1 ZYAŊ 2:27 - Bafia Nouveau Testament

²⁷ Ɓi ɓɛg wìn, Kiris à miskà Nghay wìì ɓi mìni; fɔɔnnɛ ɓì yiìdi ri zày ì rìrèsàg ɗi ŋwaàɗɛŋ ɓisuulɛ Nghay wìì a rèresi mini ɓìɓan ɓicèm; rìrèsì ɗii ɗi ri lɛ saaɗ, ɗi yin ɓɛpwàà, kìɓan kiǹ kɛɛ̀ki ɓì ghɛɛ̀sɛɛ kì woògh rìrèsì ɗi Nghay, ɓì ɓa ɓɛ̀ràrɛn ɗi Kiris.

1 ZYAŊ 2:27 ပူးပေါင်းရင်းမြစ်များ

MATYOO 13:11

Yeesus à ɓàg ɓɔ lɛ: Ntòtog ri ɓɔ ɓi dàɗkì lɛ mìniìɓɛ ki ri kì fayɛn lɛ ɓi yi ɓìɓan ɓi ɓi kìlɔ̀ŋ ki aɗyoo ɓi ɓi ri ɓìnyamɛn, wɔ̀lɛ ɓi ɓɛg wàa, ki yin ɓɔ kì fayɛn lɛ ɓɛɛ yi ɓìɓan ɓiǹ.

ZYAŊ 14:16

Fɔɔnnɛ m̀ɓiì ɓɔ̀ŋzii Tààta, à rom yì mìni m̀maasì mɛ̀rem adɛŋ, ànɛ à ɓa rì mìni fìɗyàɓ fikɔ̀ɔ̀.

ZYAŊ 14:17

Nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ ziinɛ ì yin lɛ ì teɗ, ɓisuulɛ ì ghɛɛ ɓi nyi, yɛ̀ kɛɛ̀ ki yi nyi. Lɔŋ mìni yɛɛ yii nyi ɓisuulɛ à rì ɓi mìni.

ZYAŊ 14:26

Kìɓan kifog m̀maasì mɛ̀rem ànɛ à rì Kìtɛntɛ̀ɛ̀n ki Nghay ki Tààta à ɓiì romìì ɓi ɗii ɗyɛ̀m, yɛɛ ri mìni ɓiì rèsaagh ɓiɓan ɓìcèm, à ki kì lɛ, ɓi yiti ɓìɓan ɓìcèm ɓi ǹkalìghà mìni.

ZYAŊ 16:13

Lɔŋ yɛ̀ɛ Nghay à ɓɛ̀kɔɔ̀kɔɔ̀ ɓɛ ɓiɓan a ri yù, à ri rèsi mini saaɗ bimiɗ. Lɛ, àa kpaa ɓi mini ɓìɓan ɓi nyimiɗ yɛɛ ɓekii lɛ a kpaà, à rì lɔŋ mini ɓiì kpaà ɓìɓan ɓìcèm ɓi à woogh, à ki kpaa mini ɓìɓan ɓi ɓi ghɛɛ̀sɛɛ kì kìlɛɛ ɓi mɛ̀ru mɛ asu.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 6:45

Ki ri kìkànɛn ɓi kaàtà à ɓɛ̀kpaŋzì-ɓìɓan lɛ: Bɛ̀ll à rì ɓiì rèsaagh ɓɔ ɓɛ̀sɛ̀ɛ̀ ɓɛ̀cèm, fɔɔnnɛ mum ǹcèm ànɛ à wokà jɛ̀ɛ̀ ì Tààta, à ki teɗ rirèsàg ɗii, nnyɛɛ ri lɛ à yù a lɔ̀ŋkɛm̀.

1 KƆ̀RƐ̀ŊTYƐŊ 2:12

Ɓi ɓɛg ànɛ a lɔ̀ŋkis, àa ǹghay wu ɓi ziinɛ wɛɛ̀wu tì tekà, lɔŋ Nghay ànɛ à rìì yɛ̀ɛ Bɛ̀ll lɛ di ti yi ɓyom ɓi Bɛ̀ll à faghà ɓìsi ɓi geesɛ̀n yìì.

1 KƆ̀RƐ̀ŊTYƐŊ 2:13

Nni ɓìsii yin ɓiì kpaakpaa kiɓan ki rì jɛ̀ɛ̀ yi tì teriì ɓi ɗyomzɛ̀n ɗi ɓum; ti kpaakpaa lɔŋ kɔ rì jɛ̀ɛ̀ yi Ǹghay a rèresi ɓisi, tì ki rèresi ɓumɓɛ ɓɛ ri rì Ǹghay ànɛ̀n ɓɛ̀saaɗ ɓɛ ɓi ɓìɓan ɓi ɓi Nghay lɛ tɛntɛ̀ɛ̀n.

2 KƆ̀RƐ̀ŊTYƐŊ 1:21

Roànɛ à ti à kìlàg lɛ ti siìrɛn ɓi Kiris ǹɗaŋ ri mìni, roànɛ à siŋìghà ɓìsi mɔ̀ɔ mɛ lɛ tì rì ɓum ɓii yɛɛ ri Bɛ̀ll nyimiɗ.

EFÈZYƐŊ 4:21

di ɓì ki wokà di ɓɛɛ̀ kpaakpaa kiɓan kii, ki ki ɓa lɛ nyi nnɛ ɓɛ resìghà mìni, lɔŋ yɛ̀ɛ saaɗ ànɛ ɓi Yeesus à rì.

KÒLÒSYƐŊ 2:6

Fɔlɔɔ nnɛ yɛ̀ɛ ɓì tekà Yeesus Kiris lɛ Kan wìn, ghɛɓina min cɛɓ ki ɓumɓɛ ɓɛ ri ɓɛ̀ ràrɛn ɗi nyi.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

TÈSÀLÒNÌSYƐŊ 4:9

Ki ghɛɓsii ɓi com lɛ ti kaǹ mìni kìɓan ki ǹkɔ̀nɛ̀n à rìgeni, ɓisuulɛ Bɛ̀ll nyimiɗ a rèsàkà mìni kìɓan ki ɓi ǹkɔ̀nɛ̀n ànɛ à ghɛ̀ɛ̀sɛɛ kì ɓaà ɓi nyìinyìm wìn.

TIMOTE 2:7

Kìɓan kiǹ kɛɛ̀ki ɓɛ rɛsìghà mɛ̀ miì lɛ mɓa ǹghagsì-ɓɔlɛ rì ǹkɛ̀nì-fìtom anɛ miì. Nkpaakpaa saaɗ, m̀pwàa ɓi, ǹɗì ǹɗèsàg à ɓumɓɛ ɓɛ yin Ɓɛ̀yudɛ̀n, ànɛ a rèresi ɓɔ rìgherɛ̀n, rì saaɗ.

1 PYƐƐRI 1:23

Mìni ɓɛ ɓì tekà ɓi cɛɓ ki nyɔn ɓi boo ìnɛ ì rì lɛ ì ɓwɛ̀y, kìɓan kifog ìnɛ ì yin lɛ i ɓwɛ̀y ɓì tekà lɔŋ kɔ rì jɛ̀ɛ̀ ì Bɛ̀ll ìnɛ ì rì cencem, ì ɓa tì fìɗyàɓ fikɔ̀ɔ̀;

1 ZYAŊ 2:28

Ɓigomìnɛ, mìni ɓɔn ɓɛm, ɓaana lɔŋ ɓɛràrɛn ɗi Kiris lɛ yɛ̀ɛ à rì ɓiì yùu, ti ɓa kɛ̀ɛ̀ ìris, tyɛ̀ ki wog ntoòrìɗ ɓi mis mii ŋwosi risugtìì ɗii.

1 ZYAŊ 3:24

Ŋwaànɛ à ti à ɓègì ɓìdɔ̀gsɛna ɓi Bɛ̀ll à rì lɔŋ nɗàrɛn ri Bɛ̀ll, Bɛ̀ll girig ǹɗàrɛn ri nyi. Com ki tì ti tì yilàg miì lɛ, Bɛ̀ll à rì a lɔ̀ŋkis kɛɛ̀kìn; tì ki ti tì yilàg fɔlɔɔ lɛ Kìtɛntɛ̀ɛ̀n ki Nghay ki à faghà ɓìsi.

2 ZYAŊ 1:2

lɛ saaɗ ànɛ à rì ɓi ɓìsi, ànɛ à ki rì ɓiì kɔ̀rii a lɔ̀ŋkis fiɗyàɓ fikɔ̀ɔ̀.