2 KƆ̀RƐ̀ŊTYƐŊ 11:31 - Bafia Nouveau Testament

³¹ Bɛ̀ll ànɛ à rì Seŋi Kan Yeesus ànɛ à ki rì rì rìkem fiɗyàɓ fikɔ̀ɔ̀, à yii lɛ ǹ-yin ɓiì pwààpwaa.

2 KƆ̀RƐ̀ŊTYƐŊ 11:31 ပူးပေါင်းရင်းမြစ်များ

ZYAŊ 10:30

Rì mɛ̀ rì Tààta, tì rì lɔŋ mum bog.

ZYAŊ 20:17

Yeesus à kpaa nyi lɛ: Kɔ̀ɔ kòm mɛ, ɓisuulɛ ǹka ɓɔg ɓi yɛ̀ɛ Seŋi wɛ̀m; kìɓan kifog kɛ̀na a ɓɛ̀geni ɓɛ̀m, u kpaa ɓɔ lɛ m̀ɓɔɔgh yɛ̀ɛ Seŋi wɛ̀m, nnyɛɛ ri girig Seŋi wìn, yɛ̀ɛ Bɛ̀ll wɛ̀m, ànɛ à rì girig Bɛ̀ll wìn.

RÒMƐŊ 1:25

Ɓɛ koɓsɛ̀n saaɗ à Bɛ̀ll rì ɓɛ̀pwàà, ɓɛ ɓɔɔ̀ɓɔ̀gsì ɓyom ɓi Bɛ̀ll à kìghà, ɓɛ kikì ɓyɔ mɛ̀wog jàŋ inɛ ɓaa ghɛ̀ɛ̀sɛɛ kìɓɔgsii ǹkìì-ɓyom ɓìcèm ànɛ à ghɛ̀ɛ̀sɛɛ rì rìkem fìɗyàɓ fikɔ̀ɔ̀, ààmɛ̀n.

RÒMƐŊ 1:9

Bɛ̀ll ànɛ nkìki kisay ɓi nghay wɛ̀m ɓi rìghaàghàgsì ɗi Syeesyee à Ɓɔlɛ à Man wiì, à rì mɛ̀ wusìnɛ̀ɗ lɛ ǹti mɓùgì mìni ɓyààmɛ̀n ɓìcèm,

RÒMƐŊ 15:6

Lɛ di mìni ɓɛ̀sɛ̀ɛ̀ ɓɛ̀cèm ɓi ɓasɛn jɛ̀ɛ̀ bog lɛ ɓi kemzi Bɛ̀ll ànɛ à rì Seŋi Kan wìs Yeesus Kiris.

RÒMƐŊ 9:1

Nkpaakpaa saaɗ ɓi Kiris ǹki pwàa ɓi; rì ǹghɛɓsɛn wu Kitɛntɛ̀ɛ̀n ki Nghay, ǹɗem wɛ̀m wu ri mɛ̀ wusìnɛ̀ɗ lɛ ki ri saaɗ fɔlɔɔ.

RÒMƐŊ 9:5

Ɓɛ ri dòò yi ɓɛseŋi ɓis ɓɛ ɓɛsɛ̀ɛ̀mɛn, fɔɔnnɛ Kiris, ɓi rìyalɛ̀n ɗii ɗi ɓi mɛ̀mùù, à rì ɓi boo yàà, nyi ànɛ à teŋmɛɛ à cee ɓyom ɓìcèm, à ki ɓa Bɛ̀ll ànɛ a keŋkem fiɗyàɓ fikɔ̀ɔ̀. Ààmɛ̀n.

2 KƆ̀RƐ̀ŊTYƐŊ 1:23

Ǹfoŋi Bɛ̀ll wusìnɛ̀ɗ, i m̀pwàa, à kì lɛ nwu, ǹsugtìghày ɓi a Kɔrɛŋt ɓisuulɛ ǹkɔ̀ngà ɓi lɛ n-yeèsi mìni.

2 KƆ̀RƐ̀ŊTYƐŊ 1:3

Rìkem ɗyɛɛ ɓa ri Bɛ̀ll à Seŋi Kan wìs Yeesus Kiris, Seŋi ànɛ à rì rì nyìighnyìg, Bɛ̀ll ànɛ a ki fɔɔfɔɔ̀sì ǹɗem cààmɛ̀n kìcèm.

2 KƆ̀RƐ̀ŊTYƐŊ 11:11

Ɓisuucɛ nnɛ ǹkpaa fɔlɔɔ? Lɛ yɛ̀ɛ ǹkeesii ɓi mini? Bɛ̀ll yɛɛ yii!

GÀLAT 1:20

Ǹkalii mìni lɛ, kìɓan ki ǹkàni mìni kìn ki ri saaɗ, Bɛ̀ll à yii fɔ̀lɔ̀ɔ̀.

EFÈZYƐŊ 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris, ànɛ à màgà ɓìsi ɓi rìɓa ɗis ɗi tì rì ɓɛ̀ ràrɛn ɗi Kiris, yɛ̀ɛ à faghà ɓìsi ɓɛ̀mààgh ɓɛ nghay ɓɛ̀cèm ɓi ɗyoo ɓi ɗùm.

EFÈZYƐŊ 3:14

Kìɓan kiǹ kɛɛ̀ki m̀ɓaagh mɛ̀ɗu ɓi zi ɓi mis mɛ Tààta,

KÒLÒSYƐŊ 1:3

Tì ti tì fafà Bɛ̀ll à Seŋi Kan wìs Yeesus Kiris ɓìtògsɛ̀n, di tì ɓɔ̀ɔɓɔ̀ŋzì Bɛ̀ll ɓisu win, tyɛ̀ ki fɔy.

TÈSÀLÒNÌSYƐŊ 2:5

Ɓì yii lɛ tì ka ɓaghà ɓi ri jɛ̀ɛ̀ ì fìɗyɛɓi, nsoò rìyitì ɗi lɛ ti fɔǹ mɔ̀ɔ̀ni ŋwos adɛŋ, Bɛ̀ll à rì ɓìsi wusìnɛ̀ɗ.

TIMOTE 1:11

Ɓìɓan ɓiǹ ɓyɛɛ̀ɓi Syeesyee à Ɓɔlɛ à ǹkeŋkèmì à Bɛ̀ll ànɛ à rì ǹtin wu ɓɛmààgh a rèrèsì. Syeesyee à Ɓɔlɛ ànɛ̀n nnɛ ɓɛ reɓsɛ̀ngà rì mɛ̀.

TIMOTE 1:17

Roànɛ a maà làlàmì cààmɛ̀n kìcèm ànɛ à yin lɛ à wu, roànɛ ɓum ɓɛ yin lɛ ɓɛ ghɛn, nyi yɛɛ ri m̀bobog à Bɛ̀ll ànɛ à ghɛ̀ɛ̀sɛɛ lɛ rì ǹnyaasɛ̀n, rì rìkem fìɗyàɓ fikɔ̀ɔ̀. Ààmɛ̀n.

TIMOTE 6:16

nyi cɛ̀ncii yɛɛ yin lɛ à wu, à kɔ̀kɔrii ɓi kìtɛɛtɛn ki mum à yin lɛ à kpaŋ wɔɔ, mum à ka ghɛngà ɓi nyi, nnyɛɛ ghɛɛ̀sɛɛ rì ǹnyaasɛ̀n, rì ìtèɗ fiɗyàɓ fikɔ̀ɔ̀. Ààmɛ̀n.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,