2 KƆ̀RƐ̀ŊTYƐŊ 5:11 - Bafia Nouveau Testament

¹¹ Nni yɛ̀ɛ tì yii com ki ki ri lɛ rìrisì ɗi Kan, nnɛ ti kaakaa bee inɛ lɛ ti syoŋ̀ ɓum. Bɛ̀ll à yii ɓìsi lɛ syeesyee, ǹki rì rì ntyweeyi lɛ nsoò mìni, ɓì yii girig ɓìsi ɓi mɛ̀rem min ɓiɗùm.

2 KƆ̀RƐ̀ŊTYƐŊ 5:11 ပူးပေါင်းရင်းမြစ်များ

MATYOO 10:28

Kɛ̀ ɓi risi ɓumɓɛ ɓɛ ri lɛ i ɓɛ woli mɛ̀mùù, ɓɛ̀ kɛɛ̀ ɓa ti ri bee ìnɛ ɓɛɛ wey ǹghay; risiina lɔŋ roànɛ à rì rì ìtèɗ wulɛ, à wey lɛ, rì mɛ̀mùù rì ǹghay ɓi ɗuu ɗi fiɗyàɓ fikɔ̀ɔ̀.

MATYOO 25:46

Fɔɔnnɛ ɓumɓɛ̀n ɓɛ teri gɛ deɓ yi fiɗyàɓ fikɔ̀ɔ̀, wɔ̀lɛ ɓum ɓɛ saaɗ ɓɔɔ teɗ cɛɓ ki fiɗyàɓ fikɔ̀ɔ̀.

LUKAS 12:5

Ǹɗì mìni ɓiì rèsii ŋwaànɛ ɓì ghɛ̀ɛ̀sɛɛ kì risii; risiina roànɛ à rì rì ìtèɗ wulɛ à wey, à ki pìg mini ɓi ɗuu ɗi fiɗyàɓ fikɔ̀ɔ̀; ǹkalii mìni ɓi saaɗ lɛ, nyi nnɛ ɓì ghɛ̀ɛ̀sɛɛ kì risii.

LUKAS 16:31

Abiraham à ɓàgtì nyi lɛ: I ɓɛ̀goni ɓɛ yin lɛ ɓɛ wog rìrèsì ɗi Moyis rì ɗi ɓɛkpaŋzì-ɓìɓan, nsoò mum àa ghèmɓɛɛ yì fɛ a nyɔ̀ɛ̀y, à kɛ̀n ɓɔ kì kpaà kìɓan, ɓaa gherɛn ɓi.

MƐ̀KÌKÌÌ MƐ ƁƐKƐ̀NÌ-FÌTOM 13:43

Yɛ̀ɛ rìghàdà ɗi lekà, Ɓɛ̀yudɛ̀n lɛɛ̀gwey rì ɓum ɓɛ zɛy ɓɛ ɓɛ ɗiŋìghà ɓi rìgherɛ̀n ɗi Ɓɛ̀yudɛ̀n ɓɛ nɔɔ̀tìghà Pol ɓɛɛ̀ Ɓarinaɓas, ɓɛ̀roɓɛ̀n ɓɛ kuùkùrɛ̀n ɗì ɓɔ, ɓɛ teètèèsì ɓɔ nyoo di ɓɛɛ̀ kpaakpaa ɓɔ lɛ, ɓɛɛ kɛn asu, ɓɛ ki sììrɛn ɓi geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 18:13

Ɓɛ kpaa lɛ: Ŋwaànɛ a tootoòsì, ɓum lɛ ɓɛɛ ɓɔgsi Bɛ̀ll ɓi rìkuu ɗi riɓɔgsì ɗi ɓìdɔ̀gsɛna ɓi reègh.

MƐ̀KÌKÌÌ MƐ ƁƐKƐ̀NÌ-FÌTOM 18:4

Gòn yi Saɓàt yìcèm, Pol àa ǹtòòghraagh ɓi naà-bɔ̀nzɛ̀n lɛ à kaakààghà bee lɛ a syoŋ̀ lɛ rì Ɓɛ̀yudɛ̀n rì Gìrɛg.

MƐ̀KÌKÌÌ MƐ ƁƐKƐ̀NÌ-FÌTOM 19:26

Nni ɓi seesèè ɓì ki wowog, yɛ̀ɛ ŋwaànɛ lɛ Pol ànɛ à mɛ kì lɛ, à rèsàg, à ki syoŋ̀ ɓum lɛɛ̀gwey, àa fɛ a Efɛɛzɛ nyi rì nyi, ɓaàyiɓi ɓi ziì Azii bimiɗ. À kpaakpàà lɛ, bɛ̀ll yi ɓum ɓɛɛ kii rì ɓyàg ɓyaa, yi yin Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 26:26

Rìfòm ɗi yii ɓìɓan ɓi fɔɔnnɛ nkakali nyi ɓyɔ lɛ fwàafwàày lɛ ǹkonaagh kì yiì lɛ à còmɛɛ ɓi kiɓan miì nsoò kìfog, ɓyɛ̀ kɛɛ̀ ki ɓa ɓiɓan ɓi ɓi kilɛ̀ngà a rìnyam.

MƐ̀KÌKÌÌ MƐ ƁƐKƐ̀NÌ-FÌTOM 28:23

Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

2 KƆ̀RƐ̀ŊTYƐŊ 2:17

Lɛ ɓìsii yin yɛ̀ɛ kìgwey ki ɓum ki ki ti ki kilàg fyèè ri jɛ̀ɛ̀ ì Bɛ̀ll; kìɓan kifog, rì nɗem wu saaɗ, ɓi ɗii ɗi Bɛ̀ll ìnnɛ ɓìsiì kakali yɔ̀ yɛ̀ɛ ɓɛ̀kìì-ɓìsay ɓɛ Kiris ɓi mis mɛ Bɛ̀ll.

2 KƆ̀RƐ̀ŊTYƐŊ 5:20

Ɓi ɗii ɗi Kiris innɛ tì rì ɓɛ̀romɛn fɔɔnnɛ Bɛ̀ll nyimiɗ yɛɛ̀ feèfègsì mìni ɓi myɔm mis; tì ɓɔ̀ŋzaagh mìni ɓi ɗii ɗi Kiris lɛ ɓi gherɛn lɛ ɓi pegsɛn kìɓan ki lɛ rì mìni rì Bɛ̀ll.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

GÀLAT 1:10

Nni ɓigomìnɛ, mɛ̀sɛɛ̀ghsɛɛgh mɛ ɓum mɛɛ̀mɛ ǹkaakàà giǹ mɛ Bɛ̀ll? Rìkɔ̀n ɗyɛm̀ ɗi ri nya lɛ ɓum ɓɛɛ wog kìrɔɔ rì mɛ̀? Èe èe, i màa kaka ǹkaakàà lɛ ɓum, ɓɛɛ wog kìrɔɔ rì mɛ̀ di ǹ-yin nkìì-kìsay a Kiris.

EFÈZYƐŊ 5:21

Ɓaana rì mɛ̀wog ɓi nyìinyìm wìn ɓisuu rinìŋ ɗi ɓì ti ɓì nìgì Kiris.

EBIREEGH 10:31

Ki ri koŋnyoo lɛ Bɛ̀ll ànɛ à rì cem, a raɗ mum ɓi ɓyàg ɓii.

EBIREEGH 12:29

Ɓisuulɛ Bɛ̀ll wìs a rì girig yɛ̀ɛ ɗuu ɗi ɗyɛɛ̀ ɗiighɗigsì lɛ lɛɛ̀ lɛɛ̀.

ZYUUDƐ 1:23

Pàsina ɓɔ ɓi ɗuu, ɓì ghɛɓsì ɓɔ, ɓi wog ɓɛ̀ro ɓɛdɛŋ nyìighnyìg; nyìighnyìg ìnɛn ì ɓa m̀ɓùtɛn ɗi ìris, wɔ̀lɛ ɓì ɓèèzɛ̀n ɓìɓan ɓyaa ɓìcèm, à kpaŋ lɛ rì ɓìlàà ɓyaa ɓi ɓi ri ɓìtɔɓiyɛn ri ɓìɓan ɓi tifin ɓi ɓi mɛ̀mùù.

ÀPÒKÀLIƁSƐ̀ 20:15

Nni mum ǹcèm ànɛ ɗii ɗii ɗi ɓaghà ɓi ɗikànɛn ɓi kaàtà à cɛɓ, ɓɛ pikà nyi ɓi kìràà ki ɗuù.