2 KƆ̀RƐ̀ŊTYƐŊ 4:6 - Bafia Nouveau Testament

⁶ Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

2 KƆ̀RƐ̀ŊTYƐŊ 4:6 ပူးပေါင်းရင်းမြစ်များ

LUKAS 10:22

Seŋi wɛ̀m à faghà mɛ̀ ɓìɓan ɓìcèm, fɔɔnnɛ ŋwaàdɛŋ à yii ɓi ghɛn yɛ̀ɛ ri lɛ Man i ki yin lɛ Tààta rì ghɛn yɛɛ ri lɛ Tààta, i ki cee ɓi lɛ Man, rì roànɛ Man à rèsii Tààta.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 11:40

Yeesus à ɓàg nyi lɛ: Màa kpaa wɔ̀ lɛ i ù gherɛɛ ù ɓiì ghɛɛ rìgwey ɗi Bɛ̀ll!

ZYAŊ 12:41

Kìɓan kiǹ kɛɛ̀ki Ezayii à kalìghà yɛ̀ɛ à ghɛngà rìkem ɗi Yeesus, ɓi cààmɛ̀n ki à kpaakpààghà kìɓan kii.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

1 KƆ̀RƐ̀ŊTYƐŊ 12:8

Lɛ Nghay à ti à falàg ŋwaàdɛŋ ɗyomzɛ̀n, m̀bobog à Ǹghay ànɛ̀n à fa roàmbog ɓìtòkì ɓi riyi ɗi ɓiɓan.

2 KƆ̀RƐ̀ŊTYƐŊ 2:10

I ɓì cenɛɛ ŋwaànɛ à sɛ̀rii kìɓan, mɛ̀ ǹcenɛ̀n girig nyi; lɛ kìɓan ki mɛ̀ɛ ncenɛɛ, i mɛ̀ɛ nghɛ̀ɛ̀sɛɛ lɛ ǹcenɛ̀n kìɓan kidɛŋ, mɛ̀ɛ nkìi fɔlɔɔ ɓisu win ɓi mis mɛ Kiris,

2 KƆ̀RƐ̀ŊTYƐŊ 3:18

Ɓìsi ɓɛ̀sɛ̀ɛ̀ ɓɛ̀cèm ɓɛ mɛ̀su mis mɛ yin mɛ lɔghɛn ɗi kìlàà, rìkem ɗi Kan ɗyɛɛ̀ lònlom ɓi ɓìsi, yɛ̀ɛ ɓi ŋwii tì koɓsɛ̀n ɓi mis lɛ ti ɓa ɓi kìpisɛn kii, rì coo rikem ɗi ɗyɛɛ̀ ɓɔɓɔg mɓɔɓɔghɛn lɛ kìsay ki Kan ànɛ lɛ Ǹghay a kìkì.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

EFÈZYƐŊ 1:18

À lòm mìni kìtɛɛtɛn ɓi mɛ̀rem, lɛ ɓi yi rìkuu ɗi dyàɓɛn ɗi à reŋìghà mìni lɛ ɓi ɓa rì ɗyɔ, ɓì ki yi lèg ànɛ yɛ̀ɛ ɓyom ɓi syeesyee ɓi à nyamgà ɓisuu ɓɛgherɛ̀n ɓi ri ɓì tèghɛn.

EFÈZYƐŊ 5:8

Ɓisuulɛ ɓì ɓaghà ɓumɓɛ ɓi birìm abɛ̀y, nni ɓigomìnɛ, ɓì ti kìtɛɛtɛn ɓi Kan ɓi ɗùm. Nni ghɛɓina min yɛ̀ɛ ɓɔn ɓɛ ɓi kìtɛɛtɛn.

FÌLÌPYƐŊ 2:6

Nyi ànɛ à ɓaghà yɛ̀ɛ Bɛ̀ll, à ghɛngà ɓi lɛ rìɓa ɗi lɛ, rì nyi rì Bɛ̀ll ɓɛɛ ɓa ǹɗɛli wufog, ɗi ri com ki à ghɛ̀ɛ̀sɛɛ kì sɔrii ɓi-tèɗ;

KÒLÒSYƐŊ 1:15

À rì kìfèèghrɛnà ki Bɛ̀ll ànɛ ɓum ɓɛ ghɛɛ ɓi, nyi tì Man à ǹtonto ànɛ ɓi ɓyom ɓìcèm ɓi Bɛ̀ll à kìghà.

TÈSÀLÒNÌSYƐŊ 2:12

Tì kìghà lɛ tì reɓ mìni, tì fɔɔsì mìni mɛ̀rem, tì ki ɓɔ̀ɔɓɔ̀ŋzì mìni lɛ ɓi ghɛɓ lɔŋ yɛ̀ɛ kɛɛ̀ kɔ̀ngi Bɛ̀ll ànɛ a regi mini lɛ ɓi ɓa rì gàɓ ɓi kìlɔ̀ŋ kii, rì ɓi rìkem ɗii.

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 6:4

Ɓi kìɓan ki ki seesee ɓumɓɛ ɓɛ ghɛngà kìtɛɛtɛn ki Bɛ̀ll cààmɛ̀n kidɛŋ, ɓɛ ɓoɓtì rìfa ɗi Bɛ̀ll, ɓɛ ki teɗti gàɓ ɓi Kìtɛntɛ̀ɛ̀n ki Nghay,

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

2 PYƐƐRI 1:19

Fɔlɔɔ nnɛ tì ɓiisɛɛ tì kìgherɛɛ rikpaa ɗi ɓɛ̀kpaŋzì-ɓìɓan lɛ ɗi ri saaɗ; saaɗ ànɛ̀n innɛ ɓi kookonàg yɛ̀ɛ ɓi ranɗam mɛreè lɛ ɓi wog lɛ à rì fɛlɛ yɛ̀ɛ lamɓà ànɛ a ròòroo ɓi jàŋ inɛ ì rì birìm, à kpaŋ yɛ̀ɛ duri i ɓiì tanì, fyɛy fi duriɓuɓ fi kpeŋzì mɛ̀rem min.