2 KƆ̀RƐ̀ŊTYƐŊ 6:6 - Bafia Nouveau Testament

⁶ Ti rèresi lɛ tì rì ɓɛ̀kìì-ɓìsay ɓɛ Bɛ̀ll, ɓi rìtɛn, ɓi rìyi ɗi ɓiɓan, ɓi kìɓìɓi kis ki nɗem, ɓi kìpuɓì-nɗem ki tì rì rì kɔ, ɓi Kìtɛntɛ̀ɛ̀n ki Ǹghay, rì ɓi nkɔnɛ̀n ànɛ à yin ri mɛ̀ghèy,

2 KƆ̀RƐ̀ŊTYƐŊ 6:6 ပူးပေါင်းရင်းမြစ်များ

RÒMƐŊ 12:9

Nkɔ̀nɛ̀n à ghɛ̀ɛ̀sɛɛ kì ɓaà kɛ̀ɛ̀ mɛ̀ghèy azi, ɓì ɓèèzɛ̀n kìɓe, ɓì ki sììrɛn ɓi rìkì ɗi kirɔɔ rì ìtèɗ.

RÒMƐŊ 15:19

rì ìtèɗ wu dàm rì ɓɛ̀koŋnyoo ɓɛ ɓiɓan, ɓi-tèɗ wu Kitɛntɛ̀ɛ̀n ki Nghay. Fɔɔnnɛ mɛ̀ɛ nghagsii Syeesyee à Ɓɔlɛ à Kiris lɛɛ̀gwey, à tumɛ̀n a Yorisalɛm à kɛ̀n kì kpaŋì a Ilirii.

1 KƆ̀RƐ̀ŊTYƐŊ 12:8

Lɛ Nghay à ti à falàg ŋwaàdɛŋ ɗyomzɛ̀n, m̀bobog à Ǹghay ànɛ̀n à fa roàmbog ɓìtòkì ɓi riyi ɗi ɓiɓan.

1 KƆ̀RƐ̀ŊTYƐŊ 13:4

Ǹkɔ̀nɛ̀n à rì rìnìɗ ɗi nɗem, nyi rì kìpuɓì-ǹɗem, kɛ̀ɛ ɓa ri m̀mììghrɛ̀n; ǹkɔ̀nɛ̀n à yin ɗi kalɛn, kɛ̀ɛ ɓa ri kìrèeresɛ̀n.

1 KƆ̀RƐ̀ŊTYƐŊ 2:16

Lɛ ghɛn yɛɛ yighà fèg à Kan, lɛ a resi nyi? Wɔ̀lɛ ɓìsii ri rì fèg à Kiris.

1 KƆ̀RƐ̀ŊTYƐŊ 2:4

Rìrèsàg ɗyɛm̀, rì ɓìɓan ɓi Bɛ̀ll ɓi ǹkpaakpààghà, ɓi ɓaghà ɓi ri ɓɛ̀syeesyee ɓɛ jɛ̀ɛ̀ ɓɛ ɓɛ ti ɓɛ ɓalàg yì ɓi ɗyomzɛ̀n ɗi ɓum, ɗi ki syògi ɓɔ mɛ̀rem, ɓi ɓaghà lɔŋ ɓiɓan ɓi Ǹghay à Bɛ̀ll yɛɛ rerèsìghà saaɗ ànɛ miì, rì ìtèɗ wii.

2 KƆ̀RƐ̀ŊTYƐŊ 1:23

Ǹfoŋi Bɛ̀ll wusìnɛ̀ɗ, i m̀pwàa, à kì lɛ nwu, ǹsugtìghày ɓi a Kɔrɛŋt ɓisuulɛ ǹkɔ̀ngà ɓi lɛ n-yeèsi mìni.

2 KƆ̀RƐ̀ŊTYƐŊ 11:11

Ɓisuucɛ nnɛ ǹkpaa fɔlɔɔ? Lɛ yɛ̀ɛ ǹkeesii ɓi mini? Bɛ̀ll yɛɛ yii!

2 KƆ̀RƐ̀ŊTYƐŊ 11:4

Ɓisuulɛ ki yeesii ɓi mini lɛ ŋwaàdɛŋ a yu mìni kì kalii kiɓan ki Yeesus àdɛŋ, ànɛ à yin anɛ ɓìsii kalìghà mìni, nsoò lɛ ɓi teɗ Ǹghay àdɛŋ ànɛ à yin Ǹghay ànɛ ɓì ɓaghà di ɓì mɛ teɗ, nsoò lɛ Syeesyee à Ɓɔlɛ àdɛŋ ànɛ à yin anɛ ɓì tekà.

2 KƆ̀RƐ̀ŊTYƐŊ 11:6

Nsoò yɛ̀ɛ m̀ɓiisɛɛ ɓi ki yiì kìtòkì, ǹ-yin zɛ̀zɛɗ ɓi kìɓan ki ki seesee rìyi. Tì mɛ rèsi mini kìɓan kiǹ bee lɛ bee ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 12:15

Ɓi san wɛ̀m, ǹɗì lɛ ǹwog kìrɔɔ lɛ nkpaŋzi mɔ̀ɔ̀ni mɛ̀cèm mɛ ǹɗì rì mɔ, ǹki kàɓɓɛn mɛ̀ɛmiɗ ɓisuu ɓyɛɓ ɓin; nni i mɛ̀ ǹkeesii mìni fɔlɔɔ ǹcìɓtàg, ɓisuucɛ nnɛ mìnii keesì mɛ̀ lɛsàg?

2 KƆ̀RƐ̀ŊTYƐŊ 13:10

Kìɓan kiǹ kɛɛ̀ki ǹkàniì mìni fɔlɔɔ, di ǹkakay fìràɓ ɓisuulɛ, yɛ̀ɛ nkpaŋkpaŋ foo, kɛ̀ɛ mɓa ǹtiniyɛn lɛ ǹnyɛn ɗì mìni, ɓi rìlàmì ɗi Kan à faghà mɛ̀ lɛ, nki lɛ ɓi siìrɛn ɓi rìgherɛ̀n, àa lɛ n-yogsi rìgherɛ̀n ɗin.

2 KƆ̀RƐ̀ŊTYƐŊ 2:10

I ɓì cenɛɛ ŋwaànɛ à sɛ̀rii kìɓan, mɛ̀ ǹcenɛ̀n girig nyi; lɛ kìɓan ki mɛ̀ɛ ncenɛɛ, i mɛ̀ɛ nghɛ̀ɛ̀sɛɛ lɛ ǹcenɛ̀n kìɓan kidɛŋ, mɛ̀ɛ nkìi fɔlɔɔ ɓisu win ɓi mis mɛ Kiris,

2 KƆ̀RƐ̀ŊTYƐŊ 2:4

Ǹkàngày mìni rì coo ǹɗemi-kɛŋɛn lɛɛ̀gwey, rì misì ɓi mɛ̀tam; m̀ɓaghà ɓi ri rìyitì ɗi lɛ m̀ɓeɓsi mìni mɛ̀rem, ǹkɔ̀nkɔ̀ngà lɛ di ɓyàa yii coo nkɔ̀nɛ̀n ànɛ ǹɗì rì nyi ɓi ɓɛg wìn.

2 KƆ̀RƐ̀ŊTYƐŊ 3:3

Kɛɛ̀ rèeresɛ̀n lɛ tɛntɛ̀ɛ̀n lɛ, ɓì rì kaàtà à Kiris, ànɛ à kànɛ̀ngà, ɓi kìsay kis, àa rì fìwey, lɔŋ rì Ǹghay à Bɛ̀ll ànɛ à rì cem; kaàtà ànɛn, à kànɛ̀ngà ɓi ɓi ɓìɓoŋ ɓi gɔ̀g, à kànɛ̀ngà lɔŋ ɓi ɓìɓoŋ ɓi mɛmùù, yɛɛ lɔ̀ɔ̀ lɛ ɓi mɛ̀rem min.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

2 KƆ̀RƐ̀ŊTYƐŊ 7:2

Nɛmina ɓìsi ìkɔ̀ɔ̀ ɓi mɛ̀rem min, tì kìghà ɓi mum kìɓan, tyɛ̀ ki ki pùmzi mum, tyɛ̀ ki teɗ mum com ɓi ǹ-yègsɛ̀n.

GÀLAT 3:2

Ɓàghina mɛ̀ ǹtɔɔ̀tɔɔgh wu; Bɛ̀ll à faghà mìni Nghay wìì ɓisuulɛ ɓì ɓègà ɓìdɔ̀gsɛna gìn ɓisuulɛ ɓì kìghà lɛ, ɓì wog, ɓì ki gherɛn Syeesyee à Ɓɔlɛ?

GÀLAT 3:5

à ki kìki dàm ɓi nyìinyìm wìn, à ti à kìlàg nya fɔlɔɔ lɛ yɛ̀ɛ ɓi nɔ̀ɔnɔɔ̀tì ɓìdɔ̀gsɛna gìn ɓisuulɛ ɓì ti ɓì wokì, ɓì ki gherɛn Syeesyee à Ɓɔlɛ?

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

EFÈZYƐŊ 3:4

I ɓì ɓàli gàɓ ì ɓìɓan inɛ màa kàni, ɓì rì lɛ ɓì ghɛn lèg ànɛ yɛ̀ɛ ǹ-yii ɓìɓan ɓi a rìnyam ɓi ɓi seesee Kiris.

EFÈZYƐŊ 4:2

sɛɛ̀diinà mìniìɓɔmiɗ ɓi zi, ɓì kɔ̀rì lɛ fyòoog, ɓì ɓa rì kìnìri ki nɗem, ɓì cenɛ̀n lɛ ɓi ghɛɓ rì ɓɛ̀geni ɓin lɔŋ yɛ̀ɛ ɓɛ ri, ɓɔ girig ɓɛ ki fɔlɔɔ ɓi san wìn, rìkì ɗiǹ ɗìcèm ɗi ɓa ɓi nkɔ̀nɛ̀n ɓi ɗùm;

EFÈZYƐŊ 4:32

Ɓaana rì nɗem wu geesɛ̀n ɓi nyìinyìm wìn, ɓì yi rìghɛn ɗi ɓɛro ɓɛmbog nyìighnyìg. Ɓaana rì rìcenɛ̀n ɓi nyìinyìm wiǹ, fɛlɛ yɛ̀ɛ Bɛ̀ll à cenɛ̀ngà mìni ɓi Kiris.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 2:3

Ɓi Kiris ànɛ̀n nnɛ ìkum wu ɗyomzɛ̀n wùcèm rì wu riyi ɗi ɓiɓan wu ri wù nyamɛn.

KÒLÒSYƐŊ 3:12

Nni yɛ̀ɛ Bɛ̀ll à ɓɔ̀ngà mìni, à tɛɛ̀zì mìni, à ki keesi mini, ɓì ghɛ̀ɛ̀sɛɛ lɛ ɓì waatɛ̀n nɗem wu nyìinyìg, rì wu geesɛ̀n, rì wu sɛɛ̀dɛn ɓi zi, rì wu tɛ̀tɛ̀rɛ̀ɛ̀, rì rìnìɗ ɗi nɗem.

TÈSÀLÒNÌSYƐŊ 2:10

Ɓì rì ɓɛ̀wusìnɛ̀ɗ ɓis, nsoò Bɛ̀ll à rì girig wusìnɛ̀ɗ lɛ cɛɓ ki tì ghɛɓkà rì mìni ɓɛ ɓì rì ɓɛ̀gherɛ̀n ki ɓaghà kìtɛnɛn, kɔ tì lɛ saaɗ, kɛ̀ɛ̀ kìɓan kifenɛn miì.

TIMOTE 4:12

Mum kɛ̀ɛ sɛɛti riɓa ɗyɔɔ ɗi ùrì ŋwɔɓti, kìɓan kifog, ɓaya kìfèèghrɛnà ɓisuu ɓɛgherɛ̀n ɓi ɓìtòkì ɓyɔɔ, ɗì rìkɛ̀ɛ̀ ɗyɔɔ, rì ɓi nkɔ̀nɛ̀n, rì ɓi rìgherɛ̀n, rì ɓi rìtɛn.

TIMOTE 5:2

ù reɓkì ɓɛ̀sɛ̀ɛ̀mɛn ɓɛ ɓɛ̀yiɓ lɔŋ yɛ̀ɛ ù rì lɛ ù reɓ ɓɛ̀gaa, ù reɓkì ɓɛ̀yiɓ ɓɛɓwɛɗ yɛ̀ɛ ù rì lɛ ù reɓ ɓɛ̀goni ɓɛ ɓɛyìɓ; rìkì ɗiǹ ɗìcèm ɗi ɓa ɗìtɛnɛn lɛ kɔɔ̀kɔɔ̀.

2 TIMOTE 3:10

Ɓi ɓɛg wɔ̀ɔ̀, ù ghɛngà rìrèsì ɗyɛm̀ lɛ syeesyee, rì rìghɛghɛ̀ɓ ɗyɛm̀, rì ɓɛ̀fèg ɓɛm, ɗì rìgherɛ̀n ɗyɛm̀, ɗì rìnìɗ ɗyɛm̀ ɗi nɗem, rì ǹkɔ̀nɛ̀n wɛ̀m, rì kìsììrì kɛm̀,

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

Kaàtà ànɛ Pol à kàngà TIT 2:7

Wɛ̀ɛmiɗ ù ɓa kìfèèghrɛnà ɓi rìkì ɗi ɓiɓan ɓi syeesyee, ù rèèrèsàg ɓum dɔgtɛ̀n inɛ ì rì ǹtɛnɛn, ɗì rìmum.

ZYAG 3:17

Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 ZYAŊ 3:18

Mìni ɓɔn ɓɛm, ki ghɛɛ̀sɛɛ ɓi lɛ ti kɛkɛɛgh ǹkɔ̀nɛ̀n wìs ŋwɔm ɗì ŋwɔm; ǹkɔ̀nɛ̀n wìs a ghɛ̀ɛ̀sɛɛ kì ɓaà kɔɔ̀kɔɔ̀ à ǹkɔ̀nɛ̀n ànɛ a rèeresɛ̀n ɓi mɛ̀kìkìì mis.