1 ZYAŊ 3:8 - Bafia Nouveau Testament

⁸ Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.

1 ZYAŊ 3:8 ပူးပေါင်းရင်းမြစ်များ

MATYOO 12:28

Kìɓan kìfog, i ki ri lɛ mɛ̀ɛ nànaɓ ɓiɓeɓtàg ɓi mɛghay rì Ǹghay à Bɛ̀ll, fɔlɔɔ a rèsii lɛ kìlɔ̀ŋ ki Bɛ̀ll ki mɛ kpaŋ a lɔ̀ŋkin.

MATYOO 13:38

Ziinɛ yɛ̀ɛ ri dɛm inɛ̀n; syeesyee à boo à rì ɓumɓɛ ɓɛ wooghrɛɛ rì kìlɔ̀ŋ ki aɗyoo; boo ì kìɓeɓtàg ki caaɓi ì rì ɓɛ̀roɓɛ ɓɛ wooghrɛɛ rì Ghèghey à mum.

MATYOO 4:3

Fɔɔnnɛ ǹfèèghrɛ̀n-ɓum à tyɛ̀ɛ̀tɛ̀ngà nyi jàŋbog, à kpaa nyi lɛ: I ù rì Man à Bɛ̀ll kali gɔ̀g yi, yɛɛ ghay ɓìɗilàg.

MARIKUS 1:24

Fɔɔnnɛ ŋwaànɛ̀n à syangà jɛ̀ɛ̀ aɗyoo lɛ: Ki rì wɔ̀ la ri ɓìsi, Yeesus ànɛ a Naazarɛt! wàa yùu yì fɛ lɛ u cuùsi ɓìsi? Mɛ̀ ǹkonaagh ki yiì rìkuu ɗi mum ɗi ù rì; wɔ̀ yɛɛ ri roànɛ à rì ǹtɛnɛn, lɛ Bɛ̀ll yɛɛ romiì wɔ̀.

LUKAS 10:18

Yeesus à kpaa ɓɔ lɛ: Mɛ̀ ǹghɛngà di Satàn a kɔ̀sɛɛ yì aɗyòò, à kpì fɛlɛ yɛɛ̀ ŋwàaŋwàɗ.

ZYAŊ 12:31

Ɓi cààmɛ̀n ki, kìɓan ki ziinɛ ki yuù kì renɛɛ, ɓigomìnɛ. Ɓɛ yuù kì màagh rifòm ɗi ziinɛ ɓi dan.

ZYAŊ 16:11

Mɔ zɛ̀ɗ ɓi kìɓan ki riren ɗi ɓiɓan ɗi Bɛ̀ll, ɓisuulɛ, kìɓan ki rifòm ɗi ziinɛ ki mɛ renɛ̀n.

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

RÒMƐŊ 16:20

Cààmɛ̀n lɛsàg, Bɛ̀ll ànɛ à ti à falàg fyòoog, à rì ɓiì turii Satàn a mɛ̀kòò min zi. Geesɛ̀n ì Kan wìs Yeesus yɛ̀ɛ ɓa rì mìni.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

KÒLÒSYƐŊ 2:15

À dùŋzìghà ɓɛ̀làmì rì mɛ̀tèɗ mɛ mɛghay, à ghanì ɓɔ ɓi mis mɛ ɓum ɓɛ̀cèm yɛ̀ɛ à yagsàkà ɓɔ ɓi kɔrɔs aɗyòò.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

EBIREEGH 2:14

Nni fɔlɔɔ nnɛ yɛ̀ɛ ɓɔn ɓɛ ri lɛ, rì nyoo ì mɛ̀mùù, rì bwaɓ, nyi girig à tekà nyoo ìnɛ̀n lɛ, di a ghaàsi Satàn ànɛ à rì rì ìtèɗ wu riwù com ki zɛy, ɓi rìwu ɗi à wughà

EBIREEGH 9:26

I kɛɛ ɓa fɔlɔɔ, di ki ghɛɛ̀sɛ̀ngà min lɛ Kiris a wog rìkɛŋ gɛ̀n lɛ gɛ̀n à tumɛ̀n yɛ̀ɛ zi i kìlɛ̀ngà. Wɔ̀lɛ ɓi cààmɛ̀n ki, à yùghà gɛ̀n bog ɓi gɛ̀n yicèm, di mɛ̀ru mɛ siitòn mɛɛ̀ kɛ̀ɛ̀kɛɛ yi lɛ a legsi kìɓe di à fùnɛɛ nyimiɗ.

2 PYƐƐRI 2:4

Ɓisuulɛ i Bɛ̀ll à rɔ̀ɓkà kɛ̀ɛ kèŋi ɓum ɓɛ titom ɓɛ ɓɛ kighà kìɓe, à ràm lɔŋ à ɓangì ɓɔ, à ki pìki ɓɔ ɓi bɛŋ yi yi ri rì birìm, wɔɔ nnɛ ɓɛ kaka ɓɛ̀ɓanɓanɛn ɓɛ ɓoŋɓoŋ ɓɛ̀yɔ̀m ɓɛ Bɛ̀ll;

1 ZYAŊ 1:2

Yɛ̀ɛ cɛɓ ki resɛ̀ngày, ɓìsii ghɛngà kɔ; fɔɔnnɛ ti kpaakpaa mini kìɓan ki miì, tì ki ghagsi mini ɓɔlɛ à cɛɓ ki fiɗyàɓ fikɔ̀ɔ̀ ki ki ɓaghà jàŋbog rì Seŋi, cɛɓ kìn kɛɛ̀ki ɓɛ resìghà ɓìsi, lɛ ti yi kɔ.

1 ZYAŊ 3:10

Kìɓan ki ki ghasii lɛ rì ɓɔn ɓɛ Bɛ̀ll rì ɓɔn ɓɛ Satàn ki ri lɛ: Mum ǹcèm ànɛ à kìi ɓi ɓiɓan ɓi saaɗ, nsoò roànɛ à keesii ɓi geni à yin man à Bɛ̀ll.

1 ZYAŊ 3:5

Ɓì yii lɛ Yeesus Kiris à yùghày lɛ a pisi ɓìɓe, nni kìɓe ki yin a lɔ̀ŋkii.

1 ZYAŊ 5:19

Tì yii lɛ tì rì ɓum ɓɛ Bɛ̀ll, rì tì lɛ ziinɛ bimiɗ ì rì ɓi rìlàmì ɗi ghèghey à mum.

ZYUUDƐ 1:6

Ɓum ɓɛ titom ɓɛ ɓɛ ɓegà ɓi rigwey ɗi Bɛ̀ll à rɛsìghà ɓɔ miì, kìɓan kifog ɓɛ pɛsɛ̀n ɓi-kɔ̀ɔ̀ wu wu ɓaghà wuŋkaa, Bɛ̀ll a maà ɓèŋɓèŋ ɓɔ ɓɛ̀kàgakɛn ɓi mɛ̀sɛ̀ŋi cààmɛ̀n kìcèm ɓi birìm ɓiɗùm ɓɛ ɓoŋɓòŋ coo gòn i ɓɛ̀yɔ̀m.

ÀPÒKÀLIƁSƐ̀ 20:10

Fɔɔnnɛ ɓɛ pikà Satàn anɛ à yègsìghà ɓɔ ɓi kìràà ki ɗuu rì ǹdùsi, jàŋ inɛ ɓɛ ri lɛ, rì nyàm rì ǹkpaŋzì-ɓìɓan ɓi ɓɛpwàà. Ɓɛ ri wowoogh gɛ mɛ̀tɔɓ yɛ̀ɛ ìru yɛ̀ɛ ŋwos fiɗyàɓ fikɔ̀ɔ̀.

ÀPÒKÀLIƁSƐ̀ 20:15

Nni mum ǹcèm ànɛ ɗii ɗii ɗi ɓaghà ɓi ɗikànɛn ɓi kaàtà à cɛɓ, ɓɛ pikà nyi ɓi kìràà ki ɗuù.