1 ZYAŊ 1:8 - Bafia Nouveau Testament

⁸ I tì kpaa lɛ, tì yin ɗi ɓìɓe, di tì pwààrɛɛ ɓìsiìɓɔmiɗ, saaɗ kɛ̀ɛ ki ɓa a lɔ̀ŋkis.

1 ZYAŊ 1:8 ပူးပေါင်းရင်းမြစ်များ

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

RÒMƐŊ 3:10

Lɔŋ yɛ̀ɛ ki ri kìkànɛn lɛ: Ŋwaà saaɗ à yin lɔŋ nsoò bog,

RÒMƐŊ 3:23

ɓisuulɛ ɓɛ̀sɛ̀ɛ̀ ɓɛ̀cèm ɓɛ kighà kìɓe fɔlɔɔ nnɛ ɓɛ yin lɛ ɓɛ wuɓsɛ̀n rìkem ɗi Bɛ̀ll.

1 KƆ̀RƐ̀ŊTYƐŊ 3:18

Mum kɛ̀ɛ pwààrɛn, i ŋwaàdɛŋ ànɛ ɓi mìni a fèfeg lɛ nyii ri rì ɗyomzɛ̀n ɗi ɓi ziinɛ, à ghɛ̀ɛ̀sɛɛ ki ghalì kìyèg lɛ di a ɓa min ɗi ɗyomzɛ̀n.

GÀLAT 6:3

I mum à terɛɛ nyimiɗ lɛ bimiɗ à mum, kɔlɛ à yin com, di à pwààrɛɛ nyimiɗ.

TIMOTE 6:5

rì nyoey yi yɛ̀ kɛɛ̀ ren ɓi nyìinyìm à ɓumɓɛ mɛ̀yitì maa mɛ ti ɓigɛŋ, ɓɛ̀ kɛɛ̀ yi saaɗ, ɓɛ ki fèki lɛ rìfalɛ̀n ɗi ɓi rìgherɛ̀n ɗi ri kìɓan ki mum à rì lɛ à fɔ̀nfɔ̀n miì.

2 TIMOTE 3:13

Kìɓan kifog ɓìɓeɓtàg ɓi ɓum rì ɓɛ̀pwààpwaà ɓɛ ri ɓiì kɛ̀nkɛni lɔŋ beèbɛ̀y ɗì rìkìkì ɗi kiɓe, ɓɛ naànààzì ɓum bee lɛ ɓɔmiɗ ɓɔɔ ka rì ɓɛ̀ɗimɛn bee.

ZYAG 1:22

Kìina ɓìɓan ɓi jɛ̀ɛ̀ ì Bɛ̀ll yɛɛ̀ kpaakpàà, kɛ̀ ɓi rɔ̀ɓ lɔŋ lɛ rìwowòg ɗi jɛ̀ɛ̀ ìnɛ̀n ɗyɔ rì ɗyɔ, ɓì pwààpwààrɛ̀n mìniìɓɔmiɗ ri ɓɛ̀fèg ɓɛ ɓɛ ri ɓìtɛ̀ŋtɛ̀ŋ.

ZYAG 1:26

I mum a fèfeg lɛ à rì mum à rìgherɛ̀n kɛ̀ɛ ki ɓèŋ rìlemàg ɗii, kìɓan kifog à yèèghyègsì ǹɗem wii, rìgherɛ̀n ɗi ŋwaànɛ̀n ɗi ghɛɓsii ɓi com.

ZYAG 3:2

Ɓìsiìcèm tì ti tì sɛ̀ràg ɓìɓan bee lɛɛ̀gwey; i mum à ka nɛskà ɓi jɛ̀ɛ̀ di a tòtòg, di mum ànɛ̀n miì à rì lɛ sɛɛghisɛɛghi, à ki yi riɓan ɗi nɗem lɛ a lami nyoo yìì.

2 PYƐƐRI 2:13

Mɛlèɓ mɛ ɓi kìtɛ̀ŋtɛ̀ŋ mɛ ri ɓiì ɓaà lɛ kìtɛ̀ŋtɛ̀ŋ. Kìrɔɔ ki ɓɛ ri lɛ ɓɛ wog ki ri lɛ ɓɛɛ kiki ɓìɓeɓtàg ɓi ɓiɓan ɓi ɓi ti ɓi kɔngì ɓɔ rì ŋwos ɓi nto. Ɓɛ ti ɓɛ ɓutàg kɔm̀ ɗì mìni, ɓɛ teɗ gàɓ ɓi ɓìɗilàg ɓin ɓi rigeni, wɔ̀lɛ rìkɛ̀ɛ̀ ɗyaa ɗi ri ǹtoòrìɗ, ɗi ki ɓa kiɓan ki fiɓàg; ɓɛ ti ɓɛ nyaàràg rì m̀ɓɔ̀ŋɗɛ̀n ànɛ ɓɛɛ̀ ɓɔ̀ŋɓɔŋ ɓum.

1 ZYAŊ 1:10

I tì ki kpaa lɛ tì kìghà ɓi kiɓe, di tì ghaasii nyi pwààpwaà, jɛ̀ɛ̀ yìì yɛ̀ kɛɛ̀ ki ɓa ɓisi ɓi mɛ̀rem.

1 ZYAŊ 1:6

I tì kpaa lɛ, tì rì ɓɛ̀ràrɛn ɗi nyi, tì ki kɛ̀ɛ̀kɛɛ ɓi birìm di tì pwàa, tyɛ̀ ki ki kì yɛ̀ɛ saaɗ a kpaakpàà.

1 ZYAŊ 2:4

Ŋwaànɛ à kpaa lɛ, à mɛ yi Bɛ̀ll, kɛ̀ɛ ki ɓèŋ ɓidɔ̀gsɛna ɓii, à rì pwààpwaà, saaɗ kɛ̀ɛ ki ɓa a lɔ̀ŋkii.

1 ZYAŊ 4:20

I mum à kpaa lɛ: Ǹkeesii Bɛ̀ll nni à ɓèèzɛɛ geni, di à rì pwààpwaà, ɓisuulɛ, i mum à keesii ɓi geni ànɛ a seesèè, lannɛ à rì lɛ à keesì Bɛ̀ll ànɛ à ghɛɛ ɓi?

2 ZYAŊ 1:2

lɛ saaɗ ànɛ à rì ɓi ɓìsi, ànɛ à ki rì ɓiì kɔ̀rii a lɔ̀ŋkis fiɗyàɓ fikɔ̀ɔ̀.

3 ZYAŊ 1:3

Mɛ̀ɛ ǹnyààrɛɛ lɛɛ̀gwey yɛ̀ɛ ɓɛ̀geni ɓis ɓɛdɛŋ ɓɛ ɓi rìgherɛ̀n ɓɛ nkpaŋi fɛ, ɓɛ resì mɛ̀ lèg ànɛ ù rì ǹfalɛn ɓi saaɗ, rì yɛ̀ɛ wɔ̀ɔ ki ghɛghɛɓ cɛɓ ki saaɗ.