2 KƆ̀RƐ̀ŊTYƐŊ 8:18 - Bafia Nouveau Testament

¹⁸ Tì romiì Tit ǹɗaŋ ɗi maaseŋi wìs anɛ ɓi rìgherɛ̀n ànɛ rìkem ɗi ɓi kìsay kii (ki a kìki) ɓisuu Syeesyee à Ɓɔlɛ, ɗi ri ɗìsààyɛn ɓi ɓìseŋi ɓi Kiris ɓìcèm.

2 KƆ̀RƐ̀ŊTYƐŊ 8:18 ပူးပေါင်းရင်းမြစ်များ

RÒMƐŊ 16:4

Ɓɔ yɛɛ mɛɛ̀ ɓɔ̀ɓkà ǹto ɓi rìrùnɛ̀n ɗi cɛɓ kɛ̀m; àa mɛ̀ cɛ̀ncɛm̀ yɛɛ̀ foŋfoŋ kirɔɔ ki ɓɛ kighà mɛ̀ kiǹ, ɓìseŋi ɓi Kiris ɓìcèm ɓi a ɓumɓɛ ɓɛ yin Ɓɛ̀yudɛ̀n ɓyɛɛ̀ kìki girig fɔlɔɔ.

1 KƆ̀RƐ̀ŊTYƐŊ 16:3

Yɛ̀ɛ mɓiì yùu ǹɗì ɓiì romì ɓumɓɛ ɓì ɓiì ɓɔ̀ni, ri ɓɛ̀kaàtà lɛ ɓɛɛ kɛǹ kìfaà ɓyom ɓi syɔ̀ɔ̀ a Yorisalɛm.

1 KƆ̀RƐ̀ŊTYƐŊ 4:17

Ɓisuu kiɓan kiǹ nnɛ ǹɗomgày mìni Timote á man wɛm̀ à ǹɗem ànɛ ǹɗì rì ǹtyweeyi ri nyi ɓi rìgherɛ̀n; nnyɛɛ ri mìni biì yitii ɓiɓan ɓi mɛ̀ɛ nnɔ̀ɔnɔɔ̀tì ɓi cɛɓ kɛ̀m ki ɓi Kiris, ɓìɓan ɓi nki rèresi jàŋ bimiɗ ɓi ɓìseŋi ɓi Kiris ɓìcèm.

1 KƆ̀RƐ̀ŊTYƐŊ 7:17

Kìɓan kifog mum ǹcèm a ghɛɓ lɔŋ ɓi nɗɛli wu Bɛ̀ll à fogà nyi miì yɛ̀ɛ à reŋìghà nyi; ǹsiŋdɛn wu nfafa ɓi ɓìseŋi ɓi Kiris ɓìcèm wɛɛ ri lɔɔ.

2 KƆ̀RƐ̀ŊTYƐŊ 12:18

M̀ɓɔ̀ŋzàkà Tit lɛ a yu a lɔ̀ŋkin ǹki rom nyi rì maaseŋi wìs anɛ ɓi rìgherɛ̀n; nni Tit yɛɛ ɓaghà lɛ à yègsì mìni lɛ a ɗiɗi mìni ɓyom? Mɛ̀ɛ nfèki lɛ ɓìsiìcèm tì ɗyenɗyèngà lɔŋ ikòò wu fog, tì ki nɔ̀ɔnɔɔ̀tì bee bog.

2 KƆ̀RƐ̀ŊTYƐŊ 2:12

Yɛ̀ɛ ǹkpagà a Tirowas lɛ nghagsi Syeesyee à Ɓɔlɛ à Kiris wɔɔ, ki soo ɓaghà lɛ Kan à nɛmgà mɛ̀ bee lɛ syeesyee lɛ nki kìsay kiǹ wɔɔ.

2 KƆ̀RƐ̀ŊTYƐŊ 8:19

À kɛ̀ɛ̀dì kìɓaà lɛ, à rì mum ànɛ ɓìseŋi ɓi Kiris ɓi ɓɔngà lɛ ti kɛɛ̀kɛɛ nɗaŋ ɗi nyi ɓi kìsay ki geesɛ̀n ki ti kìki ɓisuu rikem ɗi Kan nyimiɗ rì ɓi rìrèsì ɗi ti rèresi rikɔ̀n ɗi tì rì rì ɗyɔ lɛ ti ghɛɓsi ɓum ɓɛɗɛŋ.