2 KƆ̀RƐ̀ŊTYƐŊ 5:18 - Bafia Nouveau Testament

¹⁸ Ɓìɓan ɓiǹ ɓìcèm ɓi riì yɛ̀ɛ Bɛ̀ll ànɛ à kìghà lɛ paàzì ànɛ lɛ rì ɓìsi rì nyi a leg lɛ Kiris; nnyɛɛ ki faghà ɓìsi kìsay lɛ ɓum ɓɛɛ leg ɓi kìɓan ri nyi.

2 KƆ̀RƐ̀ŊTYƐŊ 5:18 ပူးပေါင်းရင်းမြစ်များ

LUKAS 10:5

Mɛɛ mɛcèm mɛ ɓi ɗiŋii wɔɔ, kaliina ɓumɓɛ miì lɛ: Fyòoog à Bɛ̀ll a ɓa ɓi mɛɛ mɛ.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 3:27

Nni Zyaŋ à ɓàkà ɓɔ lɛ: Mum à yin lɛ à ɓa rì com kidɛŋ, ki ki yin ki Bɛ̀ll à faa nyi.

MƐ̀KÌKÌÌ MƐ ƁƐKƐ̀NÌ-FÌTOM 10:36

Fɔɔnnɛ Bɛ̀ll à romgày jɛ̀ɛ̀ a ɓɔn ɓɛ Isirayɛl lɛ ɓɛɛ yi lɛ, fyòoog à rì ɓiì ɓaà ɓi nyìinyìm ànɛ lɛ rì nyi rì ɓum, ɓi jɛ̀m ì Yeesus Kiris ànɛ à rì rìfòm ɗi ɓum ɓɛ̀cèm;

RÒMƐŊ 11:36

Lɛ ɓyom ɓìcèm ɓi fuuyì ɓi nyi, ɓi ri lɛ nyi, ɓi ki rì ɓisu wìì, nnyɛ̀ɛ ghɛɛ̀sɛɛ rì rìkem fìɗyàɓ fikɔ̀ɔ̀. Ààmɛ̀n.

RÒMƐŊ 5:1

Yɛ̀ɛ tì ti min ɓumɓɛ ɓɛ ri lɛ saaɗ ɓi mis mɛ Bɛ̀ll lɛ rìgherɛ̀n, tì yiìdi ɓi paàzì rì Bɛ̀ll lɛ Kan wìs Yeesus Kiris.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 11:12

ɓisuulɛ lɔŋ yɛ̀ɛ giɓ a kìlɛ̀ngà rì com ki ɓɛ tekày ɓi baŋì, fɔlɔɔ nnɛ baŋì ì ti ì yalàg yì ɓi ɗùm ɗi giɓ, ɓìɓan ɓiǹ ɓìcèm ɓi ti ɓi ɓalàg yì yɛ̀ɛ Bɛ̀ll.

1 KƆ̀RƐ̀ŊTYƐŊ 12:6

Ɓìɓan ɓi kìyɛn ɓi ri mɛ̀kuu mɛ̀kuu, wɔ̀lɛ Bɛ̀ll bog yɛ̀ɛ kìki ɓiɓan ɓiǹ ɓìcèm ɓi ɓum ɓɛ̀cèm.

1 KƆ̀RƐ̀ŊTYƐŊ 3:5

Cɛ kɛɛ ri min lɛ Apolos? Cɛ kɛɛ ri lɛ Pol? Tì rì lɔŋ ɓɛ̀kìì-ɓìsay ɓɛ ɓɛ kighà lɛ ɓi gherɛn Bɛ̀ll, rìkì ɗi mum ǹcèm ɗi ɓa lɔŋ yɛ̀ɛ Kan à faghà nyi ìtèɗ wulɛ a ki.

1 KƆ̀RƐ̀ŊTYƐŊ 8:6

nsoò fɔlɔɔ, ɓi ɓɛg ànɛ a lɔ̀ŋkis, Bɛ̀ll à rì lɔŋ bog, nnyɛɛ ri Seŋi ànɛ à kìghà ɓyom ɓìcèm, ɓisu wii nnɛ ɓìsiì ghɛghɛ̀ɓ. Fɔɔnnɛ Kan à rì girig bog lɛ Yeesus Kiris, ànɛ à ti à kìlàg lɛ ɓyom ɓìcèm ɓyɛɛ ɓa, ɓìsii ki ghɛghɛɓ lɛ nyi.

KÒLÒSYƐŊ 1:22

ɓi cààmɛ̀n ki, lɛ rìwu ɗi Man wiì à wughà ɓi nyoo yìì i mɛ̀mùù, Bɛ̀ll à mɛ pɛ̀ɛ̀zi mini kì ràri ɗi nyimiɗ, lɛ di a ki com ki lɛ ɓi kpaŋ ɓi mis mii ɓɛtɛnɛn, kɛ̀ɛ̀ zɛ̀ɗ, kɛ̀ɛ̀ bɛ̀lɛn.

EBIREEGH 2:17

Kìɓan kiǹ kɛɛ̀ki à ghɛ̀ɛ̀sɛ̀ngà kì pisɛɛ ɓɛgeni bee yicèm lɛ, di a ɓa rìfòm ɗi ɓɛpìrɛɛtìrɛ̀ ɗi ɗi ri rì nɗem wu nyìighnyìg, ɗi kikì kìsay ki Bɛ̀ll lɔŋ yɛ̀ɛ ki ghɛɛ̀sɛɛ, lɛ ɗyɛɛ soò ɓìɓe ɓi ɓum ɓɛ kilɔ̀ŋ.

ZYAG 1:17

Com ki syeesyee kìcèm ki ɓɛ ri lɛ ɓɛ fa ɓìsi, rì rìɓòò ɗìcèm ɗi ɗi rɔɔtɛɛ lɛ kɔɔ̀kɔɔ̀, ɓi ti ɓi ɓalàg yì aɗyoo, yɛ̀ɛ Seŋi ànɛ à rì rì kìtɛɛtɛn, ànɛ à ti kɛ̀ɛ cenɗɛn, nsoò kìfìì ki lɛ à rì lɛ à lɔ̀gtɛ̀n, ki yin a lɔ̀ŋkii.

1 ZYAŊ 2:2

Lɛ nyimiɗ a faghà cɛɓ kii ɓisuulɛ ɓìɓe ɓis ɓyɛɛ ɓa ɓìcenɛn, àa gì lɛ ɓinkis ɓyɔ rì ɓyɔ, lɔŋ ɓisuu ɓiɓe ɓi ɓum ɓɛ̀cèm girig.

1 ZYAŊ 4:10

Ǹkɔ̀nɛ̀n ànɛn à yin lɛ ɓìsi yɛɛ keesìghà Bɛ̀ll, kìɓan kifog nnyɛɛ keesìghà ɓìsi, à rom yì Man wiì fɛlɛ yɛ̀ɛ kìtuwe ki kɛɛ ghɛɓsi ɓi zòghɛ̀n ì ɓìɓe ɓis.