2 KƆ̀RƐ̀ŊTYƐŊ 11:15 - Bafia Nouveau Testament

¹⁵ Fɔɔnnɛ ki yeesɛɛ ɓi lɛ ɓɛ̀kìì-ɓìsay ɓii girig ɓɛɛ resɛn ɓi mis mɛ ɓum lɛ ɓɛ ri ɓɛ̀kìì-ɓìsay ɓɛ roànɛ à rì lɛ saaɗ. Rìsyɔn ɗyaa ɗi ɓaa gɛ lɔŋ yɛ̀ɛ mɛ̀kìkìì maa mɛ ri.

2 KƆ̀RƐ̀ŊTYƐŊ 11:15 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 13:10

à kpaa lɛ: Wɔ̀ ŋwaànɛ, ù rì lɛ, wɔ̀ coo ghèghes̀, wɔ̀ ɓèèɓeè, man à Satàn anɛ lɛ wɔ̀, bènàbena à ɓìɓan ɓi saaɗ, ù yin ɓìì rɛɛrɛɛ̀sì rìyoòyògsì ɗi bee yi Kan yi yi ri lɛ saaɗ?

RÒMƐŊ 2:6

yɛ̀ɛ à ri lèɓ mum ǹcèm lɔŋ yɛ̀ɛ rìkì ɗii ɗi ri.

RÒMƐŊ 3:8

I ki ri fɔlɔɔ, ɓisuucɛ nnɛ tì yin min lɛ tì kpaa lɛ ti kiki kìɓe di kìrɔɔ kɛɛ kpaŋ yì miì? Fɛlɛ yɛ̀ɛ ɓum ɓɛdɛŋ ɓɛ ɓɛɛ tòtog ɓisi kìɓe ɓi nyoo ɓɛ ti ɓɛ kpaakpaà lɛ ɓìsii ti tì kalàg fɔlɔɔ; ɓumɓɛ̀n ɓɛ ri ki teɗ deɓ yi yi ghɛsɛɛ rì ɓɔ.

1 KƆ̀RƐ̀ŊTYƐŊ 9:11

I ɓìsii ɓɛlà ɓìrɔɔ ɓi ɓi nghay ɓi mìni, nni ki ɓeɓtɛɛ nya lɛ ti ɓumi gàɓ ì ɓìɗilàg ɓi zɛy a lɔ̀ŋkin?

2 KƆ̀RƐ̀ŊTYƐŊ 11:13

Ɓumɓɛ̀n ɓɛ ri ɓumɓɛ ɓɛɛ̀ pwààpwaa lɛ ɓɛ ri ɓɛ̀kɛ̀nì-fìtom ɓɛ Yeesus ɓɔ ɓɛ̀kìì-ɓìsay ɓɛ ɓɛɛ̀ yèeghyegsì ɓum, ɓɛ reèghrèŋɗɛ̀n lɛ ɓɛ̀kɛ̀nì-fìtom ɓɛ Kiris.

2 KƆ̀RƐ̀ŊTYƐŊ 11:23

I ɓɛ ri ɓɛ̀kìì-ɓìsay ɓɛ Kiris m̀ɓa kìyèg ki kɔɔ̀kɔɔ̀ lɛ mɛ̀ ǹɗì ǹkìì-kìsay a Kiris ǹcee ɓɔ, ɓi ɓìsay ɓi m̀mɛ kì, nni àa foo ri foo, ǹcee ɓɔ ɓi naà-zày yi m̀mɛ kɛ̀n, à kɛ̀n kì kpaŋì ɓi zàà yi ɓɛ mɛ kwiy mɛ, rì ɓi ɓɛ̀koŋnyoo ɓɛ riwù ɓɛ ǹti ǹghaaghràg miì ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 3:9

I kìsay ki ki syoŋsyòŋgày ɓum ǹcɛ̀m ɓi nyoo ki ɓaghà ɗì rìkem, ki ki ghɛɛ̀sɛɛ kì kìi lɛ ɓum ɓɛɛ ɓa lɛ saaɗ ɓi mis mɛ Bɛ̀ll ki ri ɓiì ɓaà rì rìkem ɗi ɗi cee ɗiǹ.

EFÈZYƐŊ 6:12

Ɓisuulɛ àa ɓumɓɛ ɓɛ ri rì bwaɓ ɓɛɛ̀ɓɛ ti ɗùùɗuu ri ɓɔ; ti ɗùùɗuu lɔŋ ri mɛ̀tèɗ mɛ ɓiɓeɓtàg ɓi mɛghay ɓi ɓi ri ɓi ɗyoo ɓi ɗùm, ɓi ɓyɛɛ̀ làlàmì, ɓi ɓa rì ìtèɗ; ti ɗùùɗuu girig rì ɓumɓɛ ɓɛɛ̀ làlami ziì ì birìm ìnɛ.

FÌLÌPYƐŊ 3:19

Rìsyɔn ɗyaa ɗi ri lɛ, ɓɛ ri ɓiì ɗyaŋì; ɗùm ɗyaa ɗyɛɛ rì ɓɔ bɛ̀ll yàà, com ki kɛɛ̀ sòosoòtì ɓɔ kɛɛ̀ki ɓɛ foŋi rìkem ɗyaa miì; lɔŋ ɓìɓan ɓi ɓi ziinɛ ɓyɛɛ̀ɓi ɓɔɔ̀ fèfèg.

2 PYƐƐRI 2:3

Lɛ kìsee ki mɔ̀ɔ̀ni ki ɓɛ ri rì kɔ, ɓɛ ri mìni ɓiì kpaakpaa ɓiɓan ɓi ɓɛpwàà lɛ ɓi fafa ɓɔ ɓyom; kìɓan kifog ŋwaànɛ à ghɛ̀ɛ̀sɛɛ ɓɔ kìyɔ̀mi à tighà m̀pègsɛn lɛ a ki kìsay kii fìɗyàɓ, fɔɔnnɛ rìɗyaŋ ɗyaa ɗyaa finɛn yi tì ɓi.

ZYUUDƐ 1:4

Ɓisuulɛ ɓìɓeɓtàg ɓi ɓum ɓidɛŋ ɓi nɗyɔ̀ɔ̀gɛɛ yì ɓi yu kìsɔ̀lɛɛ ɓi nyìinyìm wìn; ɓɛ tum rìlɔ̀ɔ̀lɔ̀gtì ɗi rirèsàg ɗi geesɛ̀n ìnɛ Bɛ̀ll à rì rì yɔ̀ ɓi san wìs lɛ ɓɛɛ kiki ɓìɓan ɓi tifin ɓɛ roòròòzɛ̀n m̀bobog wìs a masà ànɛ à rì lɛ Kan wìs Yeesus Kiris; ǹcɛ̀m à ɓumɓɛ̀n à ɓaghà di à ti ǹkànɛn fiɗyàɓ.

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

ÀPÒKÀLIƁSƐ̀ 13:2

Nyàm ìnɛ ǹghɛngà ìnɛn ì pisɛ̀ngà ǹgɔn, mɛ̀kòò mɛ yɔ̀ mɛ ɓa yɛ̀ɛ mɛ̀kòò mɛ kpaò, ŋwɔm wu yɔ̀ wu ɓa yɛ̀ɛ ŋwɔm wu kimonɗo. Kìnààgɔ̀n ki tekà lɛ, rì ìtèɗ wu ki ɓaghà rì wɔ, rì ìkɔ̀ɔ̀ wu rilàmì, rì coo itèɗ wu rilàmì, ki fa nyàm ìnɛn.

ÀPÒKÀLIƁSƐ̀ 9:11

Rìfòm ɗi ɓitàtàɗ ɓiǹ ɗi ri ŋwaà-fìtom anɛ ɓi rìɓee ɗi rimɛn anɛ à rì ɗii ɓi rì Ebìreegh lɛ Aɓadon, ɓi rìgìrɛg lɛ Apolyɔŋ.