɓi mɛ̀ru mɛ ǹtonto mɛ ɓì tekà kìtɛɛtɛn ki Bɛ̀ll; ɓì wokà mɛ̀tɔɓ lɛɛ̀gwey ɓi mɛ̀ru mɛ̀n; wɔ̀lɛ ɓì ki càrɛ̀ngà ɓi ɓi zàà ìnɛn.

2 PYƐƐRI 1:1

Mɛ̀ Simɔn Pyɛɛri ànɛ ǹɗì ǹkìì-kìsay, ǹki ɓa ti nkɛ̀nì-fìtom a Yeesus Kiris, ǹkàni ɓumɓɛ Bɛ̀ll à faghà rìkuu ɗi ntyweeyi ɗifog rì ɗinkis, ɓisu saaɗ à Yeesus Kiris à Bɛ̀ll wìs rì ǹghɛɓsì wìs.

2 PYƐƐRI 1:11

Fɔlɔɔ anɛ̀n nnɛ rìɗiŋì ɗin ɗi ɓi kìlɔ̀ŋ ki fiɗyàɓ fikɔ̀ɔ̀, ki Kan wìs rì ǹghɛɓsì wìs Yeesus Kiris, ɗi ri ɓiì ɓaà kɛ̀ɛ̀ maa ntɔɓ nsoò lɛsàg.

2 PYƐƐRI 1:3

Ìtèɗ wu Kan wu wu riì yɛ̀ɛ Bɛ̀ll wu faghà ɓìsi com kìcèm ki ki ri lɛ ki ghɛɓsì ɓìsi lɛ ti ghɛɓ cɛɓ ki lɛ ti falɛn rì Bɛ̀ll ɓi rìkì ɗi à kìghà lɛ ti yi roànɛ à reŋìghà ɓìsi lɛ ti kaɓɓɛn rìkem ɗii, rì syeesyee wìì a kìsyɔ̀ɔ̀.

2 PYƐƐRI 2:20

Fɔlɔɔ yɛɛ ri lɛ i ɓum ɓɛ ghasɛɛ yì rì ɓìɓan ɓi tifin ɓi ɓi ziinɛ lɛ rìyi ɗi ɓɛ yii Ǹghɛɓsì-ɓum, Kan Yeesus Kiris, nnɛ ɓɛ carɛɛ tì lɛ ɓɛɛ sugti ɓi ɓìɓan ɓiǹ ɓyɛɛ lami tì ɓɔ, rìɓa ɗyaa ɗi siitòn ɗi ɓiì ɓeɓtɛɛ ɗi cee ɗi ǹtonto.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.

2 PYƐƐRI 3:2

lɛ ɓi yiìyìtàg lɛ rì ɓìɓan ɓi ɓɛkpaŋzì-ɓìɓan ɓɛ ɓɛ ri ɓɛ̀tɛnɛn ɓɛ kpaaghà lɛ ɓi ɓiì kìlɛɛ, rì kìdɔ̀gsɛna ki Kan ànɛ à rì Ǹghɛɓsì-ɓum, kɛɛ̀ki ɓɛ̀kɛ̀nì-fìtom ɓin ɓɛ resìghà mìni.

1 ZYAŊ 1:2

Yɛ̀ɛ cɛɓ ki resɛ̀ngày, ɓìsii ghɛngà kɔ; fɔɔnnɛ ti kpaakpaa mini kìɓan ki miì, tì ki ghagsi mini ɓɔlɛ à cɛɓ ki fiɗyàɓ fikɔ̀ɔ̀ ki ki ɓaghà jàŋbog rì Seŋi, cɛɓ kìn kɛɛ̀ki ɓɛ resìghà ɓìsi, lɛ ti yi kɔ.

1 ZYAŊ 4:14

nni ɓìsii ghɛngà, tì ki làalamɓɛ̀n lɛ, Tààta à romgày Man, lɛ a ghɛɓsi ziinɛ.

ÀPÒKÀLIƁSƐ̀ 18:1

Ajɛ̀m ìnɛn nnɛ ǹghɛngà di ŋwaà-fìtom adɛŋ a sɛnsɛn yi aɗyoo, nyi rì coo itèɗ wu rilàmì, kìtɛɛtɛn ki ɓi rìkem ɗii ki kpeŋzì zi bimiɗ.

ÀPÒKÀLIƁSƐ̀ 2:7

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali Ɓiseŋi ɓi Kiris, ŋwaànɛ à rì ɓiì yagsaagh innɛ ǹɗì ɓiì faà kìɗùn ki kite ki cɛɓ ki ki ri ɓi pàràɗis à Bɛ̀ll.

ÀPÒKÀLIƁSƐ̀ 20:14

Fɔɔnnɛ ɓɛ pikà lɛ rì rìwu, rì tɛ̀ɛ̀ ɓi kìràà ki ɗuu; kìràà ki ɗuu kìn kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:14

Mààgh rì ɓɛ̀roɓɛ ɓɛ soò ɓɛ̀kàɓà ɓaa lɛ di ɓɛɛ fa ɓɔ ìtèɗ wulɛ ɓɛɛ ɗi kìte ki cɛɓ, ɓɛ ki ɗiŋi ɓi mɛ̀suunaa mɛ gari lɛ ɓɛɛ kɛǹ ɓi bàn.

ÀPÒKÀLIƁSƐ̀ 22:17

Ǹghay rì gurà ɓyɛɛ̀ kpaakpaa lɛ: Yuiy. Ŋwaànɛ à woogh kìɓan kiǹ à kpaa girig lɛ yuiy. Ŋwaànɛ a wowog kinɔli, à ghɛ̀ɛ̀sɛɛ kì yùu, ŋwaànɛ à kɔ̀ni, à teɗ mɛ̀nig mɛ cɛɓ zɛy, kɛ̀ɛ kòòsɛn.