2 KƆ̀RƐ̀ŊTYƐŊ 7:7 - Bafia Nouveau Testament

⁷ àa lɔŋ lɛ rìyù ɗii ɗyɔ rì ɗyɔ, kìɓan kifog rìfɔɔsì ɗi ɓìi nfɔɔsii nyi ǹɗem ɗi nfɔɔsii girig ɓìsi mɛ̀rem; àa nkalii ɓìsi coo zày ìnɛ ɓì rì rì yɔ̀ lɛ ɓi ghɛǹ mɛ̀, rì mɛ̀kɛɛgh min, rì rìfalɛ̀n ɗìcèm ɗi ɓì rì ɓɛ̀falɛn a lɔ̀ŋkɛm̀, ɓìɓan ɓiǹ ɓi nkìi lɛ mɓiìsɛn tì kìwoògh kìnyàà lɛɛ̀gwey.

2 KƆ̀RƐ̀ŊTYƐŊ 7:7 ပူးပေါင်းရင်းမြစ်များ

MATYOO 26:75

Nni Pyɛɛri à yìtìghà min yɛ̀ɛ Yeesus à kpaaghà nyi lɛ, ù rì mɛ̀ ɓiì roòzɛɛ gɛ̀n yiraa, di ǹlem à zag à ka rɔŋ ɓi; fɔɔnnɛ à kpagà gari à rèn à sìgtàg.

MATYOO 5:4

Mààgh rì ɓumɓɛ ɓɛ ri rì misì ɓi mɛ̀tam, lɛ Bɛ̀ll à ri fɔɔsi ɓɔ mɛ̀rem.

LUKAS 22:44

Yɛ̀ɛ ìris wu ɓangà Yeesus, fɔɔnnɛ à sììrɛ̀ngà lɔŋ ɓi bɔ̀ŋzɛ̀n, kìɗìg kii ki ɓa lɔŋ yɛ̀ɛ ɓɛ̀jɛɛ ɓɛ bwaɓ ɓɛɛ yɔɔyɔɔ ɓi zi.

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

RÒMƐŊ 1:12

Nsoò gì lɛ di ti faàfàlɛ̀n ìtèɗ nɗaŋ a lɔ̀ŋkin ɓi rìgherɛ̀n ɗi ɗi ri ɓìsi bas lɛ rì mɛ̀ rì mìni.

1 KƆ̀RƐ̀ŊTYƐŊ 5:2

Ɓìdaŋà ɓyɛɛ̀ɓi ɓì kìkì, kɛ̀ ɓi waatɛn ɓilɛ̀ɓì lɛ di ɓɛɛ pisi ŋwaànɛ àa nkìi kìɓan kiǹ ɓi nyìinyìm wìn.

2 KƆ̀RƐ̀ŊTYƐŊ 1:14

yɛ̀ɛ ɓi mɛ yi gàɓ lɛ, ɓìsi yɛɛ ri ɓa rikem ɗin, mìnii ɓa rìkem ɗis ŋwos a Kan Yeesus.

2 KƆ̀RƐ̀ŊTYƐŊ 1:4

Nyi yɛɛ ti à fɔɔsàg ɓìsi mɛ̀rem ɓi mɛ̀tɔɓ mis mɛcèm, lɛ di ɓìsi girig, ti ɓa rì ìtèɗ wu fɔɔsiyɛn mɛrem mɛ ɓumɓɛ ɓɛɛ̀ tuutulɛ̀n rì mɛ̀tɔɓ mɛ̀kuu mɛ̀kuu, tì kì kìɓan kiǹ ɗì ǹghɛɓsɛn wu wu ti wu ɓalàg yì ɓìsi yɛ̀ɛ Bɛ̀ll.

2 KƆ̀RƐ̀ŊTYƐŊ 2:9

Mɛ̀ɛ nkàniì girig mìni lɛ nfeèghrɛn mìni nghɛǹ nkòo ɓì rì rì mɛ̀wog ɓi ɓìɓan ɓìcèm.

2 KƆ̀RƐ̀ŊTYƐŊ 5:2

Kìɓan kiǹ kɛɛ̀ki ɓìsiì ɓemɓem ɓi kìlaa ki tì rì miì, rì coo zày ìnɛ lɛ di tyàa ɗiŋii ɓi mɛɛ mɛ aɗyoo, mɛɛ lɔgtɛn mɛm̀bog,

2 KƆ̀RƐ̀ŊTYƐŊ 7:6

Wɔ̀lɛ Bɛ̀ll ànɛ à ti à fɔɔsàg mɛ̀rem mɛ ɓumɓɛ mùm mɛ ri mɛ̀ fɔlɛn, àa ǹfɔɔsii ɓìsi mɛ̀rem rì rìyù ɗi Tit àa n-yùu,

2 KƆ̀RƐ̀ŊTYƐŊ 7:8

Kaa soo rì lɛ mɛ̀ɛ mɓeɓsii mìni mɛ̀rem ɓi kaàtà ànɛ mɛ̀ɛ nkàniì mìni, ǹ-yin lɛ ǹlemgì rìkì ɗiǹ; nni nsoò mɛ̀ɛ nlemgii, mɛ̀ɛ nghɛɛ lɛ kaàtà ànɛn àa mɓeɓsii mìni mɛ̀rem ɓi maa cààmɛ̀n.

2 KƆ̀RƐ̀ŊTYƐŊ 8:16

Bɛ̀ll ànɛ àa nfaa Tit ǹɗem wulɛ a falɛn rì mìni, lɔŋ yɛ̀ɛ ɓìsi a teɗ rìkem.

FÌLÌPYƐŊ 1:20

Lèg ànɛ ǹɗì rì coo zày, ǹki ɓa ri dyàɓɛn, màa wog ɓi ntoòrìɗ ri com kidɛŋ. Ɓi cààmɛ̀n ki, lɔŋ yɛ̀ɛ ɓi ɓyààmɛ̀n ɓimbog, rì ǹtyweeyi wu wu ri mɛ̀ ɓiì ronì ɓi nɗem, Kiris à ɓiì kemì ɓi nyoo yɛ̀m, màa soo rì cem, màa soo wìì.

KÒLÒSYƐŊ 2:5

Lɛ nsoò màa rì mìni fìràɓ ɓi rìɓa ɗi ɓi mɛ̀mùù, ǹɗem wɛ̀m wu ri lɔŋ foo ri mìni, ǹwowog kirɔɔ yɛ̀ɛ nseesee syeesyee à rìwòŋzàg ɗi ɓiɓan ɓi nyìinyìm wìn, rì yɛ̀ɛ rìgherɛ̀n ɗin ɗi ɓi Kiris, ɗi ri lɛ kpeg-kpeg.

TÈSÀLÒNÌSYƐŊ 3:6

Wɔ̀lɛ ɓigomìnɛ nnɛ Timote à sughiì rìkɛ̀ɛ̀ ɗi àa nɗìì a lɔ̀ŋkin; à sughiì ɓìsi rì ɓɛ̀ɓɔlɛ ɓɛsyeesyee ɓɛ ɓɛ komi lɛ rì rìgherɛ̀n ɗin, rì ǹkɔ̀nɛ̀n ànɛ ɓì rì rì nyi. À kpaa ɓìsi yɛ̀ɛ mìniì ka yiiyitàg lɔŋ ɓisi rì nkɔ̀nɛ̀n cààmɛ̀n kìcèm, ɓì ki ɓa ri zày ìnɛ lɛ ɓi ghɛǹ ɓìsi, yɛ̀ɛ ɓìsi girig tì rì rì zày ìnɛ lɛ ti ghɛnɛn.

TÈSÀLÒNÌSYƐŊ 3:8

Nni ɓigomìnɛ ki ri yɛ̀ɛ tì teetii tì cɛɓ yɛ̀ɛ tì woogh lɛ ɓì kaka lɔŋ ɓɛsììrɛn ɓi Kan.

EBIREEGH 2:1

Kìɓan kiǹ kɛɛ̀ki tì ghɛ̀ɛ̀sɛɛ kì ɓiisɛɛ ki ɓaà ɓɛ̀ sììrɛn ɓi ɓìɓan ɓi tì wokà di tì kɔ̀ni ɓi lɛ, ti ɗyaŋ.

ZYAG 5:17

Eli à ɓaghà lɔŋ mum fɛlɛ yɛ̀ɛ ɓìsi, nni à ɓɔ̀ŋzàkà Bɛ̀ll rì nɗem wii wucèm lɛ bwey yɛ̀ kɛɛ̀ nɔ, fɔɔnnɛ bèg yi ghaghìghà yiraa rì ɓɛ̀ŋwii taàfog, bwey yɛ̀ kɛɛ̀ nɔ ɓi ziinɛ.

2 ZYAŊ 1:4

Mɛ̀ɛ ǹnyààrɛɛ lɛɛ̀gwey yɛ̀ɛ mɛ̀ɛ nghɛɛ lɛ ɓɔn ɓɔɔ ɓɛdɛŋ ɓɛɛ̀ ghɛghɛɓ ɓi saaɗ lɔŋ yɛ̀ɛ Tààta à siŋdɛ̀ngà ɓìsi.

ZYUUDƐ 1:3

Mìni ɓum ɓɛm ɓɛ nɗem, mɛ̀ɛ nɗì rì coo zày ìnɛ lɛ di màa kàni mìni kìɓan ki gòri ìnɛ ì seesee ɓìsi ɓɛ̀sɛ̀ɛ̀ ɓɛcèm; mɛ̀ɛ nɗì ǹtiniyɛn lɛ nki fɔlɔɔ lɛ nfegsi mìni lɛ ɓi ɗuù ɓisuu ntyweeyi wu Bɛ̀ll à faghà ɓɛ̀gherɛ̀n gɛ̀mbog ɓi gɛ̀n yicèm.