2 KƆ̀RƐ̀ŊTYƐŊ 5:1 - Bafia Nouveau Testament

¹ Lɛ tì yii lɛ, i kìlaa ki ti ghɛghɛɓ miì fɛ ɓi ziinɛ, kɛɛ ri nyoo yìs ki waàrɛɛ, tì rì rì ɓìtèetèɗ ɓi mɛɛ aɗyoo ɓi Bɛ̀ll à togà, ɓyɛɛ ri fìɗyàɓ fikɔ̀ɔ̀; mɛɛ mɛn mɛ yin mɛɛ mɛ ɓum ɓɛ toŋi rì ɓyàg ɓyaa.

2 KƆ̀RƐ̀ŊTYƐŊ 5:1 ပူးပေါင်းရင်းမြစ်များ

MARIKUS 14:58

Tìi ǹwoogh di a kpaakpaa lɛ, a ɓiì wààghii naà-Bɛ̀ll ìnɛ ɓum ɓɛ togà ìnɛ, à toŋdì ìdɛŋ ɓi mɛ̀ru mɛraa mum kɛ̀ɛ foŋ càg miì.

MƐ̀KÌKÌÌ MƐ ƁƐKƐ̀NÌ-FÌTOM 7:48

Wɔ̀lɛ Bɛ̀ll ànɛ à teŋmɛɛ à cee, a maà kɔ̀ri ɓi kɔmiɗ ɓi mɛɛ mɛ ɓum ɓɛɛ toŋi.

1 KƆ̀RƐ̀ŊTYƐŊ 3:9

Lɛ ɓìsiì kìki kisay ki Bɛ̀ll ǹɗaŋ, mìni yɛɛ ri dɛm i Bɛ̀ll, ɓì ki ɓa mɛɛ mɛ Bɛ̀ll a toŋtòŋ.

2 KƆ̀RƐ̀ŊTYƐŊ 4:7

Ɓìsii tɛtɛɛgh ìkum wiǹ ɓi ɓìbɔkɔ̀ ɓi ɓi ri ɓì kìyɛn ɗi fyòò, lɛ di kɛɛ ghɛnɛn lɛ tɛntɛ̀ɛ̀n lɛ coo itèɗ wu kuukuùghràkɛ̀n wiǹ, wu yin itèɗ wis, wu ri ìtèɗ wu Bɛ̀ll.

2 KƆ̀RƐ̀ŊTYƐŊ 5:4

Lɛ cààmɛ̀n kìcèm ki tì rì ɓi kìlaa ki, tì rì rì bemeg, mɛ̀tɔɓ mɛ laatàg ɓìsi, ki yin ɓaà loo lɛ ti kaakaa lɛ di tyàa ghasɛɛ rì nyoo yìs ìnɛ fɛ, wɔ̀lɛ ti kɔ̀ngi lɛ di tyàa ɓɔ̀ɓtɛɛ kìlaa ɓi kimbog, lɛ di cɛɓ kɛɛ miǹ com ki ki ri lɛ ki wu.

KÒLÒSYƐŊ 2:11

Ɓi nyi, ɓì kɛ̀rɛ̀ngà rìkuu ɗi kɛ̀rɛ̀n ɗi ɗi yin ɗi ɓum ɓɛɛ kɛri rì ɓyàg ɓyaa, kìɓan kifog, ɓì kɛ̀rɛ̀ngà kɛ̀rɛ̀n à Kiris ànɛ à rì lɛ mum a leg ɓi rìkpàn ɗi nyoo ì kìɓe.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

EBIREEGH 11:10

Ɓisuulɛ Abiraham à ɓoŋɓòŋgà bàn ìnɛ Bɛ̀ll yɛɛ fekà yɛ̀ɛ ì rì lɛ ì toŋɗɛ̀n, nyimiɗ yɛɛ ki toŋ, yɔ̀ lɛ kpegkpeg.

EBIREEGH 9:11

Wɔ̀lɛ Kiris à yùghà fɛlɛ yɛ̀ɛ ǹlàmì ɓɛ̀pìrɛɛtìrɛ̀ àgwey ànɛ ɓi ɓìɓan ɓi syeesyee ɓi ɓi ri ɓiì ɓaà; à syààghày kìnuugh ki ki kii lɛ, ki teghɛ̀n ki cee, ki ki rɔɔtɛn ki cee, kɛ̀ kɛɛ̀ ki ɓa kinuugh ki ɓum ɓɛɛ toŋi, yɛɛlɔɔ lɛ ki yin ɓi bàlì ì ɓyom ɓi ɓi kilɛ̀ngà ɓi ziinɛ.

EBIREEGH 9:24

Ɓisuulɛ Kiris à ɗiŋìghà ɓi ɓi naà-Bɛ̀ll ìnɛ ɓum ɓɛɛ toŋi, ìnɛ ì rì lɛ ì ɓa kìfèèghrɛnà ki naà-Bɛ̀ll ì kɔɔ̀kɔɔ̀, à ɗiŋìghà lɔŋ ɓi ɗyoo ɗyɔmiɗ lɛ di a rɛli ɓi cààmɛ̀n ki, ɓi mis mɛ Bɛ̀ll ɓisu wis.

1 PYƐƐRI 1:4

ɓisuu mɛwus mɛ mɛ yin lɛ mɛ ɓwɛy, mɛ̀ kɛɛ̀ teɗ tifin nsoò lɛ mɛ womdàg; mɛ̀wus mɛǹ mɛɛ ri mɛ̀ nyamɛn aɗyoo ɓisu wìn,

2 PYƐƐRI 3:11

Nni yɛ̀ɛ ɓyom ɓìcèm ɓi ghɛɛ̀sɛɛ kì ɗyaŋì fɔlɔɔ, ki ghɛɛ̀sɛɛ lɛ cɛɓ kin, ɗì rìfalɛ̀n ɗin ɗi ɓi rìgherɛ̀n ɓyɛɛ ɓa ɓìtɛnɛn lɛ kɔɔ̀kɔɔ̀.

1 ZYAŊ 3:14

Ɓìsii yii lɛ tì mɛ pɛ̀sɛn ɓi rìwu, tì ɗiŋì ɓi cɛɓ; tì yii fɔlɔɔ lɛ tì keesii ɓɛ̀geni ɓis; ŋwaànɛ à yin ɗi ǹkɔ̀nɛ̀n, à kaka ɓi rìwu ɓi ɗùm.

1 ZYAŊ 3:19

Fɔlɔɔ nnɛ tì ɓiì yiì lɛ, tì rì ɓumɓɛ ɓi gàm ì saaɗ; fɔɔnnɛ mɛ̀rem mɛ ri ɓìsi ɓiì kpìi ɓi mùm rì rìɓa ɗis ɓi mis mɛ Bɛ̀ll.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.