1 ZYAŊ 5:18 - Bafia Nouveau Testament

¹⁸ Tì yii lɛ mum ǹcèm ànɛ à rì Man à Bɛ̀ll, à ti kɛ̀ɛ kì ti kiɓe kìɓan kifog roànɛ à fuughày yɛ̀ɛ Bɛ̀ll, Bɛ̀ll a ɓèŋɓeŋ nyi, fɔɔnnɛ ghèghey à mum à yin lɛ à kɔ̀m nyi.

1 ZYAŊ 5:18 ပူးပေါင်းရင်းမြစ်များ

MATYOO 5:37

Ki ghɛɛ̀sɛɛ lɛ, i ɓì kpaa lɛ, ɛ̀ɛ̀ ki ɓa lɛ ɛ̀ɛ̀, i ɓì kpaa lɛ àg, ki ɓa loŋ lɛ àg, lɛ jɛ̀ɛ̀ yimbog yi yi ɓiì wòŋwoŋi ti foo, yi riì yɛ̀ɛ Satàn.

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

ZYAŊ 1:13

Ɓumɓɛ̀n ɓɛ ghalà ɓi ɓɔn ɓɛ Bɛ̀ll rì nyoo ì mɛ̀mùù fɛlɛ yɛ̀ɛ ɓɔn ɓɛ ɓum ɓɛɛ̀ yalàg, lɔŋ Bɛ̀ll yɛɛ faghà ɓɔ cɛɓ ki nyɔn.

ZYAŊ 14:30

Tyàa tòki ti ɓi ri mìni, ɓisuulɛ rìfòm ɗi ziinɛ ɗi tiì, nni ɗi yin ɗi ìtèɗ wulɛ ɗi ki mɛ̀ com.

ZYAŊ 15:4

Ràrɛɛna rì mɛ̀ yɛ̀ɛ ǹɗì ǹɗàrɛn ri mìni. Ŋwaɓ wu yin lɛ wu wum ɓìɗùn wɔ rì wɔ, di wu yin wu ràrɛn ɗi ǹɗyèm. Fɔlɔɔ nnɛ mìni girig ɓì yin lɛ ɓì wum ɓìɗùn di ɓì yin ɓɛràrɛn ɗi mɛ̀.

ZYAŊ 15:7

I ɓì rì a lɔ̀ŋkɛm̀, ɓiɓan ɓyɛm̀ ɓi ɓa rì ìkɔ̀ɔ̀ ɓi mìni, tɔɔghna com kìcèm ki ɓì kɔ̀ni, ɓɛ ri mìni kɔ ɓiì faà.

ZYAŊ 15:9

Fɛlɛ yɛ̀ɛ Tààta a keesag mɛ, nnɛ mɛ̀ girig mɛ̀ ǹkeesii mìni. Kɔ̀riina ɓi nkɔ̀nɛ̀n wɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

ZYAG 1:18

À faghà ɓìsi cɛɓ ɓi rìkɔ̀n ɗii, rì jɛ̀ɛ̀ yìì i saaɗ lɛ ti ɓa fɛlɛ yɛ̀ɛ ɓìɗùn ɓi ǹtonto ɓi ɓyom ɓi à kìghà.

ZYAG 1:27

Rìgherɛ̀n ɗi ɗi ri ɗìtɛnɛn, ɗi ki ɓa kɛ̀ɛ̀ tìfin ɓi mis mɛ Bɛ̀ll à Seŋi wìs ɗyɛɛ̀ tɔtɔg lɛ mum a kɛngi kì ghɛɛ̀ lɛ rì ɓɔɔ̀zii rì mɛ̀kpɔɓ cààmɛ̀n ki ɓɛ ri rì ǹɗemi-kɛŋɛn, à ki ɓèŋɗɛn lɛ kɛ̀ɛ kì ɓìɓan ɓi tifin ɓi ɓi ziinɛ.

1 PYƐƐRI 1:23

Mìni ɓɛ ɓì tekà ɓi cɛɓ ki nyɔn ɓi boo ìnɛ ì rì lɛ ì ɓwɛ̀y, kìɓan kifog ìnɛ ì yin lɛ i ɓwɛ̀y ɓì tekà lɔŋ kɔ rì jɛ̀ɛ̀ ì Bɛ̀ll ìnɛ ì rì cencem, ì ɓa tì fìɗyàɓ fikɔ̀ɔ̀;

1 ZYAŊ 2:29

I ɓì yii lɛ, à rì lɛ saaɗ, ɓì ghɛ̀ɛ̀sɛɛ girig kì yiì lɛ mum ǹcèm ànɛ a kìki ɓiɓan ɓi ɓi ri lɛ saaɗ, à rì man à Bɛ̀ll.

1 ZYAŊ 3:12

Tì ghɛ̀ɛ̀sɛɛ ɓi ki pisɛɛ Kayin ànɛ à ɓaghà ɓi kìkàmì ki ghèghey à mum, nnyɛɛ wolà geni. À wolà nyi lɛ cɛ? Lɛ mɛ̀kìkìì mɛ geni mɛ ɓaghà lɛ saaɗ, mɛŋkii mɛ̀ kɛɛ̀ rɔɔtɛn.

1 ZYAŊ 3:3

Nni mum ǹcèm ànɛ à rì rì ǹtyweeyi wiǹ yɛ̀ɛ Kiris, à ti à ɓègì nyimiɗ ntɛnɛn fɛlɛ yɛ̀ɛ Yeesus Kiris à rì ǹtɛnɛn.

1 ZYAŊ 3:9

Mum ǹcèm ànɛ à rì man à Bɛ̀ll à ti kɛ̀ɛ kì ti kiɓe ɓisuulɛ, ìtèɗ wu cɛɓ wu wu riì yɛ̀ɛ Bɛ̀ll wu ri a lɔ̀ŋkii. À yin lɛ à kɛ̀nkɛ̀n asu rì rìkìkì ɗi kiɓe lɛ Bɛ̀ll à rì nyi Seŋì.

1 ZYAŊ 4:6

Ɓi ɓɛg wìs, ɓìsii ri ɓum ɓɛ Bɛ̀ll; ŋwaànɛ à yii Bɛ̀ll, à rì ɓiì woògh com ki ti kpaakpàà; wɔ̀lɛ ŋwaànɛ à yin mum à Bɛ̀ll àa wog ɓi com ki ti kpaakpàà, fɔlɔɔ nnɛ tì rì lɛ tì yi rìghasì ɗi lɛ rì Nghay wu wu ri ɓi saaɗ, rì wu wu ri ɓi rìnàn.

1 ZYAŊ 5:1

Mum bimiɗ ànɛ à gherɛɛ lɛ Yeesus à rì Kiris, à rì ŋwaànɛ à gherɛɛ Bɛ̀ll; nni ŋwaànɛ à keesii seŋi, à ti à keesàg girig ɓɔn ɓɛ seŋi ànɛ̀n à yali.

1 ZYAŊ 5:15

I tì ki yii lɛ, a wowog ɓisi, nsoò cɛ kɛɛ̀ki tyàa lɔni nyi, tì yi lɛ, tì rì rì com kìn miì.

1 ZYAŊ 5:19

Tì yii lɛ tì rì ɓum ɓɛ Bɛ̀ll, rì tì lɛ ziinɛ bimiɗ ì rì ɓi rìlàmì ɗi ghèghey à mum.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

1 ZYAŊ 5:21

Mìni ɓɔn ɓɛm ɓì konàg rì ɓìnùn.

1 ZYAŊ 5:4

Ɓisuulɛ, mum ǹcèm ànɛ à rì man à Bɛ̀ll, à ti à yakì ziinɛ. Rìyag ɗi tì ti tì yakì ziinɛ ɗi ri ɓi rìgherɛ̀n ɗis.

ZYUUDƐ 1:21

Kɛ̀ɛna asu ɓì kɔ̀kɔ̀rì lɔŋ ɓi nkɔ̀nɛ̀n à Bɛ̀ll ɓiɗùm, ɓì ɓoŋɓòŋ yɛ̀ɛ Kan wìs Yeesus Kiris à rì mìni ɓiì woògh nyìighnyìg, à fa mìni cɛɓ ki fiɗyàɓ fikɔ̀ɔ̀.

ZYUUDƐ 1:24

Roànɛ à rì rì ìtèɗ wulɛ à ɓèŋ mìni lɛ kɛ̀ ɓi kɛ̀ɓtɛn fiɓàg, à ki kì lɛ ɓi kpaŋ ɓi rìkem ɗii lɛ sɛɛghisɛɛghi kɛ̀ɛ̀ bɛ̀lɛn, ɓi kìnyàà ɓi ɗùm,

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.