2 KƆ̀RƐ̀ŊTYƐŊ 13:11 - Bafia Nouveau Testament

¹¹ Ǹsiitɛɛ mìni kìkpaa lɛ: ɓɔɔsoŋ̀ ghɛɓina ɓi kìnyàà, ɓì kaakàà lɛ rìɓa ɗi ɓì rì ɓɛ̀gherɛ̀n ɗyɛɛ konag kìɓaà lɛ Syeesyee, faafàlɛɛna mìniìɓɔmiɗ itèɗ ɓi mɛ̀rem, ɓì woòwòòghrɛ̀n jɛ̀ɛ̀, ɓì ghɛghɛ̀ɓ ɓi fyòoog, fɔlɔɔ nnɛ Bɛ̀ll à ǹkɔ̀nɛ̀n, rì Bɛ̀ll à fyòoog à rì ɓiì ɓaà nɗaŋ ri mìni.

2 KƆ̀RƐ̀ŊTYƐŊ 13:11 ပူးပေါင်းရင်းမြစ်များ

MATYOO 1:23

Ghɛna! Gɔ̀n ì giɓ ìnɛ ì ka yi ɓi ɓɛbaŋì ì ɓiì terì ɗyem, ì yay man à baŋì, ɓɛ roò nyi ɗii lɛ Emanuɛl; ɗii ɗìn ɗi ri azi lɛ: Bɛ̀ll rì ɓìsi.

MATYOO 5:48

Ɓaana min ɓɛsyeesyee ɓɛ ɓum lɛ kɔɔ̀kɔɔ̀ lɔŋ yɛ̀ɛ Tààta wìn anɛ à rì aɗyoo nyii ri.

MARIKUS 10:49

Nni Yeesus à rɛrìghà, à kpaa ɓum lɛ: Reŋiinas̀ mɛ̀ nyi; ɓɛ̀roɓɛ̀n ɓɛ kɛǹ kì regii ɗyaŋɗyàŋ ànɛ̀n ɓɛ kpaa nyi lɛ: Tèèsi nyoo u pɛsɛn aɗyoo, nnyɛɛ̀ regi wɔ.

MARIKUS 9:50

Kìkòn ki ri syeesyee à com. Nni i kìkòn ki mɛ rɔ̀ɓ kɛ̀ kɛɛ̀ yɛ̀ɛ̀ti, ɓɛ ri lɛ ɓɛ yɛɛ̀sì tì kɔ rì cɛ? Ɓaana rì kìkòn ɓi mìniìɓɔmiɗ, ɓì ki kɔ̀ri lɛ fyòoog, ɓi nyìinyìm wìn.

LUKAS 9:61

Nni ŋwaàdɛŋ à kpaatìghà nyi lɛ: Kan, ǹɗì wɔ̀ ɓiì nɔ̀ɔ̀tii, nni ka càra mɛ̀, ǹghesɛn yì naa yɛ̀m ì ɓum.

ZYAŊ 17:23

Mɛ̀ ɓi ɓɔ, wɔ̀ ɓi mɛ̀, lɛ di ɓɛɛ ɓa ɓɛ̀ràrɛn lɛ kɔɔ̀kɔɔ̀ kìbyɔg kìfog, ziinɛ ì ki yi lɛ wɔ̀ yɛɛ romgày mɛ̀, nni ǹkeesìghà ɓɔ yɛ̀ɛ wɔ̀ɔ̀ keesìghà mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 15:29

Kɛ̀ ɓi ɗi ɓyɛn ɓi nyàm ìnɛ ɓɛ woli ɓi rìɓɔgsì ɗi ɓinùn, rì bwaɓ, rì ɓyɛn ɓi nyàm ìnɛ ì wii lɛ swììɗ, kɛ̀ ɓi kì tisɔ̀mɔ̀g, i ɓì lɛɛgh ɓìɓan ɓiǹ, di ɓì konaagh, ÒO òona yàà!

MƐ̀KÌKÌÌ MƐ ƁƐKƐ̀NÌ-FÌTOM 18:21

Kìɓan kifog à ghasɛ̀ngà rì ɓɔ, à ki kàg ɓɔ lɛ, à rì ɓiì sugtii yi a lɔ̀ŋkaa ŋwos adɛŋ di Bɛ̀ll à kɔ̀ni. Fɔɔnnɛ à kpaghà lɛ: Ki ghɛɛ̀sɛɛ lɛ, nɗi tìcàɓ ti ti riì ti a Yorisalɛm nsoò kaa ɓaa la. Nni à pɛ̀sɛ̀ngà a Efɛɛzɛ ɓi fìtimà.

MƐ̀KÌKÌÌ MƐ ƁƐKƐ̀NÌ-FÌTOM 23:30

Nni yɛ̀ɛ ɓaa kɔ̀ŋɗɛɛ mɛ̀ lɛ, Ɓɛ̀yudɛ̀n ɓɛ mɛ tɔ̀kɛn lɛ ɓɛɛ wey nyi, fɔɔnnɛ màa ghàsi wɔ̀ nyi kì romìì, ǹki kpaa ɓum ɓii ɓɛ kiɓan lɛ, ɓɛɛ yu nyi kì sɔmɛɛ a lɔ̀ŋkɔɔ ɓɔmìɗ. Òo òò yaà.

RÒMƐŊ 12:16

Ɓì ghɛ̀ɛ̀sɛɛ kì wooghrɛɛ ɓi nyìinyìm wìn, kɛ̀ ɓi ɓɔɔɓɔgsɛ̀n, lɔŋ càrɛɛnà lɛ ɓi ki ɓìsay ɓi ɓyɛ̀ɛ tɔtɔg lɛ mum a sɛɛ̀di nyimiɗ ɓi zi, kɛ̀ ɓi ghɛn miniì ɓɔmiɗ lɛ ɓìrì ɓum ɓɛ ɗyomzɛ̀n.

RÒMƐŊ 12:18

I bee ì rì lɛ ì ɓa, lèg ànɛ yɛ̀ɛ ìtèɗ win wu ri lɛ wu kpaŋ, ɓì ghɛ̀ɛ̀sɛɛ kì ghɛɓì lɛ fyòoog rì ɓum ɓɛ̀cèm.

RÒMƐŊ 14:19

Fɔlɔɔ nnɛ tì ghɛ̀ɛ̀sɛɛ min kikaà lɛ ti ki ɓìɓan ɓi ɓyɛɛ̀ kìki lɛ fyòoog a ɓa, ɓi ki fa ti ɓisi ɓɛ̀sɛ̀ɛ̀ ɓɛ̀cèm ìtèɗ ɓi rìgherɛ̀n.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 15:33

Bɛ̀ll à fyòoog a ɓa rì mìni ɓɛ̀sɛ̀ɛ̀ ɓɛ̀cèm. Ààmɛ̀n.

RÒMƐŊ 16:20

Cààmɛ̀n lɛsàg, Bɛ̀ll ànɛ à ti à falàg fyòoog, à rì ɓiì turii Satàn a mɛ̀kòò min zi. Geesɛ̀n ì Kan wìs Yeesus yɛ̀ɛ ɓa rì mìni.

1 KƆ̀RƐ̀ŊTYƐŊ 1:10

Ɓɔɔsoŋ̀, ǹtɔɔgh mìni ɓi ɗii ɗi Kan wìs Yeesus Kiris lɛ, wooghrɛɛna jɛ̀ɛ̀, yɛ̀ɛ gasɛ̀n yɛ̀ kɛɛ̀ ɓa ɓi nyìinyìm wìn, kìɓan kifog, ɓaana ɓɛ̀ràrɛn kɔɔ̀kɔɔ̀ à rìràrɛ̀n, ɓì ɓa nɗem wufog rì fèg bogtɛ̀n.

2 KƆ̀RƐ̀ŊTYƐŊ 1:4

Nyi yɛɛ ti à fɔɔsàg ɓìsi mɛ̀rem ɓi mɛ̀tɔɓ mis mɛcèm, lɛ di ɓìsi girig, ti ɓa rì ìtèɗ wu fɔɔsiyɛn mɛrem mɛ ɓumɓɛ ɓɛɛ̀ tuutulɛ̀n rì mɛ̀tɔɓ mɛ̀kuu mɛ̀kuu, tì kì kìɓan kiǹ ɗì ǹghɛɓsɛn wu wu ti wu ɓalàg yì ɓìsi yɛ̀ɛ Bɛ̀ll.

2 KƆ̀RƐ̀ŊTYƐŊ 13:9

Tì ti tì nyààràg di tì rì kɛ̀ɛ̀ ìtèɗ, kɔm̀ lɛ mìnii ri rì ìtèɗ, nni com ki ɓìsiì tɔtɔg ɓi bɔ̀ŋzɛ̀n yis ki ri lɛ, ɓi konag kì ɓaà ɓɛ̀kɔɔ̀kɔɔ̀ ɓɛ ɓɛgherɛ̀n.

EFÈZYƐŊ 4:12

À kìghà fɔlɔɔ lɛ di ɓɛ̀gherɛ̀n ɓɛɛ tɔɔ̀ ɓɛ kpaŋ ɓi nɗɛli wu ɓɛ ri lɛ ɓɛ ki kìsay ɓi rìtoŋ ɗi nyoo ì Kiris.

EFÈZYƐŊ 4:3

ɓì tèètèèsì nyoo lɛ ɓi ɓeŋ rìɓa ɗi kibyɔg kìfog ɗi ɓi mɛ̀ghay rì fyòoog ànɛ à ràri mìni ɓɛ̀sɛ̀ɛ̀ ɓɛ̀cèm.

EFÈZYƐŊ 6:23

Ɓɔɔsoŋ̀, Bɛ̀ll à Seŋi wìs, ɓɛɛ̀ Kan Yeesus Kiris ɓɛɛ fa ɓɛ̀geni ɓis ɓɛ̀cèm fyòoog, rì ǹkɔ̀nɛ̀n, bas ɗì rìgherɛ̀n.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

FÌLÌPYƐŊ 3:16

Wɔ̀lɛ ɓì nɗɛli wu tì ti wu miì, tì ghɛ̀ɛ̀sɛɛ lɛ tì kɛ̀nkɛ̀n lɔŋ asu ǹɗaŋ.

FÌLÌPYƐŊ 4:2

M̀ɓɔ̀ŋzaagh Evodii, m̀ɓɔ̀ŋzàg tì Sɛ̀ntis, lɛ ɓɛɛ ɓa ǹɗem wùfog ɓi Kan ɓiɗùm.

FÌLÌPYƐŊ 4:4

Nyàànyaana lɔŋ cààmɛ̀n kìcèm ɓi Kan ɓiɗùm, m̀ɓììtii kìkalii lɛ, nyàànyaana.

FÌLÌPYƐŊ 4:9

Ɓìɓan ɓi ɓì kìghà lɛ, ɓì yilàg, ɓì teɗ, ɓì ki wog a lɔ̀ŋkɛm̀, rì ɓi ɓì ghɛngà mɛ̀ di nkìkì, ɓyɛɛ̀ɓi kìkiina. Fɔɔnnɛ Bɛ̀ll à fyòoog à ɓiì ɓaà rì mìni.

TÈSÀLÒNÌSYƐŊ 3:10

Ti ɓɔ̀ɔɓɔ̀ŋzì yɛ̀ɛ ìru yɛ̀ɛ ŋwos, tì ki sììrɛn ɓi bɔ̀ŋzɛ̀n lɛ a ki lɛ ti ghɛnag tì a mɛ̀su, à ki roozi ɓìɓan ɓi ɓi kaarɛɛ ɓi rìgherɛ̀n ɗin?

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

TÈSÀLÒNÌSYƐŊ 4:18

Ɓì ghɛ̀ɛ̀sɛɛ lɛ ɓì fɔɔ̀fɔ̀ɔ̀sɛ̀n mìniìɓɔmiɗ mɛrem rì ɓìɓan ɓiǹ.

TÈSÀLÒNÌSYƐŊ 5:13

Terina ɓɔ rì coo nyaasɛ̀n lɛɛ̀gwey rì ǹkɔ̀nɛ̀n ɓisuu kìsay ki ɓɛɛ̀ kìkì. Ghɛbina lɛ fyòoog ɓi nyìinyìm wìn.

TÈSÀLÒNÌSYƐŊ 5:16

Nyàànyaana cààmɛ̀n kìcèm.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

2 TÈSÀLÒNÌSYƐŊ 3:1

Ɓɔɔsoŋ̀! ǹsiitɛɛ mìni kì kpaà lɛ: Ɓì ɓɔ̀ŋzàg Bɛ̀ll ɓisu wìs, di jɛ̀ɛ̀ ì Kan yɛ̀ɛ kɛn asu ì sààsàà, ì ki keŋkem, fɛlɛ yɛ̀ɛ yɛɛ̀ keŋkem a lɔ̀ŋkin.

2 TÈSÀLÒNÌSYƐŊ 3:16

Kan ànɛ a falag fyòoog, nnyɛɛ fa mìni fyòoog nyimiɗ ɓyààmɛ̀n ɓìcèm, bee yicèm; Kan a ɓa rì mìni ɓɛ̀sɛ̀ɛ̀ ɓɛ̀cèm.

2 TIMOTE 2:22

Lɛgha ɓìɓeɓtàg ɓi ɓìɓan ɓi ɓi ti ɓi rɔɔghì ɓɛ̀dɛlì; kaaya saaɗ, rì rìgherɛ̀n, rì ǹkɔ̀nɛ̀n, rì fyòoog ànɛ rì ɓumɓɛ ɓɛ ti ɓɛ regì ɗii ɗi Kan rì nɗem wu tɛnɛn.

EBIREEGH 12:14

Kaana lɛ ɓi ghɛɓ lɛ fyòoog rì ɓum ɓɛ̀cèm, ɓì ki ɓa ri cɛɓ ki ki ri kìtɛnɛn; lɛ ŋwaànɛ cɛɓ kìn ki ri ɓiì kaarɛɛ a lɔ̀ŋkii, àa ghɛn ɓi Kan.

EBIREEGH 13:20

Bɛ̀ll à fyòoog ànɛ à ghèmzìghày coo mɓèŋì-jɔ̀ɔ̀ ànɛ lɛ Kan wìs Yeesus a ɓìloŋ rì bwaɓ yi riràrɛ̀n ɗi fiɗyàɓ fikɔ̀ɔ̀,

ZYAG 1:4

kìɓan kifog, ki ghɛɛ̀sɛɛ lɛ rìnìɗ ɗin ɗi nɗem ɗyɛɛ ki ɓìɓan ɓi ɓi rɔɔtɛɛ lɛ kɔɔ̀kɔɔ̀, di fɔlɔɔ nnɛ ɓi ɓa ɓumɓɛ ɓɛ kii lɛ, ɓɔ kɛ̀ɛ̀ bɛ̀lɛn nsoò bog, ɓɛ ki ɓa ɓɛronɛn ɗi ɓìɓan ɓìcèm, com ki ki kaarɛ̀n ɓɔ, kɛ̀ kɛɛ̀ ɓa.

1 PYƐƐRI 3:11

à ghɛ̀ɛ̀sɛɛ kì lɔ̀ghii jɛ̀m rì kìɓe, kìrɔɔ kɛɛ̀ki à kìkì, à falɛ̀n ɓi rìkaakàà ɗi fyòoog.

1 PYƐƐRI 3:8

Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

ÀPÒKÀLIƁSƐ̀ 22:21

Geesɛ̀n ì Kan Yeesus yɛ̀ɛ ɓa rì ɓum ɓɛ̀cèm!