1 ZYAŊ 3:22 - Bafia Nouveau Testament

²² À ti à falàg ɓìsi com kìcèm ki tì tɔɔgh nyi ɓisuulɛ, tì ti tì ɓègì ɓìdɔ̀gsɛna ɓii, tì ki kìlag ɓiɓan ɓi ɓyɛɛ̀ kɔ̀ngi nyi.

1 ZYAŊ 3:22 ပူးပေါင်းရင်းမြစ်များ

MATYOO 17:5

Yɛ̀ɛ Pyɛɛri à ɓaghà di a ka tòtog fɔlɔɔ nni coo kikwìɗ ki lònlomɛn ki sìgtɛ̀ngà ɓɔ. Fɔɔnnɛ jɛ̀ɛ̀ ì tòòghrɛ̀ngày ɓi kìkwìɗ kiǹ, ì kpaa lɛ: Roànɛ à rì Man wɛm̀ à nɗem , ɓi nyi innɛ ǹfogà ǹkɔ̀nɛ̀n wɛ̀m bimiɗ, wooghna nyi.

MATYOO 21:22

Com kìcèm ki ɓì ɓiì tɔɔ̀gh rì rìgherɛ̀n ɓi bɔ̀ŋzɛ̀n, ɓi ɓiì ɓaà rì kɔ.

MARIKUS 11:24

Kìɓan kiǹ kɛɛ̀ki kìlaaghna lɛ, com kìcèm ki ɓì tɔɔgh ɓi bɔ̀ŋzɛ̀n, ɓì gherɛ̀n lɛ ɓì ti rì kɔ, fɔɔnnɛ ɓì rì kɔ ɓiì ghɛɛ̀ di ki kilɛɛ.

ZYAŊ 14:13

Fɔɔnnɛ com kìcèm ki ɓì rì ɓiì tɔɔ̀gh rì ɗii ɗyɛ̀m, ǹɗì mìni kɔ ɓiì kìi, lɛ Tààta a teɗ rìkem ɓi Man.

ZYAŊ 15:10

I ɓì ɓèŋi ɓìdɔ̀gsɛna ɓyɛm̀, ɓì ɓiì kɔ̀rii ɓi nkɔ̀nɛ̀n wɛ̀m, fɛlɛ yɛ̀ɛ mɛ̀ m̀ɓègà ɓìdɔ̀gsɛna ɓi Seŋi wɛ̀m fɔɔnnɛ ǹkɔ̀kɔrii ɓi nkɔ̀nɛ̀n wìì.

ZYAŊ 15:7

I ɓì rì a lɔ̀ŋkɛm̀, ɓiɓan ɓyɛm̀ ɓi ɓa rì ìkɔ̀ɔ̀ ɓi mìni, tɔɔghna com kìcèm ki ɓì kɔ̀ni, ɓɛ ri mìni kɔ ɓiì faà.

ZYAŊ 6:29

Yeesus à ɓàg ɓɔ lɛ: Kìsay ki Bɛ̀ll ki ri lɛ, ɓi gherɛn roànɛ Bɛ̀ll à romgày.

ZYAŊ 8:29

Roànɛ à romgày mɛ̀ à rì nɗaŋ ri mɛ̀, à càɗkà ɓi mɛ cɛ̀ncɛm ɓisuulɛ, ǹti ǹkìlàg ɓìɓan ɓi ɓyɛɛ̀ kɔ̀ngi nyi ɓyààmɛ̀n ɓìcèm.

ZYAŊ 9:31

Tì yii lɛ Bɛ̀ll à ti kɛ̀ɛ wog bɔ̀ŋzɛ̀n yi ɓɛ̀kìì-kìɓe, kìɓan kifog, à ti à wokì bɔ̀ŋzɛ̀n yi ŋwaànɛ à kuuraagh nyi, à ki kìlag rikɔ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

MƐ̀KÌKÌÌ MƐ ƁƐKƐ̀NÌ-FÌTOM 20:21

Ǹɗerèŋìghà lɛ, rì Ɓɛ̀yudɛ̀n rì Gìrɛg lɛ ɓɛɛ lɔɔ̀ghrɛn mɛ̀rem, ɓɛ gherɛ̀n Bɛ̀ll, ɓɛ ki tyweeyi Yeesus à Kan wìs.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;

ZYAG 4:3

Ɓì ti ɓì lɔǹgì, ɓɛ̀ kɛɛ̀ fa mini ɓisuulɛ ɓì ti kɛ̀ ɓi yi rilɔ̀n; ɓyom ɓi ɓì ti ɓì lɔngì, ɓì ti ɓì lɔngì ɓyɔ lɛ ɓi yogsag ɓi rìkìkì ɗi ɓiɓan ɓi ɓeɓtɛn ɓi ɓi ti ɓi rɔɔghì mìni.

ZYAG 5:16

Kìlaaghna lɛ, i wààdɛŋ ù kìi kìɓe, ù rèsì ɓɛ̀goni ɓɛmbog, ɓì ki ɓa ri kìsyɔ̀ɔ̀ ɓi nyìinyìm wìn lɛ ɓi ɓɔŋzag Bɛ̀ll ɓisuu ɓɛgeni ɓin ɓɛ ɓi ghɛghɛɓ ri ɓɔ, fɔɔnnɛ ɓì ɓiì wɔ̀ni. Syeesyee à bɔ̀ŋzɛ̀n à ŋwaànɛ à rì lɛ saaɗ ɓi mis mɛ Bɛ̀ll à ti à ɓalàg rì coo nghɛɓsɛn.

1 ZYAŊ 2:3

I ti ɓèŋɓeŋ ɓidɔ̀gsɛna ɓi Bɛ̀ll, fɔɔnnɛ tì rì lɛ tì yi lɛ, tì mɛ yi Bɛ̀ll.

1 ZYAŊ 5:14

Tì konaagh kì yiì lɛ: Com kìcèm ki tì rì lɛ tì tɔg nyi, ki ɓa lɔŋ yɛ̀ɛ rìkɔ̀n ɗii ɗi ri, à rì ɓiì woògh; kìɓan kiǹ kɛɛ̀ fafa ɓisi ìtèɗ ɓi nɗem rì nyi.