1 ZYAŊ 3:1 - Bafia Nouveau Testament

¹ Ghɛɛna rìkuu ɗi nkɔ̀nɛ̀n ɗi Tààta à rèsìghà ɓìsi ɓi lèg ànɛ lɛ ɓɛɛ̀ rereŋi ɓìsi lɛ ɓɔn ɓɛ Bɛ̀ll! Tì ki rì ɓɔn ɓii a tààkaà. Kìɓan ki ziinɛ ì yii ɓi ɓisi miì ki ri lɛ: Ì yighà ɓi Bɛ̀ll.

1 ZYAŊ 3:1 ပူးပေါင်းရင်းမြစ်များ

LUKAS 20:36

ɓɛ̀ kɛɛ̀ ki wu ti, lɛ ɓɛ ri ɓaa gɛ yɛ̀ɛ ɓum ɓɛ titom, ɓɛ ki ɓa ɓɔn ɓɛ Bɛ̀ll lɛ, ɓɛ mɛ ghèmɓɛn yi a ɓìloŋ.

ZYAŊ 1:12

wɔ̀lɛ ì faghà ɓum ɓɛ̀cèm ɓɛ ɓɛ ghaɓkà kɔ, ɓɛ gherɛ̀n ɗii ɗi yɔ̀, ìtèɗ wulɛ ɓɛɛ ɓa ɓɔn ɓɛ Bɛ̀ll.

ZYAŊ 11:52

Àa lɔŋ kìlɔ̀ŋ kiǹ kɔ rì kɔ, à ghɛ̀ɛ̀sɛɛ girig kì wiì lɛ a taŋzɛn ɓɔn ɓɛ Bɛ̀ll ɓɛ̀cèm, ɓɛ ɓɛ ri ɓɛ̀sààtɛn, ɓɛɛ ɓa kìbyɔg kìfog.

ZYAŊ 15:21

Wɔ̀lɛ ɓɛ ri kì mini ɓìɓan ɓiǹ ɓìcèm ɓisu wɛ̀m, lɛ ɓɛ yii ɓi roànɛ à romgày mɛ̀.

ZYAŊ 16:3

Ɓɛ ri ɓiì kìkii fɔlɔɔ lɛ, ɓɛ yighà ɓi Tààta, ɓɛ̀ kɛɛ̀ ki yi mɛ.

ZYAŊ 17:25

Tààta ànɛ à rì lɛ saaɗ, ziinɛ ì yighà ɓi wɔ, lɔŋ mɛ̀ yɛɛ yighà wɔ̀, ɓɛ̀roɓɛ ɓɛ ki yi lɛ wɔ̀ yɛɛ romgày mɛ̀.

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

RÒMƐŊ 5:8

Wɔ̀lɛ kìɓan ki Bɛ̀ll a rèsag ǹkɔ̀nɛ̀n wìì ɓi ɓɛg wìs ki ri lɛ: Kiris à wughà ɓisu wis, cààmɛ̀n ki tì ɓaghà di tì kaka ɓɛ̀kìì-kìɓe.

RÒMƐŊ 8:19

Zi bimiɗ ì rì nɗem aɗyoo ì ɓoŋɓòŋ cààmɛ̀n ki Bɛ̀ll à ɓiì rèsii ɓumɓɛ ɓɛ ri ɓɔn ɓii.

RÒMƐŊ 8:21

Zi yɔ̀miɗ inɛ̀n ì rì ɓiì ghɛɓì rìkpàn ɗi ɓi rìɗyaŋ ŋwos adɛŋ, ì ki teɗ gàɓ ɓi rìkan, ɗì rìkem ɗi ɓɔn ɓɛ Bɛ̀ll.

RÒMƐŊ 8:32

Nyi ànɛ à kèŋìghà ɓi Man wiì à nyimiɗ, à faghà Man ànɛ̀n ɓisu wis ɓɛsɛ̀ɛ̀ ɓɛ̀cèm, nni lannɛ à rì ɓiì rɔ̀ɓi kɛ̀ɛ fa ɓisi ɓìɓan ɓìcèm bas rì Man wiì lɛ geesɛ̀n yìì.

2 KƆ̀RƐ̀ŊTYƐŊ 6:18

M̀ɓaa gɛ Seŋi wìn, mìnii ɓa mɛ̀ ɓɔn ɓɛ ɓɛ baŋì rì ɓɛ ɓɛ̀yiɓ, fɔɔnnɛ Kan à ìtèɗ wucèm a kpaaghì.

GÀLAT 3:26

ɓisuulɛ mìniìcèm ɓì rì ɓɔn ɓɛ Bɛ̀ll ɓi rìgherɛ̀n ɗi ɓì gherɛɛ Yeesus Kiris.

GÀLAT 3:29

Nni mìni ɓɛ ɓì rì ɓum ɓɛ Kiris, yiina min lɛ, ɓì rì boo ì mum yì Abiraham, ìnɛ ì rì rì gàɓ ɓi ɓyom ɓi Bɛ̀ll à kàkà.

KÒLÒSYƐŊ 3:3

Ɓisuulɛ, ɓì rì ɓìloŋ, cɛɓ kin ki ri kì nyamɛn nɗaŋ ɗi Kiris ɓi Bɛ̀ll.

1 ZYAŊ 3:10

Kìɓan ki ki ghasii lɛ rì ɓɔn ɓɛ Bɛ̀ll rì ɓɔn ɓɛ Satàn ki ri lɛ: Mum ǹcèm ànɛ à kìi ɓi ɓiɓan ɓi saaɗ, nsoò roànɛ à keesii ɓi geni à yin man à Bɛ̀ll.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

1 ZYAŊ 4:17

I ǹkɔ̀nɛ̀n à rì a lɔ̀ŋkis syeesyee à rìɓa, fɔɔnnɛ tì rì ɓiì ɓaà kɛ̀ɛ̀ ìris ŋwosi ɓɛyɔ̀m, ɓisuulɛ cɛɓ kis ki fɛ ɓi ziinɛ ki pisɛɛ rì ki Yeesus Kiris.

ÀPÒKÀLIƁSƐ̀ 21:7

Ŋwaànɛ à rì ɓiì yagsaagh nnyɛɛ ri ɓiì fɔ̀ni mɛwus mɛǹ, ǹɗì ɓiì ɓaà Bɛ̀ll wìì, nyii ɓa mɛ̀ man.