2 KƆ̀RƐ̀ŊTYƐŊ 10:18 - Bafia Nouveau Testament

¹⁸ Ɓisuulɛ, àa ŋwaànɛ a sɛɛghsɛɛ̀ghrɛ̀n nyimiɗ innɛ ɓɛ ri ɓiì kalii lɛ rìkì ɗii ɗi ri lɛ syeesyee, lɔŋ roànɛ Kan à sɛɛgh innɛ rìkì ɗii ɗi rɔɔtɛɛ.

2 KƆ̀RƐ̀ŊTYƐŊ 10:18 ပူးပေါင်းရင်းမြစ်များ

LUKAS 16:15

Fɔɔnnɛ Yeesus à kpaaghà ɓɔ lɛ: Ɓì rì ɓumɓɛ ɓɛɛ kaakaa lɛ ɓum ɓɛdɛŋ ɓɛɛ ghɛǹ mìni lɛ ɓì rì ɓɛ̀saaɗ ɓɛ ɓum, wɔ̀lɛ Bɛ̀ll à yii mɛ̀rem min. Fɔɔnnɛ com kìcèm ki ki ri gìn i com ɓi nyìinyìm à ɓum, ki ri com ki Bɛ̀ll à ɓèèzɛɛ lɛɛ̀gwey.

ZYAŊ 12:43

Ɓisuulɛ ɓɛ ɓiisɛ̀ngà kì kɔ̀ni rikem ɗi ɓum à cee ɗi Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 2:22

Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.

RÒMƐŊ 14:18

Ŋwaànɛ a kìki Kiris kìsay ɓikòò wìn, Bɛ̀ll a woki kirɔɔ rì nyi, ɓum ɓɛ ki sɛki nyi.

RÒMƐŊ 16:10

Ɓì tɔkì mɛ̀ Apelɛs, ànɛ à mɛ fa ɓirèmzɛnà ɓi ɓi rìgherɛ̀n ɗi à gherɛɛ Kiris; ɓì tɔkì naa ì ɓum ì Aristobul.

RÒMƐŊ 2:29

Wɔ̀lɛ muu Ɓɛ̀yudɛ̀n à rì lɔŋ ŋwaànɛ rì rì nɗem wu Ɓɛ̀yudɛ̀n. Fɔlɔɔ nnɛ syeesyee à kɛ̀rɛ̀n à rì kɛ̀rɛ̀n ànɛ ɓi nɗem, ànɛ a kìikilɛ̀n rì Ǹghay à Bɛ̀ll, kɛ̀ɛ ɓa anɛ à rì yɛ̀ɛ ki ri ki kànɛn ɓi kaàtà à ɓìdɔ̀gsɛna. Mɛ̀sɛɛ̀ghsɛɛgh mɛ rikuu ɗi muu Ɓɛ̀yudɛ̀n ɗi fɔlɔɔ mɛ ti mɛ̀ kɛɛ̀ ɓayi a ɓum, mɛ ti mɛ ɓalàg yì lɔŋ yɛ̀ɛ Bɛ̀ll.

1 KƆ̀RƐ̀ŊTYƐŊ 11:19

Ki ghɛɛ̀sɛɛ kɔmiɗ lɛ mɛ̀lànag mɛɛ ɓa ɓi nyìinyìm wìn, lɛ di ɓumɓɛ ɓi nɗaŋ win ɓɛ ɓɛ ri ɓɛ̀ sììrɛn ɓɛɛ yilɛn.

1 KƆ̀RƐ̀ŊTYƐŊ 4:5

Ɓisu wìn miì nnɛ kɛ̀ ɓi yɔ̀m kiɓan kidɛŋ di cààmɛ̀n ki ka kpaŋ ɓi, di Kan à ka yu ɓi, nnyɛɛ ri ɓiì tɛɛ̀zii ɓiɓan ɓi ɓi ri ɓì nyamɛn a birìm, à ki kì lɛ ɓɛɛ yi mɛ̀yitì mɛ ɓum ɓɛ ri rì mɔ ɓi mɛ̀rem, fɔɔnnɛ Bɛ̀ll à rì ɓiì faa mum ǹcèm mɛ̀sɛɛ̀ghsɛɛgh mɛ à ghɛ̀ɛ̀sɛɛ rì mɔ.

2 KƆ̀RƐ̀ŊTYƐŊ 10:12

Ɓìsii ghɛɛsii ɓi lɛ ti teɗ ǹɗɛli, nsoò lɛ ti feèghrɛn ɓìsiìɓɔmiɗ ri ɓum ɓɛdɛŋ, ɓɛ ɓɛ ti ɓɛ sɛɛghràg ɓɔmiɗ. Wɔ̀lɛ ɓɛ ri ɓìyèg yɛ̀ɛ ɓɛ ti ɓɛ feèghràg ɓi vèg ìnɛ ɓɔmiɗ ɓɔ yɛɛ rɛsii, ɓɛ ki teɗ ɓɔmiɗ ɓi sìg à vèg ìnɛ ɓum ɓɛ ghɛɛ̀sɛɛ kìfèèghrɛɛ ri yɔ̀.

2 KƆ̀RƐ̀ŊTYƐŊ 13:7

Nsoò fɔlɔɔ, ɓìsiì ɓɔ̀ɔɓɔ̀ŋzì Bɛ̀ll lɛ ɓi ɓa kɛ̀ ɓi kì kiɓan kidɛŋ ki ki ɓeɓtɛɛ, àa ɓà loo lɛ, di mɛ̀fèèghrɛn mɛɛ pisɛn yɛ̀ɛ mɛ ghaghii kìrɔɔ, wɔ̀lɛ ti ɓɔ̀ɔɓɔŋzàg lɛ di ɓyàa kìi ɓìɓan ɓi rɔɔtɛn, nsoò yɛ̀ɛ mɛ̀fèèghrɛn mɛ ǹkɛ̀ɛ̀ghii ɓi ɓi ɓɛg wìs.

2 KƆ̀RƐ̀ŊTYƐŊ 3:1

Ɓìtòkì ɓiǹ ɓi resii nya lɛ tì tumɛɛ tì rìreɓsɛ̀n ɗi ɓìsiìɓɔmiɗ? Gìn ki ri nya lɛ ti ka ɓa ri ɓɛ̀kaàtà ɓɛ lɛ ɓi ghaɓ ɓìsi fɛlɛ yɛ̀ɛ ɓum ɓɛdɛŋ ɓɛ ti ɓɛ kilàg nsoò lɛ ti tɔg mìni ɓɛ̀kaàtà ɓɛ fɔlɔɔ?

2 KƆ̀RƐ̀ŊTYƐŊ 5:12

Tì yiìdi ɓiì tɔtɔɔgh ti nyɔɔnyɔn à rìtɔg lɛ ɓi ghaɓ ɓìsi; wɔ̀lɛ ti kɔ̀nkɔn lɛ di tyàa faa mìni bee inɛ ɓi saàsànɛ̀n ɓum kìɓan kis, fɔlɔɔ nnɛ ɓì rì ɓiì ɓaa rì com ki ɓì rì lɛ ɓì ɓàg ɓumɓɛ ɓɛɛ̀ teeterɛ̀n rìkem ɓi ɓìɓan ɓi ɓum ɓɛɛ̀ seesèè, rìkem ɗìn ɗyɛ̀ kɛɛ̀ ɓa ɓi ɓìɓan ɓi ɓi ri ɓi kɔɔ̀kɔɔ̀.

2 KƆ̀RƐ̀ŊTYƐŊ 6:4

Wɔ̀lɛ ɓi ɓìɓan ɓìcèm, ɓìsiì rèresi kɔm̀ lɛ tì rì ɓɛ̀kìì-ɓìsay ɓɛ Bɛ̀ll, ɓi coo rinìɗ ɗi nɗem ɗi tì rì rì ɗyɔ ɓi rìkɛŋ, rì ɓi cɛɓ ki nyìinyìg rì ɓi ɓìɓan ɓi ɓyɛɛ̀ falag iris,

2 TIMOTE 2:15

Tèèsi nyoo lɛ u ghɛnɛn ɓi mis mɛ Bɛ̀ll fɛlɛ yɛ̀ɛ ŋwaànɛ à mɛ rèsi ɓum lɛ à rì mum, yɛ̀ɛ ǹkìì-kìsay anɛ à yin lɛ à wog ǹtoòrìɗ ri kìsay kii, ànɛ a rèresi jɛ̀ɛ̀ ì saaɗ yɛ̀ɛ kɛɛ̀ kɔ̀nkɔ̀n.

1 PYƐƐRI 1:7

Mɛ̀tɔɓ mɛ̀n mɛɛ̀ fèeghfeèghrɛ̀n rìgherɛ̀n ɗin ɗi ɗi ri gìn i com ìnɛ ì cee gol kɛ̀ɛ̀ vèg; gol ì rì com ki ki ri lɛ ki ɗyoŋ, nsoò fɔlɔɔ ɓɛ ti ɓɛ fogì gol ɓi ɗuu lɛ ɓɛɛ ghɛǹ yɛ̀ɛ ì rì; fɔlɔɔ nnɛ ìtèɗ wu righerɛ̀n ɗin ɗi ɓɛɛ̀ fèefeèghrɛ̀n wu ɓiì ɓaà kìɓan ki mɛsɛɛ̀ghsɛɛgh, ɗì rìkem, ɗì ǹnyaasɛ̀n ɓisu win ŋwos anɛ Yeesus Kiris, à ɓiì rèsɛɛ.