2 KƆ̀RƐ̀ŊTYƐŊ 3:7 - Bafia Nouveau Testament

⁷ I ɓìdɔ̀gsɛna ɓi ɓi ti ɓi weeyì ɓi kanɛ̀ngà rì ɓìkàŋga, ɓi ɓìɓoŋ ɓi gɔ̀g, kìtɛɛtɛn ki rikem ɗi Bɛ̀ll ki resɛ̀n ɗì ìtèɗ lèg ànɛ lɛ ɓɔn ɓɛ Isirayɛl ɓɛ ɓaghà ɓi lɛ ɓɛ fifìɓì ìsu wu Moyis lɛ fyɛɛyi ɓisuulɛ rìkem ɗi Bɛ̀ll ɗi lomlòmgà nyi ɓi-su, ki soo ɓaghà lɛ rìlònlòm ɗiǹ ɗi ghɛɛ̀sɛ̀ngà kìfinɛɛ gàɓ, ɗi ki ɓuɓi.

2 KƆ̀RƐ̀ŊTYƐŊ 3:7 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 6:15

Ɓum ɓɛ̀cèm ɓɛ ɓɛ ɓaghà ɓi kìkpanà ki ɓɛyɔ̀m ɓɛ pɛɛzìghà mis dì Ityɛn, ɓɛ ki ghɛn lɛ ìsu wii wɛɛ̀ lònlom yɛ̀ɛ wu ŋwaà-fìtom a Bɛ̀ll.

RÒMƐŊ 10:4

Ɓisuulɛ Kiris à rì rìsugtɛ̀n ɗi ɓidɔ̀gsɛna, lɛ di mum ǹcèm ànɛ à gherɛɛ a ɓa lɛ saaɗ ɓi mis mɛ Bɛ̀ll.

RÒMƐŊ 4:15

Ɓisuulɛ ɓìdɔ̀gsɛna ɓi ti ɓi syogàg yì bim i Bɛ̀ll, rì tì lɛ mum à yin lɛ à kpì kìdɔ̀gsɛna jàŋ inɛ ɓìdɔ̀gsɛna ɓi yin.

RÒMƐŊ 5:20

Kɔlɛ ɓìdɔ̀gsɛna ɓi yughày lɛ di kìɓe kɛɛ teghɛn, wɔ̀lɛ jàŋ bimiɗ ìnɛ kìɓe ki ɓaghà kì rììtɛn geesɛ̀n ì Bɛ̀ll ì tèghɛ̀ngà tì ì cee fɔlɔɔ.

RÒMƐŊ 7:10

Fɔlɔɔ nnɛ ɓìdɔ̀gsɛna ɓi ɓi ghɛɛ̀sɛ̀ngà kì kìi lɛ mɓa rì cɛɓ, ɓyɛɛ kighà lɛ nwu.

RÒMƐŊ 7:22

Ɓisuulɛ ǹti ǹnyààràg rì ɓìdɔ̀gsɛna ɓi Bɛ̀ll ɓi nɗem wɛ̀m ɓi ɗùm.

RÒMƐŊ 7:5

Lɛ cààmɛ̀n ki tì nɔ̀ɔ̀nɔ̀ɔ̀tìghà cɛɓ ki mɛmùù, zày ìnɛ lɛ ti kiki ɓìɓe ì yeèyèèsìghà ɓìsi nyoo bimiɗ, di ɓìdɔ̀gsɛna ɓi mɛ ghèmzi yɔ̀, lèg ànɛ lɛ ɓìɓan ɓi tì kìkìghà ɓi ɓaghà ɓìɓan ɓi lɛ ti cuù.

1 KƆ̀RƐ̀ŊTYƐŊ 13:10

Kìɓan kifog, yɛ̀ɛ com ki ki rɔɔtɛɛ kɛ̀ɛ̀ kìɓan ki lɛ ɓɛ fen miì ki ɓiì kpaŋì, ki ki ri tàtà ki leg.

2 KƆ̀RƐ̀ŊTYƐŊ 3:3

Kɛɛ̀ rèeresɛ̀n lɛ tɛntɛ̀ɛ̀n lɛ, ɓì rì kaàtà à Kiris, ànɛ à kànɛ̀ngà, ɓi kìsay kis, àa rì fìwey, lɔŋ rì Ǹghay à Bɛ̀ll ànɛ à rì cem; kaàtà ànɛn, à kànɛ̀ngà ɓi ɓi ɓìɓoŋ ɓi gɔ̀g, à kànɛ̀ngà lɔŋ ɓi ɓìɓoŋ ɓi mɛmùù, yɛɛ lɔ̀ɔ̀ lɛ ɓi mɛ̀rem min.

2 KƆ̀RƐ̀ŊTYƐŊ 3:6

Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

2 KƆ̀RƐ̀ŊTYƐŊ 3:8

Kìsay ki Ǹghay ki ri ɓiì ɓaà rì rìkem ɗi ɗi ri ɓiì tèghɛɛ ɗi cee fɔlɔɔ.

GÀLAT 3:10

Lɛ ɓum ɓɛ̀cèm ɓɛ ɓɛ saghii ǹto rì rìɓèŋ ɗi ɓidɔ̀gsɛna, ɓɛ ti ɓi ncɛ̀m ɓi ɗùm ɓisuulɛ ki ri kì kànɛn lɛ: Ŋwaànɛ à ɓèŋi ɓi ɓiɓan ɓìcèm ɓi ɓi ri ɓì kànɛn ɓi kaàtà à ɓìdɔ̀gsɛna, kɛ̀ɛ kì yɛ̀ɛ ɓyɛɛ̀ kpaakpàà, à ghɛ̀ɛ̀sɛɛ kì terì ǹcɛ̀m.

GÀLAT 3:21

Fɔlɔɔ a rèsii nya lɛ ɓìdɔ̀gsɛna ɓi wɛɛsɛɛ ɓi ri mɛ̀kàg mɛ Bɛ̀ll? Àg! Ki yin fɔlɔɔ; i kìdɔ̀gsɛna kidɛŋ ki ki ri lɛ ki fa cɛɓ kɛɛ ɓa wɔɔ, di rìɓa ɗi mum a ɓa lɛ saaɗ ɓi mis mɛ Bɛ̀ll ɗi ri lɛ ɗi ghɛnɛ̀n a tààkaà ɓi ɓìdɔ̀gsɛna.

EBIREEGH 12:18

Lɛ àa dòn ìnɛ mum à rì lɛ à kòm yɛɛ̀nɛ ɓì tyòŋdɛ̀ngà jàŋbog rì yɔ̀, dòn ì Sinayi ìnɛ ì ɓaghà rì ɗuu, rì tìfììfìnà, rì birìm ì ɓìɓɓìɓ, rì bɛ̀ɓ

EBIREEGH 3:3

Lɛ ɓɛ ghɛngà lɛ, à ghɛ̀ɛ̀sɛɛ kì terì rìkem ɗi ɗi cee ɗi Moyis, fɔɔnnɛ ŋwaànɛ à toŋi mɛɛ, à ti à kemgì à cee mɛɛ mɔmiɗ mɛ à toŋi.

EBIREEGH 9:4

Wɔɔ nnɛ jàŋ inɛ ɓɛ ntɔ̀ngì ɓyom ɓi nùnnumɛn i ɓaghà; jàŋ inɛ̀n ì ɓaghà gol rì gol; fìkɔrɔŋ fi riràrɛ̀n fi ɓaghà girig wɔɔ, fincèm fì pàmɛn ri gol; kìbɔkɔ̀ ki gol ki ɓaghà ɓi fìkɔrɔŋ fiǹ; ɓyom ɓi ɓaghà ɓi kìbɔkɔ̀, kiǹ lɛ: rì manà, rì kìgeŋ ki Arɔn ki ki sam̀gà, rì ɓìɓoŋ ɓi ɓi ɓaghà rì ɓìdɔ̀gsɛna ɓi ɓi bee inɛ lɛ, rì Bɛ̀ll rì ɓum.