1 ZYAŊ 2:7 - Bafia Nouveau Testament

⁷ Ɓum ɓɛm ɓɛ nɗem, àa kìdɔ̀gsɛna ki nyɔn kɛɛ̀ki ǹkàni mìni, lɔŋ ki abɛ̀y ki ɓì tekà à tumɛ̀n a rìtumɛ̀n; kìdɔ̀gsɛna ki abɛ̀y kiǹ kɛɛ ri jɛ̀ɛ̀ yìì inɛ ɓì mɛ wog.

1 ZYAŊ 2:7 ပူးပေါင်းရင်းမြစ်များ

MATYOO 5:43

Ɓi wokà lɛ ɓɛ kpaaghà lɛ: Keesi ŋwaànɛ à wubsɛɛ wɔ̀, ù ɓèèzɛ̀n bènàbena wɔɔ̀.

ZYAŊ 13:34

Ǹfaa mìni kìdɔ̀gsɛna ki nyɔn lɛ: Kɔ̀nɛɛna. Fɛlɛ yɛ̀ɛ mɛ̀ ǹkeesìghà mìni, mìni girig, kɔ̀nɛɛnà.

MƐ̀KÌKÌÌ MƐ ƁƐKƐ̀NÌ-FÌTOM 17:19

Nni ɓɛ tekà Pol ɓɛ kɛǹ ɗì nyi ɓi nyìinyìm à ǹtaŋzɛn wu a Atɛn wulɛ, ayèròpaàzɛ̀ ɓɛ kpaa nyi lɛ: Tì rì nya lɛ tì yi nyɔɔnyɔn à dɔgtɛ̀n ànɛ u rèresi anɛ?

EBIREEGH 6:9

Mìni ɓum ɓɛm ɓɛ nɗem, nsoò yɛ̀ɛ ti kpaakpaa lɔɔ, tì konaagh kì yiì lɛ ɓì rɛrɛlii ɓi syeesyee à bee, ànɛ à rì bee ì cɛɓ.

1 ZYAŊ 2:24

Ɓi ɓɛg wìn, ɓì ghɛ̀ɛ̀sɛɛ kì ɓèŋi kiɓan ki ɓì wokà kiǹ à tumɛ̀n a rìtumɛ̀n ki ɓa mìni ɓi mɛ̀rem, mìni girig ɓì rì ɓiì kɛ̀nkɛni asu, ɓì ɓa ɓɛ̀ràrɛn ri kìɓɛ̀ɛ̀ ki ɓum ki lɛ, rì Man, rì Seŋi.

1 ZYAŊ 3:11

Lɛ jɛ̀ɛ̀ ìnɛ ɓì wokà à tumɛ̀n a rìtumɛ̀n ì rì lɛ: Ti kɔ̀nɛɛna ɓìsi rì ɓìsi.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

1 ZYAŊ 3:21

Mìni ɓum ɓɛm ɓɛ nɗem, i ǹɗem wu faa ɓi ɓisi bɛ̀lɛn, di tì rì yɛɛ lɔɔ kɛ̀ɛ̀ kìɓan ki lɛ tì risì ɓi mis mɛ Bɛ̀ll.

1 ZYAŊ 3:23

Ǹsiŋdɛn wu à faa ɓìsi wɛɛ̀wu lɛ, ti gherɛn Yeesus Kiris à Man wiì, tì ki kɔ̀nɛn lɔŋ yɛ̀ɛ Kiris à siŋdɛ̀ngà ɓìsi lɛ ti kɔnɛn.

1 ZYAŊ 4:1

Mìni ɓum ɓɛm ɓɛ nɗem, kɛ̀ ɓi siighrag ɓi mum ǹcèm ànɛ à kpaa lɛ, à rì rì Nghay à Bɛ̀ll; fèèghraaghna mɛ̀kuu mɛ ɓum mɛ̀n, lɛ ɓi yi ǹkòo ǹghay wu ɓɛ ri rì wɔ, wu ri wu Bɛ̀ll ɓisuulɛ ɓɛ̀pwààpwaà ɓɛ ɓɛkpaŋzì-ɓìɓan ɓɛ ti ɓi ziinɛ lɛɛ̀gwey.

1 ZYAŊ 4:11

Mìni ɓum ɓɛm ɓɛ nɗem, i Bɛ̀ll à keesìghà ɓìsi fɔlɔɔ, ɓìsii ghɛɛ̀sɛɛ girig kì ɓaà rì ǹkɔ̀nɛ̀n ɓi nyìinyìm wìs.

1 ZYAŊ 4:21

Kìdɔ̀gsɛna ki Kiris à faghà ɓìsi kɛɛ̀ki lɛ: Ŋwaànɛ à keesii Bɛ̀ll, a keèsì girig geni.

1 ZYAŊ 4:7

Mìni ɓum ɓɛm ɓɛ nɗem, ti kɔ̀nɛɛna ɓi nyìinyìm wìs ɓisuulɛ ǹkɔ̀nɛ̀n à ti à ɓalàg yì yɛ̀ɛ Bɛ̀ll, nni mum ǹcèm ànɛ à rì rì ǹkɔ̀nɛ̀n à rì man à Bɛ̀ll, à ki yii Bɛ̀ll.