2 KƆ̀RƐ̀ŊTYƐŊ 11:26 - Bafia Nouveau Testament

²⁶ Mɛ̀ɛ nkɛ̀ɛ̀kɛɛ cààmɛ̀n kìcèm, rì mɛ̀kòò ǹtutùlɛ̀n rì ɓɛ̀koŋnyoo ɓɛ ɓi don yi ɓɛ rìɓày, rì ɓɛ̀koŋnyoo ɓɛ ɓɛ̀fàràfara, rì ɓɛ̀koŋnyoo ɓɛ ɓɛ riì mɛ̀ a ɓɛ̀geni ɓɛ̀m ɓɛ Ɓɛ̀yudɛ̀n, rì ɓɛ ɓɛ riì mɛ̀ a ɓumɓɛ ɓɛ yin Ɓɛ̀yudɛ̀n, rì ɓɛ̀koŋnyoo ɓɛ ɓi bàn, rì ɓɛ ɓireɓ, rì ɓɛ ɓi rìɓày à kìkòn; ǹtulɛ̀n rì ɓɛ̀koŋnyoo ɓi nyìinyìm à ɓumɓɛ ɓɛɛ̀ ɓɔ̀ŋɓɔŋ lɛ ɓɛ ri ɓɔɔseŋi ɓis ɓɛ righerɛ̀n.

2 KƆ̀RƐ̀ŊTYƐŊ 11:26 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 13:45

Yɛ̀ɛ Ɓɛ̀yudɛ̀n ɓɛ ghɛngà gɛ ɓum ànɛ̀n, nni ǹɗem wu yàaka wu ɓɔkày ɓɔ, ɓɛ tumɛ̀n rìfeèfèngì ɗi Pol di ɓɛɛ̀ sɛɛsɛ̀mgì nyi.

MƐ̀KÌKÌÌ MƐ ƁƐKƐ̀NÌ-FÌTOM 13:50

Kìɓan kifog, Ɓɛ̀yudɛ̀n ɓɛ toosìghà lɛ, rì ɓìtèetèɗ ɓi ɓɛ̀yiɓ ɓi ɓi falɛ̀ngà ɓi rìgherɛ̀n rì gìni-ɓum yi ɓi bàn ìnɛn lɛ ɓɛɛ ɓigti paàzì rì ɓɛ̀-Pol ɓɛɛ̀ Ɓarinaɓas; fɔɔnnɛ ɓɛ kpagà ɓɔ rìbaŋì, ɓɛ ki nàɓ ɓɔ ɓi kìlɔ̀ŋ kaa.

MƐ̀KÌKÌÌ MƐ ƁƐKƐ̀NÌ-FÌTOM 14:19

Ɓɛ̀yudɛ̀n ɓɛdɛŋ ɓɛ pɛsɛ̀ngày a Aŋtyos ànɛ a Pisidii rì a Ikonyɔm, ɓɛ syoŋ gwìy ì ɓum ɓi gàm yàà, ɓɛ rogì Pol gɔ̀g ɓɛ syòŋ nyi, ɓɛ kɛǹ nyi kì naŋì ɓi nwɔŋì wu bàn lɛ ɓɛ fefèkà lɛ à mɛ wu.

MƐ̀KÌKÌÌ MƐ ƁƐKƐ̀NÌ-FÌTOM 14:5

Nni yɛ̀ɛ ɓumɓɛ zɛy, rì Ɓɛ̀yudɛ̀n, rì ɓɛ̀làmì ɓaa ɓɛ peèghpègsɛ̀ngà lɛ ɓɛɛ ki ɓɔ ǹtɔɓ, ɓɛ rogì ɓɔ gɔ̀g,

MƐ̀KÌKÌÌ MƐ ƁƐKƐ̀NÌ-FÌTOM 15:40

Pol nyii tekà Silas ɓɔɔ kɛǹ, dì ɓɛ̀geni ɓaa ɓɛ mɛ reɓsɛn ɓɔ rì geesɛ̀n ì Kan.

MƐ̀KÌKÌÌ MƐ ƁƐKƐ̀NÌ-FÌTOM 17:13

Wɔ̀lɛ yɛ̀ɛ Ɓɛ̀yudɛ̀n ɓɛ a Tesalonika ɓɛ wokà lɛ Pol à titì ɓiì ghaaghagsì jɛ̀ɛ̀ ì Bɛ̀ll a Bere, nni ɓɛ yughày wɔɔ lɛ, ɓɛɛ ɓuùsi jàŋ, ɓɛ ki kì kiyoòyòò ɓi nyìinyìm à ɓum ɓɛ kilɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 17:5

Wɔ̀lɛ Ɓɛ̀yudɛ̀n ɓɛdɛŋ ɓɛ ɓɛ ɓaghà rì yàaka ɓɛ reŋɗɛ̀ngày ɓumɓɛ zɛy ɓɛ ɓɛ yoòyòmgà ɓi bàn, ɓɛ taŋzɛ̀n cììba, ɓɛ tumɛ̀n ɗìkì ɗi kiyoòyòò ɓi bàn. Nni ɓɛ kɛngà kì kaà lɛ rì Pol rì Silas a mɛɛ mɛ Jazɔŋ, lɛ ɓɛɛ rɛsi ɓɔ ɓi mis mɛ kilɔ̀ŋ lɛ kɛɛ yɔm ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 18:12

Ɓi mɛ̀ru mɛ Galyɔŋ à ɓaghà gɔmìnà ànɛ ɓi kìlànà ki zi ki lɛ Akayi, Ɓɛ̀yudɛ̀n ɓɛ wɔrɛ̀ngà ɓɔɔ̀cèm, ɓɛ ɓigtì paàzì rì Pol ɓɛ kɛǹ ɗì nyi ɓi naà-ɓɛ̀yɔ̀m.

MƐ̀KÌKÌÌ MƐ ƁƐKƐ̀NÌ-FÌTOM 19:1

Cààmɛ̀n ki Apolos à ɓaa a Kɔrɛŋt, kɛɛ̀ki Pol à kìi lɛ, à mɛ rereniì ɓìlɔ̀ŋ ɓi ɓi dòn, à yù kì kpaŋì a Efɛɛzɛ, à tanɛn gàɓ ì ɓɛ̀yilàg wɔɔ, à tɔg ɓɔ lɛ:

MƐ̀KÌKÌÌ MƐ ƁƐKƐ̀NÌ-FÌTOM 19:23

Ɓi cààmɛ̀n kiǹ, ɓɛ ɓigtìghà coo kiyoòyòò ɓi kìɓan ki ki seesee bee ì Kan.

MƐ̀KÌKÌÌ MƐ ƁƐKƐ̀NÌ-FÌTOM 20:19

Mɛ̀ɛ nkìi Kan kìsay kɛ̀ɛ m̀ɓɔgsɛn mɛ̀ɛmiɗ nsoò lɛsàg, rì misì ɓi mɛ̀tam ɓi nyìinyìm à mɛ̀tɔɓ mɛ mɛ̀ɛ nghɛɛ lɛ ɓìtɔ̀kɔ̀ ɓi Ɓɛ̀yudɛ̀n ɓɛ ntɔɔ̀tɔ̀kɛ̀n mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 20:3

A kɔ̀rìghà wɔɔ ɓɛ̀ŋwii ɓɛraa, yɛ̀ɛ à mɛɛ̀ tekà fìtimà lɛ a kɛǹ a Sirii, nni à wokà lɛ Ɓɛ̀yudɛ̀n ɓɛ mɛ tɔ̀kɛn nyi, fɔɔnnɛ à tekà min nɗɛli lɛ, a sugti a Masedwan.

MƐ̀KÌKÌÌ MƐ ƁƐKƐ̀NÌ-FÌTOM 23:10

Yɛ̀ɛ kìɓan ki ɓaghà di ki mɛ ɓàŋ, ǹkɔ̀mɛ̀n ɓɛ̀sujàà àgwey a risì lɛ ɓɛ ri ɓiì ki pàkii Pol nsoò m̀pàkakɛn fɔɔnnɛ à romgày ɓɛ̀sujàà lɛ ɓɛɛ yu nyi kì terì ɓi nyìinyìm a ɓumɓɛ̀n, ɓɛɛ pɛɛ̀zi nyi ɓi gari.

MƐ̀KÌKÌÌ MƐ ƁƐKƐ̀NÌ-FÌTOM 25:3

Fɔɔnnɛ ɓɛ ɓɔŋzàkà Fɛstus lɛ, i à rì lɛ à gherɛ̀n lɛ ɓɛɛ yuiy rì Pol a Yorisalɛm, lɛ ɓɔɔ ɓaghà di ɓɛ mɛ tɔ̀kɛn lɛ, ɓɛ ri nyi ɓiì ɓoŋì ɓi bee lɛ ɓɛɛ wey.

MƐ̀KÌKÌÌ MƐ ƁƐKƐ̀NÌ-FÌTOM 27:42

Fɔɔnnɛ ɓɛ̀sujàà ɓɛ wooghrɛ̀ngà jɛ̀ɛ̀ lɛ ɓɔɔ cuùsi ɓìmbùŋ ɓìcèm, ɓisuulɛ kidɛŋ ki ɓaghà lɛ ki wɔg ki ki làn.

RÒMƐŊ 15:19

rì ìtèɗ wu dàm rì ɓɛ̀koŋnyoo ɓɛ ɓiɓan, ɓi-tèɗ wu Kitɛntɛ̀ɛ̀n ki Nghay. Fɔɔnnɛ mɛ̀ɛ nghagsii Syeesyee à Ɓɔlɛ à Kiris lɛɛ̀gwey, à tumɛ̀n a Yorisalɛm à kɛ̀n kì kpaŋì a Ilirii.

RÒMƐŊ 8:35

Ghɛn yɛ̀ɛ ri lɛ à ghasì ɓìsi rì ǹkɔ̀nɛ̀n à Kiris? Rìkɛŋ gìn, iris giǹ, ǹ-yeesɛ̀n ànɛ ti tuutulɛ̀n ɗì nyi gìn, zày gìn, kìsoghà gìn, koŋnyoo gìn, rìwu yɔ̀?

1 KƆ̀RƐ̀ŊTYƐŊ 15:30

Ɓìsiì ɓɔmiɗ tì rì min ɓi ɓɛ̀koŋnyoo cààmɛ̀n kìcèm lɛ la?

1 KƆ̀RƐ̀ŊTYƐŊ 15:32

I ɓisuu ɓiɓan ɓi mum nyimiɗ yɛɛ ri lɛ à sɛg, innɛ ǹɗùùghà rì nyàm a Efɛɛzɛ, ki ghɛɓsii min mɛ cɛ? I ɓìloŋ ɓyaa ghèmɓɛn ɓi, ti kìkiina lɛ tì ɗi tì nɔ lɛ rìduri tì ɓiì wiì.

2 KƆ̀RƐ̀ŊTYƐŊ 11:32

Yɛ̀ɛ m̀ɓaghà a Damas, gɔmìnà ànɛ à sasàlà rìfòm ɗi lɛ Aretas, à rɛsàkà ɓɛ̀sujàà a mɛ̀suunaa mɛ gari i bàn lɛ ɓɛɛ ɓan mɛ̀.

GÀLAT 2:4

Ki ɓaghà lɛ ki kilɛ̀n fɔlɔɔ lɛ, ɓɛ̀geni ɓis ɓɛdɛŋ ɓɛ ɓɛ ɓaghà tyoo tiɓɛɛ̀, ɓɛɛ ɗiŋìghà ɓi nɗaŋ wis lɛ ɗyɔ̀ɔ̀ŋ, ɓɛ yuiy lɛ ɓɛɛ ghɛǹ rìɓa ɗi tì rì ɓɛ̀kan ɓi Yeesus Kiris ɓi ɗùm ɓɛ ki ɓa ri rìkɔ̀n ɗi lɛ ɓɛɛ ghaàsi ɓìsi ɓɛ̀kpàn.