2 KƆ̀RƐ̀ŊTYƐŊ 1:22 - Bafia Nouveau Testament

²² À rèmzìghà girig ɓìsi rì sìtam̀ wìì, à foŋ ɓìsi ɓìɗùn ɓi Nghay ɓi mɛ̀rem, ɓi ɓi resii lɛ, tì ɓiì terì ɓìrɔɔ ɓi à nyamgà ɓisu wis.

2 KƆ̀RƐ̀ŊTYƐŊ 1:22 ပူးပေါင်းရင်းမြစ်များ

ZYAŊ 3:33

I mum à ki teri rìrèsì ɗii, di à gherɛɛ yɛɛ lɔɔ lɛ Bɛ̀ll à ti à kpaaghì saaɗ.

ZYAŊ 6:27

Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

RÒMƐŊ 4:11

Fɔlɔɔ nnɛ ɓɛ faghà nyi kɛ̀rɛ̀n ɓi sìg à kìrèmzɛnà ki lɛ, à rì saaɗ à mum lɛ rìgherɛ̀n, cààmɛ̀n ki à ɓaghà di à ka kɛrɛn ɓi; kìɓan kiǹ kɛɛ̀ki à rì miì seŋi ɓum ɓɛ̀cèm ɓɛ ɓɛ gherɛɛ, nsoò ɓɛ̀roɓɛ ɓɛ yin ɓɛ kɛ̀rɛn, lɛ di ɓɛɛ ɓa lɛ saaɗ ɓi mis mɛ Bɛ̀ll.

RÒMƐŊ 8:23

Àa foo nyi rì nyi, ɓìsi girig ɓɛ tì mɛ teɗ Ǹghay à Bɛ̀ll ɓi sìg à kìrɔɔ ki ǹtonto ki ɓi ɓìrɔɔ ɓi Bɛ̀ll à rì ɓiì kìi ɓisi, ti ɓemɓem girig ɓi mɛ̀rem ɓi ɗùm, tì ɓoŋɓòŋ lɛ Bɛ̀ll a ghaàsi ɓìsi ɓɔn ɓii à ki kwèɗ nyoo yìs.

RÒMƐŊ 8:9

Ɓi san ànɛ a lɔ̀ŋkin, mɛ̀mùù mɛ lamii tì ɓi minì, lɔŋ Ǹghay à Bɛ̀ll yɛɛ lamii mìni, i ki ki rì lɛ, Nghay à Bɛ̀ll à rì ɓi mìni. Ŋwaànɛ à yin ɗi Nghay à Kiris, à yin mum wiì.

2 KƆ̀RƐ̀ŊTYƐŊ 5:5

Bɛ̀ll nyimiɗ yɛɛ pegsɛ̀ngà lɛ ɓìsii ri ɓiì lɔ̀ɔ̀ghrɛɛ ɓi rìkuu ɗi rilɔ̀ɔ̀ghrɛ̀n ɗiǹ, fɔlɔɔ nnɛ à faghà ɓìsi Ǹghay wìì ɓi sìg à kìrèmzɛnà ki kɛɛ resi lɛ, à ɓèŋɓeŋi ɓìrɔɔ ɓidɛŋ ɓisu wis.

EFÈZYƐŊ 4:30

Kɛ̀ ɓi kì lɛ Kìtɛntɛ̀ɛ̀n ki Nghay ki Bɛ̀ll à rèmzàkà mìni rì kɔ ɓisuu ŋwos anɛ gòri yìì ì ri ɓa, kɛ̀ɛ wog bim.

TÈSÀLÒNÌSYƐŊ 4:8

Fɔlɔɔ nnɛ ŋwaànɛ à rì ɓiì ɓèni ɓìɓan ɓi nsiisiìtàg ɓi, a yi lɛ, àa mum ìnnɛ à ɓèni, lɔŋ Bɛ̀ll ànɛ à mɛ fa mini girig Kitɛntɛ̀ɛ̀n kii ki Nghay.

2 TIMOTE 2:19

Nsoò fɔlɔɔ kìgɔ̀ŋgɔ̀m ki mɛɛ ki Bɛ̀ll à yàghɛ̀ngà kìtoŋ miì ki kaka lɛ kpeg-kpeg. Jɛ̀ɛ̀ ì rì miì ǹkànɛn yɛ̀ɛ sìtam̀ lɛ: Kan à yii ɓɛ̀roɓɛ ɓɛ ri ɓɛŋkìì; fɔɔnnɛ mum ǹcèm ànɛ a rereŋi ɗii ɗi Kan, à ghɛ̀ɛ̀sɛɛ lɛ à sɔ̀ŋì ìkòò wii ɓi kìɓe.

ÀPÒKÀLIƁSƐ̀ 2:17

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali ɓiseŋi ɓi Kiris. Ŋwaànɛ à ɓiì yagsaagh ǹfa nyi manà mɛ mɛ ri mɛ̀ nyamɛn, rì gɔ̀g ìmpuɓ; gɔ̀g ìnɛn ì rì rì ɗii ɗi nyɔn miì ɗìkànɛn ɗi ŋwaàdɛŋ à yii ɓi, i ki cee ɓi lɛ ŋwaànɛ ɓɛ faa gɔ̀g ìnɛn.

ÀPÒKÀLIƁSƐ̀ 7:3

Kɛ̀ ɓi kòm zi lɛ ɓi ki yɔ̀ kiɓe; nsoò rìɓày à kìkòn, nsoò ɓìte, di tì ka legsi ɓi kirèmzaagh mɛsu mɛ ɓɛ̀kìì-ɓìsay ɓɛ Bɛ̀ll wìs ri sìtam̀.

ÀPÒKÀLIƁSƐ̀ 9:4

Ɓɛ kpaa ɓìtàtàɗ ɓiǹ lɛ, ɓyɛ̀ kɛɛ̀ kòm caaɓi ki ɓi ziinɛ nsoò kìfog, nsoò kìtìbag, nsoò kìte kidɛŋ, lɔŋ ɓumɓɛ ɓɛ yin ɗi sìtam̀ à Bɛ̀ll ɓisu ɓɛɛ̀ɓɛ ɓi ghɛɛ̀sɛɛ kì kìi kiɓe ɓɔ rì ɓɔ.