2 KƆ̀RƐ̀ŊTYƐŊ 3:6 - Bafia Nouveau Testament

⁶ Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

2 KƆ̀RƐ̀ŊTYƐŊ 3:6 ပူးပေါင်းရင်းမြစ်များ

MATYOO 13:52

Nni à kpaaghà ɓɔ lɛ: Kìɓan kiǹ kɛɛ̀ki ǹɗèsì-ɓìdɔ̀gsɛna bimiɗ ànɛ à mɛ yilag ɓiɓan ɓi ɓi kìlɔ̀ŋ ki aɗyoo, à rì fɛlɛ yɛ̀ɛ ŋwaàmɛɛ, ànɛ à ti à sɔ̀ŋɗag yì ɓɛ̀nyɔɔnyɔn ɓɛ ɓyom, rì tìɗyàɓ ti ɓyom, ɓi jàŋ inɛ ìkum wii wu ri wu nyamɛn.

MATYOO 26:28

ɓisuulɛ bwaɓ yɛm̀ yɛɛ ri, bwaɓ yi ɓi rìràrɛ̀n ɗi rì Bɛ̀ll, yi yi ri ɓiì kpaŋì ɓisuu ɓum lɛɛ̀gwey, ɓisuu ricenɛ̀n ɗi ɓiɓe.

MARIKUS 14:24

Yeesus à kpaa ɓɔ lɛ: Bwaɓ yɛm̀ yɛɛ ri lɛ, bwaɓ yi rìràrɛn ɗi lɛ rì Bɛ̀ll rì ɓum, yɛɛ ri ɓiì kpaŋì ɓisuu ɓum lɛɛ̀gwey.

LUKAS 22:20

Fɔlɔɔ nnɛ à tekà girig ɓeŋ, ajɛ̀m ì rìɗi, à fa ɓɔ a kpaa lɛ: Ɓeŋ ànɛ, à rì nyɔɔnyɔn à rìràrɛ̀n ɗi lɛ, rì Bɛ̀ll rì ɓum, ɓi bwaɓ yɛm̀ yi yi ɗyoŋi ɓisu wìn.

ZYAŊ 5:21

Lɛ fɛlɛ yɛ̀ɛ Seŋi à ti à ghèmzàg ɓìloŋ, à fa ɓyɔ cɛɓ, fɔlɔɔ nnɛ Man à ti à falàg girig ɓumɓɛ à kɔ̀ni cɛɓ.

ZYAŊ 6:63

Ǹghay wɛɛ̀ fafa cɛɓ, mɛ̀mùù mɛ yin ɗi gɛɓsɛ̀n. Fɔɔnnɛ ɓìɓan ɓi màa kpaa mìni ɓi ri ɓìɓan ɓi Nghay, rì ɓi cɛɓ.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 3:20

Ɓisuulɛ ŋwàdɛŋ àa ghɛnɛn ɓi lɛ saaɗ ɓi mis mɛ Bɛ̀ll, lɛ à ɓègà ɓìɓan ɓi ɓìdɔ̀gsɛna ɓyɛɛ̀ kpaakpàà; ɓìdɔ̀gsɛna ɓyɛɛ̀ ghɛɛghɛɓsì lɔŋ mum lɛ a yi lɛ à kìi kìɓe.

RÒMƐŊ 4:15

Ɓisuulɛ ɓìdɔ̀gsɛna ɓi ti ɓi syogàg yì bim i Bɛ̀ll, rì tì lɛ mum à yin lɛ à kpì kìdɔ̀gsɛna jàŋ inɛ ɓìdɔ̀gsɛna ɓi yin.

RÒMƐŊ 4:17

Ǹɗɛsìghà wɔ̀ lɛ u ɓa seŋi à ɓìlɔ̀ŋ lɛ ɓìlɔ̀ŋ. Abiraham à rì seŋì wìs ɓi mis mɛ Bɛ̀ll ànɛ nyii gherɛ̀ngà, Bɛ̀ll ànɛn nnyɛɛ ti à falàg ɓìloŋ cɛɓ, à ki kìlag lɛ com ki ki ka ɓaghà ɓi, kɛɛ ɓa.

RÒMƐŊ 7:6

Nni ɓigomìnɛ, tì yiìdi ɓi rìkpàn ɗi ɓidɔ̀gsɛna ɓisuulɛ, tì wughà ɓi san ànɛ a com ki ki ɓanɓàngà ɓìsi ɓi rìkpàn, fɔlɔɔ nnɛ ti kìki Bɛ̀ll kìsay ɓi bee ì nyɔn ìnɛ ɓi Nghay, àa tì ɓi bee ì fìɗyàɓ ìnɛ ɓi ɓìdɔ̀gsɛna ɓi ɓi ri ɓi kaàtà.

RÒMƐŊ 8:2

Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

1 KƆ̀RƐ̀ŊTYƐŊ 11:25

Fɔlɔɔ nnɛ à tekà girig ɓeŋ di ɓaa lègsi ki ɗiì, à kpaa lɛ: Ɓeŋ ànɛ à rì nyɔɔnyɔn à rìràrɛ̀n ànɛ lɛ rì ɓum rì Bɛ̀ll ɓi bwaɓ yɛm̀; ɓì yitàg mɛ̀ cààmɛ̀n kìcèm ki ɓì nɔɔ nyi.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

1 KƆ̀RƐ̀ŊTYƐŊ 15:45

Kìɓan kiǹ kɛɛ̀ki ki ri miì kìkànɛn lɛ: Mum à ǹtonto ànɛ lɛ Adam à ghalà com ki kɛɛ̀ ghɛghɛ̀ɓ; Adam à siitòn à ti nghay wu wɛɛ̀ fafa cɛɓ.

1 KƆ̀RƐ̀ŊTYƐŊ 3:10

Ɓi lèg à geesɛ̀n ànɛ Bɛ̀ll à kìghà mɛ̀, nnɛ ǹ-yàghɛ̀ngà kìgɔ̀ŋgɔ̀m ki mɛɛ lɔŋ yɛ̀ɛ syeesyee à ǹtoŋì-ɓìtoŋ, nni ŋwaàdɛŋ à yùghà kì toŋì ɓi kìgɔ̀ŋgɔ̀m kiǹ aɗyòò; wɔ̀lɛ mum ǹcèm à ghɛ̀ɛ̀sɛɛ kì kɔ̀rii ɗyomzɛ̀n ɗì rìkuu ɗi kitoŋ ɗi a toŋtoŋ miì.

1 KƆ̀RƐ̀ŊTYƐŊ 3:5

Cɛ kɛɛ ri min lɛ Apolos? Cɛ kɛɛ ri lɛ Pol? Tì rì lɔŋ ɓɛ̀kìì-ɓìsay ɓɛ ɓɛ kighà lɛ ɓi gherɛn Bɛ̀ll, rìkì ɗi mum ǹcèm ɗi ɓa lɔŋ yɛ̀ɛ Kan à faghà nyi ìtèɗ wulɛ a ki.

2 KƆ̀RƐ̀ŊTYƐŊ 11:23

I ɓɛ ri ɓɛ̀kìì-ɓìsay ɓɛ Kiris m̀ɓa kìyèg ki kɔɔ̀kɔɔ̀ lɛ mɛ̀ ǹɗì ǹkìì-kìsay a Kiris ǹcee ɓɔ, ɓi ɓìsay ɓi m̀mɛ kì, nni àa foo ri foo, ǹcee ɓɔ ɓi naà-zày yi m̀mɛ kɛ̀n, à kɛ̀n kì kpaŋì ɓi zàà yi ɓɛ mɛ kwiy mɛ, rì ɓi ɓɛ̀koŋnyoo ɓɛ riwù ɓɛ ǹti ǹghaaghràg miì ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 3:14

Kìɓan kifog ɗyomzɛ̀n ɗyaa ɗi duŋɛ̀ngà; fɔɔnnɛ à kpaŋ gɛɛ̀nɛ, nsoò ɓaa ɓàɓày Fìɗyàɓ fi bee ɓi kaàtà à Bɛ̀ll, kìlàà ki Moyis à ghekà kiǹ, kɔ lɔŋ wɔɔ, ki yin lɛ ki pɛsɛ̀n, lɛ ɓi Kiris nnɛ ki ti ki pɛsàg.

2 KƆ̀RƐ̀ŊTYƐŊ 3:3

Kɛɛ̀ rèeresɛ̀n lɛ tɛntɛ̀ɛ̀n lɛ, ɓì rì kaàtà à Kiris, ànɛ à kànɛ̀ngà, ɓi kìsay kis, àa rì fìwey, lɔŋ rì Ǹghay à Bɛ̀ll ànɛ à rì cem; kaàtà ànɛn, à kànɛ̀ngà ɓi ɓi ɓìɓoŋ ɓi gɔ̀g, à kànɛ̀ngà lɔŋ ɓi ɓìɓoŋ ɓi mɛmùù, yɛɛ lɔ̀ɔ̀ lɛ ɓi mɛ̀rem min.

2 KƆ̀RƐ̀ŊTYƐŊ 3:7

I ɓìdɔ̀gsɛna ɓi ɓi ti ɓi weeyì ɓi kanɛ̀ngà rì ɓìkàŋga, ɓi ɓìɓoŋ ɓi gɔ̀g, kìtɛɛtɛn ki rikem ɗi Bɛ̀ll ki resɛ̀n ɗì ìtèɗ lèg ànɛ lɛ ɓɔn ɓɛ Isirayɛl ɓɛ ɓaghà ɓi lɛ ɓɛ fifìɓì ìsu wu Moyis lɛ fyɛɛyi ɓisuulɛ rìkem ɗi Bɛ̀ll ɗi lomlòmgà nyi ɓi-su, ki soo ɓaghà lɛ rìlònlòm ɗiǹ ɗi ghɛɛ̀sɛ̀ngà kìfinɛɛ gàɓ, ɗi ki ɓuɓi.

2 KƆ̀RƐ̀ŊTYƐŊ 3:9

I kìsay ki ki syoŋsyòŋgày ɓum ǹcɛ̀m ɓi nyoo ki ɓaghà ɗì rìkem, ki ki ghɛɛ̀sɛɛ kì kìi lɛ ɓum ɓɛɛ ɓa lɛ saaɗ ɓi mis mɛ Bɛ̀ll ki ri ɓiì ɓaà rì rìkem ɗi ɗi cee ɗiǹ.

GÀLAT 3:21

Fɔlɔɔ a rèsii nya lɛ ɓìdɔ̀gsɛna ɓi wɛɛsɛɛ ɓi ri mɛ̀kàg mɛ Bɛ̀ll? Àg! Ki yin fɔlɔɔ; i kìdɔ̀gsɛna kidɛŋ ki ki ri lɛ ki fa cɛɓ kɛɛ ɓa wɔɔ, di rìɓa ɗi mum a ɓa lɛ saaɗ ɓi mis mɛ Bɛ̀ll ɗi ri lɛ ɗi ghɛnɛ̀n a tààkaà ɓi ɓìdɔ̀gsɛna.

EFÈZYƐŊ 2:1

Ɓi ɓɛg wìn, ɓì ɓaghà ɓìloŋ lɛ zɛ̀ɗ yin rì ɓìɓe ɓin,

EFÈZYƐŊ 2:5

ɓìsi ɓɛ tì ɓaghà ɓìloŋ lɛ mɛ̀nànì mis, à kìghà lɛ ti ɓa ti rì cɛɓ ǹɗaŋ ɗi Kiris. Ɓì rì ɓɛ̀kòrɛn lɛ geesɛ̀n ì Bɛ̀ll.

EFÈZYƐŊ 3:7

ànɛ ǹɗì ǹkìì-kìsay anɛ miì lɛ rìfa ɗi Bɛ̀ll à faghà mɛ̀ ìtèɗ wii, ɓi geesɛ̀n yìì.

TIMOTE 4:6

Ù rì ɓiì ɓaà syeesyee à ǹkìì-kìsay a Yeesus Kiris di u kakali ɓɛgoni ɓìɓan ɓiǹ ù ki rèresi lɛ u mɛmɛni wɛ̀ɛmiɗ ɓi nghay rì ɓìɓan ɓi righerɛ̀n rì syeesyee à dɔgtɛ̀n ànɛ ù yilàkà yɛ̀ɛ ki ghɛɛ̀sɛɛ.

2 TIMOTE 1:11

Syeesyee à Ɓɔlɛ ànɛ̀n innɛ ɓɛ rɛsìghà mɛ̀ lɛ nlaàlamɓɛ̀n m̀ɓa ǹkɛ̀nì-fìtom rì ǹɗèsàg ànɛ miì.

EBIREEGH 12:24

Ɓìi nkɛɛ̀ jàŋbog rì Yeesus ànɛ à rì ɓi nyìinyìm à nyɔɔnyɔn à rìràrɛ̀n ànɛ lɛ rì Bɛ̀ll rì ɓum, ànɛ bwaɓ yii yi yi kpagà yɛɛ̀ tòtòg yi cee yi Aɓɛl.

EBIREEGH 13:20

Bɛ̀ll à fyòoog ànɛ à ghèmzìghày coo mɓèŋì-jɔ̀ɔ̀ ànɛ lɛ Kan wìs Yeesus a ɓìloŋ rì bwaɓ yi riràrɛ̀n ɗi fiɗyàɓ fikɔ̀ɔ̀,

EBIREEGH 7:22

Jɛ̀ɛ̀ ìnɛn ì rèsii lɛ: Yeesus à rì roànɛ à kìi lɛ, Bɛ̀ll a ren bee ìnɛ ì rɔɔtɛɛ ì cee ìnɛ abɛ̀y rì ɓìsi.

EBIREEGH 8:13

Ɓi rìkpaa ɗi Bɛ̀ll à kpaa lɛ à rì ɓiì renì bee ì nyɔn rì ɓum, à ghaasì bee i ǹtonto bee inɛ abɛ̀y. Nni com kìcèm ki ki mɛ finɛ̀n ki ki rùn, kaa rɔ̀ɓ lɛsàg lɛ kɛɛ silì.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 ZYAŊ 1:1

Tì kàni mìni kìɓan ki jɛ̀ɛ̀ ì cɛɓ ìnɛ ì ɓaghà, a rìtumɛ̀n ɗi ɓyom ɓìcèm; tì wokà yɔ̀ di yɛɛ̀ tòtòg, tì ghɛn yɔ̀ ri mis, tì sìŋì yɔ̀, tì ki kòm yɔ̀ ri ɓyàg ɓis.