1 ZYAŊ 3:14 - Bafia Nouveau Testament

¹⁴ Ɓìsii yii lɛ tì mɛ pɛ̀sɛn ɓi rìwu, tì ɗiŋì ɓi cɛɓ; tì yii fɔlɔɔ lɛ tì keesii ɓɛ̀geni ɓis; ŋwaànɛ à yin ɗi ǹkɔ̀nɛ̀n, à kaka ɓi rìwu ɓi ɗùm.

1 ZYAŊ 3:14 ပူးပေါင်းရင်းမြစ်များ

MATYOO 25:40

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓì kìghà kìbog ki ɓi ɓɔɔ ɓɔɓti ɓɛ ɓɛ rì ɓɛ̀geni ɓɛ̀m fɔlɔɔ, mɛ̀ innɛ ɓi kìghà lɔɔ.

LUKAS 15:24

Ɓisuulɛ man wɛm̀ ànɛ à wughà nni à ghèmɓɛɛ, man ànɛ à ɗimgà nni tì ghɛɛdii nyi.

LUKAS 15:32

Kìɓan kifog, kaa ghɛ̀ɛ̀sɛɛ lɔŋ lɛ, ti nyaàrɛn, ɓisuulɛ goni ànɛ̀n à wughà nni à sugtii yì ɓi cɛɓ, à ɗimgà, nni tì ghɛɛdii nyi.

LUKAS 7:5

ɓisuulɛ, à keesii kìlɔ̀ŋ kis, nnyɛɛ ki togà naa yìs i bɔ̀ŋzɛ̀n.

ZYAŊ 13:35

I ɓì kɔ̀nɛɛ, ɓum ɓɛ̀cèm ɓɛ ri ɓiì yiì lɛ ɓì rì ɓɛ̀yilàg ɓɛm.

ZYAŊ 15:12

Kìdɔ̀gsɛna kɛm̀ ki ri lɛ: Kɔnɛɛna mìni rì mìni, fɛlɛ yɛ̀ɛ mɛ̀ ǹkeesìghà mìni.

ZYAŊ 15:17

Kìɓan ki mɛ̀ ǹsiŋ̀dɛɛ mìni ki ri lɛ, ɓi kɔnɛn mìni rì mìni.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

2 KƆ̀RƐ̀ŊTYƐŊ 5:1

Lɛ tì yii lɛ, i kìlaa ki ti ghɛghɛɓ miì fɛ ɓi ziinɛ, kɛɛ ri nyoo yìs ki waàrɛɛ, tì rì rì ɓìtèetèɗ ɓi mɛɛ aɗyoo ɓi Bɛ̀ll à togà, ɓyɛɛ ri fìɗyàɓ fikɔ̀ɔ̀; mɛɛ mɛn mɛ yin mɛɛ mɛ ɓum ɓɛ toŋi rì ɓyàg ɓyaa.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

EFÈZYƐŊ 1:15

Kìɓan kiǹ kɛɛ̀ki, yɛ̀ɛ mɛ̀ɛ nwoogh girig di ɓɛɛ̀ sɛsɛg lèg ànɛ ɓì gherɛɛ Kan Yeesus, rì nkɔ̀nɛ̀n ànɛ ɓì rì rì nyi ɓi san à ɓɛ̀gherɛ̀n ɓɛ̀cèm,

EFÈZYƐŊ 2:1

Ɓi ɓɛg wìn, ɓì ɓaghà ɓìloŋ lɛ zɛ̀ɗ yin rì ɓìɓe ɓin,

EFÈZYƐŊ 2:5

ɓìsi ɓɛ tì ɓaghà ɓìloŋ lɛ mɛ̀nànì mis, à kìghà lɛ ti ɓa ti rì cɛɓ ǹɗaŋ ɗi Kiris. Ɓì rì ɓɛ̀kòrɛn lɛ geesɛ̀n ì Bɛ̀ll.

KÒLÒSYƐŊ 1:4

Lɛ tìi nwoogh di ɓɛɛ kpaakpaa lɛ, mìnii ri rì ǹtyweeyi ɓi Yeesus Kiris lɛɛ̀gwey, mìnii ki ɓa ri geesɛ̀n ɓi san ànɛ a ɓɛ̀gherɛ̀n ɓɛ̀cèm,

TÈSÀLÒNÌSYƐŊ 4:9

Ki ghɛɓsii ɓi com lɛ ti kaǹ mìni kìɓan ki ǹkɔ̀nɛ̀n à rìgeni, ɓisuulɛ Bɛ̀ll nyimiɗ a rèsàkà mìni kìɓan ki ɓi ǹkɔ̀nɛ̀n ànɛ à ghɛ̀ɛ̀sɛɛ kì ɓaà ɓi nyìinyìm wìn.

EBIREEGH 13:1

Sììrɛɛna ɓi nkɔ̀nɛ̀n à rìgeni.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 PYƐƐRI 3:8

Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.

2 PYƐƐRI 1:7

ɓi rìfalɛ̀n ɗi ɓi rìgherɛ̀n, ɓì ɓɔ̀ɓtɛ̀ntì kìrɔɔrɛɛ ki ɓi rìgeni; ɓi kìrɔɔrɛɛ ki ɓi rìgeni kìn, ɓì foŋ̀dì ǹkɔ̀nɛ̀n.

1 ZYAŊ 2:3

I ti ɓèŋɓeŋ ɓidɔ̀gsɛna ɓi Bɛ̀ll, fɔɔnnɛ tì rì lɛ tì yi lɛ, tì mɛ yi Bɛ̀ll.

1 ZYAŊ 3:23

Ǹsiŋdɛn wu à faa ɓìsi wɛɛ̀wu lɛ, ti gherɛn Yeesus Kiris à Man wiì, tì ki kɔ̀nɛn lɔŋ yɛ̀ɛ Kiris à siŋdɛ̀ngà ɓìsi lɛ ti kɔnɛn.

1 ZYAŊ 4:12

Mum à ka ghɛngà ɓi Bɛ̀ll; i tì rì rì ǹkɔ̀nɛ̀n ɓi nyìinyìm wìs, di Bɛ̀ll à rì a lɔ̀ŋkis, ǹkɔ̀nɛ̀n wìì a ki ɓa ɓi ɓìsi syeesyee à rìɓa.

1 ZYAŊ 5:13

Ǹkàniì mìni kìɓan kiǹ lɛ ɓi yi lɛ: Ɓì rì rì cɛɓ ki fiɗyàɓ fikɔ̀ɔ̀, mìni ɓɛ ɓì gherɛɛ ɗii ɗi Man à Bɛ̀ll.

1 ZYAŊ 5:2

Tì ti tì yilàg lɛ, tì keesii ɓɔn ɓɛ Bɛ̀ll cààmɛ̀n ki tì keesii Bɛ̀ll, tì kìkì com ki ɓìdɔ̀gsɛna ɓii ɓyɛɛ̀ kpaakpàà.