1 ZYAŊ 4:9 - Bafia Nouveau Testament

⁹ Ǹkɔ̀nɛ̀n à Bɛ̀ll à ghɛnɛ̀ngà a lɔ̀ŋkis ɓi bee inɛ lɛ Bɛ̀ll à romgày m̀bobog wìì a Man ɓi ziinɛ lɛ, ti ɓa rì cɛɓ lɛ nyi.

1 ZYAŊ 4:9 ပူးပေါင်းရင်းမြစ်များ

MARIKUS 12:6

Lɔŋ m̀bobog à mum ànɛ ŋwaàdɛm à ɓaghà di à mɛ rɔ̀ɓ ri nyi à ɓaghà lɔŋ lɛ man wiì ànɛ à keesìghà lɛɛ̀gwey; nyi nnɛ à siitɛ̀ngà kì romì a ɓɛ̀kìì-ɓìsay ɓɛ ɓi dɛm yiì, à fèkì lɛ, ɓɛ ri ɓiì kuuraagh man wiì.

LUKAS 4:18

Nghay à Kan à rì ɓi mɛ̀ ɓisuulɛ à ɓɔngà mɛ̀ à siŋì mɛ̀ mɔ̀ɔ lɛ ǹkakàlì ɓɛ̀yɛɓàyɛɓa Syeesyee à Ɓɔlɛ, à rom mɛ̀ lɛ, nghagsi ɓum ɓɛ naà-zày lɛ: ɓɛ ɓiì kpagii naà-zày; à rom dì mɛ̀ lɛ, ǹkpaà ɓɛ̀ɗyaŋɗyàŋ lɛ ɓɛ ri ɓiì ghɛnɛɛ ti; ɓumɓɛ ɓɛ̀ro ɓum ɓɛɛ̀ kìki mɛtɔɓ m̀pisì ɓɔ ɓi mɛ̀tɔɓ,

ZYAŊ 10:10

Wiiwìì à ti à yùlàg lɔŋ lɛ, a yiì, à wey, à ki cuusi. Ɓi mɛ̀, mɛ̀ ǹ-yùghà lɛ, jɔ̀ɔ̀ yɛɛ ɓa rì cɛɓ, yi ki ɓa ri kɔ lɛɛ̀gwey.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 3:18

Ŋwaànɛ à gherɛɛ nyi à yiìdi ri bɛ̀lɛn wɔ̀lɛ roànɛ à gherɛɛ ɓi nyi yɛɛ ti rì bɛ̀lɛn ɓisuulɛ, à gherɛ̀ngà ɓi mbobog à Man à Bɛ̀ll.

ZYAŊ 5:23

lɛ di ɓum ɓɛ̀cèm ɓɛɛ nyaàsi Man lɔŋ yɛ̀ɛ ɓɛɛ̀ nyaanyaàsì Seŋi. I mum à nyaasii ɓi Man, di à nyaasii ɓi Seŋi ànɛ à romgày nyi.

ZYAŊ 6:29

Yeesus à ɓàg ɓɔ lɛ: Kìsay ki Bɛ̀ll ki ri lɛ, ɓi gherɛn roànɛ Bɛ̀ll à romgày.

ZYAŊ 6:51

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

ZYAŊ 6:57

Fɛlɛ yɛ̀ɛ Tààta ànɛ à rì cem a romgày mɛ̀, mɛ̀ ǹki ɓa ri cɛɓ lɛ nyi, fɔlɔɔ nnɛ ŋwaànɛ à ɗii mɛ̀, à ɓiì ghɛɓì lɛ mɛ̀.

ZYAŊ 8:29

Roànɛ à romgày mɛ̀ à rì nɗaŋ ri mɛ̀, à càɗkà ɓi mɛ cɛ̀ncɛm ɓisuulɛ, ǹti ǹkìlàg ɓìɓan ɓi ɓyɛɛ̀ kɔ̀ngi nyi ɓyààmɛ̀n ɓìcèm.

ZYAŊ 8:42

Yeesus à kpaa lɛ: I kaa rì saaɗ lɛ Bɛ̀ll yɛɛ ri Seŋi wìn, di ɓì keesii mɛ̀; lɛ ɓi Bɛ̀ll nnɛ ǹfuu yì, wɔɔ nnɛ ǹki ɓaghày; ǹ-yùghày ɓi ri nto wɛ̀m, lɔŋ nyi yɛɛ romgày mɛ̀.

ZYAŊ 9:3

Yeesus à ɓàg lɛ: Ki yin lɛ nyimiɗ, nsoò lɛ ɓɛ̀yalì ɓii ɓɛɛ kighà kìɓe, wɔ̀lɛ ki ri lɔŋ fɔlɔɔ lɛ, di mɛ̀kìkìì mɛ Bɛ̀ll mɛɛ ghɛnɛn a lɔ̀ŋkii.

RÒMƐŊ 8:32

Nyi ànɛ à kèŋìghà ɓi Man wiì à nyimiɗ, à faghà Man ànɛ̀n ɓisu wis ɓɛsɛ̀ɛ̀ ɓɛ̀cèm, nni lannɛ à rì ɓiì rɔ̀ɓi kɛ̀ɛ fa ɓisi ɓìɓan ɓìcèm bas rì Man wiì lɛ geesɛ̀n yìì.

EBIREEGH 1:5

Ɓisuulɛ Bɛ̀ll à ka kpaaghà ɓi ŋwaà fìtom adɛŋ lɛ: Ù rì Man wɛm̀, à tumɛ̀n gɛɛ̀nɛ, ǹti soŋì, nsoò lɛ: Mɛ̀ ǹɗì nyi ɓiì ɓaà Seŋi, nyii ɓa mɛ̀ Man.

1 ZYAŊ 3:16

Rìyi ɗi tì yii com ki lɛ ǹkɔ̀nɛ̀n ɗyɛɛ̀ɗi lɛ, Yeesus Kiris à faghà cɛɓ kii ɓisu wis; fɔɔnnɛ ɓìsi girig, tì ghɛ̀ɛ̀sɛɛ kì faà cɛɓ kis ɓisuu ɓɛgeni ɓis.

1 ZYAŊ 4:10

Ǹkɔ̀nɛ̀n ànɛn à yin lɛ ɓìsi yɛɛ keesìghà Bɛ̀ll, kìɓan kifog nnyɛɛ keesìghà ɓìsi, à rom yì Man wiì fɛlɛ yɛ̀ɛ kìtuwe ki kɛɛ ghɛɓsi ɓi zòghɛ̀n ì ɓìɓe ɓis.

1 ZYAŊ 4:16

Ɓìsii yii ǹkɔ̀nɛ̀n ànɛ Bɛ̀ll à rì rì nyi ɓi ɓɛg wìs, tì ki gherɛɛ ǹkɔ̀nɛ̀n ànɛ̀n. Bɛ̀ll à rì ǹkɔ̀nɛ̀n, ŋwaànɛ a ghɛghɛɓ ɓi nkɔ̀nɛ̀n, à rì ɓɛɛ̀ Bɛ̀ll, Bɛ̀ll ɓɛɛ̀ nyi.

1 ZYAŊ 5:11

Nni rìrèsì ɗi saaɗ ànɛ ɓi kìɓan kiǹ ɗyɛɛ ri lɛ: Bɛ̀ll à faghà ɓìsi cɛɓ ki fiɗyàɓ fikɔ̀ɔ̀, cɛɓ kìn ki ki ɓa ɓi Man wiì.

1 ZYAŊ 5:13

Ǹkàniì mìni kìɓan kiǹ lɛ ɓi yi lɛ: Ɓì rì rì cɛɓ ki fiɗyàɓ fikɔ̀ɔ̀, mìni ɓɛ ɓì gherɛɛ ɗii ɗi Man à Bɛ̀ll.