2 KƆ̀RƐ̀ŊTYƐŊ 11:18 - Bafia Nouveau Testament

¹⁸ Lɛ yɛ̀ɛ kìgwey ki ɓum kɛɛ̀ kaakalɛ̀n ɓìɓan ɓi ɓi mɛ̀mùù, mɛ̀ ǹɗì girig ɓiì kalɛɛ mɛkuu mɛ ɓiɓan mɛǹ.

2 KƆ̀RƐ̀ŊTYƐŊ 11:18 ပူးပေါင်းရင်းမြစ်များ

1 KƆ̀RƐ̀ŊTYƐŊ 4:10

Tì rì ɓɛ̀ghalɛn ɓiyèg lɛ Kiris, wɔ̀lɛ mìnii ri rì ɗyomzɛ̀n ɓi Kiris ɓi ɗùm; ɓìsii ri ɓɛ̀kɔ̀kɔg, mìni ɓɛ̀tèteɗ; ɓum ɓɛ nyaànyààsì mìni, wɔ̀lɛ ɓɛ sɛɛ̀sɛ̀ɛ̀tì ɓìsi.

2 KƆ̀RƐ̀ŊTYƐŊ 1:17

Rìɓeg ɗi m̀ɓekà lɛ nki fɔlɔɔ, ɗi resii yɛɛ lɔɔ lɛ ǹɗì kɛ̀ɛ̀ bimiɗ à ǹɗɛli, gìn ɓìɓan ɓi mɓeɓeg lɛ nki ɓi ri nya ɓìɓan ɓi mɛmùù, ɓi lèg ànɛ lɛ nɗem wɛ̀m wɛɛ ɓa cààmɛ̀n kìfog lɛ rì ɛ̀ɛ̀ rì èe èe?

2 KƆ̀RƐ̀ŊTYƐŊ 11:12

Ǹɗì ɓiì kɛ̀nkɛni asu ɗì rìkìkì ɗi nkìki ɗi, lɛ di m̀pisi ɓìɓan ɓìcèm ɓi ɓum ɓɛdɛŋ ɓɛ ri lɛ ɓɛ ɓanɛ̀n miì, lɛ ɓɛɛ̀ kaakalɛ̀n lɛ ɓɔɔ̀ kìki girig kìsay ki ɓìsiì kìkì. Ɓum ɓɛdɛŋ ɓɛɛ̀ kaakaa com ki ɓɛɛ ɓanɛn miì lɛ ɓɛɛ ki fɔlɔɔ.

2 KƆ̀RƐ̀ŊTYƐŊ 12:1

Ki ghɛɛ̀sɛɛ nya lɛ mum a kalɛn? Ki ghɛɓsii ɓi com nsoò lɛsag. Nsoò fɔlɔɔ m̀ɓiì kpaŋì ɓi jàŋ inɛ mɓuŋ ɓìɓan ɓi Kan à rèsìghà mɛ̀, rì ɓi à kìghà lɛ n-yi.

2 KƆ̀RƐ̀ŊTYƐŊ 12:11

Mɛ̀ mmɛ ghay kiyèg, kìɓan kifog, mìni yɛɛ tinìghà mɛ̀ lɛ nghay kìyèg, lɛ mìni yɛɛ ghɛɛ̀sɛ̀ngà lɛ ɓì sɛg ɓum mɛ̀. Lɛ nsoò yɛ̀ɛ ǹ-yin bimiɗ à mum, ǹ-yii ɓi lɛ ɓumɓɛ ɓɛɛ̀ kpaakpaa lɛ ɓɔ yɛɛ ri ɓyoo ɓɛkɛ̀nì-fìtom ɓɛ Yeesus ɓɛ cee mɛ̀ ɓi com kidɛŋ.

2 KƆ̀RƐ̀ŊTYƐŊ 12:9

à ki ɓàg mɛ lɛ: Geesɛ̀n yɛ̀m ì ghɛɛ̀sɛɛ rì wɔ̀ ɓisuulɛ ìtèɗ wɛm̀ wu ti wu resàg lɛ tɛntɛ̀ɛ̀n jàŋ inɛ mum à rì kɛ̀ɛ̀ ìtèɗ. Fɔɔnnɛ ǹɗì ɓiì ɓiisɛɛ min ki woògh kìrɔɔ lɛ nkaakàlɛ̀n rìɓa ɗyɛ̀m ɗi kɛ̀ɛ̀ ìtèɗ lɛ di ìtèɗ wu Kiris wɛɛ saàgh ɓi mɛ̀.

2 KƆ̀RƐ̀ŊTYƐŊ 5:16

Fɔlɔɔ nnɛ à tumɛ̀n ɓigomìnɛ ɓìsii yitii tì ɓi mum ɓi rìyi ɗi ɓi mɛ̀mùù; nsoò tì yighà Kiris ɓi rìyi ɗi ɓi mɛ̀mùù, tì yitii tì ɓi nyi ɓi rìkuu ɗi riyi ɗìn, ɓigomìnɛ.

1 PYƐƐRI 1:24

ɓisuulɛ mum ǹcèm à rì yɛ̀ɛ caaɓi, rìkem ɗii ɗicèm ɗi ɓa yɛ̀ɛ kìsàmà ki caaɓi; caaɓi ki ti ki yɔɔ̀ghì, kìsàmà ki raà,