2 KƆ̀RƐ̀ŊTYƐŊ 12:14 - Bafia Nouveau Testament

¹⁴ Ɓì ghɛɛ! Ǹti jàŋbog lɛ n-yutiì foo a lɔ̀ŋkin ɓi gɛ̀n i kìraa, nni ǹtɛ̀g wɛm waa ki syɔn ɓi mini ɓi nto, ɓisuulɛ àa ìkum win wɛɛ̀wu nfɔmfɔ̀m, lɔŋ mìniìɓɔmiɗ ɓɛɛ̀ɓɛ nkɔ̀nkɔ̀n; lɛ àa ɓɔn ɓɛɛ ghɛɛ̀sɛɛ kì taŋzɛɛ ikum ɓisuu ɓɛyalì ɓaa, lɔŋ ɓɛ̀yalì ɓɛɛ ghɛɛ̀sɛɛ kì taŋzɛɛ ikum ɓisuu ɓɔn ɓaa.

2 KƆ̀RƐ̀ŊTYƐŊ 12:14 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 20:33

M̀ɓaghà ɓi ri zày ìnɛ lɛ, mum a fa mɛ̀ mɔ̀ɔ̀ni, nsoò gol, nsoò ɓìlàà.

1 KƆ̀RƐ̀ŊTYƐŊ 10:24

Mum kɛ̀ɛ kaaghi kìrɔɔ kii ki nyimiɗ, à kaa lɔŋ ki ɓɛro ɓɛm̀bog.

1 KƆ̀RƐ̀ŊTYƐŊ 10:33

Fɛlɛ yɛ̀ɛ mɛ̀ɛ ntèeteèsì nyoo lɛ mpuɓsi ɓum ɓɛ̀cèm mɛ̀rem ɓi ɓìɓan ɓicèm; mɛ̀ ǹ-yin ɓiì kaakaa kirɔɔ kɛ̀m ki mɛ̀ɛmiɗ, nkaakaa lɔŋ kirɔɔ ki ɓum lɛɛ̀gwey lɛ di ɓɛɛ ghɛǹ cɛɓ.

1 KƆ̀RƐ̀ŊTYƐŊ 11:34

I mum a wowog zày, à ghɛ̀ɛ̀sɛɛ kì ɗiì a mɛɛ mii, lɛ di kɛ̀ ɓi syòŋ yi mìniìɓɔmiɗ ncɛ̀m ɓi nyoo, di ɓì taŋzɛɛ. Ǹɗì ɓiì pègsɛɛ ɓiɓan ɓimbog yɛ̀ɛ ǹɗì ɓiì yùu.

1 KƆ̀RƐ̀ŊTYƐŊ 16:5

Ǹɗì ɓiì yùu a lɔ̀ŋkin di màa syàà kìlànà ki zi ki a Masedwan, lɛ ǹghɛ̀ɛ̀sɛɛ kì syàa kilànà ki zi kiǹ.

1 KƆ̀RƐ̀ŊTYƐŊ 4:19

Wɔ̀lɛ i ki kɔni Kan, di ǹɗì ɓiì fyaŋzii foo ki kpaŋì; fɔɔnnɛ máa yi ɓi lɔŋ lɛ ɓìɓan ɓi ɓɛ̀daŋàdaŋa ɓɛǹ ɓɛɛ̀ kpaakpàà, ǹɗì girig ɓiì yiì com ki ɓɛ ri rì ìtèɗ wulɛ ɓɛ ki.

1 KƆ̀RƐ̀ŊTYƐŊ 9:12

I ɓum ɓɛdɛŋ ɓɛ ri rì ìtèɗ wulɛ ɓɛ ɓoŋɓòŋ ɓìrɔɔ ɓidɛŋ a lɔ̀ŋkin, ɓìsi yaa ghɛ̀ɛ̀sɛɛ lɛ ti ɓiìsɛn kìkìi fɔlɔɔ, kìɓan kifog, ɓìsii tɔkà ɓi kiɓan ki tì ɓaghà rì ìtèɗ wulɛ ti tɔg; ɓìsiì ceecenɛ̀n lɔŋ mɛtɔɓ mɛ̀cèm lɛ tyɛ̀ ki naŋ kiɓan kidɛŋ ki ki ri lɛ ki nyug Syeesyee à Ɓɔlɛ à Kiris.

1 KƆ̀RƐ̀ŊTYƐŊ 9:18

Nni mɛ̀lèɓ mɛm̀ mɛ ri min lɛ cɛ? Mɛ ri kìnyàà ki lɛ nghaàghàgsì Syeesyee à Ɓɔlɛ kɛ̀ɛ̀ mɛ̀lèɓ, kɛ nki tɔg com rì ɓìrɔɔ ɓi Syeesyee à Ɓɔlɛ nyimiɗ a faa mɛ̀ ìtèɗ wulɛ mɓa rì ɓyɔ.

1 KƆ̀RƐ̀ŊTYƐŊ 9:19

Ǹ-yin ǹkpàn a mum nsoò bog, kìɓan kifog, ǹghaasìghà mɛ̀ɛmiɗ ǹkpàn a ɓum ɓɛ̀cèm, lɛ di nsyoŋ kìgwey ki ɓi ɓɔ.

2 KƆ̀RƐ̀ŊTYƐŊ 1:15

Ɗì rìyi ɗìn ɓi nɗem innɛ mɛ̀ɛ nfèegh lɛ ǹka yùiy a lɔ̀ŋkin, lɛ di ɓi ɓiìti kìghɛɛ̀ mààgh àdɛŋ.

2 KƆ̀RƐ̀ŊTYƐŊ 11:9

nni nsoò yɛ̀ɛ kìsoghà ki ɓangà mɛ̀ cààmɛ̀n ki m̀ɓaghà foo a lɔ̀ŋkin, ǹtɛ̀g wɛm̀ wu syɔngà ɓi wààdɛŋ ɓi nto. Ɓisuulɛ ɓɔɔseŋi ɓis ɓɛ ɓi rìgherɛ̀n ɓɛ ɓɛ pɛsɛ̀ngày a Masedwan, ɓɛ faghà mɛ̀ com kìcèm ki ki kaarɛ̀ngà mɛ̀; ǹlɛkà bee bimiɗ lɛ kɛ̀ɛ mɓa ntɛ̀g wu wɛɛ yɔŋi mìni ɓi nyoo, fɔɔnnɛ ǹɗì ɓiì ki lɛlɛɛgh kiɓan kiǹ.

2 KƆ̀RƐ̀ŊTYƐŊ 12:13

Kìɓan aɗi kɛɛ rɔɓkà kɛ̀ kɛɛ̀ kìlɛn a lɔ̀ŋkin lèg ànɛ yɛ̀ɛ kɛɛ̀ kìikilɛ̀n ɓi ɓìseŋi ɓi Kiris ɓimbog? I ki cee ɓi nya lɛ kìɓan ki lɛ ǹtɛ̀g wɛm̀ wu syɔngà ɓi mìni ɓi nto! Nni mìnii cenɛɛna mɛ̀ rìkì ɗiǹ lɛ ɗi ri zɛ̀ɗ.

GÀLAT 4:19

Mìni ɓɔn ɓɛm, ǹtumɛɛ tì rìwog ɗi rikɛŋ yɛ̀ɛ ɗi giɓ a woki ɓi rìyay ɓisu wìn, à kpaŋ yɛ̀ɛ Kiris à ɓiì ghɛɛ̀ ìkɔ̀ɔ̀ ɓi mɛ̀rem mìn.

FÌLÌPYƐŊ 4:1

Fɔlɔɔ nnɛ, mìni ɓɛ̀geni ɓɛ̀m ɓɛ nɗem ɓɛ ǹɗì rì coo zày ìnɛ lɛ di màa ghɛɛdii, ɓì rì lɛ, mìni kìnyàà kɛm̀, mìni rìkem ɗyɛ̀m, kɛ̀ɛna lɔŋ asu, ɓi siìrɛn fɔlɔɔ ɓi Kan, mìni ɓum ɓɛm ɓɛ nɗem.

FÌLÌPYƐŊ 4:17

Ki yin lɛ nkaakaa lɛ ɓum ɓɛɛ fafa mɛ̀ ɓyom, com ki nkaakàà ki ri lɛ, bimiɗ à kɔ̀misɔ̀n adɛŋ a sagtɛn ɓi ɓirɔɔ ɓin.

TÈSÀLÒNÌSYƐŊ 2:11

Ɓì yii girig lɛ tì ghɛɓkà rì mum ǹcèm ànɛ ɓi mìni fɛlɛ yɛ̀ɛ seŋi à rì lɛ à ghɛɓ rì ɓɔn ɓii.

TÈSÀLÒNÌSYƐŊ 2:8

Ɓi rìkeesì ɗi tì keesìghà mìni, àa Syeesyee à Ɓɔlɛ à Bɛ̀ll nyi rì nyi innɛ tì ɓaghà lɛ tì kɔ̀n lɛ ti fa mìni, ti ɓaghà lɛ ti fa mìni lɔŋ lɛ rì ɓyɛɓ ɓis miì, lɛ ɓì ɓaghà di ɓì ti ɓum ɓis ɓɛ nɗem lɛ kɔɔ̀kɔɔ̀.