2 PYƐƐRI 3:11 - Bafia Nouveau Testament

¹¹ Nni yɛ̀ɛ ɓyom ɓìcèm ɓi ghɛɛ̀sɛɛ kì ɗyaŋì fɔlɔɔ, ki ghɛɛ̀sɛɛ lɛ cɛɓ kin, ɗì rìfalɛ̀n ɗin ɗi ɓi rìgherɛ̀n ɓyɛɛ ɓa ɓìtɛnɛn lɛ kɔɔ̀kɔɔ̀.

2 PYƐƐRI 3:11 ပူးပေါင်းရင်းမြစ်များ

MATYOO 8:27

Ɓumɓɛ̀n, ɓɛ̀cèm ɓɛ kuughràkà lɛɛ̀gwey ɓɛ tɔɔghrɛ̀n lɛ: Rìkuu ɗi mum adi ɗyɛɛ rì lɛ, ɗi nsoò bɛ̀ɓ nsoò rìɓày ɓyɛɛ̀ kìki mɛwog?

RÒMƐŊ 13:11

Lɛ yɛ̀ɛ ɓì yii cààmɛ̀n ki tì rì miì ki, cààmɛ̀n ki ɓi ghemɓɛn min ɓi fìlo kɛɛ ti lɛ, ɓisuulɛ gòri ì ti ɓìsi jàŋbog ɓigomìnɛ, à cee lèg ànɛ ì ɓaghà ɓi cààmɛ̀n ki tì gherɛ̀ngà.

RÒMƐŊ 13:12

Iru waa rim, duri i kɛ̀ɛ̀kɛ̀ɛ̀ yì, nni ti riniina ɓìɓan ɓi birìm, tì wotì ɓyom ɓi ribaŋì ɓi mum à rì lɛ à ɗùù rì ɓyɔ ɓi kìtɛɛtɛn.

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

FÌLÌPYƐŊ 3:20

Ɓi san ànɛ a lɔ̀ŋkis, kìlɔ̀ŋ kis kɔɔ ri aɗyòò; wɔɔnnɛ Kan wìs Yeesus Kiris à ǹghɛɓsì wìs ànɛ ti ɓoŋɓòŋ à rì ɓiì ɓaà yì.

TÈSÀLÒNÌSYƐŊ 1:5

Ɓisuulɛ tì ghagsìghà ɓi mini Syeesyee à Ɓɔlɛ ànɛ tì ɓaghày rì nyi rì jɛ̀ɛ̀ ì ŋwɔm yɔ̀ ri yɔ̀, tì ghagsìghà girig nyi ɓi dàm yi tì kìkìghà rì ìteɗ wu Kitɛntɛ̀ɛ̀n ki Nghay, tì ki konag kiyiì saaɗ bimiɗ ànɛ ɓi Ɓɔlɛ ànɛ̀n. Ɓi saaɗ, ɓì yii cɛɓ ki tì ghɛɓkà ɓi nyìinyìm wìn; fɔlɔɔ a ɓaghà ɓi kìrɔɔ kin.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

TIMOTE 4:12

Mum kɛ̀ɛ sɛɛti riɓa ɗyɔɔ ɗi ùrì ŋwɔɓti, kìɓan kifog, ɓaya kìfèèghrɛnà ɓisuu ɓɛgherɛ̀n ɓi ɓìtòkì ɓyɔɔ, ɗì rìkɛ̀ɛ̀ ɗyɔɔ, rì ɓi nkɔ̀nɛ̀n, rì ɓi rìgherɛ̀n, rì ɓi rìtɛn.

TIMOTE 6:11

Ɓi ɓɛg wɔ̀ɔ̀, wàànɛ ù rì mum à Bɛ̀ll, lɛgha ɓìɓan ɓiǹ, ɓìcèm; u kaà lɛ rì saaɗ, rì rìfalɛ̀n ɗi ɓi rìgherɛ̀n, rì rìgherɛ̀n yɛ̀ɛ Bɛ̀ll, rì ǹkɔ̀nɛ̀n, ɗì rìnìɗ ɗi nɗem, ɗì rìɓa ɗi lɛ tɛ̀tɛ̀rɛ̀ɛ̀.

TIMOTE 6:3

Ɓìɓan ɓi ù ghɛ̀ɛ̀sɛɛ kì rèsaagh di u siisiŋdàg ɓyɛɛ̀ ɓìn lɔɔ. I mum a rèresi dɔgtɛ̀n ìdɛŋ, kɛ̀ɛ nɔ̀ɔ̀ti ɓi syeesyee à rìkpaa à Kan wìs Yeesus Kiris, rì yɛ̀ɛ rìrèsì ɗi dɔgtɛ̀n ìnɛ ì ghɛ̀ɛ̀sɛɛ ɗì rìfalɛ̀n ɗi ɓi rìgherɛ̀n, ɓyɛɛ̀ kpaakpàà,

TIMOTE 6:6

Ki ri lɔŋ saaɗ lɛ rìfalɛ̀n ɗi ɓi rìgherɛ̀n ɗi ri bee i rìfɔ̀n, di mum à nyààrɛɛ rì gàɓ ì com ìnɛ à rì rì yɔ̀.

EBIREEGH 13:5

Kìsee ki mɔ̀ɔ̀ni kɛ̀ kɛɛ̀ làmì ɓyɛɓ ɓin; nyààrɛɛna rì gàɓ ì ɓyom inɛ ɓì rì rì yɔ̀, ɓisuulɛ Bɛ̀ll nyimiɗ a kpaaghi lɛ: Màa càɗ ɓi wɔ, kɛ̀ɛ nki rini wɔ.

ZYAG 1:24

ajɛ̀m ìnɛn à pɛ̀sɛ̀n à ghaagh, à ghàs kì ɗimzɛɛ lannɛ à rì.

ZYAG 3:13

Ghɛn anɛ ɓi mìni yɛɛ kii lɛ, à womzɛ̀n à ki ɓa ri fèg? A resi min ɗyomzɛ̀n ɗii ɓi syeesyee wìì a rìghɛghɛ̀ɓ, rì ɓi ɓìɓan ɓi a kìkì ɓi ɓa lɛ ɗì rìsɛɛ̀dɛ̀n ɗi ɓi zi, rì ɗyomzɛ̀n.

1 PYƐƐRI 1:15

Wɔ̀lɛ fɛlɛ yɛ̀ɛ Bɛ̀ll ànɛ à reŋìghà mìni àrì ǹtɛnɛn mìniìrig ɓaana ɓɛ̀tɛnɛn ɓi rìkɔ̀kɔ̀rì ɗin ɗicèm,

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

2 PYƐƐRI 1:3

Ìtèɗ wu Kan wu wu riì yɛ̀ɛ Bɛ̀ll wu faghà ɓìsi com kìcèm ki ki ri lɛ ki ghɛɓsì ɓìsi lɛ ti ghɛɓ cɛɓ ki lɛ ti falɛn rì Bɛ̀ll ɓi rìkì ɗi à kìghà lɛ ti yi roànɛ à reŋìghà ɓìsi lɛ ti kaɓɓɛn rìkem ɗii, rì syeesyee wìì a kìsyɔ̀ɔ̀.

2 PYƐƐRI 1:6

ɓi rìyi ɗìn aɗyoo, ɓì ɓɔ̀ɓtɛ̀n tì rìnìɗ ɗi nɗem; ɓi rìnìɗ ɗi nɗem ɗìn, ɓì sagtɛ̀ntì kìsììrì; ɓi kìsììrì kiǹ, ɓì foŋdì rìfalɛ̀n ɗi ɓi rìgherɛ̀n;

2 PYƐƐRI 3:10

Ŋwos a Kan à ɓiì kpaŋì yɛ̀ɛ wiiwìì à ti à yùlàg. Ŋwos anɛ̀n, ɗyoo ɗi ri ɓiì silii ri coo gom, ɗuu ɗi digsì ɓyom ɓi ɓi ɗyoo, zi rì ɓìɓan ɓi miì ɓìcèm ɓi ɗig.

2 PYƐƐRI 3:12

Mìni ɓɛ ɓi ɓoŋɓòŋ, ɓì ki lolos lɛ di ŋwos a Bɛ̀ll àa kpaŋi, ŋwos anɛ̀n yɛɛ ri ŋwos anɛ ɗuu ɗi ri ɓiì yogsii ɗyoo, ɓyom ɓi ɓi ri ɓi ɗyoo ɓi ghaŋmɛ̀n rìtɔ̀n ɗi nɗòò wu ɗuu.