2 KƆ̀RƐ̀ŊTYƐŊ 13:5 - Bafia Nouveau Testament

⁵ Fiɓɓɛɛna mìniìɓɔmiɗ ɓi ghɛn nkòo ɓì rì ɓi rìgherɛ̀n ɓiɗùm. Ɓì gherɛɛ ɓi nya lɛ Yeesus Kiris à rì ɓi mìni? Fèèghrɛɛna mìniìɓɔmiɗ. Di yɛ̀ɛ ɓaà yi ɓi nya, ɓi yin ɗi ìtèɗ wu ɓi resi lɛ ɓì rì ɓɛ̀gherɛ̀n.

2 KƆ̀RƐ̀ŊTYƐŊ 13:5 ပူးပေါင်းရင်းမြစ်များ

ZYAŊ 14:23

Yeesus à ɓàg nyi lɛ: I mum à keesii mɛ̀, à ɓiì ɓèŋi jɛ̀ɛ̀ yɛ̀m, Seŋi wɛ̀m à rì nyi ɓiì keesi; tì ɓiì yùu a lɔ̀ŋkii, tì pègsɛ̀n ìkɔ̀ɔ̀ wis a lɔ̀ŋkii.

ZYAŊ 15:4

Ràrɛɛna rì mɛ̀ yɛ̀ɛ ǹɗì ǹɗàrɛn ri mìni. Ŋwaɓ wu yin lɛ wu wum ɓìɗùn wɔ rì wɔ, di wu yin wu ràrɛn ɗi ǹɗyèm. Fɔlɔɔ nnɛ mìni girig ɓì yin lɛ ɓì wum ɓìɗùn di ɓì yin ɓɛràrɛn ɗi mɛ̀.

ZYAŊ 17:23

Mɛ̀ ɓi ɓɔ, wɔ̀ ɓi mɛ̀, lɛ di ɓɛɛ ɓa ɓɛ̀ràrɛn lɛ kɔɔ̀kɔɔ̀ kìbyɔg kìfog, ziinɛ ì ki yi lɛ wɔ̀ yɛɛ romgày mɛ̀, nni ǹkeesìghà ɓɔ yɛ̀ɛ wɔ̀ɔ̀ keesìghà mɛ̀.

ZYAŊ 17:26

Ǹɗèsìghà ɓɔ ɗii ɗyɔɔ, m̀ɓiì ki rèsii ti ɓɔ ɗyɔ lɛ di ǹkɔ̀nɛ̀n ànɛ ù rì rì nyi ɓisu wɛ̀m a ɓa a lɔ̀ŋkaa, mɛ̀ɛmiɗ m̀ɓa a lɔ̀ŋkaa.

ZYAŊ 6:56

Ŋwaànɛ à ɗii nyoo yɛ̀m, à nɔ bwaɓ yɛm̀, à rì ǹɗàrɛn ɗi mɛ̀, mɛ̀ girig ǹɗàrɛn ɗi nyi.

ZYAŊ 6:6

Yeesus à kpaaghà fɔlɔɔ lɛ, a feèghrɛn Filiɓ lɛ, nyimiɗ a yighà com ki à rì ɓiì kìi.

RÒMƐŊ 1:28

Yɛ̀ɛ ɓɛ ghɛngà ɓi kirɔɔ lɛ ɓɛɛ yiti lɛ Bɛ̀ll à rì wɔɔ, nni Bɛ̀ll à nagà ɓɔ rì kìyèg kaa ki ɗyomzɛ̀n lɛ ɓɛɛ kiki ɓìɓan ɓi ɓaa ghɛ̀ɛ̀sɛɛ ɓi kikìi.

RÒMƐŊ 8:10

I Kiris à rì ɓi mìni, nsoò yɛ̀ɛ nyoo yin yi ri ɓiì wiì lɛ kìɓe, Ǹghay à rì cɛɓ ɓi mìni ɓisuulɛ Bɛ̀ll à mɛ kì lɛ ɓi ɓa lɛ saaɗ ɓi mis mìì.

1 KƆ̀RƐ̀ŊTYƐŊ 11:28

Nni mum ǹcèm a fiɓɓɛn nyimiɗ di fɔɔnnɛ a ɗi bìrɛs, à nɔ ɓeŋ,

1 KƆ̀RƐ̀ŊTYƐŊ 11:31

I tyàa ti tì fiɓɓàg ɓìsiìɓɔmiɗ, di Bɛ̀ll à yiǹ lɛ à yɔ̀mdì ɓìsi.

1 KƆ̀RƐ̀ŊTYƐŊ 3:16

Ɓì yii ɓi lɛ mìni yɛɛ ri naa ìnɛ Bɛ̀ll à kɔ̀kɔrii miì, rì tì lɛ Ǹghay à Bɛ̀ll à rì ɓi mìni.

1 KƆ̀RƐ̀ŊTYƐŊ 6:15

Ɓì yii ɓi lɛ nyoo yin yi ri ɓìkàɓ ɓi Kiris? Nni ǹɗì nya lɛ ǹteɗ ɓìkàɓ ɓi Kiris lɛ nghaasi ɓyɔ ɓìkàɓ ɓi giɓ a rìɓàmɓà?

1 KƆ̀RƐ̀ŊTYƐŊ 6:19

Ɓì yii ɓi lɛ, nyoo yìn i rì naa ì Kìtɛntɛ̀ɛ̀n ki Nghay ki ki ri ɓi mìni, ki Bɛ̀ll à faghà mìni? Fɔɔnnɛ ɓì làmii tì ɓi mìniìɓɔmiɗ.

1 KƆ̀RƐ̀ŊTYƐŊ 6:2

Yɛɛ lɔɔ lɛ ɓì yii ɓi lɛ ɓɛ̀gherɛ̀n ɓɔ yɛɛ ri ɓiì yɔ̀mi ziinɛ? I mìni yɛɛ ghɛɛ̀sɛɛ kì yɔ̀mi ziinɛ lannɛ ɓɔɔ ɓiɓan ɓɛ zɛy ɓɛ ri lɛ ɓɛ yag mìni rìpègsɛ̀n?

1 KƆ̀RƐ̀ŊTYƐŊ 9:24

Ɓì yii lɛ ɓumɓɛ ɓɛ ri ɓi nlog à mɛ̀ree ɓi nlɛmɓog wu ticàɓ ɓɛɛ̀ ghɛghɛŋi ɓɛsɛ̀ɛ̀ ɓɛ̀cèm wɔ̀lɛ lɔŋ mum bog yɛɛ ti à kpagì, beèbɛ̀y à teɗ mɛ̀raà mɛ ɓi nlog ànɛ̀n? Nni ghɛŋiina lèg ànɛ lɛ ɓi teɗ mɛ̀raà mɛ ɓi nlog.

1 KƆ̀RƐ̀ŊTYƐŊ 9:27

Nkìki kɔm̀ nyoo yɛ̀m rìgɛn, ǹghaasì yɔ̀ ǹkpàn lɛ kɛ̀ kɛɛ̀ ɓaa gɛ lɛ mɛ̀ɛmiɗ anɛ ǹkpaaghà ɓum ɓɛdɛŋ Syeesyee à Ɓɔlɛ, mɛ̀ yɛɛ ɓa ǹcàrɛn ɓi ɗyɔ̀m.

2 KƆ̀RƐ̀ŊTYƐŊ 6:16

Naà-Bɛ̀ll ì wuɓsɛɛ ɓi cɛ ri ɓìnùn ɓi zɛy? Lɛ ɓìsii ri naà-Bɛ̀ll ì Bɛ̀ll ànɛ à rì cem lɔŋ yɛ̀ɛ Bɛ̀ll à kpaaghà lɛ: Ǹkìi gɛ lɛ, ǹkɔ̀rì ǹki kɛ̀ɛ̀kɛɛ ɓi nyìinyìm wàà, m̀ɓaa gɛ Bɛ̀ll wàà, ɓɔɔ ɓa ɓum ɓɛm.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

GÀLAT 4:19

Mìni ɓɔn ɓɛm, ǹtumɛɛ tì rìwog ɗi rikɛŋ yɛ̀ɛ ɗi giɓ a woki ɓi rìyay ɓisu wìn, à kpaŋ yɛ̀ɛ Kiris à ɓiì ghɛɛ̀ ìkɔ̀ɔ̀ ɓi mɛ̀rem mìn.

GÀLAT 6:4

Mum ǹcèm à ghɛ̀ɛ̀sɛɛ kì fiɓii rikɛ̀ɛ̀ ɗii, i à rì lɛ à sanɛ̀n, a sanɛn ɓɛɛ̀ nyimiɗ, wɔ̀lɛ kɛ̀ɛ fèèghrɛn ɗi ɓum ɓɛɗɛŋ.

EFÈZYƐŊ 3:17

di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 2:19

Rìkuu ɗi mum ɗìn ɗi yin ɗi ràrɛn ri ǹto wu wu ɓanɓani nyoo bimiɗ, wu ki kì lɛ nyoo ìnɛ̀n yɛ̀ɛ rarag lɛ syeesyee ɓi jàŋ yi ì rì miì ǹwògakɛn ì ki tɔɔtɔɔ kitɔɔ ki Bɛ̀ll a fafa yɔ̀.

KÒLÒSYƐŊ 2:7

Ɓaana ɓɛ̀ɓaghɛn gàŋ ɓi nyi, ɓì toŋ cɛɓ kin ɓi nyi, ɓì sììrɛ̀n ɓi rìgherɛ̀n lɔŋ yɛ̀ɛ ɓɛ resìghà mìni, ɓì ki fafa Bɛ̀ll ɓìtògsɛ̀n lɛɛ̀gwey.

TIMOTE 2:15

Nsoò fɔlɔɔ, à ki rì ɓiì ghɛɛ cɛɓ, lɛ à rì rì ɓɔn, ɗì lɛ à ɓèŋi rìgherɛ̀n, à ghɛɓ ɓi nkɔ̀nɛ̀n, à ɓèŋɗɛ̀n ǹtɛnɛn ɓi nghay, à ki sɛɛ̀dɛn nyimiɗ ɓi zi.

2 TIMOTE 3:8

Fɛlɛ yɛ̀ɛ Zyanɛs rì Zyamɓirɛs ɓɛ ramgà wɛ̀y ri Moyis, fɔlɔɔ nnɛ ɓumɓɛ̀n ɓɛɛ̀ ɗùùɗuu girig rì saaɗ, ɓɛ ri ɓumɓɛ nghay waa wu ti wù ɗimɛn bee, rìgherɛ̀n ɗyaa ɗi yiǹ lɛ ɗi ɓanɛ̀n di mɛ̀fèèghrɛn mɛ tanɛɛ ɓɔ.

Kaàtà ànɛ Pol à kàngà TIT 1:13

Jɛ̀ɛ̀ ìnɛ à kpaaghà ìnɛn ì rì miì, kìɓan kiǹ kɛɛ̀ki ù ghɛ̀ɛ̀sɛɛ ɓɔ kì fwààdaagh ù nyɛzì jɛ̀ɛ̀, di fɔɔnnɛ ɓɛɛ ɓa rì syeesyee à rìgherɛ̀n,

Kaàtà ànɛ Pol à kàngà TIT 1:16

Ɓɛ ti ɓɛ kpaaghì lɛ ɓɔɔ yii Bɛ̀ll, kìɓan kifog ɓɛ roòròòzɛ̀n nyi ɓi mɛ̀kìkìì maa, ɓum ɓɛ ɓeèzɛɛ rìɓa ɗyaa ɗiǹ, ɓɛ ri rì ǹtoòtèɗ, ɓɛ̀ kɛɛ̀ ki ɓa ɓumɓɛ ɓɛ ri lɛ ɓɛ ki syeesyee à kìɓan nsoò bog.

Kaàtà ànɛ Pol à kàngà TIT 2:2

Ù kpaa ɓìtùg ɓi ɓum lɛ ɓyɛ̀ kɛɛ̀ nɔnɔ mɛrɔ̀g lɛɛ̀gwey, ɓɛ ghɛɛ̀sɛɛ kìɓaà rì rìmum, rì ɗyomzɛ̀n, ɓɛ ki ɓa ri ìtèɗ ɓi rìgherɛ̀n, rì ɓi nkɔ̀nɛ̀n, rì ɓi rìɓìɓ ɗi nɗem.

EBIREEGH 12:15

Ɓì konàg lɛ ŋwaàdɛŋ kɛ̀ɛ ɓa lɛ à rèèghrɛ̀n geesɛ̀n ì Bɛ̀ll, nsoò lɛ gàŋ i ǹlòlolɛn yɛ̀ kɛɛ̀ ròò ǹɗuŋ, lɛ yɛ̀ɛ ɓuùsi jàŋ, ì ki yeesi ɓum lɛɛ̀gwey ri ìrɔ̀g wu yɔ̀.

EBIREEGH 4:1

Nni cààmɛ̀n kìcèm ki yɛ̀ɛ ǹkàg wulɛ ɓum ɓɛɛ ɗiŋi ɓi rìfɔɔsɛ̀n ɗii wu kaka, tì ghɛ̀ɛ̀sɛɛ kì konaagh lɛ, ŋwaàdɛŋ ànɛ ɓi mìni kɛ̀ɛ ɓa ri fèg ànɛ lɛ nyii kpaŋi di cààmɛ̀n kaa ceè.

EBIREEGH 6:8

Wɔ̀lɛ i zi inɛ̀n yɛɛ̀ fafa lɛ rì ɓìɓeɓtàg ɓi ɓyaaɓi, rì keŋ, di ì yin syeesyee à zi, ì ki ɓa jàŋbog lɛ yɛ̀ɛ teɗ ǹcɛ̀m, ki ki syɔn lɛ ɓɛɛ tɔǹ yɔ̀.

ZYAG 4:4

Mìni ɓɛ̀kìì-tìsɔ̀mɔ̀g ɓɛ! Ɓì yii ɓi lɛ i mum à rì rìghan ɗi ziinɛ di à rì bènàbena a Bɛ̀ll? Nni ŋwaànɛ à rì ɓiì kɔ̀ni lɛ a ɓa rìghan ɗi ziinɛ à rì ɓiì ɓaà bènàbena a Bɛ̀ll.

1 PYƐƐRI 5:9

Ɓaana ɓɛ̀sììrɛn ɓi rìgherɛ̀n, kɛ̀ ɓi càrɛn lɛ a ɓigti mìni, ɓì ki yi lɛ ɓɛ̀geni ɓin ɓɛ rìgherɛ̀n ɓɛɛ̀ tuutulɛ̀n rì mɛ̀kuu mɛ mɛtɔɓ mɛ̀n ɓi ziinɛ.

ÀPÒKÀLIƁSƐ̀ 2:5

Yiti min jàŋ inɛ wɔ̀ɔ nkpìi, u lɔgti rìkì, ù tumɛn rìkìkì ɗi ɓiɓan ɓi ù kìkìghà ǹtonto, kɛ̀ɛ̀ fɔlɔɔ di ǹɗì ɓiì yùu a lɔ̀ŋkɔɔ, m̀pisì kìrɛsì ki lamɓà wɔ̀ɔ̀ jàŋ inɛ ki ri, di ù ɓèni kìcenɗɛɛ.