အွန်လိုင်း သမ္မာကျမ်းစာ

« အရင်

နောက်တစ်ခု »

1 ZYAŊ 2:20 - Bafia Nouveau Testament

²⁰ Ɓi ɓɛg ànɛ a lɔ̀ŋkin, ɓì mɛ teɗ Kitɛntɛ̀ɛ̀n ki Nghay ki Kiris à sààtìghà ɓi mìni, fɔlɔɔ nnɛ ɓì mɛ yi saaɗ ɓɛ̀sɛ̀ɛ̀ ɓɛ̀cèm.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

1 ZYAŊ 2:20
28 ပူးပေါင်းရင်းမြစ်များ

MATYOO 13:11

Yeesus à ɓàg ɓɔ lɛ: Ntòtog ri ɓɔ ɓi dàɗkì lɛ mìniìɓɛ ki ri kì fayɛn lɛ ɓi yi ɓìɓan ɓi ɓi kìlɔ̀ŋ ki aɗyoo ɓi ɓi ri ɓìnyamɛn, wɔ̀lɛ ɓi ɓɛg wàa, ki yin ɓɔ kì fayɛn lɛ ɓɛɛ yi ɓìɓan ɓiǹ.

အခန်းကိုကြည့်ပါ။

MARIKUS 1:24

Fɔɔnnɛ ŋwaànɛ̀n à syangà jɛ̀ɛ̀ aɗyoo lɛ: Ki rì wɔ̀ la ri ɓìsi, Yeesus ànɛ a Naazarɛt! wàa yùu yì fɛ lɛ u cuùsi ɓìsi? Mɛ̀ ǹkonaagh ki yiì rìkuu ɗi mum ɗi ù rì; wɔ̀ yɛɛ ri roànɛ à rì ǹtɛnɛn, lɛ Bɛ̀ll yɛɛ romiì wɔ̀.

အခန်းကိုကြည့်ပါ။

LUKAS 4:18

Nghay à Kan à rì ɓi mɛ̀ ɓisuulɛ à ɓɔngà mɛ̀ à siŋì mɛ̀ mɔ̀ɔ lɛ ǹkakàlì ɓɛ̀yɛɓàyɛɓa Syeesyee à Ɓɔlɛ, à rom mɛ̀ lɛ, nghagsi ɓum ɓɛ naà-zày lɛ: ɓɛ ɓiì kpagii naà-zày; à rom dì mɛ̀ lɛ, ǹkpaà ɓɛ̀ɗyaŋɗyàŋ lɛ ɓɛ ri ɓiì ghɛnɛɛ ti; ɓumɓɛ ɓɛ̀ro ɓum ɓɛɛ̀ kìki mɛtɔɓ m̀pisì ɓɔ ɓi mɛ̀tɔɓ,

အခန်းကိုကြည့်ပါ။

LUKAS 4:34

Aàgh! Yeesus ànɛ a Naazarɛt, ki ri wɔ̀ la ri ɓìsi? Ù yuuyì kɔ̀m fɛ lɛ u cuusi ɓìsi? Mɛ̀ ǹ-yii lɛ ù rì roànɛ à rì ǹtɛnɛn, ànɛ Bɛ̀ll à romiì.

အခန်းကိုကြည့်ပါ။

ZYAŊ 14:26

Kìɓan kifog m̀maasì mɛ̀rem ànɛ à rì Kìtɛntɛ̀ɛ̀n ki Nghay ki Tààta à ɓiì romìì ɓi ɗii ɗyɛ̀m, yɛɛ ri mìni ɓiì rèsaagh ɓiɓan ɓìcèm, à ki kì lɛ, ɓi yiti ɓìɓan ɓìcèm ɓi ǹkalìghà mìni.

အခန်းကိုကြည့်ပါ။

ZYAŊ 16:13

Lɔŋ yɛ̀ɛ Nghay à ɓɛ̀kɔɔ̀kɔɔ̀ ɓɛ ɓiɓan a ri yù, à ri rèsi mini saaɗ bimiɗ. Lɛ, àa kpaa ɓi mini ɓìɓan ɓi nyimiɗ yɛɛ ɓekii lɛ a kpaà, à rì lɔŋ mini ɓiì kpaà ɓìɓan ɓìcèm ɓi à woogh, à ki kpaa mini ɓìɓan ɓi ɓi ghɛɛ̀sɛɛ kì kìlɛɛ ɓi mɛ̀ru mɛ asu.

အခန်းကိုကြည့်ပါ။

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

အခန်းကိုကြည့်ပါ။

MƐ̀KÌKÌÌ MƐ ƁƐKƐ̀NÌ-FÌTOM 3:14

Ɓìi nɗoòzɛɛ roànɛ àa nɗì ǹtɛnɛn à ki ɓa ti lɛ saaɗ, ɓi tɔg Pilat lɛ a caɗ roànɛ àa nɗì ǹwolì-ɓum.

အခန်းကိုကြည့်ပါ။

1 KƆ̀RƐ̀ŊTYƐŊ 2:15

Kìɓan kifog ŋwaànɛ àrì rì Nghay à Bɛ̀ll à ti à yɔ̀mgì ɓyom ɓìcèm; mum à ki yin lɛ à yɔ̀m nyi.

အခန်းကိုကြည့်ပါ။

EBIREEGH 1:9

Ù keesìghà saaɗ, ù ɓèèzɛ̀n kìɓe kìɓan kiǹ kɛɛ̀ki wɔ̀ Bɛ̀ll, Bɛ̀ll wɔ̀ɔ̀ a mɛ ɓɔ̀n wɔ, à siŋì wɔ̀ mɔ̀ɔ mɛ nnyaasɛ̀n à càɗ ɓɛ̀roŋkàŋ.

အခန်းကိုကြည့်ပါ။

EBIREEGH 8:11

Àdɛŋ àa ɓa ti ɓi lɛ à rèsì maaseŋi à kìlɔ̀ŋ, nsoò lɛ geni lɛ, a yi lɛ ǹɗì Kan; ɓisuulɛ, ɓɛ̀sɛ̀ɛ̀ ɓɛ̀cèm ɓɛ ri mɛ̀ ɓiì yiì, à tumɛ̀n ɓi ɓɔɔ ɓɔɓti à kpaŋ ɓi ɓɛ̀sɛ̀ɛ̀mɛn.

အခန်းကိုကြည့်ပါ။

1 ZYAŊ 2:27

Ɓi ɓɛg wìn, Kiris à miskà Nghay wìì ɓi mìni; fɔɔnnɛ ɓì yiìdi ri zày ì rìrèsàg ɗi ŋwaàɗɛŋ ɓisuulɛ Nghay wìì a rèresi mini ɓìɓan ɓicèm; rìrèsì ɗii ɗi ri lɛ saaɗ, ɗi yin ɓɛpwàà, kìɓan kiǹ kɛɛ̀ki ɓì ghɛɛ̀sɛɛ kì woògh rìrèsì ɗi Nghay, ɓì ɓa ɓɛ̀ràrɛn ɗi Kiris.

အခန်းကိုကြည့်ပါ။

1 ZYAŊ 4:13

Com ki tì ti tì yilàg miì lɛ, tì rì ɓɛ̀ràrɛn ɗi nyi, nyi ǹɗàrɛn ri ɓìsi ki ri lɛ; à faghà ɓìsi Ǹghay wìì,

အခန်းကိုကြည့်ပါ။

ZYUUDƐ 1:5

Mìni ɓɛ ɓì yii ɓìɓan ɓiǹ ɓìcèm lɛ kɔɔ̀kɔɔ̀, nkɔ̀nkɔn lɛ n-yiti mìni lɛ, Kan à ɓaghà lɛ à mɛ kwèɗ yi kìlɔ̀ŋ ki Isirayɛl a Egiɓtɛn, fɔɔnnɛ à cuusìghà ɓumɓɛ ɓɛ ɓengà nyi kìgherɛɛ.

အခန်းကိုကြည့်ပါ။

ÀPÒKÀLIƁSƐ̀ 3:7

Kàna ŋwaà-fìtom anɛ ɓi Kìseŋi ki a Filadɛlfii lɛ: Roànɛ à rì lɛ nyi ǹtɛnɛn, nyi lɛ saaɗ, ànɛ à ki ɓanɓani fìɗìɓà fi Davit, nyi yɛɛ ri lɛ, i à ŋwàri, ŋwaàdɛŋ à yin lɛ à sìm, i à ki sìmi, ŋwaàdɛŋ kɛ̀ɛ ŋwàɗ, a kpaaghi lɛ:

အခန်းကိုကြည့်ပါ။

ÀPÒKÀLIƁSƐ̀ 4:8

Nyàm yi kinìn yiǹ yi ɓalàkà lɛ, nyàm bog mɛ̀keɓ taàfog, yɔ̀ mis nyoo bimiɗ lɛ rì ɓi ɗùm, rì ɓi ɓyàs. Fɔɔnnɛ yɛ̀ɛ ìru yɛ̀ɛ ŋwos, ɓɛ fɔli ɓi rikakàlì lɛ: Kan Bɛ̀ll à ìtèɗ wucèm à rì ǹtɛnɛn, à rì ǹtɛnɛn, à rì ǹtɛnɛn, Bɛ̀ll ànɛn yɛɛ, ɓaghà nnyɛɛ ri nnyɛɛ̀ ki yùyuiy.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ