2 TIMOTE 1:1 - Bafia Nouveau Testament

¹ Mɛ̀ Pol ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, ɓi nkàg wu cɛɓ wu wu ri ɓi Yeesus Kiris,

2 TIMOTE 1:1 ပူးပေါင်းရင်းမြစ်များ

ZYAŊ 10:28

Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 17:3

Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

ZYAŊ 6:54

Ŋwaànɛ à ɗii nyoo yɛ̀m, à ki nɔ bwaɓ yɛm̀, à rì rì cɛɓ ki fiɗyàɓ fikɔ̀ɔ̀, ǹɗì ɓiì ki ghèmzii nyi ɓi siitòn a ŋwos.

RÒMƐŊ 1:1

Pol, ǹkìì-kìsay a Yeesus Kiris, ànɛ Bɛ̀ll à reŋìghà lɛ a ɓa ǹkɛ̀nì-fìtom a Yeesus, à ki ɓa ti nɗɛsiyɛn dɛgà ɓi rìghagsì ɗi Syeesyee à Ɓɔlɛ à Bɛ̀ll.

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

1 KƆ̀RƐ̀ŊTYƐŊ 1:1

Mɛ̀ Pol ànɛ ǹɗì ǹɗeŋiyɛn lɛ mɓa ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì Sostɛn à geni wìs.

2 KƆ̀RƐ̀ŊTYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì geni wìs Timote tì kàni lɛ rì Kìseŋi ki Bɛ̀ll ki ki ri a Kɔrɛŋt, rì ɓɛ̀gherɛ̀n ɓɛ̀cèm ɓɛ ɓɛ ri ɓi kìlànà ki zi ki lɛ Akayi kìcèm.

2 KƆ̀RƐ̀ŊTYƐŊ 1:20

Mɛ̀kàg mɛ Bɛ̀ll mɛ̀cèm mɛ ri ɛ̀ɛ̀ ànɛn ɓi nyi. Lɔŋ ɓi nyi girig nnɛ tì ti tì kalàg Bɛ̀ll ààmɛ̀n wìs lɛ ti fa nyi rìkem.

GÀLAT 3:26

ɓisuulɛ mìniìcèm ɓì rì ɓɔn ɓɛ Bɛ̀ll ɓi rìgherɛ̀n ɗi ɓì gherɛɛ Yeesus Kiris.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

EFÈZYƐŊ 3:6

Ɓumɓɛ ɓɛ yin Ɓɛ̀yudɛ̀n ɓɛ ti girig ɗì gàɓ ɓi ɓyom ɓi Bɛ̀ll à nyamgà ɓisuu ɓum ɓii, ɓɛ ɓa ɓìkàɓ ɓi nyoo bog, ɓɛ ki ɓa girig ɓumɓɛ ɓɛ ri ɓi nkàg wu Bɛ̀ll à faghà ɓi Yeesus Kiris lɛ Syeesyee à Ɓɔlɛ,

TIMOTE 6:19

fɔlɔɔ nnɛ ɓɛ ri ɓiì taŋzɛɛ ikum wu wu rɔɔtɛɛ wu ki kpegmɛn ɓisuu cɛɓ ki kɛɛ̀ yùyuiy, fɔɔnnɛ ɓɛ ri ɓiì terì kɔɔ̀kɔɔ̀ à cɛɓ.

2 TIMOTE 1:10

Geesɛ̀n ìnɛn yɛ̀ɛ mɛ rèsɛn ɓigomìnɛ ɓi rìyù ɗi nkòrì wìs Yeesus Kiris ànɛ à ɓigtɛ̀ngà rì rìwu, à kpaŋzì lɛ rì cɛɓ rì rìɓa ɗi lɛ mum kɛ̀ɛ bwɛ̀y, ɓi kìtɛɛtɛn, ɓi bee ì Syeesyee à Ɓɔlɛ.

2 TIMOTE 1:13

Tera ɓɛ̀kɔɔ̀kɔɔ̀ ɓɛ ɓiɓan ɓɛ ù wokà a lɔ̀ŋkɛm̀, ɓɛɛ ɓa wɔ̀ kìrèmzɛnà ù ki sììrɛn ɓi ntyweeyi rì ǹkɔ̀nɛ̀n, ɓi tì rì rì ɓyɔ ɓi Yeesus Kiris ɓiɗùm.

2 TIMOTE 1:9

Bɛ̀ll yɛɛ kweɗkà ɓìsi, à ki reŋi ɓisi ǹɗeèghreŋi wu wu ri wùtɛnɛn, àa ɓisuu mɛkìkìì mis, lɔŋ ɓisuu fèg wìì a nyimiɗ rì geesɛ̀n yìì inɛ à kìghà ɓìsi ɓi Yeesus Kiris; à kìghà kìɓan kiǹ di ɓyààmɛ̀n ɓi a rìtumɛ̀n ɓi ka yin.

2 TIMOTE 2:1

Nni wɔ̀ man wɛm̀, foŋa ìtèɗ ɓì geesɛ̀n ìnɛ ì rì ɓi Yeesus Kiris ɓi ɗùm.

2 TIMOTE 2:10

Kìɓan kiǹ kɛɛ̀ki nceecenɛ̀n mɛ̀tɔɓ mɛ̀cèm ɓisuu ɓumɓɛ ɓɛ ri ɓɛ̀ɓɔ̀nɛn lɛ di ɓɔ girig ɓɛɛ ɓa rì cɛɓ ki ki ri ɓi Yeesus Kiris bas rì rìkem ɗi fiɗyàɓ fikɔ̀ɔ̀.

2 TIMOTE 2:3

Wogha mɛ̀tɔɓ nɗaŋ ri mɛ̀ lɔŋ yɛ̀ɛ syeesyee à sujàà à Yeesus Kiris.

2 TIMOTE 3:15

À tumɛ̀n ɓi rìŋwɔɓti ɗyɔɔ, ù yii ɓìɓan ɓi ɓi kaàtà à Bɛ̀ll, ɓi ri lɛ ɓi fa wɔ̀ ɗyomzɛ̀n ɗi u ɓa rì cɛɓ, lɛ rìgherɛ̀n ɗi ù gherɛɛ Yeesus Kiris.

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

Kaàtà ànɛ Pol à kàngà TIT 1:4

Ǹkàni wɔ̀ Tit, kɔɔ̀kɔɔ̀ à man wɛm̀ ɓi rìgherɛ̀n ɗi ɗi ri ɓìsi bas, Bɛ̀ll à Seŋi wìs rì ǹkòrì wìs Yeesus Kiris, ɓɛɛ fa wɔ̀ lɛ rì geesɛ̀n, rì fyòoog.

EBIREEGH 9:15

Kìɓan kiǹ kɛɛ̀ki Kiris à rɛrɛlii ɓi nyìinyìm ànɛ ɓi bee i nyɔn ìnɛ lɛ, rì ɓum rì Bɛ̀ll, lɛ di ɓumɓɛ Bɛ̀ll à mɛ reŋi ɓɛɛ teɗ ɓìrɔɔ ɓi fiɗyàɓ fikɔ̀ɔ̀, ɓi à kàkà ɓumɓɛ abɛ̀y; ɓɛ ri ɓyɔ ɓiì terì lɛ rìwu ɗi mum bog ɗyɛɛ mɛ kwèɗ ɓum ɓi ɓìɓe ɓìcèm ɓi ɓɛ kighà di ɓɛ kaka ɓi fìɗyàɓ fi bee.

1 ZYAŊ 2:25

Nni ǹkàg wu à faghà ɓìsi wɛɛ ri lɛ, cɛɓ ki fiɗyàɓ fikɔ̀ɔ̀.