2 PYƐƐRI 1:19 - Bafia Nouveau Testament

¹⁹ Fɔlɔɔ nnɛ tì ɓiisɛɛ tì kìgherɛɛ rikpaa ɗi ɓɛ̀kpaŋzì-ɓìɓan lɛ ɗi ri saaɗ; saaɗ ànɛ̀n innɛ ɓi kookonàg yɛ̀ɛ ɓi ranɗam mɛreè lɛ ɓi wog lɛ à rì fɛlɛ yɛ̀ɛ lamɓà ànɛ a ròòroo ɓi jàŋ inɛ ì rì birìm, à kpaŋ yɛ̀ɛ duri i ɓiì tanì, fyɛy fi duriɓuɓ fi kpeŋzì mɛ̀rem min.

2 PYƐƐRI 1:19 ပူးပေါင်းရင်းမြစ်များ

MATYOO 4:16

Kìlɔ̀ŋ ki ki ɓaghà kìkɔ̀kɔriyɛn ɓi birìm, ki ǹghɛɛ coo kitɛɛtɛ̀n; fɔɔnnɛ kìtɛɛtɛn ki ǹlòmi a ɓɛ̀roɓɛ ɓɛ ǹɗì ɓi kìlɔ̀ŋ ki ɓi birìm ì rìwu ɓi ɗùm.

ZYAŊ 5:35

Zyaŋ à ɓaghà fɛlɛ yɛ̀ɛ lamɓà ànɛ a ròòròò, à kpeèkpèŋzì jàŋ, nni ki kɔngà mìni lɛ ɓi nyaàrɛn rì kìtɛɛtɛn kii ɓi maa cààmɛ̀n.

ZYAŊ 5:39

Ɓi fifiɓi mɛkànì mɛ kaàtà à Bɛ̀ll, lɛ ɓi fèfeg lɛ ɓi mɛ̀kànì mɛǹ nnɛ ɓì rì ɓiì ɓaà rì cɛɓ ki fiɗyàɓ fikɔ̀ɔ̀. Mɛ̀kànì mɛǹ mɔ yɛɛ̀ ki rèresi kiɓan kɛm̀.

ZYAŊ 8:12

Yeesus à tòòghrɛ̀ngà tì rì ɓɔ à kpaa lɛ: Mɛ̀ ǹɗì kìtɛɛtɛn ki ɓi ziinɛ; ŋwaànɛ à nɔ̀ɔ̀tii mɛ̀, àa kɛ̀ɛ̀ghi ɓi ɓi birìm, à rì lɔŋ ɓiì ɓaà rì kìtɛɛtɛn ki cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 15:29

Kɛ̀ ɓi ɗi ɓyɛn ɓi nyàm ìnɛ ɓɛ woli ɓi rìɓɔgsì ɗi ɓinùn, rì bwaɓ, rì ɓyɛn ɓi nyàm ìnɛ ì wii lɛ swììɗ, kɛ̀ ɓi kì tisɔ̀mɔ̀g, i ɓì lɛɛgh ɓìɓan ɓiǹ, di ɓì konaagh, ÒO òona yàà!

MƐ̀KÌKÌÌ MƐ ƁƐKƐ̀NÌ-FÌTOM 17:11

Ɓɛ̀yudɛ̀n ɓɛ a Bere ɓɛ rɔɔtɛ̀ngà ǹɗem ɓɛ cee ɓɛ̀roɓɛ a Tesalonika, fɔɔnnɛ ɓɛ ghaɓkà jɛ̀ɛ̀ ì Bɛ̀ll rì coo kinyàà, ɓɛ̀ŋwos ɓɛ̀cèm, ɓɛ fifìɓìghà kaàtà à Bɛ̀ll lɛ ɓɛɛ ghɛǹ nkòo ɓìɓan ɓi Pol à kpaakpààghà ɓɔ, ɓi ri miì.

EBIREEGH 2:2

Ɓisuulɛ kìɓan ki ɓum ɓɛ titom ɓɛ kpaaghà ki kilɛ̀ngà; fɔɔnnɛ mum bimiɗ ànɛ à fogà ɓi nɗem rì kìɓan kiǹ nsoò lɛ, à ɓèn kìwoògh com ki ɓɛ kpaaghà, à tekà deɓ inɛ ì ghɛ̀ɛ̀sɛ̀ngà rì rìkì ɗii.

ZYAG 2:8

Nyoey yi yin miì, i ɓì roòzii kìdɔ̀gsɛna ki rifòm fɛlɛ yɛ̀ɛ ki ri kìkànɛn lɛ: Ù ghɛ̀ɛ̀sɛɛ kì keesii romum ànɛ wɔ̀ jàŋbog yɛ̀ɛ wɛ̀ɛmiɗ, di ɓì konaagh.

1 PYƐƐRI 1:10

Ɓɛ̀kpaŋzì-ɓìɓan ɓɛ ɓɛ ɓugà kìɓan ki geesɛ̀n ìnɛ ì ɓaghà m̀pègsɛn ɓisu win, ɓɛ kaaghà lɛ ɓɛɛ yi, ɓɛ ki tim kiɓan ki gòri ìnɛ̀n.

1 ZYAŊ 5:10

Ŋwaànɛ à gherɛɛ Man à Bɛ̀ll à rì ɗì rìrèsì ɗiǹ ɓi nyimiɗ, wɔ̀lɛ ŋwaànɛ à gherɛɛ ɓi Bɛ̀ll, à teri Bɛ̀ll yɛ̀ɛ pwààpwaà ɓisuulɛ, à gherɛɛ ɓi saaɗ ànɛ Bɛ̀ll à rèsìghà ɓi kìɓan ki Man wiì.

3 ZYAŊ 1:6

Ɓɛ nsɛɛgh geesɛ̀n yɔ̀ɔ̀ ɓi nyìinyìm à ɓum ɓi Kìseŋi ki Kiris. Ki ri ɓiì ɓaà lɛ syeesyee di ù pègsɛɛ ɓɔ rìkɛ̀ɛ̀ lèg ànɛ ki ri lɛ ki rɔɔ Bɛ̀ll.

ÀPÒKÀLIƁSƐ̀ 2:28

fɔɔnnɛ ǹɗì nyi ɓiì faà fyɛy fi fi ti fi lomgì sariwa.

ÀPÒKÀLIƁSƐ̀ 22:16

Mɛ̀ Yeesus, mɛ̀ yɛɛ nɗomiì mum wɛm̀ à fìtom lɛ a yu mìni kì rèsii ɓiɓan ɓiǹ, ɓi ɓìseŋi ɓyɛ̀m. Ǹɗì maa dòòridoòrì ànɛ ɓi boo ì mum ì Davit, ǹki ɓati fyɛy fi fyɛɛ̀ lònlom sariwa.