1 ZYAŊ 5:13 - Bafia Nouveau Testament

¹³ Ǹkàniì mìni kìɓan kiǹ lɛ ɓi yi lɛ: Ɓì rì rì cɛɓ ki fiɗyàɓ fikɔ̀ɔ̀, mìni ɓɛ ɓì gherɛɛ ɗii ɗi Man à Bɛ̀ll.

1 ZYAŊ 5:13 ပူးပေါင်းရင်းမြစ်များ

ZYAŊ 1:12

wɔ̀lɛ ì faghà ɓum ɓɛ̀cèm ɓɛ ɓɛ ghaɓkà kɔ, ɓɛ gherɛ̀n ɗii ɗi yɔ̀, ìtèɗ wulɛ ɓɛɛ ɓa ɓɔn ɓɛ Bɛ̀ll.

ZYAŊ 2:23

Cààmɛ̀n ki Yeesus à ɓaghà a tìcàɓ ti a Paskà Yorisalɛm, ɓum lɛɛ̀gwey ɓɛ gherɛ̀ngà nyi, yɛ̀ɛ ɓɛ ghɛngà dàm yi ɓiɓan yi à kìkìghà.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

ZYAŊ 21:24

Ǹ-yilàg ànɛ̀n yɛɛ̀ ki tɛɛtɛɛ̀zì ɓìɓan ɓi, nnyɛɛ ki kàngà ɓyɔ. Ɓìsii ki yii lɛ com ki a kpaa ki ri saaɗ.

ZYAŊ 3:18

Ŋwaànɛ à gherɛɛ nyi à yiìdi ri bɛ̀lɛn wɔ̀lɛ roànɛ à gherɛɛ ɓi nyi yɛɛ ti rì bɛ̀lɛn ɓisuulɛ, à gherɛ̀ngà ɓi mbobog à Man à Bɛ̀ll.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 3:16

Ǹtyweeyi wu tì rì rì wɔ ɓi ɗii ɗi Yeesus wɛɛ kii lɛ, ɗii ɗìn ɗyɛɛ fa mɛ̀kòò mɛ ŋwaànɛ ɓi yii ànɛ ìtèɗ yɛ̀ɛ ɓi seesèè, fɔɔnnɛ ǹtyweeyi wu ɓi Yeesus wɛɛ kii lɛ, a wɔǹ lɛ kɔɔ̀kɔɔ̀ lɔŋ yɛ̀ɛ ɓi seesee lɔɔ ɓɛsɛ̀ɛ̀ ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 4:12

Mum à rì lɔŋ ɓiì ɓaà rì cɛɓ lɛ nyi, ɓisuulɛ Bɛ̀ll à faghà ɓi ɓum ɗii ɗidɛŋ fɛ ɓi ziinɛ ɗi ɗi ri rì ìtèɗ wulɛ, ɗi fa ɓìsi cɛɓ.

2 KƆ̀RƐ̀ŊTYƐŊ 5:1

Lɛ tì yii lɛ, i kìlaa ki ti ghɛghɛɓ miì fɛ ɓi ziinɛ, kɛɛ ri nyoo yìs ki waàrɛɛ, tì rì rì ɓìtèetèɗ ɓi mɛɛ aɗyoo ɓi Bɛ̀ll à togà, ɓyɛɛ ri fìɗyàɓ fikɔ̀ɔ̀; mɛɛ mɛn mɛ yin mɛɛ mɛ ɓum ɓɛ toŋi rì ɓyàg ɓyaa.

GÀLAT 4:6

Com ki ki resii lɛ ɓì ti ɓɔn ɓɛ Bɛ̀ll ki ri lɛ: Bɛ̀ll à romgày Ǹghay à Man wiì ɓi mɛ̀rem mis, Ǹghay ànɛ̀n yɛɛ̀ làalamɓɛ̀n jɛ̀ɛ̀ aɗyoo lɛ: Aba, yɛɛlɔɔ lɛ Tààta.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.

1 ZYAŊ 1:4

Tì kàni mìni ɓìɓan ɓi lɛ di kìnyàà kis kɛɛ roǹ lɛ pisa.

1 ZYAŊ 2:1

Ɓɔn ɓɛm, ǹkàni mìni kìɓan ki lɛ, di kɛ̀ ɓi kì kiɓe; wɔ̀lɛ i ki kpaŋi lɛ wààdɛŋ ù kìi kìɓe, tì rì rì ŋwaànɛ a kamɛn ɗì ɓìsi jàŋbog rì Tààta, nnyɛɛ ri Yeesus Kiris ànɛ à rì saaɗ à mum.

1 ZYAŊ 2:21

Ǹkàni mìni, ki yin lɛ ɓì ka yi ɓi saaɗ, ki ri lɔŋ lɛ ɓì mɛ yi nyi, rì tì lɛ pwàà à yin lɛ à ɓay ɓi saaɗ.

1 ZYAŊ 2:25

Nni ǹkàg wu à faghà ɓìsi wɛɛ ri lɛ, cɛɓ ki fiɗyàɓ fikɔ̀ɔ̀.

1 ZYAŊ 2:26

Ǹkàni mìni fɔlɔɔ, ɓisuu ɓumɓɛ ɓɛɛ̀ kɔ̀ngi lɛ, ɓɛɛ yegsi mìni.

1 ZYAŊ 3:23

Ǹsiŋdɛn wu à faa ɓìsi wɛɛ̀wu lɛ, ti gherɛn Yeesus Kiris à Man wiì, tì ki kɔ̀nɛn lɔŋ yɛ̀ɛ Kiris à siŋdɛ̀ngà ɓìsi lɛ ti kɔnɛn.

1 ZYAŊ 4:9

Ǹkɔ̀nɛ̀n à Bɛ̀ll à ghɛnɛ̀ngà a lɔ̀ŋkis ɓi bee inɛ lɛ Bɛ̀ll à romgày m̀bobog wìì a Man ɓi ziinɛ lɛ, ti ɓa rì cɛɓ lɛ nyi.

1 ZYAŊ 5:10

Ŋwaànɛ à gherɛɛ Man à Bɛ̀ll à rì ɗì rìrèsì ɗiǹ ɓi nyimiɗ, wɔ̀lɛ ŋwaànɛ à gherɛɛ ɓi Bɛ̀ll, à teri Bɛ̀ll yɛ̀ɛ pwààpwaà ɓisuulɛ, à gherɛɛ ɓi saaɗ ànɛ Bɛ̀ll à rèsìghà ɓi kìɓan ki Man wiì.

1 ZYAŊ 5:11

Nni rìrèsì ɗi saaɗ ànɛ ɓi kìɓan kiǹ ɗyɛɛ ri lɛ: Bɛ̀ll à faghà ɓìsi cɛɓ ki fiɗyàɓ fikɔ̀ɔ̀, cɛɓ kìn ki ki ɓa ɓi Man wiì.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.