2 KƆ̀RƐ̀ŊTYƐŊ 10:13 - Bafia Nouveau Testament

¹³ Ɓi ɓɛg ànɛ a lɔ̀ŋkis, tì kɔ̀ni ɓi lɛ ti sɛɛghrɛn tì ceesì ǹɗèè, wɔ̀lɛ ɓìsii ri lɔŋ ɓiì sugtɛɛ ɓi mɛ̀rèè mɛ Bɛ̀ll à rèsàkà ɓìsi, yɛ̀ɛ à faghà ɓìsi ìtèɗ wulɛ ti kpaŋ girig a lɔ̀ŋkin.

2 KƆ̀RƐ̀ŊTYƐŊ 10:13 ပူးပေါင်းရင်းမြစ်များ

MATYOO 25:15

Fɔɔnnɛ à kìghà lɛ: à fa roànɛ tìraŋ̀ tìtaǹ, roànɛ tìraŋ̀ tiɓɛɛ̀, roàmbog fìraŋ̀ fìfog; à faghà mum bimiɗ ànɛ ɓi ɓɔ gàɓ ìnɛ ì ghɛ̀ɛ̀sɛɛ rì ìtèɗ wii, à kɛ̀n min rikɛ̀ɛ̀ ɗii.

RÒMƐŊ 10:18

Nni ǹtɔɔgh lɛ, ɓɛ rɔɓkà nya ɓɛ̀ kɛɛ̀ wog? Ɓɛ ɓaghà ɓi lɛ ɓɛ rɔɓ, jɛ̀ɛ̀ yaa yi wooghrɛ̀ngà zi bimiɗ, ɓìtòkì ɓyaa ɓi kpagì lɛ rì a ɓɛ̀yɔ̀ŋyɔ̀ŋ ɓɛ zi miì.

RÒMƐŊ 12:3

Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi.

RÒMƐŊ 12:6

lèg ànɛ yɛ̀ɛ geesɛ̀n ì Bɛ̀ll ì ghɛnɛ̀ngà a lɔ̀ŋkis, tì ri lɛ rì mum, rì rìkuu ɗi kiɓan ɗi Bɛ̀ll à faghà nyi lɛ a kilag, fɔɔnnɛ roànɛ Bɛ̀ll à faghà ìtèɗ wulɛ a kpaàkpàŋzì ɓìɓan ɓi Bɛ̀ll à rèsii nyi, à ghɛ̀ɛ̀sɛɛ kì kìi kisay kiǹ lɔŋ yɛ̀ɛ ki ghɛɛ̀sɛɛ ɓi rìgherɛ̀n.

RÒMƐŊ 15:20

Ǹfalɛ̀ngà mɛ̀ɛmiɗ rikem ɗi lɛ nkakali Syeesyee à Ɓɔlɛ lɔŋ ɓi jàŋ yi ɗii di Kiris ɗi ɓaghà di ɗi ka ɓuŋ̀ɗɛn ɓi, lɛ kɛ̀ɛ nki ɓa lɛ ǹtoŋ ɓi jàŋ inɛ ŋwaàdɛŋ à ɓaghà di à mɛ yàghɛn kitoŋ, wɔ̀lɛ lɔŋ yɛ̀ɛ ki ri kìkànɛn lɛ:

1 KƆ̀RƐ̀ŊTYƐŊ 12:11

Lɔŋ m̀bobog à Nghay ànɛ̀n nnyɛɛ̀ kìki ɓiɓan ɓiǹ ɓìcèm, à ki kàakàɓsì ɓyɔ lɛ rì ŋwaànɛ̀n miì à fa com ki à kɔ̀ni.

EFÈZYƐŊ 4:7

Wɔ̀lɛ mum ǹcèm ànɛ ɓi ɓìsi à tekà bimiɗ à rìfa ɓi lèg ànɛ Kiris à faghà nyi.

1 PYƐƐRI 4:10

Yɛ̀ɛ mum ǹcèm ànɛ ɓi mìni à rì rì rìfa ɗi Bɛ̀ll à faghà nyi, kìina kìsay ri rìfa ɗi Bɛ̀ll à faghà mìni ɓi kìrɔɔ ki ɓum ɓɛmbog fɛlɛ yɛ̀ɛ ɓɛ̀syeesyee ɓɛ ɓum ɓɛ ɓɛɛ̀ kɛ̀ɛkɛɛ̀sì geesɛ̀n ì Bɛ̀ll ìnɛ ì ti ì ghɛnàg bee lɛ bee.