2 KƆ̀RƐ̀ŊTYƐŊ 11:1 - Bafia Nouveau Testament

¹ Eɗ, i ɓyàa rì lɛ ɓì cenɛ̀n lɛ nghas̀ kìyèg lɛsàg! kìɓan kifog, ɓì rì mɛ̀ ɓiì cenɛɛ!

2 KƆ̀RƐ̀ŊTYƐŊ 11:1 ပူးပေါင်းရင်းမြစ်များ

MATYOO 17:17

Yeesus à ɓàg lɛ: Mìni ɓumɓɛ, ɓì rì lɛ, mìni kɛ̀ɛ̀ rìgherɛ̀n, mìni ɓìɗyoŋi ɓi ɓum; ǹɗi ɓiì kɔ̀rii ǹɗaŋ ri mìni, ǹki cenɛn mìni ǹkpaŋ fin? Yùunay mɛ̀ fɛ rì mutyàànɛn.

MƐ̀KÌKÌÌ MƐ ƁƐKƐ̀NÌ-FÌTOM 18:14

Lɔŋ yɛ̀ɛ Pol à mɛɛ kìghà lɛ a pini ŋwɔm a toòghrɛn, Galyɔŋ à kpaa Ɓɛ̀yudɛ̀n ɓɛǹ lɛ: Mìni Ɓɛ̀yudɛ̀n! I kaa rì lɛ Pol à woliì mum nsoò lɛ à sɛ̀raaghiì coo kiɓan kidɛŋ, di ǹɗì lɛ ǹkɔ̀rì lɛ fyòoog ǹkonàg tì kì woògh sɔmìnà wìn yɛ̀ɛ ki ghɛɛ̀sɛɛ.

MƐ̀KÌKÌÌ MƐ ƁƐKƐ̀NÌ-FÌTOM 26:29

Pol à ɓàg lɛ: Nsoò ki kilɛɛ ɓi fɔlɔɔ ɓigomìnɛ, rìkɔ̀n ɗyɛm̀ ɗi ri lɛ, nsoò gɛ fin, Bɛ̀ll a gherɛn lɛ rì wɔ̀, rì ɓum ɓɛ̀cèm ɓɛ ɓɛɛ̀ wowog ɓitòkì ɓyɛm̀ gɛɛ̀nɛ, ɓi ɓa ɓɛ̀gherɛ̀n yɛ̀ɛ mɛ̀, kìɓan kifog kɛ̀ ɓi ɓa ri ɓɛn yi mɛ̀ ǹɗì yi rì yɔ.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

1 KƆ̀RƐ̀ŊTYƐŊ 3:18

Mum kɛ̀ɛ pwààrɛn, i ŋwaàdɛŋ ànɛ ɓi mìni a fèfeg lɛ nyii ri rì ɗyomzɛ̀n ɗi ɓi ziinɛ, à ghɛ̀ɛ̀sɛɛ ki ghalì kìyèg lɛ di a ɓa min ɗi ɗyomzɛ̀n.

1 KƆ̀RƐ̀ŊTYƐŊ 4:10

Tì rì ɓɛ̀ghalɛn ɓiyèg lɛ Kiris, wɔ̀lɛ mìnii ri rì ɗyomzɛ̀n ɓi Kiris ɓi ɗùm; ɓìsii ri ɓɛ̀kɔ̀kɔg, mìni ɓɛ̀tèteɗ; ɓum ɓɛ nyaànyààsì mìni, wɔ̀lɛ ɓɛ sɛɛ̀sɛ̀ɛ̀tì ɓìsi.

1 KƆ̀RƐ̀ŊTYƐŊ 4:8

Ɓì mɛ wuràg, ɓì ki ti ɓɛ̀guŋgum; mìnii mɛ ɓɔg mɛfòm, ɓìsi kɛ̀ɛ̀ kìɓɔɔ̀gh, i ɓyàa rì kɔm̀ lɛ ɓì ɓa mɛ̀fòm mɛncèm lɛ ɓìsi girig ti lami nɗaŋ ri mìni.

2 KƆ̀RƐ̀ŊTYƐŊ 11:19

Mìni ɓɛ ɓì rì ɓum ɓɛ ɗyomzɛ̀n, ɓì ti ɓì cenàg lɛ ɓi kɔri rì ɓumɓɛ ɓɛ ri ɓìyèg, kɛ̀ kɛɛ̀ yeesi mini.

2 KƆ̀RƐ̀ŊTYƐŊ 11:21

Nkpaaghi lɛ, kìɓan kiǹ ki ri ɓìsi ǹtoòrìɗ; ki pisɛɛ yɛ̀ɛ tìi nɗèsii lɛ tì rì rì ìkɔ̀g, ɓi rìcàrɛ̀n ɗiǹ, nsoò fɔlɔɔ, kìɓan kicèm ki mum à rì lɛ à ghɛɛsì kì kpaà, mɛ̀ girig ǹɗì lɛ ǹghɛɛsì kì kpaà kɔ; ntòtog yɛ̀ɛ ŋwaànɛ à rì kìyèg.

2 KƆ̀RƐ̀ŊTYƐŊ 11:4

Ɓisuulɛ ki yeesii ɓi mini lɛ ŋwaàdɛŋ a yu mìni kì kalii kiɓan ki Yeesus àdɛŋ, ànɛ à yin anɛ ɓìsii kalìghà mìni, nsoò lɛ ɓi teɗ Ǹghay àdɛŋ ànɛ à yin Ǹghay ànɛ ɓì ɓaghà di ɓì mɛ teɗ, nsoò lɛ Syeesyee à Ɓɔlɛ àdɛŋ ànɛ à yin anɛ ɓì tekà.

2 KƆ̀RƐ̀ŊTYƐŊ 12:11

Mɛ̀ mmɛ ghay kiyèg, kìɓan kifog, mìni yɛɛ tinìghà mɛ̀ lɛ nghay kìyèg, lɛ mìni yɛɛ ghɛɛ̀sɛ̀ngà lɛ ɓì sɛg ɓum mɛ̀. Lɛ nsoò yɛ̀ɛ ǹ-yin bimiɗ à mum, ǹ-yii ɓi lɛ ɓumɓɛ ɓɛɛ̀ kpaakpaa lɛ ɓɔ yɛɛ ri ɓyoo ɓɛkɛ̀nì-fìtom ɓɛ Yeesus ɓɛ cee mɛ̀ ɓi com kidɛŋ.

2 KƆ̀RƐ̀ŊTYƐŊ 5:13

Ɓisuulɛ i tì rì ɓìyèg, tì rì ɓìyèg ɓisuu Bɛ̀ll; i tì ki rì rì Syeesyee à ɗyomzɛ̀n tì rì fɔlɔɔ ɓisu win.

EBIREEGH 5:2

À rì lɛ à ɓa rì rìcenɛ̀n ɓisuu ɓumɓɛ ɓɛ ti ɓɛ nanàg lɛ kɛ̀ɛ̀ rìyi, lɛ nyimiɗ a rì mum ànɛ à rì lɛ à nànɛ̀n ɓa kɛ̀ɛ̀ ìtèɗ.