2 KƆ̀RƐ̀ŊTYƐŊ 6:8 - Bafia Nouveau Testament

⁸ ɓi rìkem rì ɓi zɛɛtɛn, ɓi mɛ̀sɛɛ̀ghsɛɛgh rì ɓi tìfena; ɓɛ seesèè ɓìsi yɛ̀ɛ ɓɛ̀pwààpwaà kɔm̀ lɛ tì rì ɓumɓɛ ɓɛɛ̀ kpaakpaa saaɗ;

2 KƆ̀RƐ̀ŊTYƐŊ 6:8 ပူးပေါင်းရင်းမြစ်များ

MATYOO 10:25

Kɛɛ tɔtɔg lɔŋ lɛ, n-yilàg a kpaŋ̀ ɓi ǹɗɛli wu ǹɗèsàg wìì, ǹkìì-kìsay girig, à kpaŋ ɓi nɗɛli wu masà wìì; i ɓɛ mɛ ròò ŋwaàmɛɛ ɗii lɛ: Bɛlzeɓul, ɓɛ ɓiì ròo ɓum ɓii mii mɛ mɛ ɓeɓtaagh mɛ cee fɔlɔɔ.

MATYOO 22:16

Nni ɓɛ romgà ɓum ɓɛdɛŋ ɓɛ ɓi ǹɗaŋ waa rì ɓɛ ɓi ǹɗaŋ wu Eroodɛ, lɛ ɓɛɛ kali Yeesus lɛ: Ǹɗèsàg, tì yii lɔŋ lɛ ù rì ŋwaànɛ a kpaakpaa saaɗ, à ki rèresi ɓum bee inɛ yɛ̀ɛ Bɛ̀ll lɛ tɛntɛ̀ɛ̀n kɛ̀ɛ risi bimiɗ à mum, ɓisuulɛ, ù yin ɓiì seesee riɓa ɗi mum.

MATYOO 27:63

ɓɛ kpaa nyi lɛ: Gɔmìnà àgwey, tì yitii lɛ pwààpwaà à mum ànɛ̀n àa ǹkpaa di à kaka cem lɛ: Ajɛ̀m ì mɛ̀ru mɛraa, ǹɗì ɓiì ghèmɓɛɛ yi a ɓìloŋ.

MARIKUS 12:14

Nni ɓumɓɛ̀n ɓɛ yughày, ɓɛ kpaa nyi lɛ: Ǹɗèsàg, ti yii lɔŋ lɛ ù rì ŋwaànɛ a kpaakpaa saaɗ, ù ki ti kɔ̀ɔ risi mum, ɓisuulɛ, wɔ̀ɔ̀ yin ɓiì nɔ̀ɔnɔɔ̀tì rìɓa ɗi mum, u rèresi ɓum bee inɛ yɛ̀ɛ Bɛ̀ll yɛ̀ɛ ki ghɛɛ̀sɛɛ. Nni kali ɓìsi ǹkòo ɓìdɔ̀gsɛna ɓis ɓi gherɛɛ lɛ ti peèghi làmpoŋ̀ rì Kaaza; ki ri kàŋbɛn lɛ ti peè gìn ki yin kàŋbɛn?

ZYAŊ 7:12

Fɔɔnnɛ ɓumɓɛ ɓi gwìy ìnɛn ɓɛ rurùmìghà lɛɛ̀gwey ɓi kìɓan kii. Ɓɛ̀ro ɓɛdɛŋ lɛ: À rì syeesyee à mum; ɓɛ̀ro ɓɛmbog lɛ: Àg! A nàanaàzì gì kɔm̀ ɓum bee.

MƐ̀KÌKÌÌ MƐ ƁƐKƐ̀NÌ-FÌTOM 10:22

Nni ɓɛ ɓakà nyi lɛ: Tì yùu yì fɛ lɛ ǹkɔ̀mɛ̀n ɓɛ̀sujàà ànɛ lɛ Kɔrinɛy yɛɛ romiì ɓìsi a lɔ̀ŋkɔɔ, àncèm à rì saaɗ à mum ànɛ à ti à risàg Bɛ̀ll, à ki rì tì ŋwaànɛ Ɓɛ̀yudɛ̀n ɓɛ̀cèm ɓɛɛ̀ Sɛsɛ̀g; ŋwaà-fìtom a Bɛ̀ll àa ǹkpaa nyi lɛ a regiì wɔ̀ a mɛɛ mii, a wog jɛ̀ɛ̀ ìnɛ ù rì lɛ ù kpaa nyi.

MƐ̀KÌKÌÌ MƐ ƁƐKƐ̀NÌ-FÌTOM 16:39

Nni ɓɛ yughà ɓɔ kì tɔɔ̀gh rìcenɛ̀n, ɓɛ kpaŋzì ɓɔ ɓì naà-zày, ɓɛ ki ɓɔ̀ŋzag ɓɔ lɛ ɓɛɛ pɛsɛn ɓi bàn ìnɛn.

MƐ̀KÌKÌÌ MƐ ƁƐKƐ̀NÌ-FÌTOM 22:12

Ŋwaàdɛŋ à ɓaghà wɔɔ ɗii lɛ Ananyas, à ɓaghà ŋwaànɛ à falɛ̀ngà ɓi rìgherɛ̀n à ki nɔ̀ɔnɔɔ̀tì ɓìdɔ̀gsɛna ɓis, Ɓɛ̀yudɛ̀n ɓɛ̀cèm ɓɛ ɓɛ ɓaghà a Damas, ɓɛ sɛsɛ̀kà nyi.

MƐ̀KÌKÌÌ MƐ ƁƐKƐ̀NÌ-FÌTOM 24:5

Tìi ǹghɛɛ lɛ ŋwaànɛ à rì fìɓàg, a ɓiighɓigtì kìyoòyòò ɓi nyìinyìm à Ɓɛ̀yudɛ̀n ɓi Zi bimiɗ. Nnyɛɛ ki rìtì rìfòm ɗi righerɛ̀n ɗi nyɔn ɗi ɓumɓɛ a Nazarɛt.

MƐ̀KÌKÌÌ MƐ ƁƐKƐ̀NÌ-FÌTOM 28:22

Ɓìsiì kɔ̀nkɔn lɛ ti wog ɓi ŋwɔm wɔɔ com ki wɔ̀ɔ fèfèg, ɓisuulɛ tì yii lɛ bee inɛ̀n, ɓum ɓɛɛ̀ ɗùùɗuu ri yɔ̀ jàŋbimiɗ.

MƐ̀KÌKÌÌ MƐ ƁƐKƐ̀NÌ-FÌTOM 4:21

Fɔɔnnɛ ɓɛ̀yɔ̀mzì-ɓɔ, ɓɛ sagɛ̀ngà tì ɓɔ, ɓɛ ki caɗ min ɓɔ, di ɓɛ mɛ rɔɓ ɓɛ̀ kɛɛ̀ yi yɛ̀ɛ ɓɛɛ pɔnɔ̀si ɓɔ ɓisuulɛ, kìlɔ̀ŋ kìcèm ki keèkèmzìghà Bɛ̀ll ɓisuu dàm ì kìɓan inɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 5:13

Kìɓan kifog, ŋwaàdɛŋ ànɛ à ghɛɛsìghà lɛ a rarɛn ɗì ɓɔ, à ɓaghà ɓì, nsoò fɔlɔɔ ɓum ɓɛ kilɔ̀ŋ ɓɛ sɛsɛ̀kà ɓɔ lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 6:3

Fɔɔnnɛ mìni ɓɔɔsoŋ̀, ɓì ghɛ̀ɛ̀sɛɛ kì ɓɔ̀ni ɓum taàɓɛ̀ɛ̀ ɓi nyìinyìm wiǹ, ɓɛ ɓum ɓɛ yii lɛ, ɓɛ rɔɔtaagh ɓìsyɔ̀ɔ̀, ɓɛ ki ɓa ɓɛronɛn ɗì Kìtɛntɛ̀ɛ̀n ki Nghay, rì ɗyomzɛ̀n, ɓɛɛ̀ ɓɛ ti fa kìsay ki rikàɓsì ɗi ɓiɗilàg.

RÒMƐŊ 3:8

I ki ri fɔlɔɔ, ɓisuucɛ nnɛ tì yin min lɛ tì kpaa lɛ ti kiki kìɓe di kìrɔɔ kɛɛ kpaŋ yì miì? Fɛlɛ yɛ̀ɛ ɓum ɓɛdɛŋ ɓɛ ɓɛɛ tòtog ɓisi kìɓe ɓi nyoo ɓɛ ti ɓɛ kpaakpaà lɛ ɓìsii ti tì kalàg fɔlɔɔ; ɓumɓɛ̀n ɓɛ ri ki teɗ deɓ yi yi ghɛsɛɛ rì ɓɔ.

2 KƆ̀RƐ̀ŊTYƐŊ 1:18

Ǹkànɛɛ bɛ̀ɗ ɗi Bɛ̀ll ànɛ à ti à roòzàg mɛ̀kàg mii, lɛ kìɓan ki tì kpaaghà mìni, ki ɓaghà ɓi mɛgheri mɛɓɛɛ̀ lɛ rì ɛ̀ɛ̀, rì èe èe.

2 KƆ̀RƐ̀ŊTYƐŊ 11:21

Nkpaaghi lɛ, kìɓan kiǹ ki ri ɓìsi ǹtoòrìɗ; ki pisɛɛ yɛ̀ɛ tìi nɗèsii lɛ tì rì rì ìkɔ̀g, ɓi rìcàrɛ̀n ɗiǹ, nsoò fɔlɔɔ, kìɓan kicèm ki mum à rì lɛ à ghɛɛsì kì kpaà, mɛ̀ girig ǹɗì lɛ ǹghɛɛsì kì kpaà kɔ; ntòtog yɛ̀ɛ ŋwaànɛ à rì kìyèg.

2 KƆ̀RƐ̀ŊTYƐŊ 12:16

Ɓì rì min lɛ ɓì gherɛ̀n lɛ ǹtɛ̀g wɛm̀ wu ɓaghà ɓi mini ɓi nto, kìɓan kifog ŋwaàdɛŋ à rì lɛ à fèg lɛ ǹɗì ghèghey nni m̀ɓɔ̀gà mìni ɓi mɛ̀ghèy.

2 KƆ̀RƐ̀ŊTYƐŊ 4:2

Ɓìsiì ɓengà ɓìɓan ɓi ntoòrìɗ ɓi ɓyɛɛ̀ kìikilɛ̀n a rìnyam; cɛɓ ki ti ghɛghɛɓ ki yin ɗi mɛ̀ghèy, fɔɔnnɛ tì ki yin ɓiì lɔ̀ɔghlɔgtì jɛ̀ɛ̀ ì Bɛ̀ll. Wɔ̀lɛ rìrèsì ɗi ti rèresi saaɗ ɗyɛɛ̀ɗi ti kaakaa bee inɛ ɓum ɓɛ̀cèm ɓɛɛ tyweeyi ɓìsi ɓi mis mɛ Bɛ̀ll.

TÈSÀLÒNÌSYƐŊ 2:3

Ɓìɓan ɓi Bɛ̀ll ɓi tì kakàlìghà ɓum ɓi rooghày ɓi ǹɗuŋ ɓi rìnàn ǹsoò lɛ ɓi ɓìɓan ɓi tifin, fɔɔnnɛ ɓi ki yin ɗi ǹ-yègsɛ̀n.

TIMOTE 3:7

Ki ghɛɛ̀sɛɛ girig lɛ ɓumɓɛ ɓi dan ɓɛɛ sɛg nyi di ɓɛ̀ kɛɛ̀ sɛɛti nyi, fɔlɔɔ a kì nyi lɛ a kpi ɓi fìram fi Satàn.

TIMOTE 4:10

Kìɓan ki ɓìsiì kpuukputɛ̀n, tì ki ɗùùɗuu miì ki ri lɛ, tì fogà dyàɓɛn yis ɓi Bɛ̀ll ànɛ à rì cem, à ki ɓa nghɛɓsì-ɓum ɓɛ̀cèm à ɓiisɛ̀n ɓɛ̀gherɛ̀n.

EBIREEGH 13:13

Nni ti kɛ̀ɛna min a lɔ̀ŋkii, tì kpaŋdɛ̀n daŋdarààŋ rì jàŋ inɛ ɓum ɓɛ ri, tì ki kàɓɓɛn ntoòrìɗ wii.

1 PYƐƐRI 4:14

I ɓɛɛ̀ sɛɛsɛmgì mìni lɛ ɗii ɗi Kiris, di ɓì rì ɓɛ̀mààghmaagh ɓisuulɛ Ǹghay à rìkem, Ǹghay à Bɛ̀ll à rì ɓi mìni.

3 ZYAŊ 1:12

Ɓum ɓɛ̀cèm ɓɛɛ̀ sɛsɛg Demetiriyus, saaɗ nyimiɗ a sɛsɛg girig nyi, nsoò ɓìsi girig ti sɛsɛg nyi, ù ki yii lɛ, com ki ti kpaakpàà ki ri saaɗ.

ÀPÒKÀLIƁSƐ̀ 3:9

Ghɛna mɓiì faà wɔ̀ ɓumɓɛ ɓi nɗaŋ wu Satàn ɓɛ ɓɛɛ̀ pwààpwàà, ɓɛ reèghrèŋɗɛ̀n lɛ ɓɛ ri Ɓɛ̀yudɛ̀n, ɓɛ̀ kɛɛ̀ ki ɓa Ɓɛ̀yudɛ̀n, lɛ ɓɛɛ̀ pwààpwàà. Ghɛna, ǹɗì ɓiì kìi lɛ ɓɛɛ yu wɔ̀ kìkuŋii a mɛ̀kòò, ɓɛ ki yi lɛ ǹkeesìghà wɔ̀.