2 KƆ̀RƐ̀ŊTYƐŊ 8:6 - Bafia Nouveau Testament

⁶ Fɔlɔɔ nnɛ tìi ntɔɔgh Tit lɛ a ratɛn kìsay ki nkɔ̀nɛ̀n ki a lɔ̀ŋkin lɔŋ yɛ̀ɛ à tumɛ̀ngà.

2 KƆ̀RƐ̀ŊTYƐŊ 8:6 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 24:17

Di ki mɛ finɛn bèg lɛɛ̀gwey yɛ̀ɛ ǹghaghìghà, nnɛ mɛ̀ɛ n-yùu rì ɓyom lɛ nkaɓsag rì ɓumɓɛ nyìighnyìg ɓɛ ɓi kìlɔ̀ŋ kɛm̀, ǹki fùnɛn ɓituwe ɓi rìɓɔgsì ɗi Bɛ̀ll.

RÒMƐŊ 15:25

Nni wɔ̀lɛ ɓi cààmɛ̀n ki, ǹkɛ̀ɛ a Yorisalɛm ɓisuu fitom fi fi seesee ɓɛ̀gherɛ̀n ɓɛ wɔɔ.

2 KƆ̀RƐ̀ŊTYƐŊ 12:18

M̀ɓɔ̀ŋzàkà Tit lɛ a yu a lɔ̀ŋkin ǹki rom nyi rì maaseŋi wìs anɛ ɓi rìgherɛ̀n; nni Tit yɛɛ ɓaghà lɛ à yègsì mìni lɛ a ɗiɗi mìni ɓyom? Mɛ̀ɛ nfèki lɛ ɓìsiìcèm tì ɗyenɗyèngà lɔŋ ikòò wu fog, tì ki nɔ̀ɔnɔɔ̀tì bee bog.

2 KƆ̀RƐ̀ŊTYƐŊ 2:13

Ǹɗem wɛ̀m wu ɓaghà ɓi ɓi ɗùm lɛ fyòoog lɛ ǹtanɛ̀ngà ɓi Tit à maaseŋi wɛ̀m wɔɔ. Fɔlɔɔ nnɛ ǹghesɛ̀ngà ɓumɓɛ a Tirowas ǹkɛ̀n a Masedwan.

2 KƆ̀RƐ̀ŊTYƐŊ 8:10

Ɗyomzɛ̀n ɗyɛm̀ ɗi ɓi kìɓan kiǹ ɗyɛɛ̀ɗìn lɔɔ; wɔ̀lɛ ki ri kìrɔɔ lɛ ɓi kɛǹ asu rì kìɓan ki ɓì ghɛ̀lɛ̀ngà kì kìi ɓi bèg ìmbog; mìni yɛɛ ɓaghà ɓum ɓɛ beèbɛ̀y ɓɛ ɓɛ lokà kì ɓeègh lɛ ɓɛɛ ki com, ɓɛ ki kì kɔ.

2 KƆ̀RƐ̀ŊTYƐŊ 8:19

À kɛ̀ɛ̀dì kìɓaà lɛ, à rì mum ànɛ ɓìseŋi ɓi Kiris ɓi ɓɔngà lɛ ti kɛɛ̀kɛɛ nɗaŋ ɗi nyi ɓi kìsay ki geesɛ̀n ki ti kìki ɓisuu rikem ɗi Kan nyimiɗ rì ɓi rìrèsì ɗi ti rèresi rikɔ̀n ɗi tì rì rì ɗyɔ lɛ ti ghɛɓsi ɓum ɓɛɗɛŋ.

2 KƆ̀RƐ̀ŊTYƐŊ 8:23

Ɓi Tit, à rì mum ànɛ ti kɛ̀ɛ̀kɛɛ ri nyi, tì ki kìki kisay nɗaŋ ɓisu win; ɓɛ̀geni ɓis ɓɛ à rìì rì ɓɔ, ɓɔɔ ri ɓumɓɛ ɓìseŋi ɓi Kiris ɓyɛɛ romiì, ɓɛɛ̀ sasay ɓisuu rikem ɗi Kiris.

2 KƆ̀RƐ̀ŊTYƐŊ 8:4

Ɓɛ ntɔɔgh ɓìsi ɓɛ siìrɛ̀n lɛ ɓɔɔ teɗ gàɓ ɓi syɔ̀ɔ̀ à ɓyom ànɛ a kìikilɛ̀n ɓisuu ɓɛgherɛ̀n ɓɛ a Yorisalɛm.

2 KƆ̀RƐ̀ŊTYƐŊ 9:5

Fɔlɔɔ nnɛ mɛ̀ɛ nghɛɛ kìrɔɔ lɛ, ntɔg ɓɛ̀geni ɓis ɓɛ ɓi rìgherɛ̀n lɛ ɓɛɛ log kìyùu yi foo ri ɓìsi, lɛ ɓɛɛ pegsɛn mɛ̀fafàà min mɛ ɓì kàkà lɛ ɓì ɓiì faà rì syeesyee à ǹɗem; mɛ ghɛɛ̀sɛɛ kì ɓaà mɛ̀fafàà mɛ mɛ kilɛɛ rì syeesyee à ǹɗem àa mɛ mɛ kilɛɛ rì ìkako.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

1 PYƐƐRI 4:10

Yɛ̀ɛ mum ǹcèm ànɛ ɓi mìni à rì rì rìfa ɗi Bɛ̀ll à faghà nyi, kìina kìsay ri rìfa ɗi Bɛ̀ll à faghà mìni ɓi kìrɔɔ ki ɓum ɓɛmbog fɛlɛ yɛ̀ɛ ɓɛ̀syeesyee ɓɛ ɓum ɓɛ ɓɛɛ̀ kɛ̀ɛkɛɛ̀sì geesɛ̀n ì Bɛ̀ll ìnɛ ì ti ì ghɛnàg bee lɛ bee.