2 KƆ̀RƐ̀ŊTYƐŊ 12:10 - Bafia Nouveau Testament

¹⁰ Kìɓan kiǹ kɛɛ̀ki ǹti ǹwokì kìrɔɔ ɓi rìɓa ɗyɛ̀m ɗi kɛ̀ɛ̀ ìtèɗ, rì tìsɛm ti ɓɛ ti ɓɛ sɛmgàg mɛ̀, rì ɓɛ̀ǹkàŋɗɛ̀n ɓɛ ɓɛ ti ɓɛ kagì mɛ̀, rì ǹ-yeesɛ̀n ànɛ ɓɛ ti ɓɛ yeesàg mɛ̀, rì ɓìɓan ɓi iris ɓi ǹti ǹtulàg rì ɓyɔ ɓisuu Kiris, ɓisuulɛ cààmɛ̀n ki ǹɗì kɛ̀ɛ̀ ìtèɗ, kɛɛ̀ki ǹki tèèsɛɛ miǹ.

2 KƆ̀RƐ̀ŊTYƐŊ 12:10 ပူးပေါင်းရင်းမြစ်များ

LUKAS 6:22

I ɓum ɓɛ ɓeèzɛɛ mìni, ɓɛ ɓèn mìni, ɓɛ sɛmgì mìni, ɓɛ ki ren mini ɗii ɓi ǹɗaŋ waa, ɓisuu Man à mum, ɓì ɓiì ɓaa rì ɓɛ̀mààgh.

ZYAŊ 15:21

Wɔ̀lɛ ɓɛ ri kì mini ɓìɓan ɓiǹ ɓìcèm ɓisu wɛ̀m, lɛ ɓɛ yii ɓi roànɛ à romgày mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

RÒMƐŊ 5:3

Àa lɔŋ foo ri foo, ti nyàanyaàrɛ̀n girig rì mɛ̀tɔɓ mis, lɛ tì yii lɛ ǹtɔɓ wu ti wu kilàg lɛ mum a ɓa rì kìsììrì,

1 KƆ̀RƐ̀ŊTYƐŊ 4:10

Tì rì ɓɛ̀ghalɛn ɓiyèg lɛ Kiris, wɔ̀lɛ mìnii ri rì ɗyomzɛ̀n ɓi Kiris ɓi ɗùm; ɓìsii ri ɓɛ̀kɔ̀kɔg, mìni ɓɛ̀tèteɗ; ɓum ɓɛ nyaànyààsì mìni, wɔ̀lɛ ɓɛ sɛɛ̀sɛ̀ɛ̀tì ɓìsi.

2 KƆ̀RƐ̀ŊTYƐŊ 1:4

Nyi yɛɛ ti à fɔɔsàg ɓìsi mɛ̀rem ɓi mɛ̀tɔɓ mis mɛcèm, lɛ di ɓìsi girig, ti ɓa rì ìtèɗ wu fɔɔsiyɛn mɛrem mɛ ɓumɓɛ ɓɛɛ̀ tuutulɛ̀n rì mɛ̀tɔɓ mɛ̀kuu mɛ̀kuu, tì kì kìɓan kiǹ ɗì ǹghɛɓsɛn wu wu ti wu ɓalàg yì ɓìsi yɛ̀ɛ Bɛ̀ll.

2 KƆ̀RƐ̀ŊTYƐŊ 10:18

Ɓisuulɛ, àa ŋwaànɛ a sɛɛghsɛɛ̀ghrɛ̀n nyimiɗ innɛ ɓɛ ri ɓiì kalii lɛ rìkì ɗii ɗi ri lɛ syeesyee, lɔŋ roànɛ Kan à sɛɛgh innɛ rìkì ɗii ɗi rɔɔtɛɛ.

2 KƆ̀RƐ̀ŊTYƐŊ 12:9

à ki ɓàg mɛ lɛ: Geesɛ̀n yɛ̀m ì ghɛɛ̀sɛɛ rì wɔ̀ ɓisuulɛ ìtèɗ wɛm̀ wu ti wu resàg lɛ tɛntɛ̀ɛ̀n jàŋ inɛ mum à rì kɛ̀ɛ̀ ìtèɗ. Fɔɔnnɛ ǹɗì ɓiì ɓiisɛɛ min ki woògh kìrɔɔ lɛ nkaakàlɛ̀n rìɓa ɗyɛ̀m ɗi kɛ̀ɛ̀ ìtèɗ lɛ di ìtèɗ wu Kiris wɛɛ saàgh ɓi mɛ̀.

2 KƆ̀RƐ̀ŊTYƐŊ 13:4

ɓisuulɛ ɓɛ kpangà nyi ɓi Kɔrɔs aɗyoo, lɛ rìɓa ɗii ɗi à rì kɛ̀ɛ̀ ìtèɗ, kìɓan kifog à rì cem lɛ ìtèɗ wu Bɛ̀ll; ɓi rìɓa ɗis ɗi tì rì ɓɛ̀ràrɛn ɗi nyi, tì rì girig kɛ̀ɛ ìtèɗ, wɔ̀lɛ tì ɓii ghɛɓì ǹɗaŋ ri nyi ɓisu win lɛ ìtèɗ wu Bɛ̀ll.

2 KƆ̀RƐ̀ŊTYƐŊ 13:9

Tì ti tì nyààràg di tì rì kɛ̀ɛ̀ ìtèɗ, kɔm̀ lɛ mìnii ri rì ìtèɗ, nni com ki ɓìsiì tɔtɔg ɓi bɔ̀ŋzɛ̀n yis ki ri lɛ, ɓi konag kì ɓaà ɓɛ̀kɔɔ̀kɔɔ̀ ɓɛ ɓɛgherɛ̀n.

2 KƆ̀RƐ̀ŊTYƐŊ 4:17

Ɓisuulɛ mɛ̀tɔɓ mɛ tì ti tì wokì ɓi maa cààmɛ̀n mɛ ri lɛ fɛnfɛn di ù fèegh mɔ rì mɛ̀nɔ̀ɓɔ̀ mɛ rikem ɗi fiɗyàɓ fikɔ̀ɔ̀ ɗi mɛ̀tɔɓ mɛ̀n mɛɛ̀ ɓùuɓuŋɛ̀n ɓisuu wis.

2 KƆ̀RƐ̀ŊTYƐŊ 4:5

Àa ɓìsiìɓɔmiɗ nnɛ ti làalamɓɛ̀n ɓi ɓìɓan ɓi Bɛ̀ll ɓi ti kpaakpàà, lɔŋ Kan Yeesus Kiris nnɛ ti làalamɓɛ̀n, tì ki kpaaghi lɛ tì rì ɓɛ̀kìì-ɓìsay ɓin ɓisuu Yeesus.

2 KƆ̀RƐ̀ŊTYƐŊ 5:15

À wughà ɓisuu ɓum ɓɛ̀cèm lɛ di ɓumɓɛ ɓɛ kaka cem ɓɛ̀ kɛɛ̀ ghɛghɛɓ ti ɓisu waa wu ɓɔmiɗ, ɓɛɛ ghɛɓ lɔŋ ɓisuu roànɛ à wughà, à ki ghèmɓɛn ɓisu wàà.

2 KƆ̀RƐ̀ŊTYƐŊ 5:20

Ɓi ɗii ɗi Kiris innɛ tì rì ɓɛ̀romɛn fɔɔnnɛ Bɛ̀ll nyimiɗ yɛɛ̀ feèfègsì mìni ɓi myɔm mis; tì ɓɔ̀ŋzaagh mìni ɓi ɗii ɗi Kiris lɛ ɓi gherɛn lɛ ɓi pegsɛn kìɓan ki lɛ rì mìni rì Bɛ̀ll.

2 KƆ̀RƐ̀ŊTYƐŊ 6:4

Wɔ̀lɛ ɓi ɓìɓan ɓìcèm, ɓìsiì rèresi kɔm̀ lɛ tì rì ɓɛ̀kìì-ɓìsay ɓɛ Bɛ̀ll, ɓi coo rinìɗ ɗi nɗem ɗi tì rì rì ɗyɔ ɓi rìkɛŋ, rì ɓi cɛɓ ki nyìinyìg rì ɓi ɓìɓan ɓi ɓyɛɛ̀ falag iris,

2 KƆ̀RƐ̀ŊTYƐŊ 7:4

Lɛ ǹɗì rì ntyweeyi ri mìni lɛɛ̀gwey ǹki ɓa ri ɓɛ̀azi ɓɛ ǹɗì lɛ ǹsaàsànɛ̀n mìni miì rì ɓum; ɓi mɛ̀tɔɓ mɛ̀cèm mɛ ti wowòg, ǹɗem wɛ̀m wu ri lɛ fwɛɛy lɛɛ̀gwey, kìnyàà ki ceeghì mɛ̀.

EFÈZYƐŊ 6:10

Ǹsyɔɔdii ɓìtòkì ɓyɛm̀ lɛ: Kaana ìtèɗ win ɓi rìràrɛ̀n ɗi rì Kan, rì ɓi coo itèɗ wii.

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

2 TÈSÀLÒNÌSYƐŊ 1:4

Fɔlɔɔ nnɛ ti kaakalɛ̀n Ɓìseŋi ɓi ɓɛgherɛ̀n Bɛ̀ll rìɓa ɗin, ɓisuu kisììrì kin, rì rìgherɛ̀n ɗin ɓi mɛ̀tɔɓ mɛ̀cèm, rì rìkɛŋ ɗìcèm ɗi ɓi wowòg ɓì ki nìniɗ mɛrem.

2 TIMOTE 3:11

ù yii lɛ rì ǹ-yeesɛ̀n ànɛ ntuutulɛ̀n rì nyi, rì mɛ̀tɔɓ mɛ ǹwowoogh; rìkuu ɗi ntɔɓ aɗi ɗyɛɛ̀ɗi ǹɗɔ̀ɓi lɛ ǹghɛɛ ɓi a Aŋtyos rì Ikonyɔm rì a Listirɛ? Rìkuu ɗi ǹ-yeesɛ̀n aɗi ɗyɛɛ̀ɗi ǹɗɔ̀ɓi lɛ ǹtulɛɛ ɓi ri ɗyɔ, ǹki sìisiìrì nɗem? Wɔ̀lɛ Kan à ghɛɓsìghà mɛ̀ ɓi mɛ̀tɔɓ mɛ̀n mɛ̀cèm.

ZYAG 1:2

Mìni ɓɛ̀geni ɓɛ̀m, terina mɛ̀kuu mɛ mɛtɔɓ mɛ̀cèm mɛ ɓì rì lɛ ɓì tulɛ̀n rì mɔ lɛ mɛ ri kìɓan ki kinyàà ki kɔɔ̀kɔɔ̀,

ÀPÒKÀLIƁSƐ̀ 2:3

Ù rì rì kìsììrì, wɔ̀ɔ ǹwoogh mɛ̀tɔɓ ɓisuu ɗii ɗyɛ̀m, kɔ̀ɔ ki càrɛn.