2 KƆ̀RƐ̀ŊTYƐŊ 13:7 - Bafia Nouveau Testament

⁷ Nsoò fɔlɔɔ, ɓìsiì ɓɔ̀ɔɓɔ̀ŋzì Bɛ̀ll lɛ ɓi ɓa kɛ̀ ɓi kì kiɓan kidɛŋ ki ki ɓeɓtɛɛ, àa ɓà loo lɛ, di mɛ̀fèèghrɛn mɛɛ pisɛn yɛ̀ɛ mɛ ghaghii kìrɔɔ, wɔ̀lɛ ti ɓɔ̀ɔɓɔŋzàg lɛ di ɓyàa kìi ɓìɓan ɓi rɔɔtɛn, nsoò yɛ̀ɛ mɛ̀fèèghrɛn mɛ ǹkɛ̀ɛ̀ghii ɓi ɓi ɓɛg wìs.

2 KƆ̀RƐ̀ŊTYƐŊ 13:7 ပူးပေါင်းရင်းမြစ်များ

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

ZYAŊ 17:15

M̀ɓɔ̀ŋzii ɓi wɔ lɛ u pisi ɓɔ ɓi ziinɛ, mɓɔ̀ŋzàg lɔŋ wɔ lɛ, u lɛgsi ɓɔ kìɓe.

RÒMƐŊ 1:28

Yɛ̀ɛ ɓɛ ghɛngà ɓi kirɔɔ lɛ ɓɛɛ yiti lɛ Bɛ̀ll à rì wɔɔ, nni Bɛ̀ll à nagà ɓɔ rì kìyèg kaa ki ɗyomzɛ̀n lɛ ɓɛɛ kiki ɓìɓan ɓi ɓaa ghɛ̀ɛ̀sɛɛ ɓi kikìi.

RÒMƐŊ 12:17

Kɛ̀ ɓi lèɓ mum kìɓe ri kìɓe, kaana lɔŋ lɛ ɓi ki kìrɔɔ ɓi mis mɛ ɓum ɓɛ̀cèm.

RÒMƐŊ 13:13

Tì ghɛ̀ɛ̀sɛɛ kì ghɛɓì cɛɓ ki ki ri lɛ tɛntɛ̀ɛ̀n ki ki ghɛɛ̀sɛɛ rì kìtɛɛtɛn ki ŋwos, tì womzɛ̀n ɗì dili, rì kìɓan ki riceesì ɗi rinɔ ɗi mɛrɔ̀g ɗì tìsɔ̀mɔ̀g, rì cɛɓ ki sààsaa, rì ɓɛ̀paàzì, rì yàaka.

RÒMƐŊ 16:10

Ɓì tɔkì mɛ̀ Apelɛs, ànɛ à mɛ fa ɓirèmzɛnà ɓi ɓi rìgherɛ̀n ɗi à gherɛɛ Kiris; ɓì tɔkì naa ì ɓum ì Aristobul.

1 KƆ̀RƐ̀ŊTYƐŊ 11:19

Ki ghɛɛ̀sɛɛ kɔmiɗ lɛ mɛ̀lànag mɛɛ ɓa ɓi nyìinyìm wìn, lɛ di ɓumɓɛ ɓi nɗaŋ win ɓɛ ɓɛ ri ɓɛ̀ sììrɛn ɓɛɛ yilɛn.

2 KƆ̀RƐ̀ŊTYƐŊ 10:10

Ɓisuulɛ ɓɛ ti ɓɛ kpaaghì lɛ: Ɓɛ̀kaàtà ɓɛ Pol ɓɛ kiì lɛ ɓɛ nyɛn ɓɛ ki tèèsɛn, kìɓan kifog, cààmɛ̀n ki nyimiɗ yɛɛ rɛrɛlii, à ɓa kɛ̀ɛ̀ ìtèɗ, ɓìtòkì ɓii ɓi ki ɓa ɓitòkì ɓi ɓum ɓɛ ri lɛ ɓɛ sɛɛtì.

2 KƆ̀RƐ̀ŊTYƐŊ 10:18

Ɓisuulɛ, àa ŋwaànɛ a sɛɛghsɛɛ̀ghrɛ̀n nyimiɗ innɛ ɓɛ ri ɓiì kalii lɛ rìkì ɗii ɗi ri lɛ syeesyee, lɔŋ roànɛ Kan à sɛɛgh innɛ rìkì ɗii ɗi rɔɔtɛɛ.

2 KƆ̀RƐ̀ŊTYƐŊ 13:6

Kìɓan kifog ǹɗì rì dyàɓɛn lɛ, ɓì ɓiì gherɛɛ lɛ ki yaagh ɓi ɓisi rì rèsì lɛ tì rì ɓɛ̀gherɛ̀n mɛ ɓigtii ɓi ɓisi.

2 KƆ̀RƐ̀ŊTYƐŊ 13:8

Lɛ i tì yin ri ìtèɗ wu tì rì lɛ tì ɗùù miì rì saaɗ, ìtèɗ wu tì rì rì wɔ wu ri lɔŋ ɓisuu saaɗ àncèm ànɛn.

2 KƆ̀RƐ̀ŊTYƐŊ 13:9

Tì ti tì nyààràg di tì rì kɛ̀ɛ̀ ìtèɗ, kɔm̀ lɛ mìnii ri rì ìtèɗ, nni com ki ɓìsiì tɔtɔg ɓi bɔ̀ŋzɛ̀n yis ki ri lɛ, ɓi konag kì ɓaà ɓɛ̀kɔɔ̀kɔɔ̀ ɓɛ ɓɛgherɛ̀n.

2 KƆ̀RƐ̀ŊTYƐŊ 6:4

Wɔ̀lɛ ɓi ɓìɓan ɓìcèm, ɓìsiì rèresi kɔm̀ lɛ tì rì ɓɛ̀kìì-ɓìsay ɓɛ Bɛ̀ll, ɓi coo rinìɗ ɗi nɗem ɗi tì rì rì ɗyɔ ɓi rìkɛŋ, rì ɓi cɛɓ ki nyìinyìg rì ɓi ɓìɓan ɓi ɓyɛɛ̀ falag iris,

2 KƆ̀RƐ̀ŊTYƐŊ 8:21

Ɓisuulɛ ɓìsiì kaakaa lɛ ti ki ɓìɓan ɓi ɓi ri lɛ syeesyee, nni àa ɓi mis mɛ Kan mɔ rì mɔ nnɛ rìkì ɗis ɗi ghɛɛ̀sɛɛ kì rɔɔtɛɛ, ɗi ghɛɛ̀sɛɛ girig lɛ ɗi rɔɔtɛ̀n ɓi mis mɛ ɓum.

FÌLÌPYƐŊ 4:8

Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

TIMOTE 2:2

ɓisuu mɛfòm, rì ɓum ɓɛ̀cèm ɓɛ ɓɛ ri ɓɛ̀làmì, lɛ di ti ghɛɓ cɛɓ ki fyòoog rì tɛ̀tɛ̀rɛ̀ɛ̀, tì falɛ̀n ɓi rìgherɛ̀n lɛɛ̀gwey, tì ɓa ɗì rìmum.

2 TIMOTE 2:15

Tèèsi nyoo lɛ u ghɛnɛn ɓi mis mɛ Bɛ̀ll fɛlɛ yɛ̀ɛ ŋwaànɛ à mɛ rèsi ɓum lɛ à rì mum, yɛ̀ɛ ǹkìì-kìsay anɛ à yin lɛ à wog ǹtoòrìɗ ri kìsay kii, ànɛ a rèresi jɛ̀ɛ̀ ì saaɗ yɛ̀ɛ kɛɛ̀ kɔ̀nkɔ̀n.

2 TIMOTE 4:18

Kan à rì mɛ̀ ɓiì lɛgsii ɓiɓan ɓi ɓeɓtɛn ɓìcèm, à ki ghɛɓsi mɛ lɛ nɗiŋi ɓi kìlɔ̀ŋ kii ki ki ri aɗyòò. Nyi yɛɛ ghɛɛ̀sɛɛ rì rìkem fìɗyàɓ fikɔ̀ɔ̀. Ààmɛ̀n.

ZYAG 1:12

Mààgh rì ŋwaànɛ à ti à nìɗkì nɗem di à tulɛɛ rì mɛ̀fèèghrɛn; ɓisuulɛ i à mɛ ghɛn mɛfèèghrɛn fɔlɔɔ, à rì ɓiì terì tàm à cɛɓ ànɛ Kan à kàkà ɓumɓɛ ɓɛ ti ɓɛ keesàg nyi.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.