2 KƆ̀RƐ̀ŊTYƐŊ 13:4 - Bafia Nouveau Testament

⁴ ɓisuulɛ ɓɛ kpangà nyi ɓi Kɔrɔs aɗyoo, lɛ rìɓa ɗii ɗi à rì kɛ̀ɛ̀ ìtèɗ, kìɓan kifog à rì cem lɛ ìtèɗ wu Bɛ̀ll; ɓi rìɓa ɗis ɗi tì rì ɓɛ̀ràrɛn ɗi nyi, tì rì girig kɛ̀ɛ ìtèɗ, wɔ̀lɛ tì ɓii ghɛɓì ǹɗaŋ ri nyi ɓisu win lɛ ìtèɗ wu Bɛ̀ll.

2 KƆ̀RƐ̀ŊTYƐŊ 13:4 ပူးပေါင်းရင်းမြစ်များ

ZYAŊ 10:18

Mum à ɓàtɛɛ ɓi mɛ cɛɓ, lɔŋ mɛ̀ɛmiɗ yɛɛ faa kɔ̀. Ǹɗì rì ìtèɗ wulɛ nfa kɔ, ǹki ɓa ti ri ìtèɗ wulɛ ǹteetì kɔ̀; kìɓan ki Seŋi wɛ̀m à reɓsìghà mɛ̀ lɛ nki kɛɛ̀ kìn.

MƐ̀KÌKÌÌ MƐ ƁƐKƐ̀NÌ-FÌTOM 2:36

Ɓum ɓɛ̀cèm ɓɛ a Isirayɛl ɓɛ ghɛɛ̀sɛɛ kì yiì syeesyee à rìyi lɛ, Bɛ̀ll àa ǹkìi lɛ, Yeesus ànɛ ɓìi nkpani ɓi kɔrɔs aɗyoo a ɓa lɛ nyi Kan wis, nyi Kiris.

MƐ̀KÌKÌÌ MƐ ƁƐKƐ̀NÌ-FÌTOM 3:16

Ǹtyweeyi wu tì rì rì wɔ ɓi ɗii ɗi Yeesus wɛɛ kii lɛ, ɗii ɗìn ɗyɛɛ fa mɛ̀kòò mɛ ŋwaànɛ ɓi yii ànɛ ìtèɗ yɛ̀ɛ ɓi seesèè, fɔɔnnɛ ǹtyweeyi wu ɓi Yeesus wɛɛ kii lɛ, a wɔǹ lɛ kɔɔ̀kɔɔ̀ lɔŋ yɛ̀ɛ ɓi seesee lɔɔ ɓɛsɛ̀ɛ̀ ɓɛ̀cèm.

RÒMƐŊ 1:4

Ɓi san ànɛ a Kìtɛntɛ̀ɛ̀n ki Nghay, ki ghɛnɛ̀n lɛ à rì Man à Bɛ̀ll, rì ìtèɗ, ɓi rìghèmɓɛ̀n ɗi à ghèmɓɛ̀ngày a ɓìloŋ.

RÒMƐŊ 14:9

Lɛ Kiris à wughà, à ki ghemɓɛn lɛ di a ɓa Kan ànɛ à làmii lɛ rì ɓìloŋ rì ɓum ɓɛ cem.

RÒMƐŊ 6:4

Ɓi bàɓtis nnɛ tì ɓòmɓɛ̀ngà ɓi zɔ̀ŋ rì nyi, lɛ ti wu ǹɗaŋ ɗi nyi, di fɔlɔɔ nnɛ ɓìsi girig ti ghɛɓ cɛɓ ki nyɔn fɛlɛ yɛ̀ɛ Kiris à ghèmɓɛ̀ngày a ɓìloŋ ɓi-tèɗ wu rikem ɗi Seŋi.

1 KƆ̀RƐ̀ŊTYƐŊ 1:25

Ɓisuulɛ kìɓan kicèm ki Bɛ̀ll à kìi ki pisɛ̀n kìyèg ki kiɓan, ɓi rìghɛn ɗi ɓum, ki cee ɗyomzɛ̀n ɗi ɓum, ki ɓɛ ghɛɛ ìkɔ̀g wu Bɛ̀ll miì, ki cee ìtèɗ wu ɓum.

1 KƆ̀RƐ̀ŊTYƐŊ 15:43

Nyoo ìnɛ ɓɛ ti ɓɛ ɓomgì, ì rì rì mɛ̀sòo, ɓi rìghèmɓɛ̀n ì ɓa rì rìkem; i ɓɛ ɓomi yɔ̀ ri ɓìlɛm, ì ghèmɓɛ̀n lɛ kpegkpeg, rì ìtèɗ lɛɛ̀gwey.

1 KƆ̀RƐ̀ŊTYƐŊ 2:3

Fɔɔnnɛ m̀ɓaghà foo a lɔ̀ŋkin lɛ rì ìkɔ̀g, rì ìris, ǹki nìniŋi lɛ kpàg kpàg kpàg.

1 KƆ̀RƐ̀ŊTYƐŊ 6:14

Nni Bɛ̀ll ànɛ à ghèmzìghà Kan a ɓìloŋ, à ghèmzii gɛ girig ɓìsi rì ìtèɗ wii.

2 KƆ̀RƐ̀ŊTYƐŊ 10:10

Ɓisuulɛ ɓɛ ti ɓɛ kpaaghì lɛ: Ɓɛ̀kaàtà ɓɛ Pol ɓɛ kiì lɛ ɓɛ nyɛn ɓɛ ki tèèsɛn, kìɓan kifog, cààmɛ̀n ki nyimiɗ yɛɛ rɛrɛlii, à ɓa kɛ̀ɛ̀ ìtèɗ, ɓìtòkì ɓii ɓi ki ɓa ɓitòkì ɓi ɓum ɓɛ ri lɛ ɓɛ sɛɛtì.

2 KƆ̀RƐ̀ŊTYƐŊ 12:10

Kìɓan kiǹ kɛɛ̀ki ǹti ǹwokì kìrɔɔ ɓi rìɓa ɗyɛ̀m ɗi kɛ̀ɛ̀ ìtèɗ, rì tìsɛm ti ɓɛ ti ɓɛ sɛmgàg mɛ̀, rì ɓɛ̀ǹkàŋɗɛ̀n ɓɛ ɓɛ ti ɓɛ kagì mɛ̀, rì ǹ-yeesɛ̀n ànɛ ɓɛ ti ɓɛ yeesàg mɛ̀, rì ɓìɓan ɓi iris ɓi ǹti ǹtulàg rì ɓyɔ ɓisuu Kiris, ɓisuulɛ cààmɛ̀n ki ǹɗì kɛ̀ɛ̀ ìtèɗ, kɛɛ̀ki ǹki tèèsɛɛ miǹ.

2 KƆ̀RƐ̀ŊTYƐŊ 13:9

Tì ti tì nyààràg di tì rì kɛ̀ɛ̀ ìtèɗ, kɔm̀ lɛ mìnii ri rì ìtèɗ, nni com ki ɓìsiì tɔtɔg ɓi bɔ̀ŋzɛ̀n yis ki ri lɛ, ɓi konag kì ɓaà ɓɛ̀kɔɔ̀kɔɔ̀ ɓɛ ɓɛgherɛ̀n.

FÌLÌPYƐŊ 3:10

Com ki nkɔ̀nkɔ̀n ki ri lɛ: n-yi Kiris, ǹ-yi ìtèɗ wu rìghèmɓɛ̀n ɗii, ɗi a ɓìloŋ, ǹteɗ gàɓ ɓi mɛ̀tɔɓ mii, ǹki pisɛn nyi ɓi rìwu ɗi à wughà

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 PYƐƐRI 3:22

à ɓɔg aɗyoo, à rì ɓi weèlem à Bɛ̀ll; wɔɔ a làlami lɛ rì ɓum ɓɛ titom, rì mɛ̀tèɗ mɛ ɓi ɗyoo mɛ̀cèm.