2 KƆ̀RƐ̀ŊTYƐŊ 10:8 - Bafia Nouveau Testament

⁸ Nni nsoò màa cìɓtaagh rìsaàsànɛ̀n ɗi itèɗ wu rilàmì wu Kan à faghà ɓìsi lèg àdɛŋ, lɛ ti ki lɛ rìgherɛ̀n ɗin ɗyɛɛ tɔɔ̀, àa lɛ ti yogsi ɗyɔ, màa wog ɓi ntoòrìɗ.

2 KƆ̀RƐ̀ŊTYƐŊ 10:8 ပူးပေါင်းရင်းမြစ်များ

2 KƆ̀RƐ̀ŊTYƐŊ 1:24

Ki yin ɓaà loò lɛ, ti kaakaa lɛ ti lami rìgherɛ̀n ɗin, wɔ̀lɛ ti kɔ̀ngi lɛ di tyàa sali càg ri càg ɓisuu kinyàà kin, lɛ, ɓi san ànɛ a rìgherɛ̀n ɓì ti ɓɛ̀sììrɛn.

2 KƆ̀RƐ̀ŊTYƐŊ 10:4

Ɓisuulɛ ɓyom ɓi ribaŋì ɓi ti ɗùùɗuu wɛ̀y ri ɓyɔ, ɓi yin ɓyom ɓi mum à mɛ̀mùù yɛɛ syaagh; ìtèɗ wu ɓyom ɓìn wu riì yɛ̀ɛ Bɛ̀ll lɛ ti ɓɛki gari yi yi teèsɛɛ. Ɓìsii ti tì wààghì lɛ rì ɓìyèg ɓi momzɛ̀n,

2 KƆ̀RƐ̀ŊTYƐŊ 10:9

Lɛ di kɛ̀ kɛɛ̀ ɓa yɛ̀ɛ nkɔ̀nkɔn lɛ nniŋzi mìni nyoo rì ɓɛ̀kaàtà ɓɛm.

2 KƆ̀RƐ̀ŊTYƐŊ 12:19

Kaa finɛn yɛ̀ɛ ɓyaà fèfèg lɛ ɓìsiì kpaakpaàsɛ̀n ɓi mis min. Lɔŋ ɓi mis mɛ Bɛ̀ll, ɓi Kiris ɓiɗùm innɛ ti tòtòg, nni ɓìɓan ɓiǹ ɓìcèm ɓi ri ɓisuu kitɔɔ kiǹ ki ɓi Ǹghay, mìni ɓɔɔseŋi ɓɛ̀m ɓɛ nɗem.

2 KƆ̀RƐ̀ŊTYƐŊ 12:6

I màa kɔ̀ni lɛ nkaàkàlɛ̀n, di ǹ-yin lɛ mum à ghɛn mɛ̀ yɛ̀ɛ kìyèg ɓisuulɛ ɓìɓan ɓi ǹɗì lɛ ǹkpaa, ɓi ri ɓìɓan ɓi saaɗ. Wɔ̀lɛ ǹti m̀ɓèngì rìkaàkàlɛ̀n ɓisuulɛ ŋwaàdɛŋ kɛ̀ɛ ɓa lɛ a foŋ mɛ̀ ɓi nɗɛli wu wu cee ǹdɛli wu wu ghɛɛ̀sɛɛ rì ɓìɓan ɓi à ti à ghɛngì mɛ̀ di nkìkì, rì ɓi à ti à wokì mɛ̀ di nkpaakpàà.

2 KƆ̀RƐ̀ŊTYƐŊ 13:10

Kìɓan kiǹ kɛɛ̀ki ǹkàniì mìni fɔlɔɔ, di ǹkakay fìràɓ ɓisuulɛ, yɛ̀ɛ nkpaŋkpaŋ foo, kɛ̀ɛ mɓa ǹtiniyɛn lɛ ǹnyɛn ɗì mìni, ɓi rìlàmì ɗi Kan à faghà mɛ̀ lɛ, nki lɛ ɓi siìrɛn ɓi rìgherɛ̀n, àa lɛ n-yogsi rìgherɛ̀n ɗin.

2 KƆ̀RƐ̀ŊTYƐŊ 13:8

Lɛ i tì yin ri ìtèɗ wu tì rì lɛ tì ɗùù miì rì saaɗ, ìtèɗ wu tì rì rì wɔ wu ri lɔŋ ɓisuu saaɗ àncèm ànɛn.

2 KƆ̀RƐ̀ŊTYƐŊ 7:14

Lɛ i ǹsɛsɛ̀kà mìni rì Tit lèg àdɛŋ, ɓìi nfaa ɓi mɛ ǹtoòrìɗ, fɔlɔɔ nnɛ yɛ̀ɛ tìi nti tì kpaaghì mìni saaɗ cààmɛ̀n kìcèm, fɔɔnnɛ mɛ̀sɛɛ̀ghsɛɛgh mɛ tì sɛsɛ̀kà mìni rì Tit mɛ nghɛnɛɛ lɛ mɛ ri mɛ̀sɛɛ̀ghsɛɛgh mɛ saaɗ.

2 KƆ̀RƐ̀ŊTYƐŊ 7:4

Lɛ ǹɗì rì ntyweeyi ri mìni lɛɛ̀gwey ǹki ɓa ri ɓɛ̀azi ɓɛ ǹɗì lɛ ǹsaàsànɛ̀n mìni miì rì ɓum; ɓi mɛ̀tɔɓ mɛ̀cèm mɛ ti wowòg, ǹɗem wɛ̀m wu ri lɛ fwɛɛy lɛɛ̀gwey, kìnyàà ki ceeghì mɛ̀.

GÀLAT 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris, àa lɛ rìkɔ̀n ɗi ɓum, nsoò lɛ rìkì ɗi bimiɗ à mum, ǹɗì lɔŋ fɔlɔɔ lɛ Yeesus Kiris, rì Bɛ̀ll Seŋi ànɛ à ghèmzìghà nyi a ɓìloŋ, mɛ̀ yɛɛ kaniì kaàtà ànɛ,

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.