1 ZYAŊ 3:3 - Bafia Nouveau Testament

³ Nni mum ǹcèm ànɛ à rì rì ǹtyweeyi wiǹ yɛ̀ɛ Kiris, à ti à ɓègì nyimiɗ ntɛnɛn fɛlɛ yɛ̀ɛ Yeesus Kiris à rì ǹtɛnɛn.

1 ZYAŊ 3:3 ပူးပေါင်းရင်းမြစ်များ

MATYOO 5:48

Ɓaana min ɓɛsyeesyee ɓɛ ɓum lɛ kɔɔ̀kɔɔ̀ lɔŋ yɛ̀ɛ Tààta wìn anɛ à rì aɗyoo nyii ri.

LUKAS 6:36

Ɓaana rì ǹɗem wu nyìighnyìg lɔŋ yɛ̀ɛ Seŋi wìn a rì rì ǹɗem wu nyìighnyìg.

ZYAŊ 17:19

Mɛ̀ɛmiɗ mɓèeɓeŋɗɛ̀n ntɛnɛn lɛ ɓɔ, lɛ di ɓɔ girig ɓɛɛ ɓa ɓɛ̀tɛnɛn ɓi saaɗ ɓi ɗùm.

MƐ̀KÌKÌÌ MƐ ƁƐKƐ̀NÌ-FÌTOM 15:9

àa ǹɗèsii ɓi ǹɗèè ɓi nyìinyìm ànɛ lɛ rì ɓìsi rì ɓɔ, àa ǹtɛɛ̀zii ɓɔ mɛ̀rem lɛ rìgherɛ̀n ɗi ɓɛ ǹgherɛɛ nyi.

RÒMƐŊ 15:12

Ezayii à kpaa girig lɛ: Fyàn fi Isayii fi ri ɓiì yùu, fi pɛsɛ̀n aɗyoo lɛ fyɛɛ lami ɓìlɔ̀ŋ ɓi zɛy, ɓìlɔ̀ŋ ɓiǹ ɓi ki foŋ dyàɓɛn yaà ɓi nyi.

2 KƆ̀RƐ̀ŊTYƐŊ 7:1

Nni yɛ̀ɛ tì rì rì mɛ̀kàg yɛ̀ɛ mɛǹ, ɓɛ̀geni ɓɛ̀m ɓɛ nɗem, tì ghɛ̀ɛ̀sɛɛ kì kìi lɛ tì ɓa ɓɛ̀tɛnɛn kɛ̀ɛ̀ tìfin ti ɓi nyoo, nsoò ti ɓi ǹghay. Ti tèèsiina nyoo lɛ ti konag kìɓaà ɓɛ̀tɛnɛn rì ìris wu Bɛ̀ll ɓi nɗem.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

Kaàtà ànɛ Pol à kàngà TIT 3:7

lɛ di ti ɓa rì gàɓ ɓi dyàɓɛn i cɛɓ ki fiɗyàɓ fikɔ̀ɔ̀, yɛ̀ɛ geesɛ̀n yìì i mɛ kì lɛ ti ɓa lɛ saaɗ ɓi mis miì.

EBIREEGH 12:14

Kaana lɛ ɓi ghɛɓ lɛ fyòoog rì ɓum ɓɛ̀cèm, ɓì ki ɓa ri cɛɓ ki ki ri kìtɛnɛn; lɛ ŋwaànɛ cɛɓ kìn ki ri ɓiì kaarɛɛ a lɔ̀ŋkii, àa ghɛn ɓi Kan.

EBIREEGH 6:18

Ɓìɓan ɓi ri min ɓiɓɛɛ̀ ɓi ɓi yin lɛ ɓi lɔgtɛ̀n, ɓyɛɛ̀ɓi Bɛ̀ll à yin ɗi ìtèɗ wu lɛ à foŋ pwàà miì. Fɔlɔɔ nnɛ ɓìsiɓɛ tì mɛ tanɛn ǹnyamzɛn a lɔ̀ŋkii, ɓi mɛ fati ɓisi itèɗ lɛɛ̀gwey, lɛ ti siìri kì ɓanì dyàɓɛn inɛ ìrì ɓìsi ǹfayɛn.

EBIREEGH 7:26

Rìkuu ɗi nlàmì-ɓɛ̀pìrɛɛtìrɛ̀ àgwey ɗi ɗi ghɛɛ̀sɛɛ rì ɓìsi ɗyɛɛ ri Yeesus, lɛ à rì ǹtɛnɛn, kɛ̀ɛ̀ tìfin, kɛ̀ɛ̀ rìnàn, ɓɛ ghasìghà nyi rì ɓɛ̀kìì-kìɓe, à ki teŋmɛɛ à cee ɗyoo.

ZYAG 4:8

Tyɛ̀ɛ̀tɛɛna Bɛ̀ll jàŋbog fɔɔnnɛ nyi girig à rì mìni ɓiì yùu jàŋbog, sòona ɓyàg ɓin ɓyɛɛ tɛn, mìni ɓɛ̀kìì-kìɓe, ɓì ki kpɔg mɛrem min, mìni ɓum ɓɛ tyoo tiɓɛɛ̀.

1 PYƐƐRI 1:15

Wɔ̀lɛ fɛlɛ yɛ̀ɛ Bɛ̀ll ànɛ à reŋìghà mìni àrì ǹtɛnɛn mìniìrig ɓaana ɓɛ̀tɛnɛn ɓi rìkɔ̀kɔ̀rì ɗin ɗicèm,

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

2 PYƐƐRI 1:4

Fɔlɔɔ nnɛ à faghà ɓìsi ɓyoo ɓisyeesyee rì gìn yi mɛkàg lɛ, i ɓì teri ɓyom ɓi à kàkà, ɓì ɓa rì ìtèɗ wulɛ ɓi ghɛŋi ɓìɓeɓtàg ɓi ɓiɓan ɓi ɓyɛɛ̀ yooyogsì ɓum ɓyɛɛ ri ɓìcakɛn ɗi ziinɛ, ɓi yu kì terì gàɓ ɓi rìɓa ɗii ɗi à rì Bɛ̀ll.

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.

1 ZYAŊ 2:6

ŋwaànɛ à kpaa lɛ, à rì ǹɗàrɛn ri Bɛ̀ll, à ghɛ̀ɛ̀sɛɛ kì ghɛɓì yɛ̀ɛ Yeesus nyimiɗ à ghɛɓkà.

1 ZYAŊ 4:17

I ǹkɔ̀nɛ̀n à rì a lɔ̀ŋkis syeesyee à rìɓa, fɔɔnnɛ tì rì ɓiì ɓaà kɛ̀ɛ̀ ìris ŋwosi ɓɛyɔ̀m, ɓisuulɛ cɛɓ kis ki fɛ ɓi ziinɛ ki pisɛɛ rì ki Yeesus Kiris.