2 KƆ̀RƐ̀ŊTYƐŊ 12:1 - Bafia Nouveau Testament

¹ Ki ghɛɛ̀sɛɛ nya lɛ mum a kalɛn? Ki ghɛɓsii ɓi com nsoò lɛsag. Nsoò fɔlɔɔ m̀ɓiì kpaŋì ɓi jàŋ inɛ mɓuŋ ɓìɓan ɓi Kan à rèsìghà mɛ̀, rì ɓi à kìghà lɛ n-yi.

2 KƆ̀RƐ̀ŊTYƐŊ 12:1 ပူးပေါင်းရင်းမြစ်များ

ZYAŊ 16:7

Ǹsoò fɔlɔɔ, ǹkpaa mìni saaɗ lɛ ki ri mìni kìrɔɔ lɛ nkɛǹ; lɛ i ǹkɛ̀ɛ ɓi, m̀maasì-mɛ̀rem à yin lɛ à yù a lɔ̀ŋkin; wɔ̀lɛ i ǹkɛ̀ɛ, ǹɗom yì mìni nyì.

ZYAŊ 18:14

Nyi yɛɛ ki reɓkà Ɓɛ̀yudɛ̀n lɛ, ki ri kìrɔɔ lɛ mum a wu bog ɓisuu kilɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 18:9

Ɓi-ru wudɛŋ, Kan à kpaaghà Pol a ɓìdɛ̀ndɛm lɛ: Kɔ̀ɔ risi, kɛ̀na asu rì rìkakàlì ɗi ɓɔlɛ, kɔ̀ɔ mam.

MƐ̀KÌKÌÌ MƐ ƁƐKƐ̀NÌ-FÌTOM 23:11

Yɛ̀ɛ ìru wu fingà, Kan à rèsɛ̀n Pol à kpaa nyi lɛ: Pol, kɔ̀ɔ càrɛn! Lɔŋ yɛ̀ɛ wɔ̀ɔ ǹlòmi kìtɛɛtɛn ɓi kìɓan ki ki seesee mɛ̀ a Yorisalɛm, nnɛ ù ghɛ̀ɛ̀sɛɛ tì kì lòmì aà Rom.

1 KƆ̀RƐ̀ŊTYƐŊ 10:23

Tì rì rì ìtèɗ wulɛ tì kì ɓìɓan ɓìcèm ɓi tì kɔ̀ni, nni àa ɓìɓan ɓìcèm ɓyɛɛ ri rì gɛɓsɛ̀n. Tì rì rì ìtèɗ wulɛ tì ki com kìcèm wɔ̀lɛ àa kìcèm kɛɛ kìki lɛ ŋwaa siìrɛn ɓi rìgherɛ̀n.

1 KƆ̀RƐ̀ŊTYƐŊ 14:6

Nni ɓigomìnɛ, ɓɔɔsoŋ̀ gɛɓsɛ̀n aɗi yɛɛ̀nɛ ǹɗì lɛ mɓay mìni rì yɔ̀, di ǹ-yùu mìni kìtòtoogh ɓìkènekènè ɓi ɓitòkì jàŋ inɛ màa ghɛ̀ɛ̀sɛɛ lɛ ǹ-yùy mìni rì kìɓan ki Ǹghay à rèsii, nsoò lɛ rìyi ɗidɛŋ, nsoò lɛ kìɓan ki Bɛ̀ll à rèsii mɛ̀ lɛ nkpaŋzi, nsoò lɛ bimiɗ à rìrèsàg àdɛŋ?

1 KƆ̀RƐ̀ŊTYƐŊ 6:12

Ǹɗì lɛ ǹkì com kìcèm ki ǹkɔ̀ni, kìɓan kifog, àa ɓìɓan ɓìcèm ɓyɛɛ ri mɛ̀ rì gɛɓsɛ̀n; ǹɗì lɛ ǹkì com ki ǹkɔ̀ni, nni màa càrɛn ɓi lɛ mɓa ǹkpàn a com.

2 KƆ̀RƐ̀ŊTYƐŊ 12:11

Mɛ̀ mmɛ ghay kiyèg, kìɓan kifog, mìni yɛɛ tinìghà mɛ̀ lɛ nghay kìyèg, lɛ mìni yɛɛ ghɛɛ̀sɛ̀ngà lɛ ɓì sɛg ɓum mɛ̀. Lɛ nsoò yɛ̀ɛ ǹ-yin bimiɗ à mum, ǹ-yii ɓi lɛ ɓumɓɛ ɓɛɛ̀ kpaakpaa lɛ ɓɔ yɛɛ ri ɓyoo ɓɛkɛ̀nì-fìtom ɓɛ Yeesus ɓɛ cee mɛ̀ ɓi com kidɛŋ.

2 KƆ̀RƐ̀ŊTYƐŊ 12:5

Màa rì lɛ ǹkaàkàlɛ̀n lɛ ǹɗì rìkuu ɗi mum ɗìn, kìɓan kifog ǹ-yin lɛ ǹkalɛ̀n ɓisu wɛ̀m mɛ̀ɛmiɗ, di ki ri nya ɓi ɗi lɛ, nkpaa ɓìɓan ɓi ɓi resii lɛ ǹɗì kɛ̀ɛ̀ ìtèɗ.

2 KƆ̀RƐ̀ŊTYƐŊ 12:7

Ɓisuulɛ ɓìɓan ɓi Kan à rèsìghà mɛ̀ ɓi ri ɓɛ̀geni ɓiɓan ɓɛ kuukuùghràkɛ̀n. Rì ɓi ɗi lɛ, ɓìɓan ɓiǹ ɓyɛ̀ kɛɛ̀ san mɛ, nnɛ ɓɛ fogà mɛ̀ zɔrì ìdɛŋ ɓi nyoo, ì rì yɛ̀ɛ ŋwaà-fìtom a Satàn, ànɛ à ghɛ̀ɛ̀sɛɛ mɛ̀ kì ɓooɓokì mɛ̀ɓɛn, lɛ di a reg mɛ̀ rìkì ɗi ɓidaŋà.

2 KƆ̀RƐ̀ŊTYƐŊ 12:9

à ki ɓàg mɛ lɛ: Geesɛ̀n yɛ̀m ì ghɛɛ̀sɛɛ rì wɔ̀ ɓisuulɛ ìtèɗ wɛm̀ wu ti wu resàg lɛ tɛntɛ̀ɛ̀n jàŋ inɛ mum à rì kɛ̀ɛ̀ ìtèɗ. Fɔɔnnɛ ǹɗì ɓiì ɓiisɛɛ min ki woògh kìrɔɔ lɛ nkaakàlɛ̀n rìɓa ɗyɛ̀m ɗi kɛ̀ɛ̀ ìtèɗ lɛ di ìtèɗ wu Kiris wɛɛ saàgh ɓi mɛ̀.

2 KƆ̀RƐ̀ŊTYƐŊ 8:10

Ɗyomzɛ̀n ɗyɛm̀ ɗi ɓi kìɓan kiǹ ɗyɛɛ̀ɗìn lɔɔ; wɔ̀lɛ ki ri kìrɔɔ lɛ ɓi kɛǹ asu rì kìɓan ki ɓì ghɛ̀lɛ̀ngà kì kìi ɓi bèg ìmbog; mìni yɛɛ ɓaghà ɓum ɓɛ beèbɛ̀y ɓɛ ɓɛ lokà kì ɓeègh lɛ ɓɛɛ ki com, ɓɛ ki kì kɔ.

GÀLAT 1:12

lɛ mɛ̀ɛmiɗ mɛ̀ ǹwokà ɓi Ɓɔlɛ ànɛ̀n rì ŋwaàdɛŋ, mum kɛ̀ɛ ki rèsi mɛ nyi, lɔŋ Yeesus Kiris yɛɛ kighà lɛ n-yi Ɓɔlɛ ànɛ̀n.

GÀLAT 2:2

Ǹkɛ̀ngà rìkɛ̀ɛ̀ ɗiǹ lɛ Bɛ̀ll yɛɛ resìghà mɛ̀ lɛ nkɛǹ. Nni ǹɗèsìghà ɓɔ Syeesyee à Ɓɔlɛ ànɛ mɛ̀ ǹkakàlìghà ɓumɓɛ ɓɛ yin Ɓɛ̀yudɛ̀n; ǹɗèsìghà ɓɔlɛ ànɛ̀n a dwìɗ a ɓumɓɛ ɓɛ ɓiisɛɛ kì ɓaà gìn yi ɓum ɓi nɗaŋ waa, lɛ ǹkɔ̀ngà ɓi lɛ kìsay kɛm̀ ki m̀ɓaghà di m̀mɛ kì, rì ki nkìkì ɓyɛɛ wu zɛy.

EFÈZYƐŊ 3:3

Mɛ̀ n-yii fèg à Bɛ̀ll ànɛ a rìnyam fɛlɛ yɛ̀ɛ màa fèèghrɛɛ mìni kì còŋi lɛsàg lɛ nnyɛɛ resii mɛ̀ fèg ànɛn.

TÈSÀLÒNÌSYƐŊ 4:15

Ɓisuulɛ com ki ti kpaaghì fɛlɛ yɛ̀ɛ jɛ̀ɛ̀ ì Kan ì rì ki ri lɛ: Ɓìsi ɓɛ tì rì ɓiì ɓaà di tì kaka cem ɓi rìsugtìì ɗi Kan, tyàa syòŋ ɓi ɓɛroɓɛ ɓaa wu bee.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.