1 ZYAŊ 2:13 - Bafia Nouveau Testament

¹³ Ɓɛ̀seŋi ɓɛ̀m, ǹkàni mìni ɓisuulɛ ɓì yii roànɛ à ɓaghà à tumɛ̀n a rìtumɛ̀n; ǹkàn mìni ɓɛ̀dɛlì, ɓisuulɛ ɓì mɛ yag ghèghey à mum. Ǹkàni mìni ɓɔɔɓɔɓti ɓisuulɛ ɓì mɛ yi roànɛ à rì Seŋi.

1 ZYAŊ 2:13 ပူးပေါင်းရင်းမြစ်များ

MATYOO 11:27

Seŋi wɛ̀m à faghà mɛ̀ ɓìɓan ɓicèm; ŋwaàdɛŋ à yii ɓi Man i ki yin lɛ Seŋi, ŋwaàdɛŋ kɛɛ ki yi Seŋi i ki yin lɛ Man, ǹsòò lɛ ŋwaànɛ ki kɔni Man lɛ a resi nyi Seŋì.

MATYOO 13:19

I ŋwaà woogh di ɓɛɛ̀ kakali kìɓan ki kilɔ̀ŋ ki aɗyòò, à rɔ̀ɓ kɛ̀ɛ yi com ki ɓɛɛ̀ kpaakpàà: Ghèghey à mum à yù kì pisii boo ìnɛ ɓaa mìsi ɓi nɗem wu ŋwaànɛ̀n; ŋwaànɛ̀n à rì fɛlɛ yɛ̀ɛ boo ìnɛ ì kpìghà ɓi bee aɗyoo.

MATYOO 13:38

Ziinɛ yɛ̀ɛ ri dɛm inɛ̀n; syeesyee à boo à rì ɓumɓɛ ɓɛ wooghrɛɛ rì kìlɔ̀ŋ ki aɗyoo; boo ì kìɓeɓtàg ki caaɓi ì rì ɓɛ̀roɓɛ ɓɛ wooghrɛɛ rì Ghèghey à mum.

MATYOO 5:37

Ki ghɛɛ̀sɛɛ lɛ, i ɓì kpaa lɛ, ɛ̀ɛ̀ ki ɓa lɛ ɛ̀ɛ̀, i ɓì kpaa lɛ àg, ki ɓa loŋ lɛ àg, lɛ jɛ̀ɛ̀ yimbog yi yi ɓiì wòŋwoŋi ti foo, yi riì yɛ̀ɛ Satàn.

LUKAS 10:22

Seŋi wɛ̀m à faghà mɛ̀ ɓìɓan ɓìcèm, fɔɔnnɛ ŋwaàdɛŋ à yii ɓi ghɛn yɛ̀ɛ ri lɛ Man i ki yin lɛ Tààta rì ghɛn yɛɛ ri lɛ Tààta, i ki cee ɓi lɛ Man, rì roànɛ Man à rèsii Tààta.

ZYAŊ 14:7

I ɓyàa yi mɛ̀, di ɓì rì lɛ ɓì yi Seŋi wɛ̀m. Nni à tumɛ̀n ɓigomìnɛ, ɓì yii nyi, ɓì mɛ ki ghɛn nyi.

ZYAŊ 14:9

Yeesus à kpaa nyi lɛ: Filiɓ, fìɗyàɓ fi maà ɓa rì mìni, ù ka yighà ɓi mɛ? Ŋwaànɛ à mɛ ghɛn mɛ, à mɛ ghɛn Tààta, nni lannɛ ù kpaa lɛ rèsi ɓìsi Tààta?

ZYAŊ 16:3

Ɓɛ ri ɓiì kìkii fɔlɔɔ lɛ, ɓɛ yighà ɓi Tààta, ɓɛ̀ kɛɛ̀ ki yi mɛ.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

ZYAŊ 17:21

M̀ɓɔ̀ŋzii wɔ̀ lɛ ɓɛɛ ɓa ɓɛ̀ràrɛn kìbyɔg kìfog Tààta, yɛ̀ɛ ù rì ɓi mɛ̀, mɛ̀ ɓi wɔ̀, kìya lɛ ɓɔ girig ɓɛɛ ɓa ɓɛ̀ràren ɓi ɓìsi di fɔɔnnɛ ziinɛ yɛ̀ɛ gherɛn lɛ, wɔ̀ yɛɛ romgày mɛ̀.

ZYAŊ 17:3

Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

ZYAŊ 8:19

Nni ɓɛ kpaaghà nyi lɛ Soŋi à rì fe? Yeesus à ɓàg ɓɔ lɛ: Ɓì yii ɓi mɛ, ɓyɛ̀ ɓi ki yi Seŋi wɛ̀m, i ɓyàa yii mɛ̀, di ɓì rì lɛ ɓì yi girig Seŋi wɛ̀m.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

TIMOTE 5:1

Kɔ̀ɔ fwààdag kitùg ki mum, kìɓan kifog ki ghɛɛ̀sɛɛ lɛ ù reɓ nyi lɔŋ yɛ̀ɛ soŋi; ù reɓkì ɓɛ̀dɛlì lɔŋ yɛ̀ɛ ɓɛ̀goni,

Kaàtà ànɛ Pol à kàngà TIT 2:6

Rereɓ girig ɓɛ̀dɛlì lɛ ɓɛɛ ɓa rì ɗyomzɛ̀n ɓi ɓìɓan ɓìcèm.

1 ZYAŊ 1:1

Tì kàni mìni kìɓan ki jɛ̀ɛ̀ ì cɛɓ ìnɛ ì ɓaghà, a rìtumɛ̀n ɗi ɓyom ɓìcèm; tì wokà yɔ̀ di yɛɛ̀ tòtòg, tì ghɛn yɔ̀ ri mis, tì sìŋì yɔ̀, tì ki kòm yɔ̀ ri ɓyàg ɓis.

1 ZYAŊ 2:1

Ɓɔn ɓɛm, ǹkàni mìni kìɓan ki lɛ, di kɛ̀ ɓi kì kiɓe; wɔ̀lɛ i ki kpaŋi lɛ wààdɛŋ ù kìi kìɓe, tì rì rì ŋwaànɛ a kamɛn ɗì ɓìsi jàŋbog rì Tààta, nnyɛɛ ri Yeesus Kiris ànɛ à rì saaɗ à mum.

1 ZYAŊ 2:12

Ɓɔn ɓɛm, ǹkàni mìni ɓisuulɛ ɓìɓe ɓin ɓi ti ɓì càrɛn ɓi ɗii ɗìì.

1 ZYAŊ 2:14

Ǹkàni mìni ɓɛ̀seŋi, ɓisuulɛ ɓì yii roànɛ à ɓaghà à tumɛ̀n a rìtumɛ̀n; ǹkàn mìni ɓɛ̀dɛlì ɓisuulɛ ɓì tèèsɛɛ, jɛ̀ɛ̀ ì Bɛ̀ll ì ɓa mìni ɓi mɛ̀rem, rì tì lɛ ɓì mɛ yag ghèghey à mum.

1 ZYAŊ 3:12

Tì ghɛ̀ɛ̀sɛɛ ɓi ki pisɛɛ Kayin ànɛ à ɓaghà ɓi kìkàmì ki ghèghey à mum, nnyɛɛ wolà geni. À wolà nyi lɛ cɛ? Lɛ mɛ̀kìkìì mɛ geni mɛ ɓaghà lɛ saaɗ, mɛŋkii mɛ̀ kɛɛ̀ rɔɔtɛn.

1 ZYAŊ 4:4

Mìni ɓɔn ɓɛm, ɓì rì ɓɔn ɓɛ Bɛ̀ll, ɓì mɛ yag ɓumɓɛ̀n ɓisuulɛ, Nghay wu wu ri ɓi mìni wu teèsɛɛ wu cee wu wu ri ɓi ziinɛ.

1 ZYAŊ 5:18

Tì yii lɛ mum ǹcèm ànɛ à rì Man à Bɛ̀ll, à ti kɛ̀ɛ kì ti kiɓe kìɓan kifog roànɛ à fuughày yɛ̀ɛ Bɛ̀ll, Bɛ̀ll a ɓèŋɓeŋ nyi, fɔɔnnɛ ghèghey à mum à yin lɛ à kɔ̀m nyi.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.

ÀPÒKÀLIƁSƐ̀ 2:7

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali Ɓiseŋi ɓi Kiris, ŋwaànɛ à rì ɓiì yagsaagh innɛ ǹɗì ɓiì faà kìɗùn ki kite ki cɛɓ ki ki ri ɓi pàràɗis à Bɛ̀ll.