1 ZYAŊ 2:25 - Bafia Nouveau Testament

²⁵ Nni ǹkàg wu à faghà ɓìsi wɛɛ ri lɛ, cɛɓ ki fiɗyàɓ fikɔ̀ɔ̀.

1 ZYAŊ 2:25 ပူးပေါင်းရင်းမြစ်များ

LUKAS 18:30

à rɔɓ lɛ à fɔ̀ni ɓi à cee lèg ànɛn ɓi cààmɛ̀n ki, à ki fɔ̀ɔ̀di cɛɓ ki fiɗyàɓ fikɔ̀ɔ̀ ɓi mɛ̀ru mɛ mɛ riì, à yin.

ZYAŊ 10:28

Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 12:50

Fɔɔnnɛ ǹ-yii lɛ ǹsiŋdɛn wii wu ri cɛɓ ki fiɗyàɓ fikɔ̀ɔ̀. Nni ɓìɓan ɓi nkpaakpàà, mɛ̀ɛ nkpaakpaa lɔŋ ɓyɔ yɛ̀ɛ Tààta à kalìghà mɛ̀ lɛ ǹkpaà.

ZYAŊ 3:15

lɛ di mum ǹcèm ànɛ à gherɛɛ nyi, à ɓa rì cɛɓ ki fiɗyàɓ fikɔ̀ɔ̀.

ZYAŊ 5:39

Ɓi fifiɓi mɛkànì mɛ kaàtà à Bɛ̀ll, lɛ ɓi fèfeg lɛ ɓi mɛ̀kànì mɛǹ nnɛ ɓì rì ɓiì ɓaà rì cɛɓ ki fiɗyàɓ fikɔ̀ɔ̀. Mɛ̀kànì mɛǹ mɔ yɛɛ̀ ki rèresi kiɓan kɛm̀.

ZYAŊ 6:27

Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

ZYAŊ 6:47

Ǹkpaa mìni kɔɔ̀kɔɔ̀ à rìkpaa lɛ ŋwaànɛ à gherɛɛ mɛ̀, à rì rì cɛɓ ki fiɗyàɓ fikɔ̀ɔ̀.

ZYAŊ 6:54

Ŋwaànɛ à ɗii nyoo yɛ̀m, à ki nɔ bwaɓ yɛm̀, à rì rì cɛɓ ki fiɗyàɓ fikɔ̀ɔ̀, ǹɗì ɓiì ki ghèmzii nyi ɓi siitòn a ŋwos.

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

GÀLAT 6:8

Ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ kɔ̀ngi mɛmùù, ɓìɓan ɓiǹ ɓi ki lɛ a ɓumi rìwu; wɔ̀lɛ ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ̀ kɔ̀ngi Nghay, Nghay à kì lɛ a ɓumi cɛɓ ki fiɗyàɓ fikɔ̀ɔ̀.

TIMOTE 1:16

Wɔ̀lɛ Bɛ̀ll à wokà mɛ̀ nyìinyìg lɛ di Yeesus Kiris a resi rìnìɗ ɗii ɗi nɗem ɓi mɛ̀ fɛlɛ yɛ̀ɛ ǹkìì-kìɓe à ǹtonto, fɔɔnnɛ kìɓan kiǹ ki ɓiì ɓaà kìrèmzɛnà ɓisuu ɓumɓɛ ɓɛ ri ɓiì gherɛɛ nyi lɛ ɓɛɛ teɗ cɛɓ ki fiɗyàɓ fikɔ̀ɔ̀.

TIMOTE 6:12

Ɗùùya syeesyee à wɛ̀y a rìgherɛ̀n, ù ɓan cɛɓ ki fiɗyàɓ fikɔ̀ɔ̀ ki Bɛ̀ll à reŋìghà wɔ̀ lɛ u teɗ, cɛɓ kìn kɛɛ̀ki ù tòòghrɛ̀ngà ɓìsyeesyee ɓi ɓitòkì miì, ɓi mis mɛ ɓum lɛɛ̀gwey yɛ̀ɛ ù rèsìghà rìgherɛ̀n ɗyɔɔ.

TIMOTE 6:19

fɔlɔɔ nnɛ ɓɛ ri ɓiì taŋzɛɛ ikum wu wu rɔɔtɛɛ wu ki kpegmɛn ɓisuu cɛɓ ki kɛɛ̀ yùyuiy, fɔɔnnɛ ɓɛ ri ɓiì terì kɔɔ̀kɔɔ̀ à cɛɓ.

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

Kaàtà ànɛ Pol à kàngà TIT 3:7

lɛ di ti ɓa rì gàɓ ɓi dyàɓɛn i cɛɓ ki fiɗyàɓ fikɔ̀ɔ̀, yɛ̀ɛ geesɛ̀n yìì i mɛ kì lɛ ti ɓa lɛ saaɗ ɓi mis miì.

1 ZYAŊ 1:2

Yɛ̀ɛ cɛɓ ki resɛ̀ngày, ɓìsii ghɛngà kɔ; fɔɔnnɛ ti kpaakpaa mini kìɓan ki miì, tì ki ghagsi mini ɓɔlɛ à cɛɓ ki fiɗyàɓ fikɔ̀ɔ̀ ki ki ɓaghà jàŋbog rì Seŋi, cɛɓ kìn kɛɛ̀ki ɓɛ resìghà ɓìsi, lɛ ti yi kɔ.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

ZYUUDƐ 1:21

Kɛ̀ɛna asu ɓì kɔ̀kɔ̀rì lɔŋ ɓi nkɔ̀nɛ̀n à Bɛ̀ll ɓiɗùm, ɓì ɓoŋɓòŋ yɛ̀ɛ Kan wìs Yeesus Kiris à rì mìni ɓiì woògh nyìighnyìg, à fa mìni cɛɓ ki fiɗyàɓ fikɔ̀ɔ̀.