1 ZYAŊ 4:1 - Bafia Nouveau Testament

¹ Mìni ɓum ɓɛm ɓɛ nɗem, kɛ̀ ɓi siighrag ɓi mum ǹcèm ànɛ à kpaa lɛ, à rì rì Nghay à Bɛ̀ll; fèèghraaghna mɛ̀kuu mɛ ɓum mɛ̀n, lɛ ɓi yi ǹkòo ǹghay wu ɓɛ ri rì wɔ, wu ri wu Bɛ̀ll ɓisuulɛ ɓɛ̀pwààpwaà ɓɛ ɓɛkpaŋzì-ɓìɓan ɓɛ ti ɓi ziinɛ lɛɛ̀gwey.

1 ZYAŊ 4:1 ပူးပေါင်းရင်းမြစ်များ

MARIKUS 13:21

I ŋwaàdɛŋ à kpaa mìni lɛ, Kiris à rì fɛ nsoò lɛ fɛnii, kɛ̀ ɓi wog;

LUKAS 12:57

Ɓisuucɛ nnɛ mìniì ɓɔmiɗ ɓì yin lɛ ɓì ghɛn ɓìɓan ɓi ɓi ri lɛ saaɗ.

LUKAS 21:8

Yeesus à ɓàg lɛ: Ɓì konàg lɛ mum kɛ̀ɛ yègsi mini, ɓisuulɛ ɓum lɛɛ̀gwey ɓɛ ɓiì yùyuu ri ɗii ɗyɛ̀m, rì ànɛn miì à kpaa lɛ: Mɛ̀ yɛɛ ri Kiris, rì tì lɛ cààmɛ̀n ki ti jàŋbog; kɛ̀ ɓi nɔ̀ɔ̀ti ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 17:11

Ɓɛ̀yudɛ̀n ɓɛ a Bere ɓɛ rɔɔtɛ̀ngà ǹɗem ɓɛ cee ɓɛ̀roɓɛ a Tesalonika, fɔɔnnɛ ɓɛ ghaɓkà jɛ̀ɛ̀ ì Bɛ̀ll rì coo kinyàà, ɓɛ̀ŋwos ɓɛ̀cèm, ɓɛ fifìɓìghà kaàtà à Bɛ̀ll lɛ ɓɛɛ ghɛǹ nkòo ɓìɓan ɓi Pol à kpaakpààghà ɓɔ, ɓi ri miì.

MƐ̀KÌKÌÌ MƐ ƁƐKƐ̀NÌ-FÌTOM 20:29

Mɛ̀ ǹ-yii lɔŋ lɛ ɓum ɓɛdɛŋ ɓɛ ɓɛ rì yɛ̀ɛ ɓìmonɗo, ɓɛ ri ɓiì ɗiŋii ɓi nyìinyìm wìn ajɛ̀m yɛ̀m, ɓumɓɛ̀n ɓaa kèŋi ɓi kituu ki jɔ̀ɔ̀.

1 KƆ̀RƐ̀ŊTYƐŊ 12:10

À fa ŋwaàdɛŋ ìtèɗ wu kìkiyɛn dàm, à fa roàmbog ìtèɗ wu kpaakpaŋzìyɛ̀n ɓìɓan ɓi Bɛ̀ll à rèsii nyi; à fa roàdɛŋ ìtèɗ wulɛ a yi rìghasì ɗi lɛ, rì ɓìɓeɓtàg ɓi mɛghay, rì syeesyee à Ǹghay, à fa tì roàdɛŋ ìtèɗ wu tòtoghɛn ɓìkènekènè ɓi ɓitòkì à ki fa roàdɛŋ ìtèɗ wulɛ a tɛɛ̀zi ɓìɓan ɓi ɓyɛɛ̀ kpaakpaàrɛ̀n ɓi ɓìtòkì ɓiǹ.

1 KƆ̀RƐ̀ŊTYƐŊ 14:29

Ɓi ɓɛg ànɛ a ɓɛ̀kpaŋzì-ɓìɓan, ɓɛ̀sɛ̀ɛ̀ ɓɛɓɛɛ̀ nsoò lɛ ɓɛraa ɓɛ ghɛɛ̀sɛɛ kì tòòghrɛɛ, ɓɛ̀ro ɓɛmbog ɓɔɔ fifìɓì ɓìɓan ɓi ɓɛ̀roɓɛ̀n ɓɛɛ̀ kpaakpàà.

TÈSÀLÒNÌSYƐŊ 5:20

Kɛ̀ ɓi sɛɛti ɓiɓan ɓi ɓum ɓɛ kpaŋzii rì ìtèɗ wu Nghay à Bɛ̀ll.

TÈSÀLÒNÌSYƐŊ 5:21

Kìɓan kifog, fiɓɓaaghna ɓìɓan ɓìcèm lɛ syeesyee, ɓi ɓi rɔɔtɛɛ ɓyɛɛ̀ɓi ɓì ɓèŋ.

2 TÈSÀLÒNÌSYƐŊ 2:2

kɛ̀ ɓi càrɛn lɛ mum a fyaŋzi mìni kì nyɛ̀ŋi ɓi syeesyee à ǹɗɛli anɛ ɓì rì miì, nsoò lɛ a syaŋdi mìni bwaɓ ɗi rìkuu ɗi ɗyomzɛ̀n ɗidɛŋ ɗi ǹghay wudɛŋ wu ri lɛ wu fa nyi, nsoò rì jɛ̀ɛ̀ ìdɛŋ, nsoò rì kaàtà ànɛ ɓɛ ri lɛ ɓɛ pwaà mìni lɛ ɓìsi yɛɛ kani, ki pisɛ̀n fɛlɛ yɛ̀ɛ ŋwos a Kan à mɛ kpaŋ.

TIMOTE 4:1

Ǹghay a kpaaghi lɛ tɛntɛ̀ɛ̀n lɛ, ɓi mɛ̀ru mɛ siitòn, ɓum ɓɛɗɛŋ ɓɛ naŋigɛ rìgherɛ̀n, ɓɛ nɔɔ̀tì mɛ̀ghay mɛ mɓɔ̀ŋɗɛ̀n rì dɔgtɛ̀n yi ɓiɓeɓtàg ɓi mɛghay;

2 TIMOTE 3:13

Kìɓan kifog ɓìɓeɓtàg ɓi ɓum rì ɓɛ̀pwààpwaà ɓɛ ri ɓiì kɛ̀nkɛni lɔŋ beèbɛ̀y ɗì rìkìkì ɗi kiɓe, ɓɛ naànààzì ɓum bee lɛ ɓɔmiɗ ɓɔɔ ka rì ɓɛ̀ɗimɛn bee.

2 PYƐƐRI 2:1

Ɓɛ̀kpaŋzì-ɓìɓan ɓɛ ɓɛpwàà ɓɛ ɓaghà abɛ̀y ɓi kìlɔ̀ŋ, fɔlɔɔ nnɛ ɓɛ̀pwààpwaà ɓɛ ɓɛrèsàg ɓìdɔ̀gsɛna ɓɛ ri ɓiì ɓaà girig ɓi nyìinyìm wìn; ɓɛ ri ɓiì ɗiŋzii yi ɓìɓeɓtàg ɓi dɔgtɛ̀n ɓi ɓi rìɗyaŋ lɛ ɗyɔ̀ɔ̀ŋ, ɓɛ ki roòzɛn masà ànɛ à kwèɗkà ɓɔ, fɔlɔɔ a kì lɛ ɓɔmiɗ ɓɛɛ syoŋ yì cuu ki kɛ̀ kɛɛ̀ lɛ̀mziì ɓi nyoo yàà.

1 ZYAŊ 2:18

Ɓɔɔ ɓɔn ɓɛ̀m, siitòn a cààmɛ̀n yɛɛ ti lɛ! Fɛlɛ yɛ̀ɛ ɓì wokà lɛ ŋwaàdɛŋ ànɛ à rì ɓiì ɗùùɗuu ri Kiris à ɓiì yùu yi, ɓɛ̀ɗùù rì Kiris ɓɛ mɛ tèghɛn ɓigomìnɛ, kɛɛ resii ɓìsi lɛ siitòn a cààmɛ̀n yɛɛ ti lɛ.

1 ZYAŊ 2:7

Ɓum ɓɛm ɓɛ nɗem, àa kìdɔ̀gsɛna ki nyɔn kɛɛ̀ki ǹkàni mìni, lɔŋ ki abɛ̀y ki ɓì tekà à tumɛ̀n a rìtumɛ̀n; kìdɔ̀gsɛna ki abɛ̀y kiǹ kɛɛ ri jɛ̀ɛ̀ yìì inɛ ɓì mɛ wog.

2 ZYAŊ 1:7

Lɛ ɓɛ̀yègsì-ɓum ɓɛ mɛ sààtɛn ɓi ziinɛ lɛɛ̀gwey; ɓɛ gherɛɛ ɓi lɛ, Yeesus Kiris à yalɛ̀ngà lɔŋ mum. Rìkuu ɗi mum ɗìn ɗi ri ǹ-yègsì-ɓum ɗi ki ɓa ŋwaànɛ a ɗùùɗuu ri Kiris.

3 ZYAŊ 1:11

Mum wɛm̀ à ǹɗem, kɔ̀ɔ ɓa ri ǹfèfèègh ɓi ɓìɓan ɓi ɓeɓtɛn ù ɓalàg rì ǹfèfèègh ɓi kìrɔɔ, lɛ ŋwaànɛ a kìki kirɔɔ à rì mum à Bɛ̀ll; ŋwaànɛ a kìki kiɓe à ghɛngà ɓi Bɛ̀ll.

ÀPÒKÀLIƁSƐ̀ 2:2

Ǹ-yii mɛ̀kìkìì mɔɔ, ǹ-yii kìsay kɔɔ rì kìsììrì kɔɔ. Ǹ-yii lɛ ù yin lɛ ù cenɛ̀n ɓìɓeɓtàg ɓi ɓum, wɔ̀ɔ nfèèghrɛ̀ ɓumɓɛ ɓɛ nkpaakpaa lɛ ɓɔɔ ri ɓɛ̀kɛ̀nì-fìtom, kɔm̀ lɛ ɓɛ yin ɓɛkɛ̀nì-fìtom, fɔɔnnɛ wɔ̀ɔ nghɛɛ lɛ ɓɛ ri ɓɛ̀pwààpwaà.