2 KƆ̀RƐ̀ŊTYƐŊ 2:12 - Bafia Nouveau Testament

¹² Yɛ̀ɛ ǹkpagà a Tirowas lɛ nghagsi Syeesyee à Ɓɔlɛ à Kiris wɔɔ, ki soo ɓaghà lɛ Kan à nɛmgà mɛ̀ bee lɛ syeesyee lɛ nki kìsay kiǹ wɔɔ.

2 KƆ̀RƐ̀ŊTYƐŊ 2:12 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

MƐ̀KÌKÌÌ MƐ ƁƐKƐ̀NÌ-FÌTOM 16:11

Yɛ̀ɛ tì tekà kìkɔm a Tirowas, tì kɛ̀n lɔŋ kilomì ɓi kìrìŋ ki riɓày ki lɛ, Samotiras, ɓi duri tana tì kɛ̀n a Neyapolis,

MƐ̀KÌKÌÌ MƐ ƁƐKƐ̀NÌ-FÌTOM 16:8

Fɔɔnnɛ ɓɛ syaàghà min zi inɛ a Misii, ɓɛ kɛǹ a Tirowas.

MƐ̀KÌKÌÌ MƐ ƁƐKƐ̀NÌ-FÌTOM 20:8

Ɓɛ̀lamɓà ɓɛ ɓaghà lɛɛ̀gwey ɓi kìden ki naa ki tì taŋzɛ̀ngà miì ɓi mɛɛ mɛ aɗyòò.

RÒMƐŊ 1:1

Pol, ǹkìì-kìsay a Yeesus Kiris, ànɛ Bɛ̀ll à reŋìghà lɛ a ɓa ǹkɛ̀nì-fìtom a Yeesus, à ki ɓa ti nɗɛsiyɛn dɛgà ɓi rìghagsì ɗi Syeesyee à Ɓɔlɛ à Bɛ̀ll.

1 KƆ̀RƐ̀ŊTYƐŊ 16:9

Ɓisuulɛ syeesyee à kìtuɓi àa nghɛnɛɛ ɓisuu kisay ki nkìkì, nni ɓɛ̀bènàbena ɓɛ teghɛɛ.

1 KƆ̀RƐ̀ŊTYƐŊ 9:12

I ɓum ɓɛdɛŋ ɓɛ ri rì ìtèɗ wulɛ ɓɛ ɓoŋɓòŋ ɓìrɔɔ ɓidɛŋ a lɔ̀ŋkin, ɓìsi yaa ghɛ̀ɛ̀sɛɛ lɛ ti ɓiìsɛn kìkìi fɔlɔɔ, kìɓan kifog, ɓìsii tɔkà ɓi kiɓan ki tì ɓaghà rì ìtèɗ wulɛ ti tɔg; ɓìsiì ceecenɛ̀n lɔŋ mɛtɔɓ mɛ̀cèm lɛ tyɛ̀ ki naŋ kiɓan kidɛŋ ki ki ri lɛ ki nyug Syeesyee à Ɓɔlɛ à Kiris.

1 KƆ̀RƐ̀ŊTYƐŊ 9:14

Fɔlɔɔ nnɛ Kan à rèɓsìghà girig ɓumɓɛ ɓɛɛ̀ ghaaghagsì Syeesyee à Ɓɔlɛ lɛ ɓɛ ghɛɛ̀sɛɛ kì ghɛɓì ɓi Syeesyee à Ɓɔlɛ ànɛ̀n.

1 KƆ̀RƐ̀ŊTYƐŊ 9:16

Ɓisuulɛ, rìghagsì ɗi Syeesyee à Ɓɔlɛ ɗi yin mɛ kìɓan ki teterɛn rikem, ɗi ri mɛ̀ syeesyee à kìɓan anɛ à ghɛ̀ɛ̀sɛɛ kì kìlɛɛ, ànɛ ǹɗì ǹtiniyɛn lɛ nki. Nyìinyìg rì mɛ̀ di ǹghagsii ɓi Syeesyee à Ɓɔlɛ.

2 KƆ̀RƐ̀ŊTYƐŊ 10:14

Tì cee ɓi mɛrèè yɛ̀ɛ ɓɛɛ̀ kali lɛ, tì kpagà ɓi foo a lɔ̀ŋkin; ɓisuulɛ ki ri saaɗ lɛ tì kpagà a lɔ̀ŋkin ɗi Syeesyee à Ɓɔlɛ à Kiris.

2 KƆ̀RƐ̀ŊTYƐŊ 11:4

Ɓisuulɛ ki yeesii ɓi mini lɛ ŋwaàdɛŋ a yu mìni kì kalii kiɓan ki Yeesus àdɛŋ, ànɛ à yin anɛ ɓìsii kalìghà mìni, nsoò lɛ ɓi teɗ Ǹghay àdɛŋ ànɛ à yin Ǹghay ànɛ ɓì ɓaghà di ɓì mɛ teɗ, nsoò lɛ Syeesyee à Ɓɔlɛ àdɛŋ ànɛ à yin anɛ ɓì tekà.

2 KƆ̀RƐ̀ŊTYƐŊ 11:7

Gìn mɛ̀ yɛɛ sɛrìghà nya yɛ̀ɛ ǹsɛɛ̀dɛ̀ngà mɛ̀ɛmiɗ ɓi zi lɛ mɓɔgsi mìni, cààmɛ̀n ki ǹghagsìghà mìni Syeesyee à Ɓɔlɛ à Bɛ̀ll zɛy rì zɛy, kɛ̀ ɓi kòòsɛn?

2 KƆ̀RƐ̀ŊTYƐŊ 4:3

I Syeesyee à Ɓɔlɛ ànɛ ti kakàlì a kaka ǹlɔghɛn, à rì ǹlɔghɛn ɓisuu ɓumɓɛ ɓɛ ghɛɛ̀sɛɛ kì ɗyaŋì.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

2 KƆ̀RƐ̀ŊTYƐŊ 8:18

Tì romiì Tit ǹɗaŋ ɗi maaseŋi wìs anɛ ɓi rìgherɛ̀n ànɛ rìkem ɗi ɓi kìsay kii (ki a kìki) ɓisuu Syeesyee à Ɓɔlɛ, ɗi ri ɗìsààyɛn ɓi ɓìseŋi ɓi Kiris ɓìcèm.

2 KƆ̀RƐ̀ŊTYƐŊ 9:13

Ɓisuulɛ gɛɓsɛ̀n ìnɛ kìsay kiǹ ki ri rì yɔ̀, ɓum lɛɛ̀gwey ɓɛ ri fa Bɛ̀ll rìkem, ɓi mɛ̀wog mɛ ɓì rì rì mɔ ɓi Syeesyee à Ɓɔlɛ à Kiris ànɛ ɓi làalamɓɛ̀n, rì ɓi rìɓòò ɗin ɗi ɗyɛɛ̀ kìki lɛ, ɓi ɓutɛn rì ɓɔ, ɓì ki ɓùtɛn ɗi ɓum ɓɛ̀cèm.

KÒLÒSYƐŊ 4:3

Ɓì ɓɔ̀ŋzàg girig Bɛ̀ll ɓisu wis lɛ a nɛm̀ ɓìsi bee inɛ ti lamɓɛn jɛ̀ɛ̀ yìì, di fɔɔnnɛ mɛ̀ɛ nghagsi ɓum dwìɗ inɛ ì seesee Kiris, lɛ kiɓan kiǹ kɛɛ̀ki ǹɗì miì nkàgakɛn bɛn.

TÈSÀLÒNÌSYƐŊ 3:2

Fɔɔnnɛ tìi nɗomiì mìni geni wìs Timote, ànɛ à rì ǹkìì-kìsay a Bɛ̀ll ɓi rìghagsì ɗi Syeesyee à Ɓɔlɛ à Kiris lɛ a fa mìni ìtèɗ, à ki fegsi mìni ɓi rìgherɛ̀n ɗin;